Fréttablaðið - 23.02.2004, Blaðsíða 32
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
ÞRÁINS BERTELSSONAR
Einn af oss
trulofun.is
Þau tíðindi berast nú vestan fráBandaríkjunum að þeir sem sár-
ast syrgja háhyrninginn Keikó og
vilja blessa og varðveita minningu
hans hafi nýverið komið saman í
fylkinu Óregón og kveikt á kertum
og lesið ljóð og hlustað á séra Thom-
as Chatterton og fleiri góða menn
flytja minningarorð. En nú eru liðin
nokkur ár síðan illhveli þetta var
sett á eftirlaun í Vestmannahöfn
með mikilli viðhöfn. Viðdvöl Keikós
í Vestmannaeyjum varð þó styttri en
ráð hafði verið fyrir gert, og launaði
hann Vestmannaeyingum gistivinátt-
una með því að slíta trúlofun sinni
við bíldekk það sem bæjarbúar
höfðu útvegað honum sem lífsföru-
naut og stakk af til Noregs, þar sem
þetta ferlíki bar síðan beinin og er
dysjað á ókunnum stað – til að fyrir-
byggja átrúnað, helgiathafnir og
pílagrímsferðir bandarískra syrgj-
enda.
Í MINNINGARORÐUM sínum
ku séra Chatterton hafa sagt að
Keikó hefði „ekki verið mennskur –
en hann var samt einn af oss“. Þessi
samsömun hins bandaríska kenni-
manns með illhvelinu útskýrir
margt sem einum Evrópumanni þyk-
ir undarlegt og jafnvel óskiljanlegt í
fari hins risavaxna granna okkar í
vestri.
ÞAÐ vill vefjast fyrir mörgum að
skilja framferði Bandaríkjamanna
á alþjóðavettvangi, ekki síst þá
kerfisbundnu fyrirlitningu og yfir-
gang sem þeir sýna að staðaldri
gagnvart helstu samtökum mann-
kynsins, hinum Sameinuðu þjóðum.
Sömuleiðis er það næstum ofvaxið
mannlegum skilningi hvernig
Bandaríkjamönnum hefur tekist að
espa friðsaman Arabaheiminn upp
á móti sér með brennandi olíu-
þorsta sínum og hernaðarlegum
stuðningi við glæpamannalepp-
stjórnina í Sádi-Arabíu.
EN allt verður þetta samstundis
eðlilegt og skiljanlegt í ljósi orða
hins ameríska kennimanns að
Bandaríkjamenn hneigist frekar til
að samsama sig háhyrningum heldur
en mönnum, og þessi mikla þjóð hafi
fundið sálufélaga sinn í Keikó og
meðal þeirra stórhvela sem ennþá
synda fram og aftur um heimshöfin
í þeim tilgangi að sýna mátt sinn og
megin og svelgja í sig smáa fiska.
Eða eins og séra Chatterton orðaði
það svo snilldarlega: „Hann var einn
af oss.“