Fréttablaðið - 24.03.2003, Blaðsíða 19
19MÁNUDAGUR 24. mars 2003
ÍÞRÓTTAMANNVIRKI Urgur er í borg-
arfulltrúum meirihlutans í
Reykjavík vegna styrks sem
menntamálaráðuneytið hefur ný-
verið veitt Akureyrarbæ til upp-
byggingar Vetraríþróttamiðstöðv-
ar Íslands. Málið snýst í grund-
vallaratriðum um að borgarfull-
trúar telja óréttlátt að sambæri-
legir þjóðarleikvangar í íþróttum,
eins og til dæmis knattspyrnuvöll-
urinn í Laugardal, séu á sama
tíma byggðir og endurbættir al-
farið með fé úr borgarsjóði, án
framlaga ríkisins.
Að sögn Önnu Kristinsdóttir,
Framsóknarflokki og borgarfull-
trúa R-listans, sendu öll sveitarfé-
lög á höfuðborgarsvæðinu sam-
eiginlega ályktun til menntamála-
ráðuneytisins í nóvember á liðnu
ári, þar sem beðið var um að ríkið
kæmi að uppbygginu þjóðarleik-
vangs í sundi í Laugardal með
fjárframlögum. Þar er um að
ræða 50 metra yfirbyggða sund-
laug sem mætir alþjóðlegum kröf-
um um keppnisleikvang í sundi.
Byggingin er komin langt á veg.
Borgin hefur hins vegar ein þurft
að standa straum af kostnaði,
þrátt fyrir að samkomulag sé um
það á meðal sveitarfélaga að um
þjóðarleikvang sé að ræða.
Menntamálaráðuneytið hefur
ekki svarað umleitunum sveitar-
félaganna enn sem komið er.
„Síðan lesum við það í blöðun-
um að það sé búið að veita 180
milljónum til uppbyggingar Vetr-
aríþróttamiðstöðvar Íslands á
Akureyri,“ segir Anna. „Og ríkið
hafði þegar varið nokkrum fjár-
hæðum til vetraríþrótta á Akur-
eyri áður. Okkur finnst þetta ekki
réttlátt gagnvart okkur.“
Anna bendir einnig á, að
Knattspyrnusamband Íslands
sæki það fast um þessar mundir
að uppfæra aðstöðuna á knatt-
spyrnuvellinum í Laugardal í
samræmi við alþjóðlegar kröfur
um keppnisleikvanga. Slík upp-
bygging getur kostað allt upp
undir einn milljarð króna, segir
Anna. Hér er óumdeilanlega um
þjóðarleikvang að ræða, segir
hún, og því spurning hvort borg-
in eigi ein að standa að kostnaði.
Spjótin hafa hins vegar beinst að
borginni nær einvörðungu hing-
að til. „Knattspyrnusambandið
gerir ráð fyrir að geta fjármagn-
að um 300 milljónir með styrkj-
um,“ segir Anna. „En eftir standa
þá um 700 milljónir og það er
eðlilegt að spurt sé hvort borgin
eigi að greiða það ein.“
Ekki náðist í Tómas Inga Ol-
rich menntamálaráðherra.
gs@frettabladid.is
Scolari stýrir Portúgal
gegn Brasilíu:
Fær heima-
landið í
heimsókn
FÓTBOLTI Næsta laugardag leika
Portúgal og Brasilía vináttuleik í
Porto. Þar mætir Luiz Felipe Scol-
ari, þjálfari Portúgal, liðinu sem
hann stýrði til sigurs í heims-
meistarakeppninni í fyrra. Scolari
tilkynnti leikmannahóp Portúgal í
vikunni og er Deco, leikmaður
Porto, eini nýliðinn. Deco, sem
heitir fullu nafni Anderson Luis
de Souza, fæddist í Brasilíu fyrir
tæpum 26 árum en fékk nýlega
portúgalskan ríkisborgararétt. ■
HANDBOLTI Þjóðverjar sigruðu Ís-
lendinga 39:34 í landsleik í hand-
bolta sem fram fór í Max Schmel-
ing-íþróttahöllinni í Berlin á
laugardag. Íslendingar leiddu 5:4
eftir tæpar tíu mínútur en Þjóð-
verjar náðu fljótlega forystu og
höfðu sex marka forystu í hléi,
23:17.
Ólafur Stefánsson skoraði átta
mörk, Patrekur Jóhannesson
fimm, Guðjón Valur Sigurðsson,
Sigfús Sigurðsson og Snorri
Steinn Guðjónsson fjögur hver,
Róbert Sighvatsson, Aron Krist-
jánsson, Rúnar Sigtryggsson og
nýliðinn Jaliesky Garcia skoruðu
tvö hver og Logi Geirsson eitt. ■
RUUD VAN NISTELROY
Ruud van Nistelroy skoraði sína þriðju
þrennu fyrir Manchester United í leiknum
gegn Fulham á laugardag. Hann skoraði
einnig þrennu gegn Newcastle í nóvember
og Southampton í fyrra.
A-landslið karla í handbolta:
Þýskur sigur í 73 marka leik
ÓLAFUR STEFÁNSSON
Ólafur Stefánsson skoraði átta mörk gegn Þjóðverjum.
Hver á að borga
þjóðarleikvanga?
Urgur í meirihluta borgarstjórnar. Menntamálaráðuneytið ákvað að
leggja 180 milljónir til uppbyggingar vetraríþróttamiðstöðvar á Akur-
eyri. Borgin stendur ein að kostnaði sambærilegs þjóðarleikvangs.
LANDSLEIKUR Á LAUGARDALSVELLI
Knattspyrnusambandið telur þörf á að ráðast í fjárfreka uppbyggingu til að völlurinn sam-
ræmist alþjóðlegum kröfum um keppnisleikvang. Um er að ræða þjóðarleikvang í íþrótt-
inni og spurningin er hver eigi að borga.