Fréttablaðið - 12.08.2003, Page 4

4 12. ágúst 2003 ÞRIÐJUDAGUR
Mun Manchester United
halda enska titlinum í vetur?
Spurning dagsins í dag:
Er raunhæft fyrir Ísland að sækja
um aðild að Evrópusambandinu?
Niðurstöður gærdagsins
á www.frett.is
39%
33%
Nei
28%Eru þeir í Urvalsdeildinni?
Já
Kjörkassinn
Farðu inn á frett.is og segðu þína skoðun
frétt.is
STJÓRNMÁL „Forysta flokksins
ráðstafar ekki embættum, það
gera flokksmenn sjálfir,“ segir
Ingibjörg Sólrún Gísladóttir
borgarfulltrúi um ummæli Mar-
grétar Frímannsdóttur, varafor-
manns Samfylkingar, í Frétta-
blaðinu á sunnudag. Margrét
sagðist ekki telja að Ingibjörg
Sólrún hefði mikinn áhuga á
embætti varaformanns, en Mar-
grét hafði áður boðist til að
standa upp úr varaformanns-
stólnum fyrir Ingibjörgu Sól-
rúnu.
„Ég ákvað það strax í vor að
ég ætlaði að taka mér sumarið til
þess að athuga minn gang og
hvað ég ætlaði mér að gera á
næstu árum. Ég mun greina frá
því í fyllingu tímans,“ segir Ingi-
björg Sólrún.
Aðspurð um ummæli Mar-
grétar, að annað sé fráleitt en að
Össur Skarphéðinsson verði
áfram formaður Samfylkingar-
innar, segist hún ekkert hafa um
þau að segja. ■
SVEITARSTJÓRNIR Flosi Eiríksson,
bæjarfulltrúi Samfylkingar í Kópa-
vogi, telur líklegt að lögð verði
fram kæra vegna viðskipta bæjar-
ins með erfðafestulandið Lund.
Byggingarréttur á 481 íbúð hef-
ur verið fenginn erfingjum fyrr-
verandi ábúanda í Lundi í skiptum
fyrir erfðafesturétt á jörðinni.
Kópavogsbær,
sem sjálfur á
landið, hefur
sent Skipulags-
stofnun deili-
skipulag til um-
sagnar. Niður-
stöðu stofnunar-
innar er vænst á
næstu vikum. Að
henni fenginni
verður skipulag-
ið sett í sex vikna
almenna kynningu. Framkvæmdir
eiga að hefjast á næsta ári.
Flosi segir erfðafesturéttinn
fela í sér rétt til landbúnaðar:
„Erfingjarnir hafa sannarlega
ekki eignarrétt á landinu. Samn-
ingurinn um að þeir megi hafa
þarna landbúnað felur ekki í sér
að þeir eigi landið til að skipu-
leggja þar byggð.“
Flosi segir að á undanförnum
þremur áratugum hafi Kópavogs-
bær keypt upp erfðafesturétt á
fjölda jarða sem bærinn hefur átt
sjálfur. Greitt hafi verið fyrir
réttinn samkvæmt mati: „Fólk
fékk smáaur og síðan nokkrar lóð-
ir fyrir sig og sína.“
Samningurinn við Lund Kópa-
vog ehf. felur að sögn Flosa í sér
að Kópavogsbær skipuleggur
byggðina í Lundi. „Lundarfólkið
fær síðan allar lóðirnar. Með þess-
ari aðferð er bærinn að afhenda
fjölskyldunni að minnsta kosti 500
milljónir króna því algert lág-
marksverð á hverja íbúð er ein
milljón króna. Og ef þau byggja
sjálf eru upphæðirnar miklu
hærri,“ segir hann.
Sjálfur segist Flosi ekki einn
um þá skoðun að fyrirhugað sé að
byggja allt of mikið í Lundi.
„Verði mikil mótmæli – sem
bærinn vill taka tillit til með fækk-
un íbúða – er hann klárlega bóta-
skyldur gagnvart Lundi Kópavogi
ehf. fyrir mismuninum. Aðferðin
er því arfavitlaus. Bærinn átti að
semja við handhafa Lundar um
fast verð fyrir erfðafesturéttinn
og bjóða síðan lóðirnar út. Ég og
fleiri munu láta reyna á lagatækni-
lega hlið þessa samnings. Einstak-
lingar og hópar geta höfðað mál og
bent á að ekki sé farið að landslög-
um,“ segir Flosi Eiríksson.
gar@frettabladid.is
Lax á Höfn:
Herör gegn
netaveiði
LÖGREGLA Sýslumaður á Höfn í
Hornafirði er sagður hafa skorið
upp herör gegn netaveiðum á laxi
og silungi um helgar.
Samkvæmt lögum er lax og
göngusilungur friðaður frá
klukkan 22 á föstudagskvöldi til
klukkan 10 á þriðjudagsmorgni
gegn allri veiði annarri en
stangaveiði.
Á vefnum hornafjordur.is er
haft eftir lögreglunni á Höfn að
ábendingar hafi borist um að
töluvert sé um að veiðimenn virði
ekki bannið og hafi net sín úti yfir
helgar. Eftirlit með veiðinni verði
hert. ■
Jafnréttisstofa:
Valgerður
enn við störf
JAFNRÉTTI Staða framkvæmdastjóra
Jafnréttisstofu verður auglýst laus
til umsóknar á næstu dögum. Val-
gerður Bjarnadóttir hefur látið af
störfum sem framkvæmdastýra, en
vinnur að því að skila af sér starfi
sínu og verður því við störf á Jafn-
réttisstofu fram til 1. september.
Enn hefur ekki verið tilkynnt
hver mun taka við stjórnartaumun-
um á Jafnréttisstofu þar til ráðið
hefur verið að nýju í stöðu fram-
kvæmdastjóra en að sögn Sesselju
Árnadóttur, skrifstofustjóra í fé-
lagsmálaráðuneytinu, skýrist það
væntanlega í dag. ■
Fellibylur reið yfir Japan:
11 látnir og
10 saknað
TÓKÍÓ, AP Að minnsta kosti 11 lét-
ust og 10 er saknað eftir að fell-
bylurinn Etau reið yfir Japan um
helgina. Eyjan Hokkaido varð
verst úti í óveðrinu en úrhellis-
rigning fylgdi fellibylnum. Úr-
koman mældist 400 millimetrar
og vindhraðinn fór upp í 144 kíló-
metra á klukkustund.
Miklar skemmdir urðu á hús-
um og samgöngumannvirkjum.
Alls slösuðust 79 manns í felli-
bylnum og vatn flæddi inn í rúm-
lega 1.000 hús. Veðurfræðingar
segja enn hættu á skriðuföllum
vegna rigninga sem fylgdu óveðr-
inu. ■
FJÖLMIÐLAR Mikil ólga var meðal
fréttamanna Stöðvar 2 um helgina
vegna þess að frétt um að Geir
Haarde fjármálaráðherra hefði
farið í laxveiði í boði Kaupþings
Búnaðarbanka var ekki send út í
síðustu viku. Þór Jónsson frétta-
maður var vaktstjóri og hafði ætl-
að sér að birta fréttina þegar Karl
Garðarsson fréttastjóri tók í
taumana og frestaði birtingunni
um „óákveðinn tíma“ eftir samtal
við Sigurjón Sighvatsson, einn
eigenda Norðurljósa. Fréttamönn-
unum þótti ljóst að þarna hafi ver-
ið kippt í spotta og trúverðugleika
fréttastofunnar þar með ógnað.
Fréttamennirnir funduðu um
málið í gærmorgun og voru þar á
einu máli um að una ekki því sem
þeir kalla ritskoðun. Sumir hótuðu
að hætta störfum. Karl staðfesti
við Ríkisútvarpið að einn eigandi
hefði óskað eftir því að fréttin
yrði ekki send út en mótmælir því
að hún hafi verið stöðvuð. Niður-
staðan varð sú í gær að fréttin
yrði send út.
Jóhann Hlíðar Harðarson,
trúnaðarmaður fréttamanna
Stöðvar 2, sagði í gær að frétta-
mennirnir væru á einu máli um að
fréttin hefði átt að birtast. „Ég er
ánægður með það að fréttamenn
voru ekki beygðir. Við stóðum
vörð um sjálfstæði okkar gagn-
vart eigendum,“ segir Jóhann
Hlíðar.
Róbert Marshall, formaður
Blaðamannafélags Íslands og
fréttamaður á Stöð 2, sagði í gær
að félagið myndi taka mál þetta
fyrir. ■
STAL BÍL OG KEYRÐI NIÐUR Í
FJÖRU Ökumaður stolinnar bif-
reiðar slapp ómeiddur þegar bif-
reiðin lenti utan vegar og niðri í
fjöru á Akureyri. Hafði maðurinn
farið í stutta ökuferð fram í Eyja-
fjarðarsveit og var á bakaleið til
Akureyrar þegar óhappið átti sér
stað. Bifreiðin er talsvert
skemmd og er ökumaðurinn
grunaður um ölvun við akstur.
UMFLOTIÐ VATNI
Úrhellisrigning fylgdi fellibylnum sem reið
yfir Japan um helgina. Meira en þúsund
hús skemmdust af völdum flóðanna. Verst
var ástandið á eyjunni Hokkaido.
INGIBJÖRG SÓLRÚN
GÍSLADÓTTIR
Athugar sinn gang í
sumar og skýrir frá fyrir-
ætlunum sínum í fyll-
ingu tímans.
Ingibjörg Sólrún um ummæli Margrétar Frímannsdóttur:
Forystan ráðstafar ekki embættum
All
taf
ód‡rast á netinu
Verð á mann frá 19.500 kr.
■ Lögreglufréttir
Lögsókn hótað
vegna Lundar
Bæjarfulltrúi í Kópavogi segir málshöfðun í undirbúningi vegna samn-
inga bæjarins um uppbyggingu í Lundi. Erfingjar fyrrverandi ábúanda
fái að lágmarki 500 milljónir á silfurfati fyrir eign sem ekki sé þeirra.
LUNDUR
Flosi Eiríksson, oddviti Samfylkingarinnar í bæjarstjórn Kópavogs, segir erfingja erfðafestu
á jörðinni Lundi ekki eiga landið til að skipuleggja þar byggð. Ekki hafi átt að afhenda
þeim byggingarrétt 481 íbúðar í skiptum fyrir erfðafesturéttinn. „Ég og fleiri munu láta
reyna á lagatæknilega hlið þessa samnings,“ segir Flosi.
NORÐURLJÓS
Fréttamenn Stöðvar 2 staðhæfa að einn eig-
enda Norðurljósa hafi stöðvað birtingu fréttar.
„Með þess-
ari aðferð er
bærinn að af-
henda fjöl-
skyldunni að
minnsta kosti
500 milljónir
króna.
Fréttamenn Stöðvar 2 mótmæltu afskiptum:
Frétt um laxveiðar fjár-
málaráðherra send út
FR
ÉT
TA
B
LA
Ð
IÐ
/R
Ó
B
ER
T
Líbería:
Taylor
farinn
MONRÓVÍA, AP „Sagan mun fara
mjúkum höndum um mig. Ég hef
uppfyllt skyldur mínar. Það er ég
sem er fórnarlambið,“ sagði
Charles Taylor þegar hann lét af
embætti forseta
Líberíu í gær eins
og Bandaríkin og
leiðtogar Vestur-
Afríkuríkja höfðu
krafist.
Taylor fól
Moses Blah, vara-
forseta sínum,
völdin í hendur.
Charles Taylor
fylgdist með þeg-
ar Blah sór emb-
ættiseið sinn að viðstöddum
nokkrum leiðtogum Afríkuríkja.
Moses Blah hóf forsetatíð sína
með því að minnast fórnarlamba
blóðbaðsins í Líberíu með einnar
mínútu þögn.
„Nú hefst tími uppbyggingar.
Sameinumst öll sem eitt og vinnum
að friði,“ sagði Blah. Taylor hélt í
gær ásamt konu sinni til Nígeríu,
þar sem hann hefur fengið hæli. ■
FARINN
Charles Taylor og
kona hans Jewel
halda í útlegð til
Nígeríu.