Fréttablaðið - 14.03.2004, Blaðsíða 25
mikið með skólanum, að því er
virðist til að geta átt gsm síma, bíl
og keypt flott föt. Og þetta bitnar
á þeim því að þau eru mörg hver
ofsalega þreytt í skólanum út af
allri þessari vinnu.“
Þreytan er eitt og veikindi ann-
að. Eru krakkarnir oft veikir? „Já,
mér finnst það. Og ég veit að
margir nemendur skila hingað inn
alls konar vottorðum vegna veik-
inda. Ég verð líka talsvert vör við
þunglyndi meðal nemenda og hef
horft upp á nokkra flosna upp úr
námi vegna þess.“
Lífsgæðakapphlaupið þreytt
af öllum hópum
Meðalmaðurinn glímir við
margvísleg vandamál á lífsleiðinni
sem mörg eru sprottin af kapp-
hlaupinu um lífsgæði. Líkt og tí-
undað er í skýrslunni getur hraði,
samkeppni og streita leitt til van-
heilsu og eru helstu einkennin of-
þyngd, stoðkerfiskvillar, kvíði,
þunglyndi og vímuefnaneysla.
Jónína A. Sanders er starfs-
mannastjóri Eimskips en þar
vinna um 1200 manns við margvís-
leg og ólík störf. „Eimskip er stórt
fyrirtæki á íslenskan mælikvarða
og ég býst ekki við að við séum
laus við þessi vandamál frekar en
önnur fyrirtæki. Það er erfitt að
nefna eitthvað sérstakt í þessu
efni, því að álagstengd einkenni
geta birst með margvíslegum
hætti. Við mælum reglulega veik-
indi og aðrar fjarvistir starfs-
manna, greinum ástæður þeirra og
grípum til viðeigandi ráðstafana
þar sem þörf er á. Þetta gerum við
í samráði við starfsfólkið okkar.“
Starfsfólk Eimskips sinnir
ólíkum störfum, þar vinna t.d.
hafnarstarfsmenn, sjómenn og
skrifstofufólk. Jónína merkir ekki
mun á milli hópanna þegar horft
er til vandamála sem tengjast lífs-
gæðakapphlaupinu. „Ég tel að
ekki sé mikill munur á milli
starfshópa hvað þetta varðar.
Hinsvegar geta líkamleg einkenni
verið ólík eftir eðli starfa hverju
sinni.“
Fólkið - ekki samfélagið
Skiptar skoðanir eru um hvers
vegna fólk hleypur á harðaspretti
eftir öllum heimsins gæðum, hvað
sem þau kosta. Sumir halda því
fram að „sam-félagið“ krefjist
þess af okkur, aðrir eru þeirrar
skoðunar að einstaklingarnir
sjálfir ráði för. Jónína er í síðar-
nefnda hópnum. „Ég veit ekki
hvort hægt sé að segja að „samfé-
lagið“ geri miklar kröfur til fólks,
ég vil heldur segja að oft lætur
fólkið sjálft umhverfið hafa of
mikil áhrif á sig og gerir oft á tíð-
um óraunhæfar kröfur til sjálfs
sín. Fólk vill standa sig á öllum
vígstöðvum og í framhaldinu læt-
ur eitthvað undan. Það er bara
spurning um hvað það er.“
Jónína segir Eimskip, líkt og
mörg önnur fyrirtæki, vel meðvit-
að um mikilvægi starfsumhverf-
isins og gera sitthvað til að starfs-
fólki líði vel. „Eimskip hefur til
margra ára verið framarlega í að
skapa starfsfólki sínu öruggt og
heilsusamlegt umhverfi. Við feng-
um á síðasta ári viðurkenningu
frá framkvæmdastjórn Evrópu-
sambandsins vegna evrópsks
samstarfsverkefnis á sviði and-
legrar heilsueflingar,“ segir hún.
Starfsmönnum eru veittir
styrkir meðal annars til þess að
stunda líkamsrækt, hætta að
reykja og fara í skoðun vegna
krabbameinsleitar. „Við erum líka
með fjölbreytt fæði í mötuneytum
fyrirtækisins þar sem starfsmenn
geta fengið heilsusamlegt fæði ef
þeir vilja,“ segir Jónína. „Starfs-
mannafélagið okkar er mjög virkt
og stendur meðal annars fyrir
íþróttamótum og öðrum viðburð-
um þar sem fjölskyldan getur tek-
ið þátt. Við teljum að með því að
leggja áherslu á gott og heilsu-
samlegt umhverfi starfsmanna
okkar, þá getum við skapað
skemmtilegan vinnustað sem end-
urspeglar gildin okkar þrjú sem
eru árangur, samstarf og traust.“
Tillögur til úrbóta
Fagráðið um heilsueflingu ger-
ir nokkrar tillögur um leiðir til
þess að vinna gegn hinni nei-
kvæðu þjóðfélagsþróun sem tí-
unduð er í skýrslunni. Allir sem
hafa hag af bættri þjóðarheilsu
verða að axla ábyrgð og vinna að
sameiginlegum markmiðum, seg-
ir fagráðið. Ríki og sveitarfélög
þurfa að setja sér heilsueflingar-
stefnu og beita þarf heilbrigðis-
mati við undirbúning allra
ákvarðana sem geta haft áhrif á
líf og heilsu íbúa.
Þá er bent á það að markviss
fjölskyldustefna sveitarfélaga og
skipuleg fjölskylduvernd heilsu-
gæslunnar geti breytt uppvaxtar-
aðstæðum barna og unglinga og
að leita þurfi skipulega að börnum
sem séu líkleg til að stríða við
geðræn vandamál. Efla þurfi
þekkingu á lýðheilsu með auknum
rannsóknum og upplýsingaöflun
og síðast en ekki síst segir ráðið
að efla þurfi heilsugæsluna og
gera hana að máttarstólpa heilsu-
verndar og forvarnarstarfs.
Með þessu megi hugsanlega
stýra þjóðinni af hinni óheillavæn-
legu braut, sem fagráð Landlæknis
telur greinilega, samkvæmt hinni
nýbirtu skýrslu, að þjóðin sé á.
bjorn@frettabladid.is
25SUNNUDAGUR 14. mars 2004
Ég veit ekki hvort
hægt sé að segja að
„samfélagið“ geri miklar
kröfur til fólks, ég vil heldur
segja að oft lætur fólkið
sjálft umhverfið hafa of mik-
il áhrif á sig og gerir oft á
tíðum óraunhæfar kröfur til
sjálfs sín. Fólk vill standa sig
á öllum vígstöðvum og í
framhaldinu lætur eitthvað
undan. Það er bara spurning
um hvað það er.
,, NÝTT Á LEIGUMARKAÐI!Heimkynni ehf, bjóða nýjar og glæsilegar íbúðir viðÞórðarsveig, til útleigu á almennum leigumarkaði.
Þórðarsveigur 32-36 er nýtt 33ja
íbúða fjölbýlishús, vel staðsett í fögru
umhverfi Reynisvatns. Um er að ræða
3ja og 4ra herbergja íbúðir. Íbúðirnar
eru fullbúnar innréttingum og tækj-
um. Sér inngangur er í allar íbúðir.
Suðurgarður hússins nýtur skjóls af
stórum gamalgrónum trjálundi, sem
umlykur garðinn og gerir hann að afar
fjölskylduvænu útivistarsvæði.
ALLAR NÁNARI UPPLÝSINGAR ERU Á VEFNUM OKKAR
H E I M K Y N N I . I S .
JÓNÍNA A. SANDERS
Hún er starfsmannastjóri Eimskips en þar vinna um 1200 manns við margvísleg og ólík
störf. „Við mælum reglulega veikindi og aðrar fjarvistir starfsmanna, greinum ástæður
þeirra og grípum til viðeigandi ráðstafana þar sem þörf er á.“
ssuð þjóð í vanda