Fréttablaðið - 24.03.2003, Blaðsíða 15
JERÚSALEM, AP Ísraelskar hersveitir
handtóku háttsettan mann innan
Hamas-samtakanna auk þrettán
annarra Palestínumanna þegar
ráðist var að næturlagi í þorp og
borgir á Vesturbakkanum og Gaza-
ströndinni.
Sérsveitir umkringdu hús í
þorpinu Qalqiliya á Vesturbakkan-
um og handtóku Raed Hutri, sem
grunaður er um að hafa skipulagt
sjálfsmorðsárás fyrir utan nætur-
klúbb í Tel Aviv í júní 2001. Að
sögn palestínskra ráðamanna fékk
Hutri frænda sinn til þess að frem-
ja verknaðinn en þeir hafna því al-
farið að hann sé einn af leiðtogum
Hamas-samtakanna. ■
PRAG, AP Lögreglan í Tékklandi
ákvað að verða við kröfum fjár-
kúgara sem hótuðu að gera
sprengjuárásir ef þeim yrðu ekki
greiddar sem svarar um 26 millj-
ónum króna í beinhörðum pening-
um. Seðlunum var pakkað í litla
böggla og kastað úr þyrlu á 25
mismunandi stöðum í norðaustur-
hluta landsins.
Lögreglunni barst hótunarbréf
fyrir tveimur vikum og skömmu
síðar fannst sprengja undir
lestarbrú við borgina Olomouc.
Voru hótanirnar því teknar alvar-
lega og ákveðið að verða við kröf-
um fjárkúgaranna. Óstaðfestar
heimildir herma að hugsanlegt sé
að meðlimir í leyniþjónustu
Tékkóslóvakíu í valdatíð komm-
únista hafi staðið á bak við hótun-
ina. ■
MÁNUDAGUR 24. mars 2003
LÍFEYRISSJÓÐIR Hrein raunávöxtun
Lífeyrissjóðs Vesturlands, þegar
búið er að taka tillit til rekstrar-
kostnaðar, var neikvæð um 0,02%
á síðasta ári. Meðaltal hreinnar
raunávöxtunar fyrir árin 1998 til
2002 er 3,44%.
Í árslok 2002 var hrein eign til
greiðslu lífeyris tæpir 8,3 millj-
arðar en það er hækkun um 4,54%
á milli ára. Innlendar eignir sjóðs-
ins gáfu góða ávöxtun á árinu,
nafnávöxtun innlendra hlutabréfa
var 22,8% og raunávöxtun 20,3%.
Mikil lækkun varð á erlendum
hlutabréfamarkaði og það ásamt
styrkingu krónunnar er megin-
skýring slakrar ávöxtunar sjóðs-
ins á árinu. Iðgjöld ársins námu
485 milljónum, sem er 5,28%
aukning frá fyrra ári. Lífeyris-
greiðslur námu 283 milljónum,
sem er 13,16% hækkun frá fyrra
ári.
Tryggingafræðileg úttekt í lok
ársins 2002 sýnir að áfallnar
skuldbindingar sjóðsins eru 3,4%
umfram eignir. Heildarskuldbind-
ingar umfram eignir eru 6,4%.
Þetta er heldur verri staða en á ár-
inu 2001 en þá voru heildarskuld-
bindingar umfram eignir 2,2%.
Ársfundur Lífeyrissjóðs Vest-
urlands verður haldinn 29. apríl
næst komandi í Hótel Glymi á
Hvalfjarðarströnd. ■
Lífeyrissjóður:
Neikvæð ávöxtun
Lögreglan borgaði fjárkúgurum:
Hótuðu
sprengjuárásum
FÉLAGI KVADDUR
Ættingjar og vinir palestínsks lögreglumanns fylgja ástvini sínum til grafar í flóttamanna-
búðum á Gaza-ströndinni. Lögreglumaðurinn var skotinn til bana af ísraelskum hersveit-
um fyrr í vikunni.
Handtökur á Gaza og Vesturbakkanum:
Meintur
Hamas-leið-
togi í haldi