Fréttablaðið - 08.05.2004, Blaðsíða 8
8 8. maí 2004 LAUGARDAGUR
NÚ Á ÉG HVERGI HEIMA
Íraskur maður stendur við rústir heimilis
síns í Kufa, nærri borginni Najaf. Húsið
eyðilagðist í bardögum milli bandarískra
hermanna og sjíamúslima sem styðja
klerkinn Muqtada al-Sadr.
Medcare Flaga kaupir í Bandaríkjunum:
Kaupir keðju svefnrannsóknastofa
VIÐSKIPTI Medcare Flaga hefur
undirritað viljayfirlýsingu vegna
kaupa á bandarískri svefnrannsókn-
arstofukeðju, Sleep Tech. Kaup-
verðið nemur allt að tæpum tveim-
ur milljörðum króna. Þriðjungur
verður greiddur með hlutafé, en af-
gangurinn með sölu á nýju hlutafé
og lánum. Fyrirtækið hefur boðað
til hluthafafundar þar sem lögð
verður fram tillaga um aukningu
hlutafjár vegna kaupanna.
Medcare Flaga hefur birt upp-
gjör fyrir fyrsta ársfjórðung. Tap
félagsins nam einni milljón dollara
eða um 70 milljónum króna. Niður-
staða uppgjörsins er að sögn for-
svarsmanna þess í samræmi við
áætlanir. Samdráttur var á Banda-
ríkjamarkaði en góður vöxtur er á
öðrum mörkuðum. Samdrátturinn í
Bandaríkjunum er tímabundinn að
mati Svanbjörns Thoroddsen, for-
stjóra Medcare Flögu. „Þessi að-
gerð felur í sér breytingu á við-
skiptamódelinu í Bandaríkjunum
sem á að hraða viðsnúningnum þar.“
Eftir kaupin verður 70 prósent veltu
Medcare Flögu í Bandaríkjunum og
mun Svanbjörn flytjast þangað,
þaðan sem hann mun stjórna rekstri
félagsins. ■
Vaxandi óánægju gætir meðalþingmanna Framsóknar-
flokksins um fjölmiðlafrumvarp-
ið sem nú er í meðferð hjá alls-
herjarnefnd Alþingis. Þingmenn
flokksins geta ekki sætt sig við
lykilatriði í frumvarpinu og vilja
sjá á því verulegar breytingar
eigi það að verða að lögum.
Viðmælandi Fréttablaðsins
innan þingflokksins sagði að taka
þyrfti þrjú ákvæði út úr frum-
varpinu svo það yrði samþykkt á
þingi. Í fyrsta lagi er ósátt um
ákvæðið um tveggja ára aðlögun-
artímann, sem talið er brjóta
gegn eignarréttarákvæði stjórn-
arskránnar. Í öðru lagi gætir
óánægju um ákvæðið sem bannar
fyrirtækjum að eiga bæði í ljós-
vakamiðli og dagblaði. Þriðja
atriðið er ákvæði um að algjört
bann verði lagt við því að fyrir-
tæki í markaðsráðandi stöðu eigi
hlut í fjölmiðlafyrirtæki.
Annar þingmaður Framsókn-
arflokksins sagði að miklar og al-
mennar umræður hefðu átt sér
stað um frumvarpið innan þing-
flokksins. Almennt væru þing-
menn flokksins þeirrar skoðunar
að takmarka þyrfti eignarhald á
fjölmiðlum en á hinn bóginn sjá
til þess að lögin gengju ekki of
langt. Tryggja þurfi með lögun-
um að yfirlýstu markmiði með
þeim verði náð án þess þó að
koma á hömlum sem brjóti í bága
við stjórnarskrá og alþjóðleg lög,
svo sem EES-samninginn.
Þriðja viðmælanda blaðsins
fannst mikilvægt að sjálfstæði
fréttamanna og ritstjórna yrði
tryggt í frumvarpinu en ákvæði
þess eðlis er ekki að finna í nú-
verandi mynd frumvarpsins.
Upprunalega frumvarpið
stóðst ekki lög
Frá því að þingflokkur Fram-
sóknarflokksins samþykkti að
leggja fram frumvarpið á Alþingi
hafa Halldór Ásgrímsson, for-
maður Framsóknarflokksins, og
Hjálmar Árnason þingflokksfor-
maður ítrekað að ekki sé útilokað
að frumvarpið muni taka breyt-
ingum. Flokkurinn hefur því frá
upphafi gefið það í skyn að frum-
varpið sé ekki komið í það horf
sem talið er æskilegt.
Davíð Oddsson forsætisráð-
herra hefur staðfest að frum-
varpið hafi tekið miklum breyt-
ingum frá því að hann lagði það
fram í ríkisstjórn. Viðmælandi
Fréttablaðsins, sem tengist Sjálf-
stæðisflokknum, sagði Frétta-
blaðinu að ákvæði í upprunalega
frumvarpinu hefðu verið mun
strangari og að takmarkanir
hefðu náð enn lengra en í núver-
andi mynd þess. Sérfræðingar
hefðu varað forsætisráðherra
við því að leggja frumvarpið
fram í upprunalegri mynd,
þar sem það gengi of langt og
stæðist ekki lög.
V i ð m æ l e n d u r
Fréttablaðsins innan
þingflokks Fram-
sóknarf lokksins
gáfu það skýrt í
skyn að ráðherrar
flokksins hefðu
beitt sér í því á rík-
isstjórnarfundum
að koma frumvarp-
inu í það horf sem
viðunandi þótti fyrir
fyrstu umræðu. Þing-
flokkurinn hafi sam-
þykkt að leggja frum-
varpið fram með
þeim varnöglum að það myndi
taka breytingum í nefnd.
Nýjar upplýsingar vega
þungt
Að sögn tveggja viðmælenda
blaðsins hafa undanfarna daga
komið fram upplýsingar sem
taldar eru vega þungt í ákvarð-
anatöku þingmanna. Annars veg-
ar þykir samþykkt stjórnar Ár-
vakurs, útgáfufélags Morgun-
blaðsins, sem fram kom í gær
hafa mikil áhrif, ekki síst á þing-
menn stjórnarflokkanna. Stjórn
Árvakurs segir frumvarpið
ganga of langt og fela í sér óþarf-
lega röskun á starfsumhverfi
fjölmiðlafyrirtækja í ljósvaka-
miðlun. Auk þess mótmælir
stjórnin því jafnframt harðlega
að í frumvarpinu skuli gert ráð
fyrir því að útgefendum dag-
blaða verði óheimilt að fara með
útvarpsleyfi.
Hins vegar þykir álit erlendu
sérfræðinganna í fjölmiðlalög-
um, sem komu til landsins fyrr í
vikunni á vegum Norðurljósa og
funduðu meðal annars með alls-
herjarnefnd, hafa mikið vægi í
umræðunni um lagaumhverfi
frumvarpsins. Einn viðmælandi
blaðsins, sem tengist Sjálfstæðis-
flokknum, hafði það á orði að
koma sérfræðinganna hingað til
lands hefði verið eitt mikilvæg-
asta skrefið í framþróun málsins
til þessa. Gætu rök þeirra haft af-
gerandi áhrif á afstöðu stjórnar-
þingmanna til frumvarpsins.
Skýrsluhöfundar fjölmiðla-
skýrslunnar hafa þegar skýrt frá
því opinberlega að nefndinni hafi
ekki gefist nægilegur tími til að
kanna til hlítar alþjóðlegt
lagaumhverfi fjölmiðlalaga.
Bentu erlendu sérfræðingarnir á
það að frumvarpið stangaðist á
við EES-samninginn og mann-
réttindasáttmála Evrópu. Að því
er heimildir Fréttablaðsins
herma hafa höfundar fjölmiðla-
skýrslunnar viðurkennt það að
fullyrðingar sérfræðinganna eigi
við rök að styðjast. Þeir hafa
jafnframt gagnrýnt meðferð
málsins og telja að öll umræða og
undirbúningur frumvarpsins
hefði átt að fá lengri tíma. Ekki
hefði átt að leggja frumvarpið
fram fyrr en í fyrsta lagi á haust-
þingi.
Getur fellt ríkisstjórnina
Frumvarpið er í meðferð hjá
allsherjarnefnd fram á mánudag.
Nefndin tók á móti umsögnum
þangað til seinnipartinn í gær og
mun funda um frumvarpið yfir
helgina. Samkvæmt heimildum
Fréttablaðsins innan allsherjar-
nefndar er enn verið að fara yfir
umsagnir um málið. Að því loknu
verði einstök efnisatriði tekin
fyrir og fjallað um þau út frá upp-
lýsingum sem fram hafa komið.
Sú umræða sem fram hefur
farið um frumvarpið í allsherjar-
nefnd er mjög í anda þess sem
fram hefur komið á Alþingi.
Meirihluti nefndarinnar vill sjá
sem minnstar breytingar en
minnihlutinn krefst þess að
grundvallaratriðum verði breytt.
Ef meirihlutinn kemur því í
gegn að frumvarpið verði af-
greitt úr nefnd með afar tak-
mörkuðum breytingum getur það
því gerst að þingmenn Fram-
sóknarflokksins samþykki ekki
frumvarpið.
Ef ríkisstjórnarflokkarnir
tveir ná ekki sátt um frumvarpið
kemur upp erfið staða innan rík-
isstjórnarinnar sem gæti orðið til
þess að hún falli.
Allsherjarnefnd hefur því mik-
ilvægu hlutverki að gegna um
þessar mundir. Í nefndinni sitja
níu fulltrúar. Sjálfstæðisflokkur
hefur fjóra, Framsókn einn, Sam-
fylking þrjá og Frjálslyndi flokk-
urinn einn. Ekki einungis
þarf nefndin að takast
á við eitt umdeildasta
frumvarp sem fram
hefur komið á Al-
þingi um langa hríð
og mætir verulegri
mótstöðu meðal al-
mennings, heldur
þarf hún líka að
gera breytingar á
frumvarpinu sem
falla báðum
stjórnarflokkum í
geð til að tryggja
það að stjórnin
haldi velli. ■
Bandalag háskólamanna:
Leikarar fá
aðild
LEIKARAFÉLAGIÐ Aðalfundur Banda-
lags háskólamanna hefur sam-
þykkt umsókn Leikarafélags Ís-
lands um aðild að bandalaginu.
Leikarafélagið verður tuttugasta
og fimmta aðildarfélag BHM.
Í Leikarafélagi Íslands eru 53
félagsmenn, allt leikarar við
Þjóðleikhúsið. Félagið hefur
samningsrétt fyrir hönd leikar-
anna en á jafnframt aðild að FÍL,
regnhlífarsamtökum sviðslista-
manna.
Öll nýliðun í Leikarafélagi Ís-
lands er nú á háskólastigi og upp-
fyllir félagið því skilyrði fyrir
aðild innan BHM. ■
Sólin kemur upp alla daga
[ MEÐAL EFNIS Í BLAÐINU Á MORGUN]
JÓN ÓLAFSSON Á HJARA VERALDAR
Útgáfutónleikar í Grímsey
FREMSTI MÁLFRELSISLÖGMAÐUR
BANDARÍKJANNA
Fjölmiðlafrumvarpið stenst ekki
HVERS VEGNA KEPPIR FÓLK?
Blautbolskeppni, jalapeño-kappát
og fleiri æsilegar keppnir
NÝ RÍKI, NÝ TÆKIFÆRI
Sturla Geirsson hjá Lífi hf. er meðal
Íslendinga sem ætla að nýta sér
stækkun Evrópusambandsins
- kemur glóðvolgt inn um lúguna hjá
þér alla sunnudagsmorgna
ELTIR UMSVIFIN
Svanbjörn Thoroddsen, forstjóri
Medcare Flögu, mun flytjast til Banda-
ríkjanna. Eftir kaup á bandarísku fyrir-
tæki munu um 70 prósent tekna
félagsins falla til í Bandaríkjunum.
Félag bókagerðarmanna:
Mótmælir
fjölmiðla-
frumvarpi
FJÖLMIÐLAR Félag bókagerðar-
manna krefst þess að fjölmiðla-
frumvarpið verði dregið til baka
svo svigrúm til eðlilegrar og yfir-
vegaðrar umræðu um eignarhald á
fjölmiðlum skapist.
Í fréttatilkynningu frá trúnað-
arráði Félags bókagerðarmanna er
frumvarpinu mótmælt. Ráðið telur
að rekstur fjölmiðla sé settur í
uppnám og atvinnu fjölda manna
teflt í tvísýnu.
Félag bókagerðarmanna vill
vekja athygli á því að þann 9. maí
verða 149 ár frá því að prentfrelsi
var lögleitt á Íslandi. Þá var lands-
mönnum gefið frelsi til að tjá sig á
prenti og um leið frelsi til að mót-
mæla skoðunum yfirvalda. ■
Ósætti um lykilatriði
Þingmenn Framsóknarflokksins eru ekki sáttir við lykilatriði fjölmiðlafrumvarpsins og munu
ekki samþykkja það án verulegra breytinga. Allsherjarnefnd þarf að gera breytingar á frum-
varpinu sem báðir stjórnarflokkar geta sætt sig við svo að ríkisstjórnin haldi velli.
Baksviðs
SIGRÍÐUR D.
AUÐUNSDÓTTIR
■ skrifar um
fjölmiðlafrum-
varpið.