Fréttablaðið - 08.11.2003, Page 22

22 8. nóvember 2003 LAUGARDAGUR
Íslenska óperan og Strengja-leikhúsið hafa tekið höndum
saman um að búa til í fyrsta skip-
ti í heiminum óperu fyrir ung-
linga,“ segir Kjartan Ólafsson,
tónskáld og höfundur tónlistar í
nýrri íslenskri óperu sem ber
heitið Dokaðu við. Hún verður
frumsýnd í Íslensku óperunni á
miðvikudaginn, en efni hennar
er sérstaklega ætlað unglingum.
„Í óperunni er fjallað um efni
sem snýr mjög að unglingum,
uppvaxtarár drengs og hvað ger-
ist í hans þroskasögu, allt þar til
hann kynnist ástinni í fyrsta
skipti og fer að eignast börn,“
segir Kjartan. „Unglingar eru
kröfuharðir og tónlistin, lýsingin
og uppsetningin er sérhönnuð
með það í huga.“
Popp, raftónlist og klassík
Messíana Tómasdóttir gerði
handritið að óperunni, en það er
byggt á ljóðum eftir Theodóru
Thoroddsen, Þorstein frá Hamri
og Pétur Gunnarsson. Danshöf-
undur og dansari í sýningunni er
Aino Freyja Järvelä, David Walt-
ers hannar lýsingu og Messíana
Tómasdóttir hannar leikmynd,
búninga og brúður, auk þess sem
hún er leikstjóri sýningarinnar.
Tónlistin er, að sögn Kjartans,
mjög fjölbreytileg. Með sönghlut-
verkin fara Garðar Thór Cortes
tenór og Marta Guðrún Halldórs-
dóttir sópran og á sviðinu er ein-
nig þriggja manna hljómsveit, þar
sem Kjartan Ólafsson spilar sjálf-
ur á hljómborð, Kolbeinn Bjarna-
son á flautu og Stefán Örn Arnar-
son á selló. Einnig er mikið af tón-
listinni spilað af bandi, þannig að
margar hendur hafa komið að
gerð hennar þegar allt er saman
tekið.
„Þetta er frekar aðgengileg
tónlist,“ segir Kjartan. „Hún kem-
ur úr mörgum áttum og frá mörg-
um tímum. Þarna er popp, raftón-
list, hefðbundin sönglög og
klassík. Söngvararnir fljúga á
milli tímabila, úr há-klassískum
aríum yfir í popp með rafmagns-
gítar, bassa og trommum.“ Allt
verður þetta keyrt í gegnum risa-
hljóðkerfi að sögn Kjartans og
með miklum ljósabúnaði. Hljóð-
blöndunin verður sjálfsagt ekki af
verri endanum því hana annast
Tómas Tómasson, bassaleikari
Stuðmanna. Aðspurður um það
hvort ekki sé mikið á söngvarana
lagt, að takast á við svo margar
tónlistarstefnur, segir Kjartan
það lítið áhyggjuefni. Popp og
klassík liggi jafnvel fyrir þeim.
„Við gerum þetta alveg í botn.“
Samstarf við skóla
Kjartan segir efni óperunnar
geta nýst í tónlistar- og myndlist-
arkennslu og jafnvel í íslensku-
kennslu líka. Aðstandendur sýn-
ingarinnar hafa efnt til samstarfs
við skóla og verður sýningartím-
inn mestmegnis á skólatíma.
Sýningin hefur verið mörg ár í
bígerð og hugmyndin er upphaf-
lega komin frá Messíönu Tómas-
dóttur. Kjartan segir þetta lýríska
sýningu þar sem fjölbreytileikinn
sé í fyrirrúmi. „Það hefur aldrei
verið lagt eins mikið í sýningu
fyrir unglinga,“ segir hann. Hann
bendir á að sýningar fyrir þennan
aldurshóp séu mjög fágætar, en
nóg sé um sýningar fyrir börn
annars vegar og fullorðna hins
vegar. „Unglingar hafa hins vegar
verið afskiptir. Það eru mjög
sjaldan gerðar sýningar fyrir þá
sérstaklega.“
Hann er viðbúinn gagnrýni frá
hinum kröfuhörðu unglingum, en
segist þó ekki óttast samkeppnina
við Pop TV og Eminem. „Það er
fjölbreytileiki í gegnum alla sýn-
inguna og unglingarnir í dag eru
fyrsta kynslóðin sem er alin upp
við fjölbreytta tónlist. Fjölbreytn-
in hefur aldrei verið eins mikil og
í dag. Ég þekki unglinga töluvert
vel og veit að þeir geta verið
gagnrýnir. Þeir unglingar sem
hafa heyrt þetta eru fljótir að
finna sín uppáhaldslög í þessu,
sem er jákvætt. En maður veit
auðvitað ekki hver viðbrögðin
verða, þannig að við erum mjög
spennt. Þetta hefur aldrei verið
gert áður.“
gs@frettabladid.is
Ópera
fyrir unglinga
Íslenska óperan og Strengjaleikhúsið frumsýna nýja óperu á miðvikudaginn. Óperan er sérstök að því leyti að hún er ætluð aldurshópi
sem sjaldan hefur verið kenndur við mikinn áhuga á óperum. Hún heitir Dokaðu við og í henni eru rafmagnsgítarar og trommur, popp,
raftónlist, sönglög og klassík:
FRÉTTAB
LAÐ
IÐ
/VILH
ELM
SÖNGVARARNIR
Auk Garðars Thór Cortes fer Marta Guðrún Halldórsdóttir sópran með
sönghlutverk í verkinu.
HLJÓMSVEITIN Á SVIÐINU
Kolbeinn Bjarnason og Kjartan Ólafsson mynda tvo þriðju hluta hljómsveitarinnar -
en sá síðarnefndi er jafnframt höfundur tónlistarinnar. Auk þeirra er í
hljómsveitinni Stefán Örn Arnarson.
UNGLINGAÓPERA
Garðar Thór Cortes fer með annað sönghlutverkið í verkinu og Aino Freyja Järvelän sér um dansana. Hér eru þau í einu atriðana með
hljómsveitina í bakgrunni. Verkið fjallar um þroskasögu ungs drengs allt til fyrstu ástar og barneigna og byggir á ljóðum eftir þrjú skáld.