Fréttablaðið - 15.02.2004, Side 19
SUNNUDAGUR 15. febrúar 2004
lifun flestra Bandaríkjamanna að
hann sé að segja þeim satt. Það er
sjaldgæfur eiginleiki.“
Aldur og lífsreynsla
Talið berst að æskudýrkun í
fjölmiðlum sem Páll segir vera
heimskulega. Sjálfur varð hann
fréttastjóri ekki orðinn þrítugur.
Hann segist meðvitað hafa á þeim
tíma ráðið fréttamenn sem voru
eldri en hann. Hann bendir á að
hjá virtustu og vinsælustu sjón-
varpsfréttastofum heims sé aldur
og reynsla sett í fyrsta sæti:
„Channel 5, er einhver vinsælasta
einkarekna fréttastöðin í Bret-
landi. Hún er fersk og frjálsleg og
með óvenju djarfa framsetningu á
fréttum og markhópurinn er fyrst
og fremst fólk innan við fimm-
tugt. Stöðin auglýsti eftir frétta-
mönnum um daginn og meðal skil-
yrða var að fréttamennirnir væru
eldri en fimmtugir. Spurðir um
ástæðu þessa segja forsvarsmenn
stöðvarinnar að fólk eldra en
fimmtugt höfði best til fólks sem
sé yngra en fimmtugt. Yngra fólk-
ið trúir ekki jafnöldrum sínum
þegar kemur að alvarlegum sam-
félagsmálum. CBS hefur svipaða
stefnu og segir að yngra fólk hafi
ekki nægilega lífsreynslu til að
segja fólki með trúverðugum
hætti hvað snýr upp og niður á
þjóðfélaginu. Sama finnst mér
reyndar gilda um pólitíkina. Það
er alltaf verið að klifa á því að það
þurfi yngra fólk á þing. Mér sýn-
ist þvert á móti að margir af þess-
um yngstu þingmönnum hafi ná-
kvæmlega ekkert til málanna að
leggja. Mætti ég biðja um lífs-
reyndari og þroskaðri þing-
menn?“
„Stöðugt í
stjórnarandstöðu“
Þegar Páll tekur nú við starfi
fréttaþular á Stöð 2 er áhorf á
fréttatíma Stöðvarinnar mun
minna en á fréttir ríkissjónvarps-
ins, en fréttir á báðum stöðvum
eru á sama tíma. Stöð 2 hyggst nú
snúa vörn í sókn. „Ég held að við
höfum alla burði til þess að reka
betri fréttastofu hér á Stöð 2
þannig að ég hlakka mikið til sam-
keppninnar,“ segir Páll. „Hér inn-
an dyra eigum við eftir að taka
ákvörðun um það hvort við færum
fréttatímann. Fyrir fjórum árum,
eða svo, vorum við með svipað
áhorf og ríkissjónvarpið. Þá var
ég á því að við ættum að taka slag-
inn og færa fréttatíma okkar og
hafa hann á sama tíma og fréttir
RÚV. Sú ákvörðun hefði verið tek-
in út frá styrkleika. En þegar
ákvörðunin var loks tekin, þrem-
ur árum seinna, þá hafði áhorf á
fréttir Stöðvar 2 minnkað til muna
og burðum fréttastofunnar hrak-
að af ýmsum ástæðum. Sú ákvörð-
unin var því tekin út frá veikleika.
Þess vegna tel ég þá ákvörðun
hafa verið ranga.“
Fréttamennskan á Stöð 2 virk-
ar oft mun harkalegri en á RÚV.
Hefur Stöð 2 verið meðvitað í
stjórnarandstöðu í fréttum sínum?
„Stöð 2 hefur lengst af verið
hvassari í framsetningu en RÚV.
Það var meðvituð stefna sem var
tekin í upphafi. Árið 1986, þegar
við bjuggum til fréttastofuna,
notaði ég stundum slagorð úr
sænska Aftonblaðinu: „Stöðugt í
stjórnarandstöðu“. Ég skilgreindi
það ekki þannig að stöðin ætti að
vera á móti einstökum stjórn-
málaflokkum, heldur í þeim skiln-
ingi að eitt af hlutverkum frétta-
stofu væri að veita stjórnvöldum
á hverjum tíma sterkt aðhald.
Þetta finnst mér enn eiga við. Að
öðru leyti er fréttastofa Stöðvar 2
ekki í stjórnarandstöðu, að minns-
ta kosti ekkert frekar gagnvart
þessari ríkisstjórn en öðrum rík-
isstjórnum.“
Davíð og pólitíkin
Páll er með próf í stjórnmála-
sögu. „Ég hef alltaf haft mikinn
áhuga á pólitík og hafði lengi
atvinnu af því að fylgjast með
henni. En eftir því sem ég hef
fylgst meira með henni þeim mun
minni áhuga hef ég á að vera
beinn þátttakandi í henni,“ segir
hann. Hann er spurður hvaða
stjórnmálamenn hann hafi í há-
vegum og svarar: „Maður getur
haft stjórnmálamenn í hávegum
af svo mörgum ástæðum. Ekki
endilega vegna þess að maður er
sammála þeim, heldur vegna þess
að manni finnst þeir skarpir og
snjallir. Ég held að menn komist
ekki fram hjá því að líta til Davíðs
Oddssonar. Mér ofbýður reyndar
stundum að fólki virðist fyrir-
munað að tala um nokkurn skap-
aðan hlut lengur en í fimm mínút-
ur án þess að nefna Davíð Odds-
son til sögunnar. Sumir eru svo
helteknir af honum að þeir geta
jafnvel ekki talað um blýmengun í
sjávarspendýrum án þess að
nefna Davíð. En Davíð hefur auð-
vitað yfirskyggt íslenska pólitík
síðustu áratugina og óhjákvæmi-
lega verða aðrir samtíma stjórn-
málamenn með einhverjum hætti
einhverskonar hlutfall af honum.
Jón Baldvin er auðvitað mjög eft-
irminnilegur pólitíkus og ætli
hann teljist ekki fara langt með að
vera, ásamt Davíð, skemmtileg-
asti pólitíkus síðustu áratuga.
Steingrímur Hermannsson átti
einnig sitt skeið, þótt með öðrum
hætti væri.“
Stundum er sagt að stjórnmála-
menn tapi á því að svara frétta-
mönnum harkalega og setja ofan í
við þá. Páll segir þetta einstak-
lingsbundið: „Framganga í sjón-
varpi kveikir misjafnar tilfinn-
ingar hjá fólki. Ég var einu sinni
með yfirheyrsluþætti á Stöð 2 þar
sem gengið var mjög hart að
mönnum. Stjórnmálamenn, eins
og til dæmis Jón Baldvin, Svavar
Gestsson og Davíð Oddsson voru
alltaf tilbúnir að svara fyrir sig og
gerðu það oftast vel. Þeir kölluðu
aldrei fram samúð eða vorkunn
áhorfandans. Eftir þættina var
hringt og maður skammaður fyrir
að hafa hlíft þeim og ekki gengið
nógu hart fram. Aðrir stjórnmála-
menn, eins og til dæmis Stein-
grímur Hermannsson og Albert
Guðmundsson, voru meðhöndlað-
ir nákvæmlega eins í þessum þátt-
um. Samt fékk maður hringingar
strax eftir þáttinn þar sem fólk
hellti sér yfir mann og spurði
hvers lags dónaskapur og yfir-
gangur þetta væri, hvort maður
ætlaði að drepa mennina? Þessir
stjórnmálamenn og viðbrögð
þeirra kölluðu fram samúð.“
Vandi einkarekinna
fjölmiðla
Mikið hefur verið rætt um
lagasetningu við hringamyndun á
fjölmiðlamarkaði. „Ég skil vel að
menn hafi áhyggjur af því að fjöl-
miðlar safnist um of á fáar hend-
ur,“ segir Páll. „Það er sjálfsagt og
eðlilegt að fara í gegnum þessa
umræðu og meta að því loknu
hvort ástæða sé til að setja um
þetta sérstök lög. Mér er þó ekki
ljóst hvernig þau lög ættu að
hljóða, en það verður forvitnilegt
að sjá niðurstöður nefndarinnar
sem nú er að fjalla um þessi mál.
Við skulum þó hafa í huga að það
er ekki eins og Norðurljós séu að
yfirtaka alla fjölmiðlun á Íslandi.
Sé litið til veltu er Morgunblaðið
eitt og sér stærra en samanlögð
blaðaútgáfa Norðurljósa og Ríkis-
útvarpið eitt er ámóta stórt og all-
ur ljósvakahluti Norðurljósa. Við
verðum einnig að gæta að því, að
allir einkareknir fjölmiðlar á Ís-
landi, að Mogganum undanskild-
um, hafa lengst af verið nær því
að deyja en lifa – og flestir reynd-
ar dáið. Menn mega ekki með laga-
setningu skerða rekstrargrund-
völl einkarekinna fjölmiðla á Ís-
landi, nógu veikur er hann fyrir.
Hin hliðin á þessum peningi er
nefnilega sú, að fyrir nokkrum
misserum mátti litlu muna að
Morgunblaðið yrði eina dagblaðið
sem gefið væri út á Íslandi og Rík-
isútvarpið eini fullburða ljósvaka-
miðillinn. Ég leyfi mér að fullyrða
að það ástand vill enginn.“
En hversu lengi ætlar Páll sér
að vera á skjánum. Hann segir
ekkert ákveðið í þeim efnum en
þegar hann er spurður hvort hann
eigi von á því að vera eins og Dan
Rather, enn að lesa fréttir á átt-
ræðisaldri, er hann fljótur til
svars: „Nei, ég ætla ekki að deyja
út úr þessu starfi“. Dan Rather er
talinn hafa virðulega og hlýja
nærveru á skjánum og þykir mjög
trúverðugur. Hið sama má segja
um Pál.
Spurður um trúverðugleika,
sem er svo nauðsynlegur í þessu
starfi, segir Páll: „Ég vona að ég
hafi hann til að bera. Ég vona alla-
vega að ég hafi hagað mér þannig
í gegnum mína fréttamannstíð að
fólk hafi meiri tilhneigingu til að
trúa því sem ég segi fremur en að
halda að ég sé að skrökva því“.
kolla@frettabladid.is
Ég skil vel að menn
hafi áhyggjur af því
að fjölmiðlar safnist um of á
fáar hendur. Það er sjálfsagt
og eðlilegt að fara í gegnum
þessa umræðu og meta að
því loknu hvort ástæða sé til
að setja um þetta sérstök lög.
Mér er þó ekki ljóst hvernig
þau lög ættu að hljóða, en
það verður forvitnilegt að sjá
niðurstöður nefndarinnar sem
nú er að fjalla um þessi mál.
Við skulum þó hafa í huga að
það er ekki eins og Norðurljós
séu að yfirtaka alla fjölmiðlun
á Íslandi. Sé litið til veltu er
Morgunblaðið eitt og sér
stærra en samanlögð blaða-
útgáfa Norðurljósa og Ríkisút-
varpið eitt er ámóta stórt og
allur ljósvakahluti Norður-
ljósa. Við verðum einnig að
gæta að því, að allir einka-
reknir fjölmiðlar á Íslandi, að
Mogganum undanskildum,
hafa lengst af verið nær því
að deyja en lifa – og flestir
reyndar dáið. Menn mega
ekki með lagasetningu skerða
rekstrargrundvöll einka-
rekinna fjölmiðla á Íslandi,
nógu veikur er hann fyrir.
,,
Salou
Salou hefur notið mikilla vinsælda vegna
fjölbreytileika svæðisins, þar ættu allir að finna
eitthvað við sitt hæfi. Salou er fallegur strandbær
í Suður-Katalóníu á Costa Dorada ströndinni, um
100 km sunnan við Barcelona.
Stangarhyl 3
110 Reykjavík
Sími: 591 9000
www.terranova.is
Akureyri sími: 461 1099
Frá kr. 49.890
Miðað við 2 í íbúð á Novelty
20.maí – vikuferð með 8.000 kr. afslætti
Frá kr. 37.495
Miðað við hjón með 2 börn, 2-11 ára á Novelty
20.maí – vikuferð með 8.000 kr. afslætti
Í Salou er Port Aventura, stærsti og glæsilegasti
skemmtigarður Spánar, ævintýralegir rússibanar, hvers
kyns leiktæki, veitingastaðir, verslanir og fjölbreytt
skemmtiatriði. Þessi sólarbær er því frábær
dvalarstaður fyrir fjölskyldur.
Salou skartar fallegum
ströndum, fjölbreyttri
aðstöðu og einstöku
veðurfari. Menning,
verslanir og litríkt næturlíf
taka síðan við þegar að
kvölda tekur.
suður af Barcelona
sólarperlan
8.000 kr.
Bókaðu fyrir 15
. mars og
tryggðu þér 8.0
00 kr. afslátt
í valdar brottfa
rir.
afsláttur ef þú b
ókar strax.
Vikulegt
flug
í sumar