Fréttablaðið - 24.03.2003, Page 6

BANDALAG „Það er engin tilviljun
að mörg aðildarríki þessa banda-
lags hafa nýlega sloppið undan
einræði og kúgun,“ sagði Ari
Fleischer, talsmaður Bandaríkja-
forseta, þegar hann kynnti 13 ný
ríki til sögunnar í svokölluðu
bandalagi hinna viljugu sem
styðja innrásina í Írak.
Orðin eiga að sumu leyti við
rök að styðjast. Eitt bandalags-
ríkjanna er Rúanda, sem fyrir
tæpum áratug var undirlagt af
þjóðarhreinsun sem kostaði allt
að 800.000 manns lífið. Morðald-
an var skipulögð af þáverandi
stjórnvöldum og er núverandi
stjórnvöldum, sem hröktu þau
fyrri frá völdum, í fersku minni.
Það kann að hafa áhrif á afstöðu
þeirra nú. Sama saga verður þó
ekki sögð um öll ríkin.
Meðal þeirra ríkja sem eru í
bandalagi hinna viljugu má
nefna Úsbekistan. Meðal helstu
vandamála sem Úsbekar eiga við
að stríða er að stjórnvöld virða
ekki mannréttindi og lýðræði
hefur ekki náð að þróast þar eft-
ir að þetta fyrrum Sovétlýðveldi
fékk sjálfstæði. Svo segir í það
minnsta umsögn bandarísku
leyniþjónustunnar sem birt er í
World Factbook. Kúvæt er annað
bandalagsríki þar sem lýðræði
hefur verið takmarkað, í besta
falli. Tíundi hver borgari hefur
atkvæðisrétt, engin kona.
Fleiri ríki á listanum eru at-
hyglisverð. Þar má nefna eyríki
á Kyrrahafi, Míkrónesíu, Mars-
halleyjar og Palá, sem öll voru
undir stjórn Bandaríkjanna fram
á síðustu áratugi. Einn helsti
vandi Míkrónesíu að sögn CIA er
að landið er of háð bandarískri
efnahagsaðstoð. Bandarísk efna-
hagsaðstoð er meginundirstaða
efnahagsins á Marshalleyjum.
Þarlend stjórnvöld hafa einnig
krafið Bandaríkin um skaðabæt-
ur fyrir að hluti eyjanna var not-
aður við kjarnorkusprengingar í
tilraunaskyni. Palá, þar sem búa
tæplega 20.000 manns, fær ár-
legar greiðslur frá bandarískum
stjórnvöldum fyrir að veita að-
stöðu fyrir hernaðarbækistöð.
brynjolfur@frettabladid.is
6 24. mars 2003 MÁNUDAGUR
AMMAN, JÓRDANÍU, AP Meðan
sprengjuregnið dynur á Bagdad
mega leiðtogar í arabaríkjum þola
vaxandi mótbyr heima fyrir. Rót-
tæk ungmenni og jafnvel eldra
fólk, sem hingað til hefur verið í
hófsamari kantinum, lætur óspart
í ljós harða andstöðu við hernað-
inn gegn Írak.
Íslamskir harðlínumenn krefj-
ast þess margir hverjir að farið
verði í heilagt stríð og hvetja jafn-
framt til hryðjuverka. Þá vilja
þeir slíta stjórnmálatengslum við
Bandaríkin og hvetja til þess að
bandarískar og breskar vörur
verði sniðgengnar í verslunum.
Þúsundir manna hafa gengið
um götur hrópandi vígorð gegn
Bandaríkjunum. Hryllilegar
myndir af illa særðu fólki og illa
útleiknum líkum hafa birst í fjöl-
miðlum og í kjölfarið eflist and-
staða almennings við innrásar-
stríðið um allan helming.
Jafnvel þeir sem telja Saddam
Hussein vera hinn versta harð-
stjóra, sem ætti að fara frá völd-
um, telja að innrás erlends ríkis
geti gert illt verra.
„Við eigum eftir að sjá þúsund
nýja Osama bin Laden vegna
ranglætis Bandaríkjanna og
sinnuleysis araba,“ segir Khalid
al-Meena, ritstjóri enskumælandi
dagblaðs í Sádi-Arabíu. ■
HERMAÐUR Í ÍRAK
Framlag ríkja til stríðsrekstrarins
er misjafnt.
„Ég veit
ekki“
BANDALAG Misjafnt er hvernig
stuðningur hinna 45 ríkja birtist.
Blaðamaður The Guardian hafði
samband við sendiráð nokkurra
þeirra ríkja sem voru á upphaf-
lega listanum og forvitnaðist um í
hverju stuðningur þeirra við inn-
rás væri fólginn. „Ég veit ekki.
Við höfum ekki fengið opinberu
línuna ennþá. Ég fæ einhvern til
að hringja í þig,“ var svarið sem
fékkst í sendiráði Georgíu.
Talsmaður kólumbíska sendi-
ráðsins gaf nokkuð ítarlegra svar.
„Í fyrsta lagi held ég ekki að þeir
þurfi að fljúga yfir Kólumbíu til
að komast til Írak. Með hliðsjón af
því hvaða ríki eru á listanum held
ég að þau útvegi fyrst og fremst
upplýsingar, ef þau búa yfir þeim,
eða móralskan stuðning. Að öðru
leyti er ég ekki viss um að við get-
um gert mikið hinum megin hnatt-
arins.“ ■
Afganistan
Albanía
Aserbaídsjan
Ástralía
Bandaríkin
Bretland
Búlgaría
Danmörk
Dóminíska lýð-
veldið
Eistland
El Salvador
Erítrea
Eþíópía
Filippseyjar
Georgía
Holland
Hondúras
Ísland
Ítalía
Japan
Kosta Ríka
Kólumbía
Kúvæt
Lettland
Litháen
Makedónía
Marshalleyjar
Míkrónesía
Mongólía
Níkaragúa
Palau
Portúgal
Pólland
Rúanda
Rúmenía
Salómonseyjar
Singapore
Slóvakía
Suður-Kórea
Spánn
Tékkland
Tyrkland
Ungverjaland
Úganda
Úsbekistan
Bandalag
hinna viljugu
Skrautlega
samsett
bandalag
Meðal þeirra 45 ríkja sem hafa lýst stuðningi
við innrás í Írak eru nokkur mjög háð
bandarískri efnahagsaðstoð.
NJÓTA STUÐNINGS 45 RÍKJA
45 ríki hafa lýst yfir stuðningi við innrásina í Írak. Þó er viðbúið að sumir hermannanna
sem nú berjast í Írak hafi aldrei heyrt minnst á sum ríkin sem styðja aðgerðirnar.
■ Innrás í Írak/Bandalagsríki■ Innrás í Írak/Stuðningur
Vaxandi andstaða■ Innrás í Írak/Arabaríki
STÚDENTAR MÓTMÆLA
Meira en þúsund stúdentar mótmæltu
árásinni á Írak við háskólann í Amman í
Jórdaníu í gær.