Fréttablaðið - 24.03.2003, Blaðsíða 4
SKOÐANAKÖNNUN Samfylkingin er
stærsti flokkur landsins og ríkis-
stjórnin kolfallin samkvæmt nið-
urstöðum skoðanakönnunar
Fréttablaðsins sem gerð var á
laugardaginn. Frjálslyndi flokk-
urinn fær 5 menn á þing.
Stjórnarflokkarnir fá saman-
lagt 28 þingmenn en stjórnarand-
staðan 35. Samkvæmt könnun-
inni geta aðeins Sjálfstæðisflokk-
urinn og Samfylkingin myndað
tveggja flokka stjórn saman.
Sjálfstæðisflokkurinn mælist
með 33,2% fylgi, sem er nokkru
lægra en fyrir viku þegar hann
var með 36,9% og töluvert undir
kjörfylgi flokks-
ins, sem er
40,7%. Sam-
kvæmt þessu
fær flokkurinn
21 þingmann, en
í dag er hann
með 25. Sjálf-
stæðisflokkur-
inn nýtur tölu-
vert meiri stuðnings meðal karla
en kvenna og hefur sterkari
stöðu í þéttbýli en á landsbyggð-
inni.
Framsóknarflokkurinn nýtur
stuðnings 11% þjóðarinnar og
fær samkvæmt því sjö menn á
þing. Þetta er langt undir kjör-
fylgi flokksins, en í síðustu kosn-
ingum fékk hann 18,4% og 12
þingmenn. Framsóknarflokkur-
inn sækir stuðning sinn nokkurn
veginn jafnt til karla og kvenna,
en staða hans í þéttbýli er áber-
andi slök.
Samfylkingin er stærsti flokk-
ur landsins samkvæmt niðurstöð-
um könnunarinnar. Hún nýtur
fylgis 38,3% þjóðarinnar og fær
24 þingmenn, en er í dag með 17.
Í síðustu viku mældist flokkurinn
með 35,9% fylgi og í kosningun-
um 1999 fékk hann 26,8% at-
kvæða. Samfylkingin hefur mjög
sterka stöðu á meðal kvenna og
staða hennar í þéttbýli er nokkuð
betri en á landsbyggðinni.
Hlutfallslega er Frjálslyndi
flokkurinn í hvað mestri upp-
sveiflu. Samkvæmt niðurstöðum
könnunarinnar nýtur flokkurinn
stuðnings 7,8% þjóðarinnar og er
á góðri leið með að tvöfalda kjör-
fylgi sitt, en hann fékk 4,2% í síð-
ustu kosningum. Þingflokkurinn
rúmlega tvöfaldast. Hann stækk-
ar úr tveimur í fimm. Frjálslynd-
ir virðast höfða frekar til karla
en kvenna og þá er staða
flokksins á landsbyggðinni tölu-
vert sterkari en í þéttbýli.
Vinstri grænir standa nokkurn
veginn í stað miðað við síðustu
könnun. Flokkurinn mælist með
9,4% fylgi, en var með 9% í síð-
ustu könnun og 9,1% í kosningun-
um 1999. Samkvæmt könnuninni
verður flokkurinn með 6 þing-
menn, eða jafnmarga og hann
hefur í dag. Líkt og Samfylkingin
njóta Vinstri grænir frekar
stuðnings kvenna en karla og er
staða flokksins örlítið sterkari á
landsbyggðinni en í þéttbýli, en
þar munar litlu.
Í könnuninni var hringt í 600
manns á landinu öllu og tóku
62,2% þeirra afstöðu.
trausti@frettabladid.is
4 24. mars 2003 MÁNUDAGUR
FJÖLDI
ÞINGMANNA
24. MARS
B 7
D 21
F 5
S 24
U 6
Ætlar þú að mótmæla innrás í Írak?
Spurning dagsins í dag:
Býstu við góðu veðri í sumar?
Niðurstöður gærdagsins
á www.frett.is
4%
50%Nei
46%
Veit ekki
Já
Kjörkassinn
Farðu inn á frett.is og segðu þína skoðun
frétt.is
NÆST Á DAGSKRÁ:
Framsögumenn:
– Hildur Skarphéðinsdóttir, leikskólaráðgjafi:
Leikskóli sem fyrsta skólastig
– Hervör Alma Árnadóttir, félagsráðgjafi:
Meðferð barna og unglinga
Kosningamiðstöð VG, Ingólfsstræti 5, Reykjavík
fimmtudagskvöld 20. mars kl. 20:30
Fundarstjóri: Grímur Atlason
ER ÍSLAND BARNVÆNT?
3. fundur
HLUTABRÉF Nýstofnuð Samtök
stofnfjáreigenda í Sparisjóði
Reykjavíkur gengust fyrir út-
hringingum til stofnfjáreigenda
um helgina. Reynt var að afla
fylgi við þá fyrirætlan nýju sam-
takanna að fulltrúar þeirra skipi
næstu stjórn sparisjóðsins, sem
kjörin verður á miðvikudag.
Pétur Blöndal alþingismaður
skipar efsta sæti lista nýju sam-
takanna. Pétur segir að hringt
hafi verið í þá 320 stofnfjáreig-
endur í SPRON sem skrifuðu und-
ir beiðni um stofnfjáreigendafund
í fyrrasumar. Undirtektir hafi
verið afar jákvæðar.
„Við munum einnig hringja í
aðra stofnfjáreigendur. Þó að sá
hópur hafi ekki skrifað undir í
fyrrasumar eru margir í honum
fylgjandi okkar sjónarmiðum um
að stjórn SPRON eigi að starfa
með hagsmuni stofnfjáreigend-
anna í huga,“ segir Pétur.
Að sögn Péturs gefst um 1.100
stofnfjáreigendum í SPRON nú
kostur á því í fyrsta skipti í 70 ára
sögu sparisjóðsins að kjósa sjóðn-
um stjórn. Þar sem farið verði
fram á hlutfallskosningu séu yfir-
gnæfandi líkur á því að nýju sam-
tökin eignist fulltrúa í stjórninni.
Sjálfur er Pétur efstur á fram-
boðslistanum. Með honum eru
Hildur Njarðvík, Þorvarður Elías-
son, Dögg Pálsdóttir og Sveinn
Valfells. ■
VEÐUR Búast má við skúrum eða
éljum síðdegis í dag, suðvestanátt
með 13-18 metrum á sekúndu. Hiti
verður á bilinu fjögur til níu stig.
Samkvæmt langtímaspá Veð-
urstofu Íslands verður suðvest-
anátt á þriðjudag og miðvikudag,
víða 10-15 metrar á sekúndu og
él. Hægari vindur og léttskýjað
verður þó norðaustan- og austan-
lands. Hiti verður frá frostmarki
til sjö gráður. Hlýjast austan-
lands.
Á fimmtudag verður suðlæg
átt, 5-10 metrar á sekúndu. Bjart-
viðri norðaustan til en annars
skýjað og rigning eða slydda með
köflum. Hiti breytist lítið. ■
Óánægjan í SPRON:
Liðssöfnun
fyrir stjórnarkjör
PÉTUR BLÖNDAL
Ný samtök stofnfjáreigenda í SPRON segja að stjórn sjóðsins eigi að vinna með hagsmuni
eigenda sjóðsins í huga. Pétur Blöndal er efsti maður á lista samtakanna til stjórnarkjörs.
Lottó 5/38:
Einn vann
rúmar 20
milljónir
GETSPÁ Fyrsti vinningur í lóttó 5/38
á laugardag fór óskiptur á einn
einstakling. Vinningurinn, sem
var fjórfaldur, var upp á
20.641.980 krónur. Sex voru með
fjóra rétta og bónustölu og fengu
þeir 108.490 kr. á mann.
Eitt hundrað tuttugu og þrír
voru með fjóra rétta og fékk hver
8.460 kr. í sinn vasa.
Vinningstölurnar voru 3, 24,
26, 29 og 33. Bónustalan var 5.
Enginn var með 5 rétta í
Jókernum og gekk því 1,5 milljón
króna ekki út í það skiptið. ■
Tíu manns
handteknir í Kína:
Smygluðu
börnum
í töskum
PEKING, AP Lögreglan í Kína hefur
handtekið um tíu manns, grunaða
um að ætla að smygla 28 stúlku-
börnum og selja þau. Börnin fund-
ust síðastliðinn mánudag í áætlun-
arbifreið í sunnanverðu Kína, nán-
ar tiltekið í bænum Binyang í hér-
aðinu Guangxi.
Börnin fundust í töskum, sem
eru á stærð við dæmigerðar
íþróttatöskur. Héraðsblöð hafa
skýrt frá því að ekkert barnanna sé
eldra en þriggja mánaða. Eitt
þeirra lést eftir að þau fundust.
Eitt dagblaðanna hélt því fram
að barnaræningjarnir hafi gefið
börnunum lyf til að koma í veg fyr-
ir að þau grétu á ferðinni.
Misjafnlega hefur gengið að
hafa uppi á foreldrum barnanna.
Sumum þeirra hefur verið rænt, en
svo virðist sem sum þeirra hafi ver-
ið yfirgefin af foreldrum sínum. ■
kosningar 6. jan 13. jan 20. jan 27. jan 3. feb, 10. feb 17. feb 24. feb 3. mars 10. mars 17. mars 24. mars
Ríkisstjórnin
er kolfallin
Frjálslyndi flokkurinn fær fimm menn á þing samkvæmt nýrri
skoðanakönnun Fréttablaðsins. Stjórnarflokkarnir fá aðeins 28 þing-
menn. Samfylkingin er stærsti flokkurinn með 24 þingmenn.
Himinlifandi
„Mér líst alveg fantavel á þetta,“
segir Guðjón Arnar Kristjánsson,
alþingismaður og
formaður Frjáls-
lynda flokksins.
„Þetta er ótrúleg og
mjög ánægjuleg nið-
urstaða. Það getur
vel verið að öll þjóð-
in sé ekki sammála
okkur en það er góður hluti sem
tekur undir okkar mál.“
Hvergi bangnir
„Þetta kemur mjög á óvart. Það er
spurning hvort stríðið í Írak hafi
eitthvað um þetta að
segja,“ segir Gunn-
ar I. Birgisson,
þingsmaður Sjálf-
stæðisflokks. „Við
erum hvergi bangn-
ir og höldum okkar
striki. Það er lands-
fundur í næstu viku. Þá fær fólk
að sjá meira af því sem við ætlum
að gera á næsta kjörtímabili.“
Bjartsýnn og glaðbeittur
“Þetta sýnir að ríkisstjórnarblokk-
in er á miklu undanhaldi. Það hef-
ur glitt í þann
möguleika áður að
hún væri að falla og
þetta undirstrikar
það. Við sem höfum
frá upphafi stefnt
að því að fella ríkis-
stjórnina gleðjumst
yfir því,“ segir Steingrímur J. Sig-
fússon, formaður Vinstri grænna.
„Við ætlum okkur meira en þetta
og ég er sannfærður um að við
munum fá það.“
Stríðið í Írak kostar fylgi
“Fljótt á litið kemur það ekki á
óvart að stjórnarflokkarnir missi
fylgi í ljósi andstöðu
við innrás í Írak,“
segir Kristinn H.
Gunnarsson, for-
maður þingflokks
Framsóknarmanna.
„Frjálslyndi flokk-
urinn hefur bætt við
sig töluvert miklu fylgi frá síðustu
könnun. Samfylkingin er að bæta
við sig aftur og Frjálslyndir bæta
við sig. Það kemur dálítið á óvart
að Vinstri grænir bæti ekki við sig
sem neinu nemur.“
Einn valkostur
gegn ríkisstjórninni
„Ég gleðst yfir því að sam-
kvæmt þessum niðurstöðum er
ríkisstjórnin kol-
fallin. Það á hún
skilið,“ segir Öss-
ur Skarphéðins-
son, formaður
Samfylkingarinn-
ar. „Óneitanlega
er líka gleðiefni
hversu vel Samfylkingin stend-
ur en stuðningsmenn hennar
mega þó hvorki ofmetnast né
láta hendur síga því skoðana-
kannanir eru eitt og kosningar
annað. Þetta sýnir að eini val-
kosturinn gegn ríkisstjórninni
er Samfylkingin.“
■ Viðbrögð
Veðurhorfur næstu daga:
Skúrir eða él í dag
ROK OG RIGNING
Búast má við suðvestanátt og vætu næstu daga.
FRÉTTAB
LAÐ
IÐ
/RÓ
B
ERT