Fréttablaðið - 12.08.2003, Síða 37

25ÞRIÐJUDAGUR 12. ágúst 2003
Mér finnst óskaplega gaman aðvera til og eitt það dýr-
mætasta sem við eigum er tím-
inn,“ segir Sigurgeir Sigurjónsson
ljósmyndari, sem hefur selt 150
þúsund eintök af bókum sínum.
Sigurgeir er barnfæddur Reyk-
víkingur og býr og vinnur í mið-
bænum. „Ég er hálfgerð 101-rotta
og kann best við mig á þessu
svæði,“ segir hann.
Sigurgeir lærði ljósmyndun í
Stokkhólmi og síðar í Kaliforníu.
Hann er ekki í vafa um að það sem
hann er að fást við sé það skemmti-
legast sem hægt sé að gera. „Mér
finnst ég aldrei vera neitt að vinna;
allt er þetta tóm skemmtun og
ánægja.“ Í þessu felst hálfgerð
mótsögn því Sigurgeir er alltaf að.
„Mér finnst bara svo gaman að
vera til og það allra dýrmætasta
sem ég á er tíminn og ég kann að
meta hann. Mitt ríkidæmi felst í
honum en ég tek undir það að ef
honum er kastað á glæ er hann
einskis virði.“
Sigurgeir ferðast mikið og það
er hans helsta áhugamál fyrir utan
vinnuna. „Mér finnst líka gott að
kúra og vera til í rólegheitum en
ég geri það líka oft á ferðalögum.
Ég er alls ekki alltaf með vélina
með mér því þá er maður að hugsa
í annarri vídd og myndavélin trufl-
ar stundum. Þannig næ ég að njóta
umhverfisins og kem frekar aftur
til að taka myndir.“
Sigurgeir er kvæntur Helgu
Gísladóttur og eiga þau þrjú upp-
komin börn. Hann er um þessar
mundir önnum kafinn í mjög
áhugaverðu verkefni með Unni
Jökulsdóttur sem hann segir vera
það skemmtilegasta sem hann hafi
fengist við. „Ég er á þeim vígstöð-
um sem mér finnast hvað mest
spennandi. Umhverfisportrett sem
felst í því að nálgast fólk í sínu um-
hverfi,“ segir Sigurgeir og tekur
myndir af ungum og gömlum þar
sem fegurðin er afstæð. ■
SIGURGEIR SIGURJÓNSSON
Tíminn er það dýrmætasta sem hann á og
hans ríkidæmi felst í honum.
Forðast að kasta tíma sínum á glæ
Persónan
SIGURGEIR SIGURJÓNSSON
■ er önnum kafinn við að taka myndir
af fólki í sínu rétta umhverfi. Hann tekur
myndir af fólki á öllum aldri og þar er
fegurðin afstæð.
Sagt er að Vigdís Finnbogadótt-ir hafi keypt eina af nýju
lúxusíbúðunum í Suðurhlíð 38 í
botni Fossvogs. Íbúðirnar í hús-
inu munu vera
rándýrar; kosta
allt að 60 milljón-
um króna stykkið,
og hafa ekki
gengið sérlega
hratt út. Með söl-
unni til Vigdísar
er hins vegar vonast til að áhug-
inn aukist og fasteignasalar að
vonum spenntir, en íbúðirnar eru
miklar lúxusvillur. Til að mynda
er einangrunin það góð að hægt
gæti heil hljómsveit spilað inni í
svona íbúð án þess að nágrannar
myndu heyra bofs fyrr en opnað-
ur yrði gluggi.
Fréttiraf fólki
Það blasir við í huga mínumhvert áhugamálið er. Það er
fótbolti,“ segir Guðjón Arngríms-
son, upplýsingafulltrúi Flugleiða,
um áhugamálið sitt. „Ég spilaði
sjálfur fótbolta frá því ég man
eftir mér þangað til ég var 25
ára. Síðan hafði ég atvinnu af því
í fjölmiðlum að fjalla um fótbolta
og aðrar íþróttir. Svo hef ég alltaf
fylgst með þessu af miklum
áhuga og geri enn.“ Uppáhaldslið
Guðjóns er Þróttur.
■ Jarðarfarir
13.30 Gíslína Þóra Jónsdóttir, Afla-
granda 40, verður jarðsungin frá
Fríkirkjunni í Reykjavík.
13.30 Jakob Árnason, Tunguvegi 18,
Reykjavík, verður jarðsunginn frá
Bústaðakirkju.
■ Áhugamálið mitt
■ Veistu svarið?
Svör við spurningum á bls. 6
1.
2.
3.
Franz Fischler.
Arthúr Bogason.
FH.
Grapevine er tímarit semdreift er meðal erlendra
túrista á Íslandi. Vissulega er það
frekar í listrænni kantinum en á
að þjóna ferðamönnum sem leið-
sögublað yfir Reykjavík. Nú er til
dæmis fjallað mikið um Menn-
ingarnótt. En það sem færri vita
er að nafn ritsins er einnig nafn á
tímariti AA-samtakanna í Banda-
ríkjunum. Það tímarit hefur
starfað miklu lengur en hið reyk-
víska. Ekkert hefur heyrst af
óánægju AA-manna í Bandaríkj-
unum en margir ferðamenn hafa
furðað sig á þessu nafni.
Einn af helstu vín- og matar-sérfræðingum landsins, Þorri
Hringsson, hefur setið við skrift-
ir norður í Aðaldal í sumar jafn-
framt því sem hann hefur sinnt
þar veiðiskap og myndlist. Ávöxt-
ur þessarar vinnu mun vera bók
sem ber þann einfalda titil „Vín“
og er ætlað að vera aðgengileg og
upplýsandi handbók fyrir ört
stækkandi hóp áhugasamra Ís-
lendinga um vín og mat. Halldór
Baldursson teiknari hefur lagt
gjörva hönd á myndskreytingu
bókarinnar. Bókinni verður dreift
í miklu upplagi í haust, en útsölu-
verði verður stillt í hóf. Hag-
kaupsverslanirnar munu ætla að
taka bókina í sölu og standa vonir
til að bókin seljist eins og met-
sölubækur bakarans Jóa Fel, sem
skaut mörgum rithöfundum aftur
fyrir sig á metsölulistum jólanna
2001 og 2002 með köku- og brauð-
bókum sínum.
Fréttiraf fólki
FR
ÉT
TA
B
LA
Ð
IÐ
/V
IL
H
EL
M