Fréttablaðið - 06.03.2004, Blaðsíða 2
2 6. mars 2004 LAUGARDAGUR
„Jú, svo sannarlega gerði ég það –
en sá tími kemur í lífi hvers manns
að hann þarf að verða fullorðinn.“
Helgi Hjörvar þingmaður hefur gagnrýnt Björn
Bjarnason dómsmálaráðherra harkalega vegna
eflingar sérsveita lögreglunnar. Helgi segir að
Björn sé að uppfylla bernskudraum með stækkun
sérsveitanna.
Spurningdagsins
Helgi, lékst þú þér aldrei með tindáta?
■ Lögreglufréttir
■ Evrópa
HEILBRIGÐISMÁL „Nú eru þrír sjúk-
lingar sem liggja inni á spítalanum
sem hefðu getað verið farnir heim
ef þeir hefðu fengið heimahjúkr-
un,“ sagði Sigríður Guðmundsdótt-
ir, innritunarstjóri á Landspítala
háskólasjúkrahúsi, um áhrif yfir-
standandi heimahjúkrunardeilu á
starfsemi spítalans. Hún sagði að
umræddir einstaklingar þyrftu
heimahjúkrun 2 - 3 sinnum á dag.
Sigríður sagði að fjöldi þeirra
sem kæmust ekki heim ætti eftir
að aukast eftir því sem drægist á
langinn að deilan leystist.
„Svona raskanir á útskriftum
eru fljótar að vinda upp á sig,“
sagði Sigríður enn fremur. „Ef við
erum komin með nokkra einstak-
linga sem við getum ekki útskrifað
verður ekki gegnumstreymi á
plássunum. Þá fer að verða æ
erfiðara að finna pláss fyrir þá sem
verða að koma inn, og gangainn-
lagnir og álag á deildum eykst.
Þetta getur stundum tekið 2 - 3
daga að breytast. Mánudagar og
þriðjudagar eru til dæmis oft erfið-
ir hjá okkur. Þá kemur fleira fólk
inn. Oft þarf ekki meira en að eitt-
hvað sé að ganga, þannig að þurfi
að leggja fleiri sjúklinga inn tvo
daga í röð heldur en meðaltalið
segir til um. Þá þarf oft ekki meira.
Við liggjum ekki með laus rúm
hér.“
Fulltrúar Sjúkraliðafélags Ís-
lands og Félags íslenskra hjúkrun-
arfélaga, ásamt fleiri fulltrúum
stéttarfélaganna, funduðu tvisvar
ásamt stjórnendum Heilsugæsl-
unnar í gær. Þar lögðu fulltrúar
stéttarfélaganna fram tilboð og
gagntilboð.
Ögmundur Jónasson formaður
BSRB sagði eftir síðari fundinn að
ljóst væri að of „langt væri enn á
milli aðila.“
„Mér finnst mjög brýnt, að
menn gefist ekki upp,heldur leiti
allra leiða til þess að leysa þetta
mál hið allra fyrsta vegna þess
hve alvarlegt ástandið er orðið hjá
fjölskyldum og einstaklingum,
sem þurfa að reiða sig á þessa
þjónustu.
Samkvæmt upplýsingum
Fréttablaðsins stóð sólarlagsá-
kvæðið enn í samningsaðilum, en
það snýst um að minnsta kosti 3ja
ára aðlögunartíma þeirra starfs-
manna, sem aka á eigin bílum, að
nýjum aksturssamningi. Nú er
verið að skoða hvað gæti hugsan-
lega komið í stað þess, að minnsta
kosti að einhverju leyti, en sú
lausn lá ekki á borðinu í gær. For-
stjóri Heilsugæslunnar hefur
sagt, að hana vanti fjármuni til að
geta komið til móts við kröfur
fyrrverandi starfsmanna.
jss@frettabladid.is
Bush með naumt forskot á Kerry samkvæmt nýrri könnun:
Stefnir í spennandi baráttu
WASHINGTON, AP George W. Bush
Bandaríkjaforseti mælist með ör-
lítið forskot á John Kerry, forseta-
frambjóðanda demókrata, í nýrri
skoðanakönnun AP-fréttastofunn-
ar, þeirrar fyrstu eftir að Kerry
varð öruggur um útnefningu
demókrata. Bush fengi atkvæði
46% kjósenda en Kerry 45%. At-
hygli vekur að Ralph Nader nýtur
stuðnings sex prósenta kjósenda
samkvæmt könnuninni.
Munurinn á Bush og Kerry er
innan skekkjumarka, sem eru
þrjú prósent. Hann markar þó
breytingu frá skoðanakönnunum
að undanförnu sem hafa flestar
sýnt að Kerry nyti meiri stuðn-
ings en Bush. Þá hefur ekki verið
spurt um Nader sem frambjóð-
anda.
Niðurstaða Nader er athyglis-
verð og gefur til kynna að hann
geti haft áhrif á úrslit kosning-
anna. Enn er þó óvíst hvort hann
fái nafn sitt skráð á kjörseðlana.
Við það naut hann aðstoðar Græn-
ingjaflokksins fyrir fjórum árum
en nú fer hann fram sem óháður
frambjóðandi.
Samkvæmt könnuninni eru
álíka margir sáttir og ósáttir við
störf Bush. Rúmlega helmingur
er þó ósáttur við stjórn hans á
efnahagsmálum en jafn margir
sáttir við utanríkisstefnu hans. ■
KJARAVIÐRÆÐUR Verkalýðsleiðtogar
hittu fulltrúa aðildarfélaga í gær-
morgun til þess að ræða stöðuna í
kjaraviðræðum við Samtök
atvinnulífsins. Forsvarsmenn
samningsaðila hittust svo síðdegis í
gær og munu halda fundum áfram í
dag og um helgina.
Halldór Björnsson, formaður
Starfsgreinasambandsins, segir að
fundurinn í gær hafi verið góður og
nauðsynlegur. Hann segir að menn
séu óþreyjufullir að klára samninga
en að óróinn sé ekki orðinn mikill
enn þótt harðorðar ályktanir um
stöðuna hafi borist frá nokkrum
verkalýðsfélögum. Hann segir að
þau atriði sem eftir eigi að semja
um séu fremur einföld og það gæti
komið í ljós um helgina hvort samn-
ingar takist án átaka.
Að sögn Halldórs myndi það
hjálpa til við lausn kjaradeilunnar
ef svör fengjust frá ríkisstjórninni
um lífeyrissjóðsmál og atvinnuleys-
isbætur.
Ari Edwald, framkvæmdastjóri
Samtaka atvinnulífsins, segist
einnig telja að það muni skýrast um
helgina hvort samningar takist.
Hann segir viðræðurnar hafa þróast
þannig að ekki hafi verið lagðar
fram formlegar tillögur hvað varðar
launalækkanir heldur séu hugmynd-
ir beggja aðila ræddar og færð rök
fyrir afstöðu hvors fyrir sig. ■
Vopnaþróun Íraka:
Fengu hjálp
frá Rússum
ÍRAK Rússneskir vopnasérfræð-
ingar aðstoðuðu Íraka við að koma
sér upp langdrægum flugskeytum
allt fram á síðustu árin fyrir inn-
rás Bandaríkjamanna og Breta að
sögn New York Times. Vopnasér-
fræðingarnir unnu fyrir rúss-
neskt einkafyrirtæki meðan þeir
voru í Írak en munu sumir hafa
unnið fyrir ríkisfyrirtæki áður.
Þetta hefur vakið spurningar um
hvort rússnesk stjórnvöld hafi
vitað af störfum þeirra í Írak.
Írakar máttu aðeins eiga frum-
stæð flugskeyti og störf Rússanna
því skýrt brot á banni Sameinuðu
þjóðanna við vopnaþróun Íraka. ■
METHAGNAÐUR
Róbert Wessmann, forstjóri Pharmaco,
segir félagið hafa náð markmiðum um
mikinn vöxt.
Methagnaður hjá
Pharmaco:
Uppgjör
undir
væntingum
VIÐSKIPTI Hagnaður Pharmaco á
síðasta ári var rúmir 3,5 milljarð-
ar króna.
Hagnaðurinn er 700 milljón
krónum meiri en fyrir árið 2002.
Róbert Wessman, forstjóri
Pharmaco, segir rekstur félagsins
hafa gengið mjög vel á síðasta ári.
„Félagið náði metnaðarfullum
markmiðum sínum um innri og
ytri vöxt.“ Hann segist sannfærð-
ur um að félagið sé vel búið undir
alþjóðlega samkeppni og verður
áhersla lögð á að þróa lyf fyrir
Bandaríkjamarkað.
Tekjur félagsins jukust um 46
prósent og hagnaður fyrir skatt
um rúm 26 prósent. Arðsemi
eiginfjár lækkaði úr rúmum 23
prósentum í tæp 18 prósent.
Hagnaður var undir vænting-
um greiningardeilda Landsbanka
og KB banka. Bréf Pharmaco
lækkuðu um rúmt eitt prósent í
gær. Félagið á í viðræðum um
kaup á fyrirtæki og er á athugun-
arlista Kauphallar Íslands. ■
Borgarstjórn Reykjavíkur:
Fagnar
fjölgun lög-
reglumanna
BORGARMÁL Borgarstjórn Reykja-
víkur fagnar nýtekinni ákvörðun
um fjölgun almennra lögreglu-
manna í Reykjavík um tíu. Á sama
hátt lýsir borgarstjórn ánægju
með störf hverfalöggæslumanna í
borginni og hvetur til þess að
hverfalöggæslan verði efld enn
frekar. Ályktun um þetta var sam-
þykkt eftir tillögu sjálfstæðis-
manna á fundi borgarstjórnar á
fimmtudag. ■
GRIPINN MEÐ ÞÝFI Ungur maður
var handtekinn í Hafnarfirði í
gærmorgun. Hann var með þýfi
úr innbroti í íbúð sem framið
hafði verið deginum áður. Maður-
inn var yfirheyrður í gær og
sleppt að yfirheyrslum loknum.
ARIEL SHARON
Meirihluti ísraelsku þjóðarinnar vantreystir
forsætisráðherranum.
Ný skoðanakönnun:
Sharon ekki
treystandi
JERÚSALEM, AP Trúverðugleiki
Ariels Sharon, forsætisráðherra
Ísraels, hefur ekki verið minni í
þrjú ár, ef marka má nýja skoð-
anakönnun sem birtist í dagblað-
inu Yediot Ahronot. 57% ísraelsku
þjóðarinnar segjast ekki bera
traust til forsætisráðherrans.
Þegar Sharon tók við embætti
forsætisráðherra árið 2001 töldu
aðeins 20% Ísraela að honum væri
ekki treystandi. Nú eru 53% þjóð-
arinnar á þeirri skoðun að Sharon
beri að segja af sér í ljósi ásakan-
na um spillingu. ■
PERSSON FER EKKI TIL NORÐUR-
KÓREU Göran Persson, forsætis-
ráðherra Svíþjóðar, aflýsti fyrir-
hugaðri heimsókn til Norður-
Kóreu þegar ljóst varð að hann
fengi ekki að hitta leiðtoga lands-
ins, Kim Jong Il. Persson hafði
óskað eftir fundi með Kim til að
ræða kjarnorkuáætlun Norður-
Kóreu en þeirri beiðni var hafnað.
FINNAR RANNSAKA ÍRASKAR
FJÖLDAGRAFIR Finnskir réttar-
meinafræðingar munu fara til
Írak í næstu viku til að rannsaka
hundruð fjöldagrafa í Írak. Finn-
unum er ætlað að afla sannanna
gegn Saddam Hussein, fyrrum
Íraksforseta, en talið er að allt að
500.000 lík sé að finna í þessum
gröfum. Finnska ríkið styrkir
leiðangurinn.
KÖHLER Í FRAMBOÐ Horst
Köhler, yfirmaður Alþjóðagjald-
eyrissjóðsins, hefur sagt af sér
þar sem hann hyggst bjóða sig
fram til forseta í Þýskalandi í
maí. Köhler var tilnefndur af
íhaldssömum og frjálslyndum
þingmönnum stjórnarandstöð-
unnar en þeir eru í meirihluta á
sambandsþinginu sem velur arf-
taka Johannes Rau, núverandi
forseta.
HANDTEKINN FYRIR AÐ SMYGLA
HERÓÍNI Albanska lögreglan
handtók Albana sem reyndi að
smygla 17,5 kílógrömmum af
heróíni til Grikklands. Maðurinn
var handtekinn við landamæra-
stöðina í Kakavia. Heróínið var
falið í bifreið hans sem var með
grísk skráningarnúmer.
■ Norðurlönd
FR
ÉT
TA
B
LA
Ð
IÐ
/T
EI
TU
R
BARÁTTAN KOMIN Í GANG
George W. Bush mælist með eins prósents
forskot á John Kerry samkvæmt nýrri
skoðanakönnun
Deilan hamlar út-
skriftum sjúklinga
Heimahjúkrunardeilan er nú farin að tefja útskriftir sjúklinga af Land-
spítalanum. Of mikið bar á milli deiluaðila á fundum þeirra í gær.
Áfram verður reynt að leita lausna um helgina.
ENN BEÐIÐ
Þeir starfsmenn heimahjúkrunar sem hættir eru störfum bíða enn eftir því að deilan um aksturssamning leysist. Þeir hafa hist í húsnæði
stéttarfélaga sinna í vikunni og farið yfir stöðu mála.
AF FUNDI Í GÆRMORGUN
Samningamenn Starfsgreinasambandsins
og Flóabandalagsins hittu fulltrúa aðildar-
félaga á fundi í gærmorgun til þess að fara
yfir stöðu mála í samingaviðræðunum við
vinnuveitendur.
Verkalýðsleiðtogar og Samtök atvinnulífsins funduðu í gær:
Málin skýrast um helgina