Fréttablaðið - 24.03.2003, Blaðsíða 8
8 24. mars 2003 MÁNUDAGUR
DOHA, AP Íraska sjónvarpið sýndi
í gær myndir af að minnsta kosti
fjórum líkum, sem sögð voru af
bandarískum hermönnum.
Einnig sáust fimm fangar, þar af
ein kona, sem einnig voru sagðir
bandarískir. Myndirnar voru
einnig sýndar á arabísku sjón-
varpsstöðinni al Djasíra, sem
sendir út frá Katar.
Fangarnir voru yfirheyrðir í
beinni útsendingu, þar sem þeir
sögðu til nafns, gáfu upp her-
deild og sögðu hvaðan úr Banda-
ríkjunum þeir væru.
Donald H. Rumsfeld, varnar-
málaráðherra Bandaríkjanna,
viðurkenndi í gær að allt að tíu
bandarískir hermenn væru
týndir í Írak. Hugsanlegt væri
að Írakar hefðu tekið einhverja
þeirra til fanga. Hugsanlega hafi
Írakar einnig komið höndum
yfir erlenda blaðamenn.
Írakar sögðust einnig hafa
skotið niður bandaríska flugvél í
nágrenni Bagdad. Fregnir bár-
ust af því að annar flugmanna
hennar hefði verið tekinn til
fanga, en þær fréttir voru
síðar bornar til baka. Vitað er að
Írakar gerðu mikla leit að flug-
mönnunum í Bagdad og ná-
grenni. ■
SKÝRT FRÁ HANDTÖKU STRÍÐSFANGA
Annar tveggja varaforseta Íraks, Taha Yassin Ramadan, hélt því fram í gær að Írakar hefðu
handtekið bandaríska hermenn.
■ Innrás í Írak/Mannfall
■ Innrás í Írak/Fangar
Bandarískir
fangar í Írak
ÓBREYTTIR BORGARAR Enginn veit
enn hve margir óbreyttir borgarar
hafa fallið eða særst í árásunum á
Írak.
Íraskar heimildir, sem vitnað
hefur verið til í vestrænum fjöl-
miðlum, segja að 77 óbreyttir
borgarar hafi fallið í Basra, næst-
stærstu borg Íraks. Þá hafa Írakar
haldið því fram að 250 óbreyttir
borgarar hafi særst í loftárásun-
um á Bagdad, þar af rúmlega 200
aðfaranótt sunnudags. Einnig hafa
borist fregnir af því að sprengjur
hafi fallið í skemmtigarði á vest-
urbakka árinnar Tígris, en ekki
fylgir sögunni hvort fólk hafi ver-
ið í garðinum. Ekkert af þessu hef-
ur fengist staðfest, frekar en venj-
an er í styrjöldum af þessu tagi.
Breski blaðamaðurinn Robert
Fisk er hins vegar staddur í
Bagdad og lýsir ástandinu í dag-
blaðinu The Independent. Í gær
sagði hann frá heimsókn sinni á
sjúkrahús í Bagdad.
„Donald Rumsfeld segir að
árás Bandaríkjanna á Bagdad sé
„nákvæmari loftárás en nokkru
sinni hefur þekkst,“ en hann ætti
að reyna að segja það við hina
fimm ára gömlu Doha Suheil,“
skrifar Fisk í grein sinni.
Sprengjubrot skutust í fætur
hennar og hrygg þegar flugskeyti
féll nálægt heimili hennar í út-
hverfi Bagdad. Hún er lömuð á
vinstra fæti.
Þarna á sjúkrahúsinu hitti Fisk
einnig fimmtuga bóndakonu, sem
var að heimsækja dóttur sína í
Bagdad þegar fyrsta bandaríska
flugskeytið kom þar niður. „Ég var
rétt að koma út úr leigubílnum
þegar það varð heilmikil spreng-
ing og ég féll niður og sá blóð mitt
út um allt,“ sagði konan við Fisk.
Hún er með ótalmörg sár á brjósti
eftir sprengjuflísar.
Í næsta herbergi eru tveir
drengir, ellefu og fjórtán ára. Þeir
fengu einnig sprengjubrot í fætur
og brjóst.
„Það er eitthvað sjúklegt og
klámfengið við þessar sjúkrahúsa-
heimsóknir,“ segir Fisk í grein
sinni og er ekki alveg sáttur við
hlutskipti sitt. „Við sprengjum.
Þau þjást. Síðan komum við að
taka myndir af særðu börnunum
þeirra.“
gudsteinn@frettabladid.is
Óstaðfestar fregnir
af mannfalli
Fullyrt er að tugir óbreyttra borgara hafi fallið í Basra. Einnig eru frétt-
ir af hundruðum særðra íbúa í Bagdad. Breski blaðamaðurinn Robert
Fisk heimsótti sjúkrahús í Bagdad.
AS SAYLIYAH, KATAR, AP Bandaríski
herinn átti síðdegis í gær aðeins
16 kílómetra eftir ófarna til
Bagdad, og hafði þá farið um 370
kílómetra inn í landið á 40
klukkutímum.
Bandaríski herforinginn John
Abizaid segir hersveitir Breta
og Bandaríkjamanna hafa mætt
harðri mótspyrnu við borgina
Nasiriyah í suðurhluta Íraks.
Íraskir embættismenn héldu
því fram í gær að 25 bandarískir
hermenn hefðu fallið í bardög-
um. ■
SÆRT BARN Í BASRA
Maður heldur á barni sem sagt var að hafi særst í árás bandaríska hersins á Basra.
AP
/N
AB
IL
RÝTINGSSTUNGA Í BAKIÐ Naji
Sabri, utanríkisráðherra Íraks,
sakaði Arabaríki um að hjálpa
Bandaríkjamönn-
um við að reka
rýting í bak
írösku þjóðarinn-
ar. Sabri er kom-
inn til Kaíró þar
sem Arababanda-
lagið fundar.
Stjórnvöld í
Kúvæt hafa óskað eftir því að
flugskeytaárásir Íraka á Kúvæt
verði ræddar á fundinum.
ÚTHÝST Í JÓRDANÍU Jórdanía
varð fyrsta arabaríkið til að
víkja íröskum erindrekum úr
landi í tengslum við innrásina í
Írak. Fimm íraskir stjórnarer-
indrekar voru sakaðir um verkn-
aði sem samrýmast ekki starfs-
mönnum sendiráða og beðnir um
að hafa sig á brott.
LOFAR HJÁLPARSTARFI „Þetta er
aðeins upphafið að erfiðum bar-
daga,“ sagði
George W. Bush
Bandaríkjafor-
seti. Hann segir
innrásina ganga
vel en syrgir þá
sem hafa fallið.
Hann lofaði því
að mikið hjálparstarf hæfist í
Írak strax í dag. „Það eru já-
kvæðar fréttir fyrir þá sem hafa
þjáðst undir Saddam Hussein.“
■ Innrás í Írak/Örfréttir
Skotið á Íran
ÍRAN, AP Íranar segjast hafa orðið
fyrir barðinu á hvort tveggja
Írökum og Bandaríkjamönnum
frá því innrásin í Írak hófst. Tvö
flugskeyti lentu í Íran á laugardag
að sögn Abdolvahed Mousavi-
Lari, innanríkisráðherra Írans.
Tveir slösuðust þegar annað
flugskeytið sprakk nærri borginni
Abadan. Mousavi-Lari segir að
því hafi verið skotið af banda-
mönnum og varaði þá við því að
senda flugvélar sínar um íranska
lofthelgi. Hitt flugskeytið var ír-
askt, sagði ráðherrann. Banda-
menn báðust fyrst afsökunar á at-
vikinu en sögðust síðar telja að
flugskeytin væru írösk. ■
■ Innrás í Írak/Íran
■ Innrás í Írak/Bardagar
FIKRA SIG ÁFRAM
Bandarískir hermenn árla
morguns í Írak.
Harðir
bardagar
BRESKRI FLUGVÉL GRANDAÐ
Bandarískt flugskeyti grandaði
breskri herþotu skammt frá
landamærum Íraks og Kúvæts í
gær. Bæði breski og bandaríski
herinn staðfestu þetta. Tveir
breskir hermenn voru um borð í
þotunni, en ekki var vitað um ör-
lög þeirra síðdegis í gær. Rich-
ard Myers, formaður bandaríska
herráðsins, sagði tæknibúnað
hafa bilað.
BLAÐAMAÐUR TALINN AF
Breski sjónvarpsfréttamaðurinn
Terry Lloyd er nú talinn látinn.
Hann hvarf í suðurhluta Íraks á
laugardaginn ásamt tveimur
samstarfsmönnum sínum. Sjón-
varpsstöðin ITN, sem Lloyd
starfaði hjá, hélt því fram í gær
að lík hans væri á sjúkrahúsi í
borginni Basra í Írak. Ekki er
vitað um samstarfsmenn hans
tvo.
■ Innrás í Írak/Örfréttir
FLUGSKEYTI
Tveir slösuðust þegar flugskeyti sprakk
nærri borginni Abadan í Íran.