Fréttablaðið - 25.10.2003, Page 29

LAUGARDAGUR 25. október 2003 29
DÝR DEMANTUR
Orðið „bling“ byrjaði sem orð yfir gullkeðjur og demantshringi sem einkum voru bornir af
svörtum rapp tónlistarmönnum. Hér heldur skartgripafræðingurinn Sarah Srichoomsin í
uppboðshúsinu Christie á 63.93 karata demantshring sem metin er á um 90 milljón
krónur og myndi vafalítið flokkast undir bling, ef ekki bling bling.
Íhinum enskumælandi heimi ogmeðal þeirra sem eru undir
áhrifum hans er „bling“ tískuorð-
ið í dag eða jafnvel „bling-bling“.
Alls staðar frá síðum blaðanna
og yfir í blaður útvarpsstöðva
veður þetta orð uppi, „bling“, og
fyrr á þessu ári öðlaðist það form-
lega viðurkenningu sem hluti
enskrar tungu þegar það birtist í
OED - það er Oxford English Dict-
ionary, enska orðabókin frá
Oxfordháskóla.
Samkvæmt skilgreiningu orða-
bókarinnar er orðið „bling“ eða
„bling-bling“ notað um dýra og
áberandi skartgripi, og það að
bera slíka muni.
Dýrkun hinna efnislegu
gæða
Á götunni þar sem enska er töl-
uð hefur orðið ennþá víðtækari
merkingu og lýsir því gildismati
sem felst í því að lifa lífinu til hins
ítrasta, vinna mikið, skemmta sér
rækilega og sækjast eftir því
besta (dýrasta), minkapelsinum,
farmiða á fyrsta farrými, Prada-
fatnað, Rolex-úr, Bentley-bíl, Dom
Perignon kampavín og svo fram-
vegis. Með öðrum orðum þá er
„bling“ eða „bling-bling“ slagorð
neyslukapphlaupsins, lausnarorð
þeirra sem dýrka hin efnislegu
gæði.
Talið er að orðið hafi fyrst kom-
ið fram seint á tíunda tug síðustu
aldar og hafi fyrst verið notað sem
titill á söngtexta rapp sveitarinnar
Cash Money Millionaires sem flutt
var af rapparanum Baby Gangsta.
Stílistar segja að „bling“ eigi
rætur að rekja til svartra popptón-
listarmanna því að hvítir músík-
antar hafi lítið hugsað um útlit sitt
og klæðaburð og látið sig hafa það
að koma fram fyrir aðdáendur
sína á gallabuxum og bol meðan
hinir svörtu hafi kosið að berast á
og sýna aðdáendum sínum að þeir
hefðu efni á hlutum sem venjuleg-
ur meðaljón verður að láta sér
nægja að girnast. Og nú til dags
flokkast ekki aðeins gullkeðjur og
demantshringir undir „bling“
heldur líka þeir flokkar af hálfber-
um fegurðardísum sem skreyta
tónlistarmyndbönd nútímans.
Kraftbirting neyslukapp-
hlaupsins
Sumum finnst þetta komið út í
öfgar og hafa áhyggjur af því að
sífellt sé verið að veifa auðæfum
og munaði framan í áhorfendur
sem aldrei í lífinu eiga eftir að
öðlast neitt í líkingu við það sem
myndböndin sýna. Í öllu falli er
„bling“ kraftbirting neyslukapp-
hlaups nútímans, eða eins og
rapparinn Chuck D í Public
Enemy segir: „Hip hop snýst um
að sjúga brjóstin á Sámi frænda
fastar en nokkru sinni fyrr“. ■
Nýtt orð ryður
sér til rúms í ensku:
„Bling“ -
nýtt
tískuorð