Fréttablaðið - 19.05.2003, Blaðsíða 16

BAGDAD,AP Odai, elsti sonur
Saddams Husseins, var yfirmaður
írösku Ólympíunefndarinnar og
íraska knattspyrnusambandsins í
stjórnartíð föður síns. Hann beitti
öllum bolabrögðum til að sýna
fremstu íþróttamönnum þjóðar-
innar vald sitt og vílaði ekki fyrir
sér að láta pynta þá ef hann taldi
ástæðu til. Hann er meðal annars
sagður hafa haft til umráða sér-
stakt fangelsi fyrir slíkar aðgerð-
ir gagnvart íröskum íþrótta-
mönnum.
Engu máli skipti hversu mikils
metnir þessir íþróttamenn voru.
Jafnvel Ahmed Radi, einn þekkt-
asti knattspyrnumaður þjóðar-
innar fyrr og síðar, var þrisvar
sinnum handtekinn í stjórnartíð
Odai. Radi, sem keppti erlendis í
mörg ár, sagðist hafa borgað
Ólympíunefnd Íraks 40% af þeim
launum sem hann þénaði.
Eitt sinn ákvað Odai að stofna
lið með allra bestu leikmenn
Íraks innanborðs og skyldi liðið
kallast al-Rasheed. Þegar Radi,
sem var eini leikmaðurinn sem
skoraði mark fyrir Írak á HM í
Mexíkó árið 1986, neitaði að spila
fyrir liðið var honum refsað:
„Hann sendi bíl um miðnættið til
að sækja mig og mér var ekið á
afskekktan stað. Þeir lömdu mig
og sögðu að ef ég spilaði ekki fyr-
ir al-Rasheed myndi ég aldrei
spila fótbolta á ný,“ sagði Radi.
„Ég gat ekki annað en samþykkt
enda var fótbolti það eina sem ég
kunni.“
Sögurnar af grimmd stjórn-
valda eru fleiri og alvarlegri.
Fakher Ali al-Jamali, sem var
landsliðsþjálfari fatlaðra íþrótta-
manna, var m.a. hýddur með raf-
magnsköplum í tvo daga sam-
fleytt eftir að tveir meðlimir liðs-
ins týndust á keppnisferðalagi
árið 1998. Honum hvar sleppt er
þeir komu aftur í leitirnar.
Eitt þeirra tækja sem Odai
notaði til að pynta íþróttamenn er
nú til sýnis í al-Hikma moskunni í
Bagdad. Um er að ræða sérstak-
an járngalla sem íþróttamenn
voru festir í og síðan færðir út í
steikjandi sólina í margar
klukkustundir. Einn þeirra sem
varð fyrir þessari hræðilegu lífs-
reynslu sagðist hafa verið naum-
lega forðað frá dauða með því að
fá vatn úr slöngu sem hélt í hon-
um lífinu. „Í hvert skipti sem ég
reyndi að hreyfa mig fann ég gíf-
urlegan bruna frá járninu,“ sagði
hann í viðtali við AP-fréttastof-
una. Hann ber enn merki pynt-
inganna og er með slæm bruna-
sár bæði á höndum og fótum.
Nú eru breyttir tímar í Írak.
Gömlu stjórnendurnir hafa verið
settir af og íþróttamenn þjóðar-
innar horfa fram á bjartari fram-
tíð þar sem kúgun og pyntingar
heyra sögunni til. Bandaríska
Ólympíunefndin hefur þegar lýst
yfir áhuga á að taka þátt í að end-
urreisa íþróttalíf Íraka og liður í
því er hugsanleg þátttaka á
Ólympíuleikunum í Aþenu á
næsta ári. Knattspyrnulandslið
Íraks hóf t.a.m. æfingar í síðustu
viku í fyrsta sinn síðan stríðinu
lauk. Þar er stefnan meðal annars
sett á næstu Ólympíuleika.
Miklar vonir eru bundnar við
að þeir írösku íþróttamenn sem
hafa verið í útlegð í öðrum lönd-
um snúi aftur og hjálpi til við
uppbygginguna. „Draumur minn
er að íþróttamálum í Írak verði
stjórnað af heiðarlegu fólki sem
er tilbúið til að þjóna íþróttunum
en ekki sínum eigin hagsmun-
um,“ sagði Raad Hammoudi, sem
var fyrirliði íraska landsliðsins í
fótbolta á níunda áratugnum.
Hann flúði landið en sneri aftur
um leið og Saddam Hussein var
steypt af stóli. Hann ætlar að
leggja sitt af mörkum í upp-
byggingunni í Írak og óskar eftir
aðstoð góðra manna.
freyr@frettabladid.is
16 19. maí 2003 MÁNUDAGUR
KAHN FAGNAR
Oliver Kahn, markvörður Bayern München,
var í sigurvímu þegar hann hampaði verð-
launaskildinum fyrir þýska meistartitilinn
eftir næstsíðasta leik 1. deildarinnar gegn
Stuttgart um helgina. Leikurinn, sem var
háður á Ólympíuleikvanginum í München,
endaði með sigri Bayern 2:1. Þetta er 18.
meistaratitill Bayern.
Fótbolti
hvað?hvar?hvenær?
16 17 18 19 20 21 22
MAÍ
Mánudagur
Látum dæluna ganga
Dælu dagar hjá Dynjanda
15-23 maí
- Háþrýstidælur
- Brunndælur
- Verktakadælur
- Borholudælur
allar stærðir og gerðir.
Skeifan 3, Sími 588 5080
www.dynjandi.is
KÖRFUBOLTI Jón Arnór Stefánsson,
landsliðsmaður í körfubolta og leik-
maður með þýska liðinu Trier, er
einn af 31 leikmönnum utan Banda-
ríkjanna sem hafa gefið kost á sér í
nýliðaval NBA deildarinnar fyrir
næstu leiktíð.
Aldrei hafa eins margir leik-
menn utan Bandaríkjanna reynt
fyrir sér í þessu vali, en á síðasta
ári voru þeir 14 talsins. 42 leikmenn
úr mennta- og háskólum hafa
einnig gefið kost á sér. Um er að
ræða forskráningu í nýliðavalið, en
frestur til að sækja um hana rann
út þann 12. maí. Þeir sem skrá sig
svo snemma geta tekið nafn sitt af
umsóknarlistanum fyrir 19. júní.
Tilkynnt verður um nýliðavalið
þann 26. júní í Madison Square Gar-
den, heimavelli New York Knicks.
Þá kemur í ljós hvort Jón Arnór
verði á meðal þeirra sem komast að
í NBA deildinni á næstu leiktíð. 58
leikmenn urðu fyrir valinu á síð-
asta ári.
Þess má geta að LeBrown James
er talinn líklegastur til að verða val-
inn fyrstur í ár. ■
Thierry Henry:
Hjá Arsenal
til 2007
FÓTBOLTI Frakkinn Thierry Henry,
leikmaður Arsenal, hefur skrifað
undir nýjan samning við liðið
sem gildir til ársins 2007. Henry,
sem átti eitt ár eftir af fyrri
samningi sínum, undirritaði
samninginn skömmu fyrir bikar-
úrslitaleik Arsenal gegn Sout-
hamton.
Henry var valinn besti leik-
maður úrvalsdeildarinnar í ár,
bæði af leikmönnum og íþrótta-
fréttamönnum. Hann hefur skor-
að 112 mörk í 179 leikjum fyrir
Arsenal síðan hann kom til liðs-
ins frá Juventus fyrir fjórum
árum síðan. ■

16.30 Sýn
NBA. Sýnt frá leik í úrslitakeppni NBA.

16.45 Rúv
Fótboltakvöld. Endursýndur þáttur frá
sunnudagskvöldi.

19.00 Sýn
Íslenski boltinn. Bein útsending frá leik
Þróttar og KR í Landsbankadeild karla í
fótbolta. KR-ingum er spáð Íslands-
meistaratitlinum í ár.

21.20 Sýn
Spænsku mörkin. Öll mörkin úr
spænska boltanum.

23.00 Sýn
Olíssport. Fjallað er um helstu íþrótta-
viðburði heima og erlendis.
Jón Arnór Stefánsson:
Í nýliðaval NBA
JÓN ARNÓR
Jón Arnór Stefánsson í leik með KR gegn
Njarðvík. Jón gæti orðið fyrsti íslenski
leikmaðurinn til að leika í NBA deildinni
síðan Pétur Guðmundsson lék með L.A.
Lakers og San Antonio Spurs á 9. áratug
síðustu aldar.
Pyntingar íraskra íþrótta-
manna heyra sögunni til
Saddam Hussein er fallinn af stóli og í kjölfarið hafa sögur af ofbeldi íraskra yfirvalda gagnvart
íþróttamönnum þjóðarinnar verið dregnar fram í dagsljósið. Margar þeirra eru hryllilegar
og lýsa vel þeirri ógnarstjórn sem ríkti í landinu.
AP
/M
YN
D
ÆFT Í SKJÓLI RÚSTA
Íraskir knattspyrnumenn æfa í skjóli bygg-
ingar sem fór illa út úr sprengjuárásum
bandamanna á Bagdad. Knattspyrnulands-
lið Íraks hefur hafið æfingar á ný og stefnir
að þátttöku á Ólympíuleikunum í Aþenu á
næsta ári.