Fréttablaðið - 11.05.2004, Blaðsíða 14

14 11. maí 2004 ÞRIÐJUDAGUR
HUGAÐIR LÖGREGLUMENN
Þýskir lögreglumenn sýndu á sér aðra hlið
þegar þeir buðu almenningi á sýningu. Þar
sýndu þeir færni sína með ýmsan búnað
lögreglunnar. Lögreglumennirnir á jörðinni
halda víst góðu jafnvægi og bera mikið
traust til félaga síns sem stekkur yfir þá á
mótorhjóli.
DANMÖRK, AP Gera má ráð fyrir að
milli þrettán og fjórtán þúsund
lögreglumenn og aðrir öryggis-
verðir sjái um öryggisgæslu við
konunglegu brúðkaupin í Dan-
mörku og á Spáni.
10.000 lögreglumenn sjá um ör-
yggisgæsluna á Spáni, þeirra á
meðal skyttur og sérfræðingar í
vörnum gegn hryðjuverkum.
Fréttir danskra blaða herma að
um þriðji hver lögreglumaður
Danmerkur verði á vakt þegar
Friðrik krónprins og unnusta hans
Mary Donaldson giftast á föstu-
dag. Þarlend lögregluyfirvöld
hafa reyndar neitað að staðfesta
þær fréttir. Búist er við að um
250.000 manns muni fylgjast með
þegar hestvagnar með brúðhjónin
og gesti þeirra innanborðs fara
um götur borgarinnar.
Öll flugumferð yfir Madríd
verður bönnuð um aðra helgi þeg-
ar Felipe prins gengur að eiga
fyrrum sjónvarpskonuna Letizia
Ortiz og Atlantshafsbandalagið
skoðar nú hvort eftirlitsflugvélar
verði sendar til að líta eftir hugs-
anlegum hryðjuverkamönnum úr
lofti. Danir hafa sent inn sams
konar beiðni og ætla einnig að
loka fyrir flugumferð yfir hluta
Kaupmannahafnar. ■
Segist hafa heyrt um
ránið hjá vini sínum
Stefán Aðalsteinn Sigmundsson neitar að hafa tekið þátt í Skeljungsrán-
inu. Hann segist hafa játað hlut sinn í ráninu vegna þrýstings og hótana
um gæsluvarðhald. Saksóknari fer fram á tveggja til þriggja ára fangelsi.
VERÐANDI HJÓN Á TÓNLEIKUM
Mikið hefur verið um að vera hjá Friðrik krónprinsi og Mary Donaldson í aðdraganda
brúðkaupsins. 40.000 manns sóttu tónleika í tilefni af brúðkaupi þeirra.
Rúmlega fertugur maður, Stef-án Aðalsteinn Sigmundsson,
neitar sök í Skeljungsráninu sem
framið var í Lækjargötu árið
1995. Stefán hafði áður játað sinn
hlut hjá lögreglu en dregur þann
framburð til baka og segist hafa
verið beittur þrýstingi. Hann er
sakaður um að hafa framið ránið
með tveimur öðrum mönnum, en
annar þeirra framdi sjálfsvíg
áður en hann mætti í skýrslutöku
hjá lögreglu. Saksóknari fer fram
á að Stefán verði dæmdur í tvegg-
ja til þriggja ára fangelsi.
Stefán segist ekki hafa átt
neinn þátt í ráninu, heldur viti
hann mikið um málið þar sem vin-
ur hans, sem nú er látinn, hafi að-
stoðað ræningjana við að fjar-
lægja sönnunargögn. Sá hafi
heyrt söguna frá ræningjunum og
sagt honum hvernig staðið hefði
verið að ráninu.
Ránið var þaulskipulagt
Tveir grímuklæddir menn réð-
ust að tveimur starfskonum Skelj-
ungs fyrir utan Íslandsbanka í
Lækjargötu þann 27. febrúar árið
1995. Þriðji maðurinn beið álengd-
ar í hvítum flóttabíl. Starfskon-
urnar voru að fara með helgar-
uppgjör fyrirtækisins í bankann,
ríflega sex milljónir króna. Önnur
starfskonan lagði af stað í átt að
bankanum en hin fór aftur í bílinn
til að sækja töskuna með uppgjör-
inu. Hún lenti í smá
basli við að loka
töskunni og tafðist
aðeins. Þegar hún
ætlaði að leggja af
stað með töskuna
var hún lamin í höf-
uðið aftan frá
þannig að hún
missti fótanna og
datt í jörðina. Í því
greip ræninginn
töskuna og hljóp á
brott. Starfskonan
sem lögð var af
stað inn í bankann
tók eftir því að ekki
var allt með felldu þegar hún leit
við og sá samstarfskonu sína
liggja í götunni. Hún sá ræningj-
ana og hljóp inn í bankann til að
sækja hjálp. Fyrir dómi í gær
sagðist hún ekki hafa þorað að
huga að samstarfskonu sinni fyrr
en ræningjarnir voru farnir. Hvíti
flóttabíllinn sem þriðji maðurinn
ók var stolinn og höfðu stolnar
númeraplötur verið festar á hann.
Síðar sama dag fannst bíllinn við
Ásvallagötu í Reykjavík með pen-
ingatöskunni í. Reynt hafði verið
að kveikja í bílnum án árangurs.
Peningarnir voru geymdir í
tösku með sérstökum búnaði sem
við sérstakar aðstæður ætti að
sprauta lituðu dufti yfir innihald
töskunnar og gera peningaseðlana
ónothæfa. Búnaðurinn fór ekki í
gang þegar á reyndi.
Vitni sá einkennilegar
mannaferðir
Frá Ásvallagötu, þaðan sem
ræningjarnir héldu í sitt hvora
áttina varð vitni á leið til vinnu
vart við einkennilegar manna-
ferðir. Hann sá mann á reiðhjóli,
klæddan í samfesting og með
lambhúshettu sem sneri öfugt.
Rétt á eftir sá hann mann, í bláum
samfestingi með málningarslett-
um, merktum Eimskipi, á hlaup-
um. Hann hljóp inn og út úr
tveimur gönguleiðum á milli Ljós-
vallagötu og Blómvallagötu og á
endanum hljóp hann inn þriðju
göngin. Þegar vitnið var komið
yfir Hringbrautina sá það hjól-
reiðamanninn á Víðmel þar sem
síðar fannst yfirgefið reiðhjól.
Hann sagði mér frá ráninu
Fyrrverandi kona Stefáns og
móðir þriggja barna hans segir
hann hafa hringt í sig sama dag
eða daginn eftir að ránið var
framið og beðið hana að hitta sig í
Hafnarfirði, hann myndi greiða
leigubílakostnað. Hún segir Stef-
án hafa verið spenntan og spurt
hana hvort hún hefði fylgst með
fréttum. Síðan sagði hann henni
frá ráninu og að hann hefði fengið
þriðjung fengsins í sinn hlut, um
eina milljón króna. Hann bað hana
um að geyma sinn hlut, sem hún
gerði. Í dómsal í gær sagðist fyrr-
verandi kona Stefáns ekki viss um
hversu lengi hún hefði geymt pen-
ingana. Sjálf hafi hún fengið 200
þúsund krónur, fyrst 100 þúsund
fyrir leigu og fæði og síðar 100
þúsund til að kaupa sér bíl. Pen-
ingana segist hún aldrei hafa get-
að greitt til baka.
Stefán sagði fyrir dómi að hann
hefði ekki sagt fyrrverandi konu
sinni að hann hefði verið einn
ræningjanna. Þá segist hann ekki
muna hvort hann hafi sagt henni
frásögn látins vinar síns, sem
hann segir hafa aðstoðað ræningj-
ana. Stefán segist hafa beðið fyrr-
verandi konu sína að geyma um
800 þúsund krónur. Peningana
hafi hann og vinur hans fengið
greidda frá því þeir hefðu verið á
sjó.
Fékk lánaðan bíl systur
sinnar
Daginn sem ránið var framið
sást til tveggja manna við eld í
fjörunni í Hvammsvík í Hvalfirði.
Út í vegkanti var rauð Daihatsu-
bifreið. Sama dag segist systir
Stefáns hafa lánað honum bílinn
sinn, rauðan Daihatsu. Hún hafi
lánað Stefáni bílinn klukkan átta
um morguninn og hann hafi skilað
honum fyrir utan vinnustað henn-
ar einhvern tíma á milli klukkan
þrjú og hálf sex sama dag. Hún
áætlaði að Stefán hefði eytt tæp-
lega hálfum tanki af bensíni, sem
henni fannst mikið á sinn mæli-
kvarða.
Aðspurður um notkun á bílnum
þennan dag segir Stefán að hann
hafi sjálfur verið lítið á honum.
Vinur hans, sem nú er látinn, hafi
farið í sendiferðir fyrir sig á bíln-
um. Þá hafi vinurinn líka farið til
að hirða upp sönnunargögn, tösk-
ur og galla, fyrir ræningjana.
Stefán segist sjálfur ekkert hafa
viljað koma nálægt því. Vinur
hans hafi komið með tösku til
hans með hluta af dótinu og hann
tekið eina húfu úr töskunni og
væri hún fyrir löngu týnd. Dóm-
arinn spurði systur Stefáns út í
fjárhag hans þennan tíma og sagði
hún hann hafa verið mjög blankan
allan veturinn, hann hafi oft ekki
átt fyrir nauðsynjum.
Gríðarleg öryggisvarsla við konungleg brúðkaup:
Yfir tíu þúsund
löggur á vakt
■
Hún segir Stef-
án hafa verið
spenntan og
spurt hana
hvort hún hefði
fylgst með
fréttum. Síðan
sagði hann
henni frá rán-
inu og að hann
hefði fengið
þriðjung fengs-
ins í sinn hlut,
um eina milljón
króna.
STEFÁN Á LEIÐ ÚR DÓMSAL
Stefán segist saklaus af Skeljungsráninu og hann hafi einungis játað í skýrslutöku hjá
lögreglu þar sem hann var beittur þrýstingi.
FR
ÉT
TA
B
LA
Ð
IÐ
/G
VA