Fréttablaðið - 13.03.2004, Blaðsíða 16

Upphafspuntur allflestrahringferða um landið með er-
lenda ferðamenn hefst á Keflavík-
urflugvelli. Langferðabílarnir
bíða við Flugstöð Leifs Eiríksson-
ar með bílstjóra og leiðsögumenn
til þjónustu reiðubúna. Þar innan
um geta verið bílstjórar sem sjá
einnig um leiðsögn fyrir minnstu
hópana. Hringferðirnar geta stað-
ið yfir í allt að þrjár vikur. Ofan-
greindir bílstjórar og leiðsögu-
menn eru þeir aðilar sem ferða-
mennirnir kynnast hvað best og
eru því andlit þjóðarinnar í hug-
um þeirra. Því er það mikilvægt
að fólk með góða þjónustulund og
ábyrgðarkennd veljist til þessara
starfa sem snúa almennt að ferða-
mannaiðnaðinum.
Vel heppnuð ferðaáætlun
Í huga ferðamanns telst vel
heppnuð ferð um landið þegar
ferðaáætlun er honum að skapi og
hann finnur að allt er gert svo
honum megi líða sem best. Þessi
regla er ein sú besta markaðssetn-
ing sem völ er á og jafnframt sú
ódýrasta. Pantanir á ferðum til
landsins næsta sumar sýna um
40% aukningu á milli ára sem
sannar að við Íslendingar erum á
réttri leið í ferðamannaiðnaðin-
um.
Það vakti athygli mína sem
hópferðabílstjóri og Suðurnesja-
maður að flestar þær hringferðir
sem ég hef farið síðustu árin, hafa
byrjað á því að keyra farþegana
frá Keflavíkurflugvelli beint til
fyrsta náttstaðar í Reykjavík.
Nokkur dæmi eru þó til um að
stefnan hafi verið tekin til dæmis
austur fyrir fjall. Við þessar að-
stæður gefst ekki tími til að skoða
á leiðinni marga fallega staði
heldur er kappkostað við að koma
ferðamönnunum í gistingu sem
allra fyrst. Hér eru sóknarfæri
fyrir ferðamannaiðnaðinn á Suð-
urnesjum ef rétt er á málum hald-
ið en til þess þarf nána samvinnu
við ferðaskrifstofurnar. Þetta ætti
ekki síður að vera akkur fyrir þær
að ferðamenn í hringferð um
landið geti fengið sem mest út úr
fyrsta degi ferðar og náð samt
náttstað í tæka tíð.
Ferð um Reykjanes
Á þessum fyrsta degi væri
upplagt að fara í smá ferð með
ferðamennina vítt um Reykjanes-
bæjarsvæðið, til dæmis að skoða
Fræðasetrið í Sandgerði, fara á
bryggjuna ef bátarnir væru að
landa og ef veður væri gott mætti
fara í fjöruferð og skoða fuglana
við Garðskagavita. Þar væri hægt
að taka skemmtilegar myndir
meðal annars af Snæfellsjökli sé
skyggni gott. Svo yrði snæddur
kvöldverður fyrir svefninn á hót-
eli í Reykjanesbæ.
Á öðrum degi eftir morgunmat
væri haldið í áttina að Reykjanes-
vita til að skoða þær náttúruperl-
ur sem þar eru að finna. Á leiðinni
hefðu ferðamennirnir ábyggilega
gaman af að skoða brúna sem er á
milli Evrópu- og Ameríku-
flekanna hér fyrir sunnan. Svo
væri haldið til Grindavíkur, komið
við í Bláa Lóninu, farið í bað og
einnig væri hægt að skoða Gjána
hjá Hitaveitu Suðurnesja í Svarts-
engi til að fræðast um jarðsögu Ís-
lands. Eftir baðið væri upplagt við
komuna til Grindvíkur að gera
innkaup vegna hádegisverðar.
Eftir matinn væri hægt til dæmis
að skoða Saltfisksetrið í Grinda-
vík áður en haldið væri austur
Suðurstrandaveg á leið til Gull-
foss. Á þessari leið er margt fall-
egt að sjá svo sem Krýsuvíkur-
svæðið. Hér má sjá hvað Suður-
nesin eru vel staðsett við upphaf
hringferðar með erlenda gesti.
Í framhaldinu tæki svo við
Þingvellir, Skálholt og Geysir svo
einhver dæmi séu nefnd. Eftir
skoðun á Gullfossi væri kominn
tími til að fara á áfangastað og fá
sér kvöldverð áður en gengið
væri til náða. Við lok annars dags
ferðar erum við vel staðsett til að
halda áfram til allra átta svo sem
norður um Kjöl, Fjallabaksleið til
Landmannalauga og/eða til
Bakkaflugvallar ef ferðinni væri
heitið til Vestmannaeyja.
Verðmæt auglýsing
Sem dæmi um hversu mikil-
vægt það er að vel til takist í sam-
skiptum við þessa erlenda gesti
okkar sem koma til að skoða land-
ið, að í einni tjaldferðinni þar sem
greinarhöfundur var bæði bíl-
stjóri og fararstjóri kynntist ég
heimsþekktum ljósmyndara
Heinz Zak sem fór fyrir hóp ljós-
myndara í þessari ferð, sérhæfir
hann sig í myndatökum meðal
annars af fjallaklifi og landslagi.
Hann hyggur á útgáfu ljósmynda-
bókar um Ísland. Þessi bók yrði
ígildi verðmætrar auglýsingar
um land okkar og þjóð. Ferða-
mennirnir í þessari ferð voru
sammála um að Ísland væri para-
dís ljósmyndarans, var einhugur
þeirra allra að koma aftur til
landsins við fyrsta tækifæri.
Tilefni skrifa þessa er að verk-
efnisstjóri Upplýsingamiðstöðvar
Reykjaness, Rannveig L. Garð-
arsdóttir, hefur látið hafa eftir
sér að hún hafi orðið þess áskyn-
ja að það skorti meiri samvinnu á
meðal sveitarstjórna og ferða-
þjónustuaðila á svæðinu og telur
hún það standa ferðaþjónustunni
á Reykjanesi fyrir þrifum. Því vil
ég taka undir orð hennar og árét-
ta mikilvægi þess að Suðurnesja-
menn geri sér grein fyrir þeim
tækifærum sem bjóðast í ferða-
mannaiðnaðinum og að það náist
breið samstaða á milli hagsmuna-
aðila og stjórnmálamanna á
svæðinu um að það sem við höf-
um upp á að bjóða nýtist sem best
ferðamönnum, okkur til fram-
dráttar.
Hér er en ein sönnun þess að
sveitarfélög á Suðurnesjum
verða að íhuga sameiningu fyrir
alvöru sem allra fyrst því það er
betra að hafa einn mann í brúnni
sem ber ábyrgðina og veit hvert
ferðinni er haldið. Við samein-
ingu myndi sparast stórfé við þá
miklu hagræðingu sem yrði
vegna hennar innan stjórnsýsl-
unnar og sparnaðinn mætti nota
til nýsköpunar, til dæmis vegna
ferðaþjónustu hér á svæðinu. ■
Táknmálstúlkun verður kenndvið Háskóla Íslands næsta vet-
ur. Fé hefur verið tryggt til kennsl-
unnar fyrir frumkvæði Páls Skúla-
sonar, rektors Háskóla Íslands.
Rösklega gengið fram hjá rektor
Háskólans og ástæða til að hrópa
húrra fyrir framgöngu hans í þessu
réttlætismáli sem stjórnvöld sýndu
ekki mikinn skilning í umræðum á
Alþingi á dögunum.
Framgöngu Páls var fagnað í yf-
irlýsingu frá Félagi heyrnarlausra.
Þar sem segir m.a. „Félag heyrnar-
lausra fagnar því að Páll Skúlason,
rektor Háskóla Íslands, hefur
ákveðið að táknmálstúlkun verði
kennd næsta vetur og mun hann sjá
um að útvega það fjármagn sem á
vantar. Komið hefur verið í veg fyr-
ir mikið áfall fyrir samfélag heyrn-
arlausra og heyrnarskertra því
táknmálstúlkar eru lykill heyrnar-
lausra að íslensku samfélagi og for-
senda þess að þeir geti nýtt sér heil-
brigðisþjónustu, notið menntunar
og tekið þátt í samfélaginu sem
fullgildir þegnar. Án táknmálstúlka
er heyrnarlausum meinaður að-
gangur að íslensku samfélagi“.
Á bás með Albaníu
Orð að sönnu enda erum við Ís-
lendingar ljósárum á eftir ná-
grannaþjóðunum í málefnum
heyrnalausra. Til dæmis viður-
kennum við táknmálið ekki sem
móðurmál heyrnalausra og í text-
un innlends sjónvarpsefnis skip-
um við bás með Albaníu en ekki
hinum norrænu þjóðunum. Alban-
ía textar ekkert af innlendu sjón-
varpsefni en Íslendingar eina
klukkustund á viku. Sömu tölur
eru 300–500 víðast hvar í Evrópu.
Ef frumvörp Sigurlínar Margrét-
ar Sigurðardóttir, þingmanns
Frjálslyndra, ná fram að ganga
rætist úr þessu en erfitt er að
binda vonir við að ríkisstjórnar-
flokkarnir veiti þeim framgöngu í
þinginu.
Mikill skortur á túlkum
Anna Kristín Gunnarsdóttir,
þingmaður Samfylkingarinnar,
tók þetta mál upp á Alþingi á
dögunum við Þorgerði Katrínu
Gunnarsdóttur menntamálaráð-
herra. Sagði Anna Kristín þar
meðal annars að komið hefði
fram í fjölmiðlum að mikill
skortur væri á táknmáls-túlkum
hér á landi og að þörf fyrir þá
væri að aukast.
Táknmálstúlkar sinna eink-
um skóla- og heilbrigðiskerfinu
og er mikilvægt að þjónusta við
heyrnarskert börn á leikskóla-
aldri verði aukin og bætt, en
með því móti væri þeim tryggð
leið til að taka þátt í skapandi
leik og starfi og að þroskast á
eigin forsendum. Túlkun fyrir
heyrnarskerta er mikilvæg for-
senda fyrir því að viðkomandi
einstaklingar njóti jafnréttis á
við aðra þegna landsins. Því
þarf að efla túlkanámið en ekki
þrengja enn að því. ■
16 13. mars 2004 LAUGARDAGUR
Húrra fyrir Páli
Umræðan
BALDVIN
NIELSEN
■
skrifar um
ferðamennsku.
Umræðan
BJÖRGVIN G.
SIGURÐSSON
■
skrifar um
Háskóla Íslands.
4. flokki 1992 – 41. útdráttur
4. flokki 1994 – 34. útdráttur
2. flokki 1995 – 32. útdráttur
1. og 2. flokki 1998 – 23. útdráttur
Frá og með 15. mars 2004 hefst innlausn á útdregnum
húsbréfum í eftirtöldum flokkum:
Innlausnarverðið er að finna í Morgunblaðinu
laugardaginn 13. mars.
Innlausn húsbréfa fer fram hjá Íbúðalánasjóði, í bönkum,
sparisjóðum og verðbréfafyrirtækjum.
Innlausn
húsbréfa
INDVERSK MATARGERÐ Í ELDHÚSINU ÞÍNU.
Ef þú vilt halda veislu
þá kem ég á staðinn og sé um matinn.
Skemmtileg gjafabréf fyrir þá
sem ætla að gefa skemmtilega gjöf.
Námskeið í indverskri grænmetis-
matargerð, fæða fyrir sál og líkama.
SKEMMTILEGT EITT KVÖLD
17. mars, 22. mars, eða 24. mars.
kl. 18-22.30. með Shabönu,
s. 581 1465 og 6593045,
Verð kr, 5000,-
Scania R164-GB 6x4
Nýskráður 08/2000
Km. 420.000
Verð 5.400.000,- án vsk
Benz 815D Vario
Nýskráður 09/1999
Km. 95.000
Vörukassi 5100mm
Vörulyfta 1000kg
Verð 2.160.000,- án vsk
Vörukassi Ulefoss
7850 mm einangraður
Nýr 05/2000
Verð 650.000,- án vsk
Scania R124-LB 4x2
Nýskráður 05/2000 - Km. 290.000
Vörukassi 7300mm
Vörulyfta 2000kg
Verð 5.580.000,- án vsk
Upplýsingar í síma
515 7074 og 893 4435
Á ferð um
fagra Ísland
Í TJALDFERÐ
Baldvin Nielsen greinarhöfundur og Heinz
Zak í tjaldferð við Veiðivötn í ágúst 2002.