Fréttablaðið - 15.11.2003, Qupperneq 8

8 15. nóvember 2003 LAUGARDAGUR
Gagnleg fjárfesting
„Samkvæmt nýjustu fréttum
hafa viðskipti við Japan
minnkað á þeim tíma sem lið-
inn er frá því 700 milljónum
var varið til þess að opna
sendiráðið.“
Guðjón Arnar Kristjánsson í umræðum á Al-
þingi. Morgunblaðið, 14. nóvember.
Lyg-Ari
„Þetta eru alger ósannindi.“
Herdís Þórðardóttir, framkvæmdastjóri
Heilsugæslustöðvarinnar í Hveragerði, um
ásakanir Samtaka atvinnulífsins um mikla
framúrkeyrslu í fjárútlátum. Fréttablaðið, 14.
nóvember.
Of mikill bjór yfir boltan-
um?
„Bogi er að vísu oft svolítið
þvoglumæltur en þetta er
besta fólk.“
Stefán J. Hjaltalín, íbúi á Hrafnistu, var álits-
gjafi DV um sjónvarpsdagskrána. 14. nóvem-
ber.
Orðrétt
Formaður utanríkismálanefndar Alþingis:
Ísland á ekki að þurfa að
líða einhliða samningsrof
UTANRÍKISMÁL „Utanríkisstefna
Íslands og áherslur okkar á al-
þjóðamál almennt hafa gert það
að verkum að Ísland hefur öðl-
ast þann sess og virðingu á al-
þjóðavettvangi að það þurfi ekki
að sæta því að samningar séu
rofnir einhliða,“ sagði Sólveig
Pétursdóttir, formaður utanrík-
ismálanefndar Alþingis, í ræðu
sem hún flutti í fyrradag um ut-
anríkismál. Þar skírskotaði hún
til umræðunnar um varnar-
samning Íslands og Bandaríkj-
anna. Sólveig sagði að það hefði
komið eins og köld vatnsgusa
framan í íslensku þjóðina þegar
bandarísk stjórnvöld tilkynntu
íslenskum stjórnvöldum fyrir-
varalaust síðastliðið vor að þau
hygðust flytja herafla sinn á
brott frá Íslandi innan mánaðar
frá tilkynningunni.
„Utanríkismálanefnd fylgdist
náið með aðgerðum ríkisstjórn-
arinnar í málinu og studdi að-
gerðir hennar. Málið fékk far-
sælan endi, hagsmunum Íslands
var borgið og ber að þakka for-
sætisráðherra fyrir hversu vel
var haldið á málinu,“ sagði Sól-
veig. ■
Akureyri:
Sofnuðu út frá
eldamennsku
LÖGREGLUMÁL Lögreglan á Akur-
eyri fékk tilkynningu um að
reykur kæmi út úr íbúð í fjöl-
býli við Keilusíðu á Akureyri í
fyrrakvöld. Voru lögregla og
slökkvilið kölluð á staðinn og
þurftu að brjóta sér leið inn í
íbúðina.
Í ljós kom að tveir karlmenn
á fertugsaldri höfðu sofnað út
frá eldamennsku og íbúðin
fyllst af reyk. Voru þeir báðir
fluttir til skoðunar og að-
hlynningar á sjúkrahús en að
sögn lögreglu er mjög ósenni-
legt að þeir hafi orðið fyrir
skaða. ■
Þegar þig langar
frá kr.
3.800
á mann
Næturgisting með morgunmat frá aðeins 3.800 kr.* á mann.
*Tilboðið miðast við tvo í herbergi og gildir í nóvember og desember.
• Flughótel • Flúðir • Rangá • Loftleiðir •
• Nordica • Hérað • Kirkjubæjarklaustur • Selfoss •
Sími: 444 4000
www.icehotels.is
FRÁ NÝAFSTÖÐNU ÞINGI BSRB
Félagsmenn BSRB og annarra samtaka opinberra starfsmanna segja að breytingar á lög-
um um réttindi og skyldur opinberra starfsmanna séu aðför að grundvallarréttindum og
hyggjast berjast af alefli gegn breytingunum.
Breytingar á lögum um réttindi
og skyldur opinberra starfsmanna:
Ráðist á grund-
vallarréttindin
KJARAMÁL Samtök opinberra starfs-
manna mótmæla harðlega fram-
komnu frumvarpi ríkisstjórnarinn-
ar um breytingar á lögum um rétt-
indi og skyldur starfsmanna ríkis-
ins.
Samkvæmt því þarf forstöðu-
maður ríkisstofnunar ekki lengur
að áminna starfsmann formlega
áður en að uppsögn kemur. And-
mælaréttur starfsmanna verður
jafnframt afnuminn.
BSRB, BHM og KÍ hafa brugð-
ist hart við frumvarpinu og segjast
munu beita sér af alefli gegn því.
Talsmenn samtakanna segja að
frumvarpið feli í sér að lágmarks-
réttindi samkvæmt stjórnsýslulög-
um séu tekin af ríkisstarfsmönn-
um, þeir njóti meðal annars ekki
andmælaréttar, reglunnar um jafn-
ræði eða meðalhófsreglunnar.
Þá hefði breytingin það í för
með sér að uppsagnir ríkisstarfs-
manna yrðu framvegis algerlega
háðar duttlungum stjórnenda
stofnana.
Talsmenn samtaka opinberra
starfsmanna hafa litið svo á að allar
breytingar á þessum lögum skuli
gerðar í fullu samráði við samtökin.
Hér sé hins vegar farið fram án alls
samráðs og við slíkt verði ekki
unað. ■
FORMAÐUR UTANRÍKISMÁLANEFNDAR
„Ísland hefur öðlast aukinn sess og virð-
ingu á alþjóðavettvangi,“ sagði Sólveig Pét-
ursdóttir, formaður utanríkismálanefndar, í
ræðu um utanríkismál á Alþingi í gær.