Fréttablaðið - 11.05.2004, Blaðsíða 8

8 11. maí 2004 ÞRIÐJUDAGUR
KAMPAKÁTUR KANSLARI
Um það bil þúsund fyrirtæki sýna afurðir
sínar á alþjóðlegu flugsýningunni sem
hófst í Berlín í gær. Gerhard Schröder,
kanslari Þýskalands, tók kátur á móti líkani
af evrópsku geimflauginni Ariane 5.
FORSETINN Engar sérstakar reglur
gilda um samskipti forseta-
embættisins og ráðuneyta í
tengslum við opinberar heim-
sóknir forsetans eða heimsóknir
erlendra þjóðhöfðingja hingað til
lands. Hins vegar hafa skapast
ákveðnar hefðir og venjur varð-
andi slíkar heimsóknir sem fylgt
er í framkvæmd.
Samkvæmt upplýsingum
Fréttablaðsins úr stjórnkerfinu
hefur forseti ætíð samráð við rík-
isstjórn þegar opinberar heim-
sóknir eru ákveðnar og skipulagð-
ar. Þetta á við um svokallaðar
þjóðhöfðingjaheimsóknir sem
kallast á máli diplómata „state
visits“. Ef um þjóðhöfðingjaheim-
sókn er að ræða er það skrifstofa
forsetans sem annast skipulagn-
ingu en í samráði við utanríkis-
ráðuneytið, einkum prótókoll-
skrifstofu þess.
Sigurður Líndal lagaprófessor
sagði í samtali við Fréttablaðið að
mikilvægt væri að gera greinar-
mun á opinberum erindum og
einkaerindum forsetans. Skilin
væru oft mjög óljós. „Það má
segja að eðli málsins samkvæmt
sé rétt af forseta að hafa samráð
um öll sín opinberu samskipti. Og
þegar mörkin milli einkaerinda og
opinberra erindi eru óljós þá
myndi ég gefa það ráð að muna
alltaf eftir því að maður er for-
seti,“ sagði Sigurður. ■
SKIPULAGSMÁL Borgaryfirvöld í
Reykjavík munu ekki verða við
áskorunum um að fresta fram-
kvæmdum við færslu Hring-
brautar og bera málið undir at-
kvæði íbúa samhliða forsetakosn-
ingunum í sumar.
Fréttablaðið greindi frá því í
gær að hafin væri söfnun undir-
skrifta þar sem ofangreind áskor-
un er sett fram. Þórólfur Árnason
borgarstjóri sagði í samtali við
blaðið að engin efni væru til að
verða við áskoruninni. „Þetta mál
er einfaldlega þannig vaxið að það
er ómögulegt að bera það undir at-
kvæði íbúa. Það er engin já eða
nei spurning í stöðunni sem íbúar
geta tekið afstöðu til. Íbúalýðræði
á því ekki við í þessu tilviki,“
sagði Þórólfur.
Í svarbréfi borgarstjóra til
Átakshóps Höfuðborgarsamtak-
anna og Samtaka um betri byggð,
sem óskuðu eftir atkvæða-
greiðslu um málið, kemur fram
að færsla Hringbrautar á sér
langan aðdraganda. Samningur
sem Reykjavíkurborg gerði við
ríkisvaldið í október 1998 um
framtíðaruppbyggingu Land-
spítalans fól í sér breytta legu
Hringbrautar. Segir í bréfi borg-
arstjóra að málið hafi hlotið ítar-
lega og vandaða meðferð innan
borgarkerfisins og verið kynnt í
samræmi við lög. Borgarráð hafi
samþykkt skipulagsbreytinguna í
fyrravor og Skipulagsstofnun
hafi síðar fallist á framkvæmd-
ina.
Sú gagnrýni sem fram hefur
komið á færslu Hringbrautar bein-
ist einkum að því að verið sé að sé
að sóa verðmætu byggingarlandi í
Vatnsmýrinni og sex akreina
stofnbraut muni skera miðborgina
í sundur og rjúfa tengsl hennar við
Vatnsmýrina og háskólasvæðið.
Aðspurður um þessa gagnrýni
sagði borgarstjóri að langtíma-
markmiðið með færslu brautar-
innar væri efling miðborgarinnar.
borgar@frettabladid.is
BÓTAMÁL Vátryggingafélag Ís-
lands hf. var í Héraðsdómi
Reykjavíkur í gær dæmt til að
greiða fyrrverandi starfsmanni
Trévirkis á fimmtu milljón króna
í skaðabætur, auk vaxta, vegna
slyss sem hann varð fyrir við
vinnu sína í janúar árið 1999.
Slysið varð með þeim hætti að
þakeining sem starfsmaður var
við vinnu á tókst á loft í miklu
hvassviðri. Starfsmaðurinn fauk
með þakhlutanum um 20 metra,
kom niður í grýttu fjöruborði og
slasaðist illa.
Héraðsdómur taldi með hlið-
sjón af veðri á slysdag og lýsing-
um á aðstæðum á verkstað að slys-
ið yrði alfarið rakið til vanrækslu
verkstjóra við að leiðbeina stefn-
anda um framkvæmd verksins og
sjá til þess að verkið yrði unnið
þannig að hætta stafaði ekki af
fyrir stefnanda. Dómurinn taldi að
verkstjórnin hefði verið saknæm
og því hvíldi bótaábyrgð á vinnu-
veitandanum og tryggingafélag-
inu. Hervör Þorvaldsdóttir héraðs-
dómari kvað upp dóminn. ■– hefur þú séð DV í dag?
Þingmenn á Hilton
í boði Atlanta
Í SKOTHELDU VESTI
Hundurinn Kastor ætti að vera aðeins
öruggari í skotheldu vesti.
Herhundar í Írak:
Komnir í
skotheld vesti
ÍRAK, AP Bandaríkjaher hefur látið
senda skotheld vesti til Íraks fyr-
ir um það bil 30 hunda sem herinn
notar til að leita uppi sprengjur.
Þannig vilja yfirmenn vernda
hundana gegn sprengjubrotum og
skotárásum sem hafa harðnað
mjög að undanförnu.
„Við þurfum að vernda hund-
ana okkar rétt eins og við vernd-
um fólkið okkar,“ sagði Jarrod Za-
leski, sem hefur yfirumsjón með
notkun hundanna. Auk skotheldu
vestanna er nokkuð um að hundar
séu settir í hlífðarskó svo þeir fái
ekki skurði á loppurnar. „Nú
þyrfti einhver að hanna hjálma
fyrir hundana og þá værum við í
góðum málum,“ sagði Zaleski. ■
BÆTUR VEGNA VINNUSLYSS
Maður sem stefndi VÍS til greiðslu skaðabóta vann málið hendur félaginu í héraðsdómi í gær.
Maður fær fimm milljónir í bætur vegna vinnuslyss:
Fauk með þaki niður í fjöru
ÓLAFUR RAGNAR GRÍMSSON
Reglur um samskipti forsetans við fulltrúa erlendra ríkja byggja á siðum og venjum. Eðli-
legt er talið að forsetinn hafi samráð við ráðherra um slík samskipti.
Engar skráðar reglur um samskipti forseta við
fulltrúa erlendra ríkja:
Eðlilegt að hafa
alltaf samráð
Íbúalýðræði á ekki við
Borgarstjóri segir að færsla Hringbrautar sé tæknilegt úrlausnarefni sem sé of flókið til að bera
undir atkvæði íbúa. Hverfandi líkur eru á því að framkvæmdum verði frestað.
NÝ LEGA HRINGBRAUTAR
Hér sést hvernig Hringbrautin mun liggja að loknum þeim framkvæmdum sem nú eru að hefjast. Fátt virðist geta komið í veg fyrir færslu
Hringbrautar úr því sem komið er, þrátt fyrir kröftug mótmæli ýmissa aðila.
Þrjár milljónir í bætur:
Klemmdist í vél
DÓMSMÁL Héraðsdómur Reykjavík-
ur dæmdi í gær tryggingafélag til
að greiða manni rúmlega þrjár
milljónir króna í bætur auk dráttar-
vaxtar vegna slyss af vangá öku-
manns.
Slysið varð í júlí 1990 þegar mað-
urinn var að huga að bilun í vél bif-
reiðar sem hann var farþegi í. Af
vangá ræsti ökumaður bifreiðina
með þeim afleiðingum að maðurinn
klemmdist og hlaut áverka á vinstri
hönd. Hann hlaut tólf prósent ör-
orku af. Fjórtán ár hefur tekið að
leiða þetta mál til lykta. ■