Fréttablaðið - 08.05.2004, Blaðsíða 44
■ Nafnið mitt
24 8. maí 2004 LAUGARDAGUR
■ Maður að mínu skapi
Guðjón fylgir
boxinu eftir
Guðjón Vilhelm, hnefaleikaþjálf-ari hjá BAG í Reykjanesbæ, er
maður að mínu skapi,“ segir Karl
Bjarni Guðmundsson, betur þekkt-
ur sem Kalli Bjarni úr Idolinu.
„Guðjón sýndi einstaka þrautseigju
við lögleiðingu á boxinu og hann
hefur fylgt því eftir með miklum
sóma.“
Þau eru ófá
hnefaleikamótin
sem Guðjón hefur
staðið að og í
gegnum eitt slíkt
kynntust þeir
Kalli Bjarni.
„Guðjón er að
vinna frábært
starf og það er
svo sannarlega til
e f t i r b r e y t n i .
Hann hefur verið
duglegur við að
finna efnilega
drengi til að æfa upp og á heiður
skilið fyrir mikla þrautseigju og vel
unnin störf. Það skemmir ekki fyrir
að meirihlutinn af boxliðinu hans er
úr Grindavík,“ segir hinn stolti
Grindvíkingur Kalli Bjarni. ■
GUÐJÓN VILHELM
Hann hefur unnið einstakt starf að mati
Kalla Bjarna.
KALLI BJARNI
Kynntist Guðjóni
Vilhelm í gegnum
boxmót.
KARL TH. BIRGISSON
Framkvæmdastjóri Samfylkingarinnar er
yfirleitt kallaður Kalli Th.
Carolus
upp á latínu
Fyrra nafnið er í höfuðið á mannisem ég veit allt of lítið um. Sá
Karl var frá Borgarfirði eystra og
var vinur föður míns, en mun hafa
látist skömmu áður en ég fæddist
fyrir fjörutíu árum. Hann var um
tíma lögreglumaður í Hafnarfirði,
en mig sárvantar frekari upplýsing-
ar um þennan nafna minn,“ segir
Karl Th. Birgisson, framkvæmda-
stjóri Samfylkingarinnar, sem ber
millinafnið Thorberg.
„Thorbergsnafnið er skírnar-
nafn sem faðir minn bar líka og
mun vera að vestan. Hvorugt var til
þess fallið að mér væri sérstaklega
strítt í æsku, nema með hinu sígilda
Kalli kúla.“
Karl hefur verið kallaður ýms-
um nöfnum, þar á meðal Kalli Thor-
berg þegar hann var í menntaskóla.
„Guðni rektor kallaði mig Carolus
upp á latínu, en nú held ég Kalli Th.
sé algengast,“ segir framkvæmda-
stjórinn. „Ég krefst þess að vera
kallaður Kalli – Karl er allt of virðu-
legt og karlalegt. Þó hafa tveir
menn fengið undanþágu frá þessu,
fyrrverandi vinnufélagi minn sem
stamar og gengur betur að segja
Karl, og Mörður Árnason, en ég fæ
þá í staðinn að kalla hann Mödda.“ ■
Landsmenn verða á faralds-fæti næstu mánuði enda sum-
arleyfum jafnan varið til ferða-
laga, innanlands og utan. Sam-
kvæmt lauslegri athugun Frétta-
blaðsins má ætla að hálf þjóðin,
eða þar um bil, fari til útlanda í
sumar og sleiki sólina. Strendur
Portúgals og Spánar eru vinsæl-
ustu áfangastaðirnir, flestir dvel-
ja í tvær vikur og verð og gæði
vega hvað þyngst þegar sumar-
leyfisstaðurinn er ákveðinn.
Breytt ferðamynstur
Fréttablaðið sendi fyrirspurn-
ir til sex ferðaskrifstofa og flug-
félaga þar sem spurt var um
breytingar á ferðavenjum Íslend-
inga og einnig hvert þessir aðilar
teldu að leiðin lægi í sumar. Tals-
menn þeirra ferðaskrifstofa og
flugfélaga sem rætt var við voru
sammála um að miklar breyting-
ar hefðu orðið á ferðavenjum. Sú
var tíðin að fólk fór á sólar-
strönd, jafnvel þá sömu ár eftir
ár, og dvaldi þar í þrjár vikur.
Þetta hefur breyst. Margir hafa
nú þann háttinn á að ferðast til
útlanda tvisvar til þrisvar á ári,
einu sinni að sumri, og þá til
tveggja vikna dvalar, og svo í
helgarferðir, ýmist að hausti eða
vori, nema hvort tveggja sé.
Þær breytingar sem fylgt
hafa netinu og lægri flugfar-
gjöldum gera það líka að verk-
um að fólk er orðið mun sjálf-
stæðara í sínum ferðalögum.
Það finnur t.d. gististaði upp á
sitt eindæmi og skipuleggur
ferðir sínar eftir eigin löngun-
um og hentisemi.
Öryggi og ævintýri
Ljóst er að margir höfðu vað-
ið fyrir neðan sig og gengu frá
sínum orlofsferðum fljótlega
eftir að ferðaskrifstofurnar
hófu sölu á sumarferðunum, eða
strax í febrúar. Í sumum tilvik-
um var hagkvæmara að bóka
sem fyrst og eins vildu margir
tryggja sér sæti. Raunin varð
líka sú að snemma seldist upp í
margar ferðir.
Byrjun júní og fyrri hluti
ágústmánaðar eru vinsælustu
tímabilin til sólarlandadvalar,
en svo virðist sem fólk vilji
heldur vera heima á Íslandi í
júlí þegar vonin er hvað mest
um sól og yl.
Allur gangur er á hvort fólk
er að heimsækja sumarleyfis-
dvalarstaðinn í fyrsta sinn eða
ekki. Margir fara aftur og aftur
á sama stað, kjósa sumsé örygg-
ið. Fólk þekkir þá staðhætti,
verslanir og veitingastaði og
gengur að öllu vísu. Aðrir eru
meiri ævintýramenn og vilja
prófa eitthvað nýtt; nýja strönd,
ný hótel, nýja veitingastaði.
Breitt verðbil
Þó að margir hafi fyrir löngu
gengið frá sumarleyfinu og upp-
selt sé í fjölda ferða er enn hægt
að komast í sólina í sumar. Laus-
leg athugun leiðir í ljós að
tveggja vikna ferð til Benidorm,
keypt nú um stundir en farin um
miðjan júní, kostar u.þ.b 220
þúsund krónur. Er þá miðað við
hjón með tvö börn undir 12 ára
aldri. Raunar er verðbilið tals-
vert, allt eftir gististað, lúxus og
þægindum og hægt að kaupa
ferð á sama stað á sama tíma
fyrir allt að 400 þúsund krónur
og raunar hægt að finna ferðir
undir 200 þúsund krónum.
Minna drukkið
Viðmælendum blaðsins bar
saman um að hegðan Íslendinga
í sólarlandaferðum hefði
snöggtum skánað á undanförn-
um árum. Sú var tíðin að barirn-
ir voru meira sóttir en sund-
laugarnar og sjórinn, og litu
raunar sumir á ferðirnar sem
ærlegt fyllirí enda gott að
djamma og djúsa á Spáni eins og
segir í laginu. Nú er börnunum
betur sinnt og mikið lagt upp úr
að dvalarstaðirnir bjóði upp á
sem mesta og besta leik- og
skemmtiaðstöðu fyrir ungviðið.
Þá er talsvert um að fólk leigi
sér bíla og ferðist um í stað þess
að liggja eins og þari á steini í
heilar tvær vikur.
Margir ferðast innanlands
Ekki fara þó allir til útlanda.
Fleira er matur en feitt kjöt og
sem vanalegt er ferðast fjöl-
margir innanlands. Sumarbú-
stöðum í einkaeigu fjölgar ár
frá ári og margir kjósa að dvelja
í sínum eigin sælureit í fríinu.
Þá eiga flest stéttarfélög þjóðar-
innar sumarhús sem auðvitað
verða notuð hvern einasta dag
sumarsins. Tjöld eru líka til í
öllum betri geymslum og víst að
margur hyggur á útilegur.
bjorn@frettabladid.is
Á VEITINGAHÚSI
Svo virðist sem Íslendingar djammi og djúsi minna en áður í sólarlandaferðunum.
NOKKRIR VINSÆLIR
ÁFANGASTAÐIR ÍSLENDINGA
PORTÚGAL
Faro
Albufeira
SPÁNN
Mallorca
Benidorm
Albir
Calpe
Costa del Sol
Salou
Barcelona
Madríd
ÍTALÍA
Mílanó
Lignano
Rimini
ÖNNUR LÖND
Danmörk
Króatía
Krít
Kýpur
Sólríkar strendur eru vinsælustu sumarleyfisstaðirnir í ár, líkt og endranær.
Ferðamynstur Íslendinga hefur breyst. Meðal annars hefur dregið hefur úr stífri drykkju á ströndunum.
Hálf þjóðin í sólina í sumar
Sú var tíðin að
barirnir voru meira
sóttir en sundlaugarnar og
sjórinn, og litu raunar sumir
á ferðirnar sem ærlegt fyllirí
enda gott að djamma og
djúsa á Spáni eins og segir í
laginu.
,,