Fréttablaðið - 13.05.2004, Blaðsíða 2
FRÉTTABLAÐIÐ/GVA
FRÉTTABLAÐIÐ
SPURNING DAGSINS
Hugi, á fólk ekki bara að fá sér
rafmagnsbila?
„Þeir sem eiga rafmagnsbila una
áreiðanlega glaðir við sitt í dag en ég
hvet hina til að versla hjá okkur."
Bensínverð fer ört hækkandi og hefur ekki verið
hærra um langt skeið. Hugi Hreiðarsson er tals-
maður Atlantsolíu, sem er nýjasti samkeppnisaðil-
inn í bensínsölu.
ÖSSUR SKARPHÉÐINSSON
Formaður Samfylkingarinnar segir umræð-
una um fjölmiðlafrumvarpið rétt að byrja í
þinginu og þvi sé algerlega ótímabært að
segja nokkuð um það hvort eðlilegt sé að
forseti l’slands íhugi að skrifa ekki undir lögin.
Össur Skarphéðinsson,
formaður Samfylkingar:
Samviska
forseta ráði
alþingi „Nánast allir virtustu lög-
menn landsins sem hafa þekkingu á
álitamálum sem tengjast stjórn-
skipun virðast vera á einu máli um
að sterkar líkur séu á að fjölmiðla-
frumvarpið brjóti gegn ákvæðum
stjórnarskrárinnar. Tveir prófess-
orar telja málið þess eðlis að for-
sendur séu fyrir því að forseti ís-
lands íhugi að beita synjunarvaldi,"
segir Össur Skarphéðinsson, for-
maður Samfylkingarinnar, um það
hvort hann telji eðlilegt að forseti
íslands íhugi að skrifa ekki undir
lögin.
Össur leggur áherslu á að um-
ræðan um málið í þinginu sé rétt að
byrja og því algerlega ótímabært
að segja nokkuð um þetta.
„Sjálfum finnst mér að ekki eigi
að þrýsta á forseta lýðveldisins í
þessum efnum. Þetta verður hann
að gera upp við sína eigin samvisku
og sannfæringu,“ segir hann. ■
Steingrímur J. Sigfússon, formaður Vinstri grænna:
Forsetinn íhugi að
skrifa ekki undir lögin
almngi Steingrímur J. Sigfússon, for-
maður Vinstri grænna, taldi viðeig-
andi í umræðum um fjölmiðlafrum-
varpið að fletta upp á orðinu vald-
níðslu í orðabók og lesa upp fyrir
þingheim, en þar segir að valdníðsla
sé misnotkun valds, eða það að ólög-
mæt sjónarmið, einkahagsmunir,
óvild eða flokkshagsmunir ráði
ákvörðun stjórnvalds.
„Mér finnst þessi ágæta útskýring
á orðinu valdníðslu í Orðabók Menn-
ingarsjóðs eiga ónotalega vel við við
þessar aðstæður. Mér er sömuleiðis
hugsað til orðsins hrossalækning því
það er umdeilt hvort mikil lækning sé
fólgin í frumvarpinu,“ sagði Stein-
grímur á þinginu í gær.
Hann sagði hörmung að sjá hvem-
ig fjölmiðlafrumvarpið væri leikið af
ríkisstjóminni, sem hafnaði allri sam-
stöðu og keyrði málið fram í logandi
ágreiningi. „Þetta er meingallað og
ótækt fmmvarp," sagði hann.
Formaður Vinstri grænna benti á
að komin væra fram rökstudd sjónar-
mið um að málið væri svo tæpt gagn-
vart stjómskipuninni að forsendur
væra tÚ staðar fyrir forseta íslands
að taka málið til skoðunar.
STEINGRfMUR J. SIGFÚSSON
Formaður Vinstri grænna segir málsmeð-
ferð stjómarflokkanna við fjölmiðlafrum-
varpið merki um valdníðslu. Málið sé svo
tæpt gagnvart stjómskipuninni að forsend-
ur séu til staðar fyrir forseta fslands að
taka málið til skoðunar.
„Ég geri ráð fyrir að forseti ís-
lands muni íhuga að skrifa ekki undir
lögin. Þetta er ákvörðun sem einung-
is hann einn getur tekið,“ segir Stein-
grímur. ■
Málþóf í annarri
umræðu frumvarpsins
Stjórnarandstaðan sakar stjórnarflokkana um handvömm og sýndar-
mennsku við meðferð fjölmiðlafrumvarpsins. Eg vil ekki Berlusconi-
ástand á Islandi segir Hjálmar Arnason, Framsóknarflokki.
YY Það er ólíð-
andi að hér á
Alþingi verður
framið stórslys
innan fárra
daga.
alþingi Framhald annarrar um-
ræðu um fjölmiðlafrumvarpið fór
fram á Alþingi í gær. Á þriðja tug
þingmanna voru á mælendaskrá og
var ræðutími ótakmarkaður. Mál-
þóf einkenndi umræðuna og til
marks um það
fóru einungis
tveir þingmenn í
ræðustól frá því
klukkan hálfell-
efu í gærmorgun
og fram til
klukkan fjögur
síðdegis.
Björgvin G.
Sigurðsson, Sam-
---------<**■**» fyikingimiii,
hafði meðferðis í ræðustól bókina
Frelsið eftir John Stuart Mill og las
upp úr henni fyrir þingheim. „Ég
er að íhuga að lesa alla bókina við
þriðju umræðu fjölmiðlafrum-
varpsins því ég tel brýnt að texti
hennar komist í Alþingistíðindi,“
sagði Björgvin.
Mörður Árnason, Samfylking-
unni, las upp úr grein í Fréttablað-
inu frá í gær og undirstrikaði það
sem haft var eftir talsmanni
Freedom House í blaðinu, að frum-
varpið kynni að leiða til verulegrar
fábreytni á fjölmiðlamarkaði.
Hjálmar Árnason, Framsóknar-
flokki, sagði þessi mál hafa verið
mikið rædd og gerði meðal annars
grein fyrir því meginmarkmiði
frumvarpsins að draga úr sam-
þjöppun á neytendamarkaði.
„Ég vil ekki að Berlusconi-
ástand sé við lýði hér á íslandi. Ég
spyr sjálfan mig að því af hverju
Samfylkingin hefur tekið 180 gráða
beygju, sama Samfylkingin og var
FJÖLMIÐLAFRUMVARPIÐ
Framhald annarrar umræðu um frumvarpið fór fram á Alþingi í gær. Rúmlega tuttugu
þingmenn voru á mælendaskrá og var ræðutími ótakmarkaður. Málþóf einkenndi umræð-
una og einungis tveir þingmenn fóru í ræðustól frá því klukkan hálfellefu í gærmorgun og
fram til klukkan fjögur síðdegis.
að skamma ríkisstjórnina fyrir ör-
fáum misserum að grípa ekki til
aðgerða vegna samþjöppunar á
markaðnum," sagði hann.
Jón Bjarnason, Vinstri grænum,
lagði áherslu á mikilvægi þess að
skoða þessi mál, en sagði brýnt að
skilgreina þau fyrst sem einn af
hornsteinum lýðræðisins. Hann
sagði farið út í lagasetningu án
þess að vita nákvæmlega hvað
standa ætti vörð um.
„Ríkisstjórnin velur þá leið að
fara út í þetta algerlega upp á eigin
spýtur og hafnar öllu samstarfi við
aðra flokka. Það eru gríðarleg
áhöld um það hvort markmið frum-
varpsins um fjölbreytni í fjölmiðl-
um náist og meðalhófsreglan er
hunsuð. Það var algerlega út í blá-
inn að miða gildistöku laganna
fyrst við 1. júní 2004 og stjórnin
þykist núna vera að gefa eftir í
málinu með því að breyta gildistök-
unni yfir í 2006. Þetta er bara
sýndarmennska," segir Jón.
Magnús Þór Hafsteinsson,
Frjálslynda flokknum, sagði máls-
meðferðina einnkennast af hand-
vömm og fautaskap sem sennilega
leiddi til skaðabótaskyldu ríkisins,
sem gæti hlaupið á hundruðum
milljóna. „Það er ólíðandi að hér á
Alþingi verður framið stórslys inn-
an fárra daga,“ sagði Magnús Þór.
bryndis@frettabladid.is
Meinhluti efnahags- og viðskiptanefndar í hnút:
Harðvítugar deilur um
afgreiðslu frumvarps
alþinci Nefndarstarf efnahags- og
viðskiptanefndar Alþingis var í
uppnámi í gær vegna harðvítugra
deilna um hvort afgreiða ætti álit
um fjölmiðlafrumvarpið út úr
nefndinni. Tillaga Péturs Blöndal
formanns um að afgreiða álitið
var felld og einungis studd af
tveimur atkvæðum Sjálfstæðis-
flokksins. Dagný Jónsdóttir,
Framsóknarflokki, sat hjá við at-
kvæðagreiðsluna og Kristinn H.
Gunnarsson, flokksfélagi hennar
og varaformaður nefndarinnar,
fylgdi stjórnarandstöðunni að
máli og greiddi atkvæði gegn til-
lögunni.
„Ég lagði til að málið yrði tekið
út þar sem lítill tilgangur væri í
að ræða það áfram, enda allsherj-
arnefnd búin að afgreiða frum-
varpið og það komið í aðra um-
ræðu þingsins," sagði Pétur.
Kristján Möller, Samfylking-
unni, sagði stöðuna sýna að flótt-
inn hjá Framsóknarflokknum í
málinu væri að byrja. „Þetta
bendir til þess að Framsókn sé að
koma af fjöllum," sagði hann.
Þegar fundi nefndarinnar var
slitið í gærmorgun hafði fulltrúi
Samkeppnisstofnunar, sem var
meðal gesta, ekki enn lokið máli
sínu. Ekki var orðið við þeirri
ósk að þingfundi yrði frestað til
að hægt væri að ljúka málinu.
„Fulltrúi Samkeppnisstofnun-
ar var rekinn á dyr í miðri setn-
ingu. Hann er með eindæmum
þessi dónaskapur,“ sagði Jó-
hanna Sigurðardóttir, Samfylk-
ingunni. ■
13. maí 2004 FIMMTUDAGUR
Saddam Hussein:
A dauðadóm
yfir höfði sér
írak. ap Saddam Hussein á yfir
höfði sér dauðadóm en bráða-
birgðastjórn íraks mun afhenda
hann yfir til íraskra stjórnvalda
þegar bráðabirgðastjórnin fer
frá þann 30. júní. Talið er líklegt
að réttarhöld yfir þessum fyrr-
um einræðisherra landsins hefj-
ist í byrjun næsta árs og er talið
víst að fari Saddam fyrir rétt
landa sinna séu dagar hans tald-
ir. Hann er enn í haldi Banda-
ríkjamanna á leynilegum stað og
lítið er vitað um ástand hans en
sex mánuðir eru síðan hann var
handtekinn. ■
EINAR KARL HARALDSSON
Varaþingmaður Samfylkingarinnar telur
ekki tilhlýðilegt að vera sjálfur með vanga-
veltur um það hvort forseti islands eigi að
íhuga að skrifa ekki undir lögin um eignar-
hald á fjölmiðlum.
Einar Karl Haraldsson
um forseta Islands og
fjölmiðlafrumvarpið:
Hann hlýtur
að vita af
áhyggjum
alpingi „Ég hef hlýtt á rök lög-
fræðinga sem telja að það sé hent-
ugt fyrir forseta íslands að íhuga
málið, en mér finnst ekki tilhlýði-
legt að vera sjálfur með vanga-
veltur um þetta. Þetta er alfarið
mál forsetans og ekki hlutverk
þingmanna að hlutast til um það,“
segir Einar Karl Haraldsson,
varaþingmaður Samfylkingarinn-
ar, aðspurður hvort hann telji eðli-
legt að Ólafur Ragnar Grímsson,
forseti íslands, íhugi að skrifa
ekki undir fjöímiðlalögin vegna
álitamála um grundvallarréttindi.
Einar Karl segir að forsetinn
fylgist með umræðu í landinu á
hverjum tíma. „Hann hlýtur að
sjálfsögðu að vita af þeim áhyggj-
um sem ýmsir hafa af því að
frumvarpið kunni að brjóta gegn
frelsisákvæðum stjórnarskrár-
innar. Um afstöðu hans til málsins
verður hann einn að véla,“ segir
Einar Karl. ■
DEILT UM STÖRF ÞINGSINS
Stjórnarandstaðan gagnrýndi formann
efnahags- og viðskiptanefndar harðlega I
gær fyrir að reyna að afgreiða fjölmiðla-
frumvarpið út úr nefnd áður en umfjöllun
væri lokið. Tíllaga um afgreiðsluna var felld
og er stjómarmeirihlutinn i nefndinni
klofinn í málinu.