Fréttablaðið - 08.05.2004, Blaðsíða 2

2 8. maí 2004 LAUGARDAGUR
„Af og frá. Veikindi hamla og lítið
við því að gera. Ég er nú þekkt
fyrir annað en að gefast upp.“
Samfylkingarkonan Guðrún Ögmundsdóttir hefur
vikið af þingi vegna veikinda. Ingibjörg Sólrún
Gísladóttir situr í sæti Guðrúnar þar til hún hefur
jafnað sig.
Spurningdagsins
Guðrún, ertu búin að gefast upp á
endasprettinum?
■ Lögreglufréttir
■ Fréttablaðið
■ Evrópa
ALÞINGI Verslunarráð Íslands
leggst alfarið gegn frumvarpi for-
sætisráðherra um eignarhald á
fjölmiðlum, samkvæmt heimild-
um Fréttablaðsins, og telur að það
brjóti gegn ákvæðum um atvinnu-
frelsi. Á annan tug umsagna hefur
borist allsherjarnefnd Alþingis
vegna frumvarpsins, meðal ann-
ars frá ASÍ, Rafiðnaðarsamband-
inu og Blaðamannafélaginu, auk
Verslunarráðs.
Í flestum umsagnanna kemur
fram að meiri tíma þurfi til að
ræða um málið því ekki sé hægt
að gefa ítarlega umsögn á þeim
skamma tíma sem sé til stefnu.
Formlegur frestur til að skila alls-
herjarnefnd um-
sögn um frumvarp-
ið rann út í gær, en
samkvæmt heim-
ildum blaðsins var
ákveðið að fram-
lengja hann fram
yfir helgi.
„Menn hafa að
minnsta kosti ekki
verið lattir frá því
að skila umsögnum
á mánudag eða
þriðjudag,“ sagði
Jónína Bjartmarz, varaformaður
allsherjarnefndar, í samtali við
Fréttablaðið í gær.
Tugir aðila fengu send gögn til
að veita umsögn og voru þau dag-
sett frá Alþingi 4. maí. Þau bárust
hins vegar ekki mörgum fyrr en
tveimur dögum síðar og rann
fresturinn út daginn eftir, eða 7.
maí. Þessi skammi frestur hefur
verið harðlega gagnrýndur og
hafa forsvarsmenn Norðurljósa
sagt að hann dugi engan veginn.
Allsherjarnefnd fundaði um
frumvarpið fram á kvöld í gær og
var annar fundur boðaður í morg-
un, en á fundinn í gær komu full-
trúar útvarpsréttarnefndar, út-
varpsstjóri og sérfræðingar Evr-
ópustofnunar Háskólans í Reykja-
vík.
„Það var hlustað á ýmis sjónar-
mið,“ sagði Jónína.
Ingibjörg Sólrún Gísladóttir,
fulltrúi Samfylkingar í minni-
hluta allsherjarnefndar, segir að
breytingar hljóti að verða gerðar
á fjölmiðlafrumvarpinu.
„Það hafa komið fram alvarleg-
ar athugasemdir og því vart hjá
því komist að gera breytingar á
frumvarpinu. Sérfræðingar Evr-
ópustofnunar Háskólans í Reykja-
vík töldu það orka mjög tvímælis
að frumvarpið stæðist Evrópu-
rétt. Eins og málið er núna þá er
þetta bara lagasmíð sem ekki
stenst,“ segir Ingibjörg Sólrún.
Hún gagnrýnir að ekki skuli
hafa verið veittur lengri frestur
til að skila umsögnum. „Það er
meirihlutans að ákveða hverju
sinni hvaða fresti hann gefur. Það
á greinilega að hraða frágangi
málsins eins og kostur er,“ segir
hún.
bryndis@frettabladid.is
Rannsóknin á Madrídarárásunum nær til þriggja heimsálfa:
Bandaríkjamaður handtekinn
BANDARÍKIN, SPÁNN, AP Bandarískur
lögmaður, sem er fyrrverandi
herforingi í Bandaríkjaher, hefur
verið handtekinn í tengslum við
rannsóknina á hryðjuverkaárás-
unum í Madríd 11. mars.
Fingraför mannsins fundust á
poka sem innihélt sams konar
hvellhettur og sprengiefni og var
notað í árásinni. Honum er haldið
sem lykilvitni en hann hefur ekki
verið ákærður fyrir glæp.
Fingraför mannsins voru til í
gagnabanka Bandaríkjahers og
þannig höfðu lögreglumenn uppi
á honum.
Lögmaðurinn Brandon May-
field snerist til íslamstrúar í lok
níunda áratugarins. Hann hefur
engin afbrot framið og fór lítið
fyrir honum þar til hann bauðst
til að verja Jeffrey Battle í for-
sjármáli árið 2002. Battle var í
fyrra fundinn sekur um samsæri
gegn Bandaríkjunum með því að
styðja við bakið á al-Kaída og
talibanastjórninni í Afganistan.
Alls fórust um 200 manns í
árásunum í Madríd þegar tvær
sprengjur sprungu á lestar-
stöðvum. ■
Landsbankinn:
Vextir hækka
aftur í sumar
SEÐLABANKINN Sterk viðbrögð urðu
á fjármálamörkuðum í kjölfar 0,2
prósenta vaxtahækkunar Seðla-
bankans. Markaðsaðilar búast við
að næsta vaxtahækkun verði inn-
an tveggja mánaða.
Í Vegvísi greiningardeildar
Landsbankans kemur fram að
vextir á millibankamarkaði með
krónur hækkuðu í gær um 0,16 til
0,30 prósent í tímalengdunum frá
einni viku til tólf mánaða. Mark-
aðsaðilar vænta þess nú að að
vextir verði 0,3 prósentum hærri
eftir tólf mánuði en þeir töldu
fyrir hækkunina.
Viðskipti á millibankamarkaði
með gjaldeyri námu 3,2 milljörð-
um króna og lækkaði gengisvísi-
talan um 0,34 prósent. Krónan
styrktist í kjölfar hækkunar á
stýrivöxtum og fór gengisvísital-
an úr 124,46 í 123,80 stig. ■
BLAÐ FRÁ LÝSINGU Með Frétta-
blaðinu í dag fylgir átta síðna
auglýsingablað frá fjármögnun-
arfyrirtækinu Lýsingu.
JOHN KERRY
Nýtur minna fylgis en Bush.
Forsetakosningar:
Bush með
forskot
BANDARÍKIN, AP Nær tveir af hverj-
um þremur Bandaríkjamönnum
telja Bandaríkin vera á rangri leið
samkvæmt nýrri skoðanakönnun
Ipsos fyrir AP-fréttastofuna.
George W. Bush Bandaríkjaforseti
hefur þó forskot á John Kerry,
frambjóðanda demókrata, með 46
prósenta fylgi gegn 43 prósentum
Kerrys. Óhafði frambjóðandinn
Ralph Nader fengi samkvæmt
þessu sjö prósent atkvæða.
Samkvæmt könnuninni skiptast
Bandaríkjamenn nánast jafnt til
helminga í afstöðu til þess hvernig
Bush veldur starfi sínu. Helming-
ur er ósáttur við frammistöðu
hans en 48 prósent sátt. ■
KENNARAR ÚT Í GEIM Þrír kenn-
arar eru í hópi ellefu nýrra geim-
fara sem bandaríska geimferða-
stofnunin NASA hefur kynnt.
Kennararnir voru valdir úr hópi
rúmlega þúsund umsækjenda.
Geimfararnir fara væntanlega
ekki út í geiminn fyrr en árið
2009.
BUSH GAGNRÝNDUR Réttinda-
hópar kvenna hafa gagnrýnt
George W. Bush Bandaríkjafor-
seta eftir að því var hafnað að
svokölluð „daginn eftir pilla“ yrði
leyfð til sölu í apótekum án lyf-
seðils. Vísindamenn lyfja- og
matvælaeftirlitsins höfðu áður
mælt með því að aðgangur að
pillunni yrði auðveldaður.
FÁTÆKRASKÝRSLA „Sveitarfélögin og
ríkið þurfa að ræða saman og fara
yfir það hvort reka eigi leikskól-
ana með sama hætti og grunn-
skóla. Ég skil hins vegar ekki þá
hugsun að sveitarfélögin eigi bara
að draga saman um nokkra millj-
arða á einhverjum öðrum ótil-
greindum sviðum, eins og lagt er
til í skýrslunni, og finnst það nokk-
uð marklaust tal, enda hafa þau
ekki fjármuni til þess. Ef eitthvað
er þá vantar sveitarfélögin fjár-
muni og það þarf að styrkja þau,“
segir Vilhjálmur Vilhjálmsson,
formaður Sambands íslenskra
sveitarfélaga, um skýrslu forsæt-
isráðherra um fátækt á Íslandi.
Hann segir sveitarfélögin hafa
gegnt þýðingarmiklu hlutverki í
þessum málum almennt. Í skýrsl-
unni er lagt til að sveitarfélögin
geti gert ýmislegt til að létta
undir með fátækum, sérstaklega
efnalitlum barnafjölskyldum.
Rætt er um að tekjutengja leik-
skólagjöld og létta þannig undir
með fátæku barnafólki.
„Það er tómt mál að tala um að
sveitarfélögin beri þennan kostn-
að. Þessi fjármunir verða ekki
fengnir nema óskað sé eftir því að
þau auki skuldir sínar,“ segir Vil-
hjálmur. ■
■ Bandaríkin
Sveitarfélögin um
fátækraskýrslu:
Mark-
laust tal
VILHJÁLMUR VILHJÁLMSSON
Formaður Sambands íslenskra sveitarfélaga segir tillögur í skýrslu forsætisráðherra um
fátækt á Íslandi geta þýtt milljarða skuldaaukningu fyrir sveitarfélögin. „Ríkið og sveitar-
félögin þurfa að ræða þessi mál,“ segir hann.
Verslunarráð alfarið
á móti frumvarpinu
Alvarlegar athugasemdir eru gerðar við fjölmiðlafrumvarpið í
umsögnum sem borist hafa allsherjarnefnd. Frestur til að skila umsögn-
um hefur verið framlengdur fram yfir helgi.
EKKI AFTUR TIL ÍRAKS Spánverj-
ar munu ekki senda herlið aftur
til Íraks og þá skiptir engu þó
Sameinuðu þjóðirnar veiti alþjóð-
legu herliði þar lögmæti. Aðstoð-
armaður Zapatero forsætis-
ráðherra greindi frá þessu í gær.
AFSKRIFA SKULDIR Sergei
Lavrov, utanríkisráðherra Rúss-
lands, segir Rússa reiðubúna að
afskrifa stóran hluta þeirra 650
miljarða króna sem Afganar
skulda þeim frá því Sovétríkin
voru við lýði.
LÍTIL KJÖRSÓKN Samkvæmt
nýrri skoðanakönnun Evrópu-
sambandsins mun aðeins annar
hver kjósandi taka þátt í kosning-
um til Evrópuþingsins sem
verður í næsta mánuði.
ALLSHERJARNEFND Á FUNDI
Nefndin heldur áfram að funda um fjölmiðlafrumvarp forsætisráðherra í dag. Frestur til að
skila umsögn um frumvarpið hefur verið framlengdur fram yfir helgi, en gagnrýnt hefur
verið hversu skamman tíma menn ætla sér til að keyra frumvarpið í gegn.
FR
ÉT
TA
B
LA
Ð
IÐ
/G
VA
BRANDON MAYFIELD
Handtekinn vegna hryðju-
verkanna í Madríd.
■
Í flestum um-
sagnanna kem-
ur fram að
meiri tíma þurfi
til að ræða um
málið því ekki
sé hægt að
gefa ítarlega
umsögn á þeim
skamma tíma
sem sé til
stefnu.
BÍLSLYS Á SUÐURNESJUM Öku-
maður slasaðist töluvert þegar
bíll hans fór út af Grindavíkur-
vegi um sjöleytið í gærkvöld.
Hann var einn í bílnum. Hinn
slasaði var fluttur á Landspítal-
ann til frekari aðhlynningar. Að
sögn lögreglu er talið að maður-
inn hafi misst stjórn á bílnum
með þeim afleiðingum að bíllinn
endaði úti í hrauni.
MILLILENDING MEÐ SJÚKLING
Flugvél frá American Airlines
þurfti að millilenda á Keflavíkur-
flugvelli um áttaleytið í gærkveldi
vegna farþega með geðræn vanda-
mál sem var um borð. Vélin var á
leið frá London til New York. Far-
þeginn var fluttur á geðdeild
Landspítala til skoðunar. Unnusta
hans fór frá borði með honum.