Fréttablaðið - 14.03.2004, Blaðsíða 2
2 14. mars 2004 SUNNUDAGUR
“Það er hálfgerð ævintýramennska
að ég skuli að vera að spila fótbolta,
þó kem ég helst að gagni í marki
þótt það kunni að hljóma ótrúlega..“
Ásgeir Friðgeirsson þingmaður Samfylkingar var í
marki hjá þingmönnum og fékk á sig sjö mörk í
leik þeirra gegn starfsmönnum RÚV. Þingmenn
töpuðu 7-3.
Spurningdagsins
Ásgeir, var þetta einhver ævintýra-
mennska hjá þér í markinu?
Handteknir degi
fyrir kosningar
Þrír Marokkómenn og tveir Indverjar taldir tengjast sprengjuárásunum í Madríd á miðvikudag.
Stjórnvöld á Spáni sökuð um að hafa haldið upplýsingum leyndum. Málið gæti haft mikil áhrif á
úrslit kosninganna í dag.
MADRÍD, AP Innanríkisráðherra
Spánar Angel Acebes skýrði frá
því seint í gær að þrír Marokkó-
menn og tveir Indverjar hefðu
verið handteknir, grunaðir um að-
ild að sprengjuárásunum í Madríd
á fimmtudaginn. Tveir Spánverj-
ar af indverskum uppruna voru
einnig yfirheyrðir, en ekki var
talið að þeir yrðu handteknir.
Ráðherrann sagði að þessir
menn „gætu verið í tengslum við
öfgasamtök í Marokkó. En við
ætlum ekki að útiloka neitt. Lög-
reglan er enn að rannsaka allar
leiðir.“ Fram kom að farsími, sem
fannst í bakpoka með sprengiefn-
um, hafi leitt lögregluna á spor
þessara manna.
Aðeins fáeinum klukkustund-
um áður hafði Acebes fullyrt að
rannsókn málsins beindist eink-
um að baskneskum aðskilnaðar-
sinnum tengdum ETA-samtökun-
um, þótt aðrir möguleikar væru
ekki útilokaðir.
Harðar ásakanir höfðu komið
fram um að stjórnvöld á Spáni
haldi leyndum upplýsingum, sem
þau kunni að hafa um það hverjir
beri ábyrgð á hryðjuverkunum á
fimmtudaginn, sem urðu 200
manns að bana og særðu 1500
manns að auki.
Þær upplýsingar gætu hæg-
lega haft mikil áhrif á úrslit kosn-
inganna, sem haldnar verða í
landinu í dag, aðeins þremur dög-
um eftir árásirnar.
Komi í ljós að íslamskir hryðju-
verkamenn beri ábyrgð á árásun-
um er líklegt að kjósendur teldu
hryðjuverkin standa í beinu sam-
bandi við skilyrðislausan stuðning
spænsku stjórnarinnar við hernað-
araðgerðir Bandaríkjanna í Írak.
Telji kjósendur hins vegar að
ETA, aðskilnaðarsamtök Baska,
beri ábyrgð á ógnarverkunum, þá
myndi stjórnarflokkurinn vænt-
anlega græða vegna þess hve hart
stjórnin hefur tekið á ETA undan-
farin misseri.
ETA samtökin hafa hins vegar
harðneitað því að hafa komið ná-
lægt þessum árásum.
„Þeir hafa logið að fólki, og
þeir hafa logið vísvitandi,“ sagði
Arnaldo Otegi, leiðtogi Batasuna,
hins bannaða stjórnmálaflokks
Baska á Spáni, um leiðtoga stjórn-
arinnar.
gudsteinn@frettabladid.is
Loðnan við Eyjar:
Mikil traffík á
miðunum
LOÐNUVEIÐI Tuttugu og tvö loðnu-
skip voru í höfninni í Vestmanna-
eyjum aðfaranótt gærdagsins að
sögn Kristjáns Eggertssonar
hafnarstjóra. Hann segir að flest
þeirra hafi látið úr höfn fyrir há-
degi í gær.
Grímur Jón Grímsson, skip-
stjóri á Antares VE, segir að veið-
in sé góð en um kvöldmatarleytið
í gær biðu skip eftir því að loðnu-
torfan færi yfir svæði milli lands
og Eyja þar sem bannað er að
kasta vegna kapla og vatns-
leiðslna. Hann sagði mjög mikla
traffík vera á miðunum en veiðina
ganga vel. ■
ÞRÖNGT Í VESTMANNAEYJAHÖFN
Hafnarstjórinn í Vestmannaeyjum segir 22
loðnuskip hafi beðið af sér bræluna þar á
síðustu dögum.
FRÁ ÞINGI FRJÁLSLYNDA FLOKKSINS
Þar voru væntanleg framboð til sveitar-
stjórnarkosninga mjög til umræðu.
Frjálslyndi flokkurinn:
Stefnir á
sveitastjórnir
STJÓRNMÁL Frjálslyndi flokkurinn
stefnir að framboðum til sveitar-
stjórnarkosninga vorið 2006, ýmist
með listum í eigin nafni eða í sam-
starfi við aðra stjórnmálaflokka.
Þetta var mjög til umræðu á
málþingi flokksins um helgina. „Við
höfum verið með framboð þar sem
við höfum haft bolmagn til þess. Nú
ætlum við að efla okkur fram að
sveitarstjórnarkosningum. Á Ísa-
firði, þar sem við eigum mann í
bæjarstjórn, hefur verið starfandi
virkur hópur og stofnuð hafa verið
bæjarmálafélög á Húsavík og í
Hafnarfirði. Við stefnum að því að
efla þetta net og gera það svolítið
þéttriðið þannig að við verðum klár
í bátana fyrir sveitarstjórnarkosn-
ingar,“ segir Margrét Sverrisdóttir
framkvæmdastjóri flokksins. ■
MADRID, AP Hjónin José Ramon Is-
arch, 37 ára, og Maria Teresa
Mora Valero, 36 ára, voru meðal
þeirra 200 manna sem fórust í
árásunum á Madríd á fimmtudag-
inn.
Í tíu ár höfðu þau búið saman
og á hverjum degi tóku þau sömu
lestina á sama tíma, en leiðir
skildu jafnan á Atocha lestarstöð-
inni þar sem hann fór til vinnu
sinnar í varnarmálaráðuneytinu
en hún í ráðhúsinu.
Í gær lágu líkkistur þeirra hlið
við hlið í stærstu útfararstofu Ma-
drídborgar. Venjulega er þar nóg
pláss, en þessa dagana er ástandið
þar harla óvenjulegt. Nota þurfti
nálæg íþróttamannvirki til þess
að létta á álaginu.
Fyrstu jarðarfarir fórnar-
lamba hryðjuverkanna fóru fram
í gær. Hinna látnu var einnig
minnst með ýmsum öðrum hætti
víða í Madríd, á útfararstofum, í
kirkjugörðum og við lestarstöðv-
arnar þar sem árásirnar voru
gerðar.
„Hingað til hefur fólk einfald-
lega verið í sjokki,“ sagði Antoniu
Palacios ráðgjafi. En núna „er
fólk byrjað að átta sig á þeim
raunveruleika að ástvinir þess
eru látnir.“
Á torginu Puerta del Sol í mið-
borg Madríd stóð maður að nafni
Gonzalo Torrez og las upp nöfn
þeirra sem fórust á fimmtudag-
inn. Mannfjöldinn hlustaði af at-
hygli á lesturinn.
Að lestrinum loknum sagði
hann: „Madríd, og Spánn og heim-
urinn munu ekki gleyma ykkur.“
Þessum orðum var fagnað með
lófataki.
Hryðjuverkin urðu 200 manns
að bana og særðu 1500 manns að
auki í samtals tíu sprengingum,
sem sprungu með stuttu millibili á
þremur lestarstöðvum í Madríd.
Meðal hinna látnu eru 32 út-
lendingar frá 12 löndum. Flestir
þeirra bjuggu í bænum Alcala de
Henare, sem er skammt fyrir
utan Madríd. ■
Margir eiga um sárt að binda á Spáni:
Fyrstu fórnarlömbin jörðuð
KREFJAST UPPLÝSINGA
Nokkur þúsund manns mótmæltu fyrir utan höfuðstöðvar stjórnarflokksins á Spáni til að krefjast þess að stjórnin láti af hendi upplýsing-
ar um sökudólgana á bak við voðaverkin í Madríd á fimmtudaginn. Stjórnarandstaðan segir stjórnina hafa haldið upplýsingum leyndum
af ótta við að það kæmi niður á fylgi stjórnarinnar í kosningunum í dag.
FR
ÉT
TA
B
LA
Ð
IÐ
/A
P/
PE
TE
R
D
EJ
O
N
G
FR
ÉT
TA
B
LA
Ð
IÐ
/J
Ó
H
AN
N
I
N
G
I Á
R
N
AS
O
N
SONUR SYRGÐUR
Þessi kona grét sáran við útför sonar síns í
Madríd í gær. Hann var eitt fórnarlamba
hryðjuverkanna á fimmtudag.
FR
ÉT
TA
B
LA
Ð
IÐ
/P
H
O
TO
/D
EN
IS
D
O
YL
E
Kauphöllin:
Gunnvör af-
skráð
VIÐSKIPTI Stjórn Kauphallar Íslands
hefur samþykkt beiðni Hraðfrysti-
hússins - Gunnvarar hf. í Hnífsdal
um afskráningu félagsins af mark-
aði. Í tilkynningu frá Kauphöllinni
segir að félagið verði afskráð 31.
mars næstkomandi. Félagið full-
nægir ekki lengur skilyrðum Kaup-
hallar um fjölda hluthafa að þeim
viðskiptum afstöðnum.
Lítil viðskipti hafa verið með fé-
lagið á undanförnu ári; aðeins 54 á
síðustu 52 vikum. Markaðsvirði
félagsins er 4,3 milljarðar. ■