Fréttablaðið - 13.03.2004, Blaðsíða 8

8 13. mars 204 LAUGARDAGUR
■ Bandaríkin
Ja, sko......
„Er ég talinn ógn við öryggi rík-
isins af því ég er í forsetafram-
boði?“
Ástþór Magnússon, Fréttablaðið 12. mars
Bévaðir kommarnir
„Tillögur Samfylkingarinnar um
milliliðalaust lýðræði eru ekki
djúpt hugsaðar en með sterku
skjallkenndu ívafi óskhyggju um
að geta með áróðursmaskínum
sínum komið almenningi í upp-
nám og misnotað geðshræringu
hans til að efla alræði.“
Jóhann J. Ólafsson stórkaupmaður, Morgunblað-
ið 12. mars
Hvað er þá á spólunum?
„Ég horfi ekki mikið á kvik-
myndir, fer frekar og tek spólu
eða bara eitthvað út. Allir
spennuþættir eru samt uppá-
haldið mitt.“
Sólveig Zophaníasdóttir, fyrrum ungfrú Ís-
lands.is, DV 12. mars
Orðrétt
Héraðsdómur Norðurlands eystra:
Skaðabótamál vegna gats á ristil
DÓMSMÁL Krafa konu um miska-
bætur upp á um 12 milljónir króna
vegna meintra læknamistaka var
tekin fyrir í Héraðsdómi Norður-
lands eystra í gær. Læknirinn sem
vann verkið er sá hinn sami og
lögreglan í Keflavík rannsakar nú
vegna barnsláts í kjölfar keisara-
skurðar á Heilbrigðisstofnun Suð-
urnesja í september sl.
Forsaga þessa máls er sú, að í
október 1997 fór umrædd kona í
kviðarholsspeglun á Fjórðungs-
sjúkrahúsi Akureyrar. Læknirinn
framkvæmdi hana og konan fékk
að fara heim. Daginn eftir var hún
orðin fárveik. Við læknisrannsókn
kom í ljós að gat var komið á
ristilinn í henni. Var það rakið til
þess að mistök hefðu átt sér stað
við kviðarholsspeglunina. Konan
fékk meðal annars slæma innvort-
is sýkingu vegna áverkans á ristl-
inum. Í framhaldi af þessu lenti
hún í langvarandi veikinda-
hremmingum. Hún höfðaði skaða-
bótamál gegn lækninum, Fjórð-
ungssjúkrahúsinu á Akureyri og
Sjóvá-Almennum. Málshöfðunin
tók til tryggingafélagsins þar sem
krafan myndi lenda á því á endan-
um.
Deilt er meðal annars um
ábyrgð Fjórðungsjúkrahússins á
mistökunum, þar sem um einfalt
ferilverk hafi verið að ræða. ■
Alvarlegar athugasemdir
við hæstaréttardóm
Jón Steinar Gunnlaugsson telur Hæstarétt hafa brotið gróflega á
skjólstæðingum sínum í máli er varðar læknamistök. Hann útilokar
ekki að málinu verði skotið til Evrópudómstóls.
DÓMSMÁL Jón Steinar Gunnlaugs-
son, lögmaður stúlku sem varð fyrir
alvarlegum heilaskaða við fæðingu
og foreldra hennar, gerir alvarlegar
athugasemdir við niðurstöðu
Hæstaréttar sem ógilti dóm Hér-
aðsdóms Reykjavíkur í fyrrdag.
Hérðasdómur hafði komist að þeirri
niðurstöðu að stúlkunni og foreldr-
um hennar bæri að fá bætur þar
sem mistök lækna hefðu valdið fötl-
un hennar.
Dómur héraðsdóms var kveðinn
upp af einum dómara við réttinnn
og tveimur sérfróðum meðdómend-
um, öðrum í barnalækningum og
hinum í fæðingarlækningum. Að
sögn Jóns Steinars voru báðir lækn-
arnir óháðir málsaðilanum; Land-
spítala - háskóla-
sjúkrahúsi.
Hæstiréttur
ákvað hins vegar
að leita sjálfur
eftir áliti réttar-
m á l a d e i l d a r
Læknaráðs sem
komst að gagn-
stæðri niður-
stöðu. Jón Stein-
ar segir að í
deildinni eigi þrír læknar sæti; allir
séu þeir starfsmenn Landspítalans
og enginn sérfróður um barnalækn-
ingar.
„Niðurstöðu hins sérfróða barna-
læknis sem sat í héraðsdómi er
hnekkt með áliti ósérfróðra lækna
sem eru í starfi hjá gagnaðilanum,“
segir Jón Steinar og bætir við: „Og
það verður hver sem er að lá mér
það þó ég telji að þessi málsmeðferð
hafi brotið gróflega rétt á mínum
skjólstæðingi í þessu máli og hún
jafnist á við það að láta aðila að rétt-
arágreiningi dæma í eigin sök.“
Jón Steinar segir það alvarlegt
brot á hefðum í rekstri einkamála
að Hæstréttur taki það upp hjá
sjálfum sér að leita sönnunargagna
svo sem gert hafi verið í þessu til-
viki þar sem hann hafði frumkvæði
að því að leita álits Læknaráðs.
„Enda sjá menn hvert stefndi ef
það væru dómstólar sem öfluðu
sönnunargagna til að hnekkja sönn-
unarfærslum sem fram hefðu farið
í málunum,“ segir Jón Steinar.
Hann segist hafa gert athuga-
semdir við þessa aðferð Hæstarétt-
ar en þeim hafi ekki veirð sinnt. Að-
spurður segir Jón Steinar að til
greina komi að skjóta málinu til
Mannréttindadómstóls Evrópu á
þeirri forsendu að í málsmeðferð
Hæstaréttar hafi falist brot á
ákvæðum Mannréttindasáttmála
Evrópu sem kveði á um hlutlausa
málsmeðferð fyrir dómi.
thkjart@frettabladid.is
Kvóta úthlutað til
áframeldis þorsks:
500 tonn til
skiptanna
ÞORSKELDI Hraðfrystihúsið Gunn-
vör hf. fékk úthlutað fimmtungi
kvóta sjávarútvegsráðuenytisins
til áframeldis á Þorski. Gunnvör
fékk úthlutað 100 tonnum til
áframeldis í Álftafirði en alls
voru 500 tonn til ráðstöfunar.
Brim fiskeldi ehf. fékk sömuleiðis
úthlutað 100 tonnum til athugana
á áhrifum stöðugrar lýsingar á
vöxt og kynþroska áframeldis
þorsks í sjókvíum. Alls fengu 12
fyrirtæki úthlutað 500 tonna
kvóta sjávarútvegsráðuneytisins
til áframeldis þorsks. ■
KÍNAMÚRINN
Mjög langur en ekki mjög breiður og sést
því ekki úr geimnum.
Kínamúrinn:
Sést ekki úr
geimnum
PEKING, AP Fyrsta för kínversks
geimfara er farin að hafa fjöl-
breytilegri áhrif á menntun
skólabarna en menn gerðu ráð
fyrir. Áratugum saman hefur
þeim verið kennt að Kínamúrinn
væri eina mannvirki jarðar sem
sæist með berum augum úr
geimnum. Kínverski geimfarinn
Yang Liwei sagði hins vegar eft-
ir geimferð sína að sama hvað
hann pírði augun hefði hann
ekki séð múrinn.
Eftir þetta ákváðu mennta-
málayfirvöld í Kína að breyta
sögubókunum og hafa stöðvað
prentun á sögubókum þar sem
kaflinn um múrinn sem sést úr
geimnum birtist. ■
KOSNINGAAUGLÝSING
Bush segir Kerry ætla að hækka skatta
verulega í fyrstu neikvæðu sjónvarps-
auglýsingu sinni.
John Kerry:
Biðst ekki
afsökunar
WASHINGTON, AP „Það kemur ekki
til greina að ég biðjist afsökunar á
ummælum mínum,“ svaraði John
Kerry, forsetaefni demókrata,
kröfu kosningastjóra George W.
Bush Bandaríkjaforseta um að
hann bæðist afsökunar á ummæl-
um sínum um óheiðarlega og
lygna repúblikana. Kerry segir
ummæli sín eiga við um hörðustu
gagnrýnendur sína.
Repúblikanar hafa svo sem
ekki þagað um Kerry. Einn þeirra,
þingmaðurinn Jack Kingston,
kallaði Kerry „Ted Kennedy í
megrunarkúr“. Kennedy er vel í
holdum og þykir full frjálslyndur
í augum repúblikana. ■
Í KJÖLFAR HVIRFILBYLS
Sums staðar á Madagaskar var fátt eftir
uppistandandi.
Hvirfilbylur:
Nær 200
létust
MADAGASKAR, AP Á annað hundrað
manns létust af völdum hvirfil-
bylsins Gafilo sem gekk yfir
Madagaskar.
Talið er að aðeins tveir hafi
komist lífs af þegar ferja með 115
manns innanborðs sökk meðan
veðrið gekk yfir. Að auki létust 43
íbúar eyjarinnar þegar hvirfilbyl-
urinn gekk tvívegis yfir eyna.
Maður og kona sem lifðu
ferjuslysið af sögðu að ferjunni
hefði hvolft í miklum öldugangi
og hávaðaroki.
Brýr hrundu, tré féllu og olíu-
bornir vegir urðu ófærir þannig
að hátt í hundrað þúsund manns
komust ekki ferða sinna. ■
GRUNUÐ UM NJÓSNIR Fyrrum
aðstoðarmaður fjögurra banda-
rískra þingmanna hefur verið
handtekinn, grunaður um að
hafa þegið laun af Írökum fyrir
njósnir. Konunni er einnig gefið
að sök að hafa reynt að hafa
áhrif á stefnu Bandaríkjastjórn-
ar gagnvart Írak.
HÉRAÐSDÓMUR
Skaðabótamál er nú í meðferð Héraðs-
dóms Norðurlands eystra vegna meintra
mistaka læknis á Fjórðungssjúkrahúsi
Akureyrar árið 1997.
JÓN STEINAR GUNNLAUGSSON
Gagnrýnir að Hæstiréttur hafi sjálfur haft frumkvæði að því að afla sönnunargagna í
málinu en ekki tekið tillit til niðurstöðu sérfróðra dómara í héraðsdómi.
„Málsmeð-
ferðin jafnast
á við að láta
aðila að
réttarágrein-
ingi dæma í
eigin sök.