Fréttablaðið - 11.04.2003, Page 38

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
ÞRÁINS BERTELSSONAR
Ótrúlegar framfarir bíða á næstaleiti handan við kosningarnar
10. maí þegar stjórnmálamönnum
gefst loks færi á að efna öll þau
mörgu og fögru loforð sem bunað
hafa upp úr þeim á síðustu dögum.
Stórkostlegt blómaskeið mun hefjast
í sögu þjóðarinnar. Skattar lækka
um 20 milljarða og velferðarkerfið
styrkist að sama skapi. Jarðgöng
verða boruð og vegir malbikaðir
fyrir 6 milljarða. Þúsundir útlend-
inga munu strita eins og maurar
uppi á hálendinu við að beisla
gruggugar jökulár og gróðinn mun
streyma gegnum túrbínur Lands-
virkjunar og verða að gulli í ríkis-
sjóði. Vextir munu lækka og verð-
bólgunni verður útrýmt eins og
holdsveiki og berklum forðum tíð.
Það er gullöld í vændum.
ALLT ÞETTA bjóða stjórnmála-
menn okkur – ef við föllum fram og
kjósum þá. Það er ekki til mikils
mælst. Sumir segja að sú ríkisstjórn
sem nú situr sé eins og nýmjólk frá
síðustu öld, komin fram yfir síðasta
söludag og farin að súrna ofurlítið.
Aðrir segja að ríkisstjórnin sé eins
og G-mjólk sem geymist endalaust,
eða göfugt vín sem verður betra og
betra með aldrinum.
SJÁLFSTÆÐISFLOKKURINN
býður upp á foringja með 12 ára
reynslu og 98% stuðning innan
flokksins, foringja sem minnir helst
á Gizur jarl Þorvaldsson, nema hvað
Gizur var bæði þóttafullur, langræk-
inn og hefnigjarn.
SAMFYLKINGIN býður upp á
kvenskörung með 8 ára reynslu sem
ráðskona á hinu stóra heimili í Ráð-
húsinu, kvenskörung sem samstarfs-
menn hennar úr R-listanum segja að
minni helst á Guðrúnu Ósvífursdótt-
ur, nema hvað Guðrún var þeim
verst sem hún unni mest.
KOSNINGALOFORÐ þessara yf-
irlýstu andstæðinga eru svo svipuð
að það er vandi að velja á milli
þeirra. Á maður að kjósa ráðskon-
una eða foringjann? Verst er að
kosningastjórar flokkanna hafa sam-
mælst um að frambjóðendur skuli
ekki fækka fötum í kosningabarátt-
unni og sitja í heitum pottum fyrir
framan sjónvarpsvélar. Þetta er
misráðið því ef frambjóðendur
kæmu fram á baðfötum gæti maður
kannski séð hvort það er sami rass-
inn undir þeim öllum. ■
Sami rassinn?
Trúlofunar- og
giftingarhringir
20% afsláttur í takmarkaðan tíma
www.gunnimagg . i s