Fréttablaðið - 24.03.2003, Blaðsíða 10
10 24. mars 2003 MÁNUDAGUR
PRETORÍA, AP „Hefði þetta ekki
gerst, værum við ekki þar sem
við erum í dag, hefðum ekki þann
stöðugleika sem við búum við,“
sagði Desmond Tutu erkibiskup
þegar hann afhenti lokaskýrslu
um starf sannleiksnefndarinnar,
nefndar sem Suður-Afríkustjórn
setti á fót til að fjalla um mann-
réttindabrot og glæpi sem framd-
ir voru á tímum aðskilnaðar-
stjórnarinnar. Með skipan nefnd-
arinnar var leitast við að sætta
suður-afrísku þjóðina og sameina
hana eftir áralanga kúgun hvíta
minnihlutans á þorra lands-
manna.
Tutu var ekki í vafa um hvað
stæði upp úr eftir nærri áratugar
langt starf nefndarinnar. Það
væri hversu upplífgandi var „að
hlusta á fólk sem hafði verið mis-
þyrmt hrottalega og ætti að vera
fullt af reiði og biturð en var
reiðubúið að fyrirgefa.
Nefndin rannsakaði glæpi sem
voru framdir af öllum kynþáttum
og flokkum meðan á áratuga lang-
ri stjórn hvíta minnihlutans stóð.
Hugmyndin að baki starfinu var
að þjóðin gæti ekki átt sér frið-
samlega framtíð fyrr en hún
hefði gert upp við og komist í
skilning um fortíð sína. Þess
vegna var sú stefna tekin að gefa
þeim upp sakir sem voru tilbúnir
að segja sögu sína frammi fyrir
nefndinni og upplýsa um glæpi
sína í yfirheyrslum sem var sjón-
varpað til almennings.
Sannleiksnefndin hefur bæði
verið lofuð og gagnrýnd fyrir
starf sitt. Því hefur verið fagnað
að nefndin gaf venjulegu fólki
tækifæri til að segja þjóðinni frá
því órétti sem það var beitt. Með
því hafi verið tryggt að þjóðin
gæti ekki hafnað fortíð sinni. Það
hefur verið gagnrýnt að nefndin
hafi ekki yfirheyrt nógu marga
háttsetta embættismenn og
stjórnmálamenn sem báru
ábyrgð á grimmdarverkum að-
skilnaðarstjórnarinnar. Meðal
þeirra sem neituðu að bera vitni
má nefna P.W. Botha, leiðtoga
Suður-Afríku á árunum 1978 til
1989, þegar verstu grimmdar-
verkin voru unnin.
Nú þegar nefndin hefur skilað
af sér horfa 21.000 fórnarlömb
grimmdarverka fram á að fá bæt-
ur úr ríkissjóði. Þeim hefur verið
lofað en greiðslurnar dregnar þar
til starfi nefndarinnar lauk. Fórn-
arlömbin „hafa beðið nógu lengi,
of lengi,“ sagði Tutu þegar hann
skilaði af sér. ■
Biðin loksins á enda
Sannleiksnefndin sem átti að leiða í ljós grimmdarverk sem unnin voru í skjóli aðskilnaðarstefn-
unnar í Suður-Afríku hefur skilað af sér. Tugþúsundir bíða þess að fá bætur þjáningar sínar.
DESMOND TUTU
Friðarverðlaunahafinn og erkibiskupinn Desmond Tutu stýrði starfi sannleiksnefndarinnar sem tók til starfa eftir fyrstu kosningarnar í Suð-
ur-Afríku sem allir kynþættir fengu að taka þátt í. Þær fóru fram árið 1994.
BÆJARMÁL Seltjarnarnesbær er
að innleiða áætlun um símennt-
un starfsmanna bæjarins. Jafn-
framt verða tekin upp regluleg
starfsmannasamtöl.
Að sögn Jónmundar Guð-
marssonar bæjarstjóra hafa
sveitarfélögin í undanförnum
kjarasamningum lagt þunga
áherslu á mikilvægi eflingar
fræðslu- og menntunarmála.
Ástæður þess eru að undirstaða
starfsþróunar er aukin þekking
sem vex með samspili reynslu
og símenntunar.
Með öflugri símenntunar-
áætlun er ætlunin að taka upp
starfsþróunarstefnu sem byggir
á því að starfsfólk og vinnustað-
ir geti þróast í sameiningu til
hagsbóta fyrir íbúa bæjarins.
Framkvæmdastjórar sviða Sel-
tjarnarnesbæjar hafa nýlokið
námskeiði á vegum KPMG þar
sem ítarlega var fjallað um gerð
og framkvæmd símenntunar-
áætlana. Á næstu vikum verða
einstaklingsáætlanir kynntar
fyrir starfsfólki en þær byggja
annars vegar á þörfum bæjarins
og hins vegar á áhugasviði
hvers starfsmanns. ■
Seltjarnarnesbær eflir fræðslu- og menntamál:
Innleiða áætlun
um símenntun
Við höfum áhuga á því að kaupa lítil
og meðalstór ræstingafyrirtæki.
Stök verkefni koma einnig til greina.
Upplýsingar í síma 824 1230
BÆJARSTJÓRI SELTJARNARNESBÆJAR
Jónmundur Guðmarsson segir að öflugt
starfsfólk gegni lykilhlutverki ef varðveita
eigi stöðugleika og ráðdeild bæjarins.
FR
ÉT
TA
B
LA
Ð
IÐ
/B
IL
LI
Almannatryggingar:
Milljarða
kostnaður
ALÞINGI Breytingar á lögum um al-
mannatryggingar kosta ríkissjóð
um 2,7 milljarða króna. Helsta
breytingin er lækkun skerðingar-
hlutfalls tekjutryggingarauka líf-
eyrisþega úr 67% í 45%.
Kostnaður við hækkun tekju-
tryggingar og tekjutryggingar-
auka er um 1.350 milljónir á
þessu ári og 1.090 milljónir á
næsta ári. Heildarkostnaður af
lagabreytingunni er 250 milljónir
og alls er kostnaður ríkissjóðs af
breytingunni 2.690 milljónir
króna. ■
UNGIR FRAMBJÓÐENDUR
Ungir frambjóðendur á listum Vinstrihreyf-
ingarinnar – græns framboðs héldu fram-
sögur um helstu málefnaáherslur VG.
Ályktun Ungra
vinstri grænna:
Furða sig á
ummælum
ráðherra
ÁLYKTUN Ungir vinstri grænir lýsa
furðu sinni á þeim ummælum ut-
anríkisráðherra að opinber
stuðningur við árásarstríð gegn
Írak teljist ekki til meiriháttar
utanríkismála. Þetta kemur fram
í ályktun sem samþykkt var á al-
mennum stjórnmálafundi þeirra
á Akureyri um helgina.
„Dapurlegt er til þess að vita
ef slíkt gildismat ræður för ríkis-
stjórnar Íslands í stefnumótun í
alþjóðamálum,“ segir meðal ann-
ars í ályktuninni. Ungir vinstri
grænir telja mikilvægt að láta
ekki blekkjast af áróðri komandi
vikna um hátæknihernað sem
hlífi almenningi rétt eins og í
fyrri stríðum, síðast í Afganist-
an. Mannfall óbreyttra borgara
er þegar staðreynd. Almenningur
er því hvattur til að halda áfram
kröftugum mótmælum gegn
stríðinu og stuðningi ríkisstjórn-
arinnar við það, eins og segir í
ályktuninni. ■
FÉLAGSMÁL Félag íslenskra nuddara
hefur fordæmt meint afskiptaleysi
stjórnvalda af rekstri erótískra
nuddstofa. Félagið skorar á stjórn-
völd að kynna sér þá starfsemi
sem fram fari á slíkum stofum.
Í ályktun sem samþykkt var um
helgina á aðalfundi félagsins segir
að félagsmönnum sé annt um
starfsheitið nuddari. Þeir telji það
vanvirðingu að blanda því við
rekstur erótískra nuddstofa. Að
gefnu tilefni fordæmi aðalfundur-
inn yfirvöld fyrir að láta viðgang-
ast rekstur erótískra nuddstofa:
Félag íslenskra nuddara bendir
á að samkvæmt íslenskum lögum
sé sala á kynlífi ólögleg. Starfsemi
erótískra nuddstofa felist þó ein-
mitt í því; sölu á kynlífi:
„Fundurinn skorar á yfirvöld að
kynna sér þá starfsemi sem fram
fer á þessum stofum. Mikil
óánægja ríkir hjá félagsmönnum
F.Í.N. vegna auglýsinga á erótísku
nuddi undir yfirskriftinni „nudd“
og er það eindregin ósk félagsins
að aðhafst verði í þessum málum,“
segir á ályktun aðalfundar félags
nuddara. ■
Nuddarar telja ólöglega kynlífssala vega að starfsheiðri sínum:
Yfirvöld skoði erótískt nudd
SÓLVEIG PÉTURSDÓTTIR
DÓMSMÁLARÁÐHERRA
Félag íslenskra nuddara fordæmir yfirvöld
fyrir að láta rekstur erótískra nuddstofa óá-
reittan. Þar séu lög brotin með kynlífssölu.
Hlíð á Akureyri:
Sextíu
ný rými
ALDRAÐIR Stefnt er að því að fjölga
hjúkrunarrýmum við dvalarheim-
ilið Hlíð á Akureyri um 60 fram til
ársins 2006.
Heilbrigðisráðherra hefur skip-
að nefnd til að sjá um undirbúning
viðbyggingar við dvalarheimilið.
Formaður nefndarinnar er Magn-
ús Skúlason, deildarstjóri í heil-
brigðis- og tryggingamálaráðu-
neytinu, tilnefndur af ráðuneytinu.
Akureyrarbær á tvo fulltrúa í
nefndinni.
Fyrsta áfanga verksins á að
ljúka í árslok 2004 og á byggingu
húsnæðisins að vera lokið í byrjun
árs 2006. ■
BÍLA- OG BIFHJÓLAKAUP
ÍSLENSKU ÞJÓÐARINNAR
Ár Upphæð í milljörðum króna
1997 12,2
1998 14,9
1999 18,1
2000 16,4
2001 9,4
2002 8,9
HEIMILD: HAGSTOFA ÍSLANDS
VERÐLAG 1990
Svona erum við