Fréttablaðið - 08.05.2004, Blaðsíða 55

35LAUGARDAGUR 8. maí 2004
Kvennalið ÍBV:
Tvær banda-
rískar á leiðinni
FÓTBOLTI Kvennalið ÍBV í knatt-
spyrnu hefur fengið liðsauka frá
Bandaríkjunum fyrir komandi
átök í Landsbankadeild kvenna.
Mary McVeigh heitir önnur og
mun hún aðeins spila með liðinu
fram í júlí. Hin heitir Rachel
Kruze og hún mun verða hér á
landi til loka leiktíðar. Báðar
koma þær frá háskóla í Fíladelfíu.
Ekki er enn komið á hreint hvort
Bretinn Karen Burke leiki með
liðinu í sumar. Þá eru meiðsli
Bryndísar Jóhannesdóttur ekki
eins alvarleg og í fyrstu var hald-
ið og nokkuð ljóst að hún verður
með liðinu í sumar og eru það góð-
ar fréttir fyrir ÍBV. ■
FÓTBOLTI „Chelsea er stórkostlegt
félag og auðvitað vekur það áhuga
minn, en enginn samningur eða
samkomulag liggur fyrir ennþá,“
sagði José Mourinho, þjálfari
Porto. „Ég er enn trúr málstað
Porto og allt annað þýddi það að
ég væri ekki tilbúinn í úrslitaleik
Meistaradeildarinnar. Við verðum
að koma fram eins og fagmenn.“
Mourinho gaf þó sterklega í
skyn að breytinga mætti vænta
eftir leiktíðina. „Ég er metnaðar-
fullur maður og ég hef náð langt
með Porto og núna er ég tilbúinn í
nýtt viðfangsefni,“ sagði Mour-
inho. „Þjálfun í ensku úrvalsdeild-
inni hefur alltaf heillað mig.“ ■
KÖRFUBOLTI Ron Artest, varnar-
maður ársins í NBA-deildinni, var
óstöðvandi bæði í vörn og sókn
þegar Indiana Pacers bar sigur-
orð af Miami Heat, 94-81, í fyrsta
leik liðanna í undanúrslitum aust-
urdeildarinnar í fyrrinótt. Artest,
sem átti ekki að spila vegna
mígrenikasts, skoraði 25 stig og
hélt einum aðalskorara Miami
Heat, Eddie Jones, í aðeins fjór-
um stigum. Indiana var með yfir-
höndina allan leikinn og leiddi
með tíu stigum í hálfleik. Artest
skoraði eins og áður sagði 25 stig
og tók 6 fráköst, leikstjórnandinn
Jamaal Tinsley skoraði 17 stig,
Jermaine O’Neal skoraði 13 og
gamla brýnið Reggie Miller skor-
aði 12. Nýliðinn Dwayne Wade
skoraði 22 stig fyrir Miami, Rafer
Alston skoraði 17, Caron Butler
skoraði 14 stig og tók 9 fráköst og
Lamar Odom skoraði 12 stig. ■
JOSÉ MOURINHO
Næsti framkvæmdastjóri Chelsea?
KEYRT AÐ KÖRFUNNI
Lamar Odom, framherji Miami Heat, skor-
ar hér tvö af tólf stigum sínum í leiknum
gegn Indiana án þess að Jermaine O’Neal
hjá Indiana Pacers komi vörnum við.
Indiana Pacers heldur áfram sigurgöngu sinni:
Artest óstöðvandi gegn Heat
José Mourinho:
Daðrar við
Chelsea
FÓTBOLTI „Félgið sem vinnur verð-
ur meistari,“ sagði Ottmar Hitz-
feld, þjálfari Bayern München, um
leik félagsins við Werder Bremen í
dag. Werder er sex stigum á undan
Bayern þegar þrjár umferðir eru
eftir og sigri Brimaborgarar verða
þeir meistarar í fjórða sinn.
Markatala Bremen er tólf
mörkum hagstæðari en markatala
Bæjara svo meistaravonir Bayern
felast ekki aðeins í sigri í dag held-
ur líka í því að Bremen vinni
hvorki Bayer Leverkusen né
Hansa Rostock í lokaumferðunum.
Thomas Schaaf, þjálfari
Werder Bremen, segir þetta
verða „ósköp venjulegan leik“.
„Ég hlakka til. Allir ætla að hafa
gaman af þessu á laugardag. Við
göngum til leiks með sama hugar-
fari og gegn Hamburger,“ sagði
Schaaf og vísaði til 6-0 sigur
Brimaborgara á nágrönnum sín-
um um síðustu helgi.
Werder Bremen hefur gengið
vel í München á undanförnum
árum. Wedrer vann 1-0 á ólympíu-
leikvanginum í fyrra og 3-2 árið
2001 en fyrir tveimur árum skildu
félögin jöfn, 2-2. Bayern vann
Bremen síðast á heimavelli fyrir
fjórum árum.
Roy Makaay, markahæsti leik-
maður Bayern, getur leikið með í
dag og hugsanlega verður Sebast-
ian Deisler loksins í leikmanna-
hópnum eftir fimm mánaða fjar-
veru vegna þunglyndis. Hins veg-
ar er óvíst hvort Michael Ballack
verði leikfær.
Brimaborgarar sakna Ungverj-
ans Krisztian Lisztes sem sleit
krossbönd um daginn. Hann fer þó
með liðinu til München og verður
„lukkutröll“ eins og hann orðar
það sjálfur á heimasíðu Werder.
Franski varnarmaðurinn Valérien
Ismaël er leikfær að nýju en Tyrk-
inn Ümit Davala er enn í leikbanni
og Ludovic Magnin er meiddur. ■
WERDER BREMEN
Verður meistari í fjórða sinn með sigri í München í dag.
Þýska Búndeslígan:
Werder Bremen
meistari í dag?