Fréttablaðið - 18.03.2004, Blaðsíða 2
ENN VOPNAÐUR
Hörðustu stuðningsmenn fyrrum forseta
eru enn vopnaðir og vekur það ugg í Haítí.
Haítí:
Nýja stjórnin
tekur við
HAITI, AP Ný ríkisstjórn tók við
völdum á Haítí í gær en sætti
strax gagnrýni fyrir að þar var
ekki að finna neinn ráðherra úr
flokki Jean-Bertrand Aristide,
fyrrum forseta.
Yvon Neptune, sem steig af
stóli forsætisráðherra eftir brott-
hvarf Aristide, sagði að nýja
stjórnin gæti ekki með nokkru
móti kallast einingarstjórn þjóð-
arinnar meðan fyrrum valdhafar
væru útilokaðir frá embættum. ■
2 18. mars 2004 FIMMTUDAGUR
„Ekki er ráð nema í tíma sé tekið.“
Ágúst Ólafur Ágústsson þingmaður, sem varð
nýverið 27 ára, hefur lagt fram þingsályktunar-
tillögu þar sem lagt er til að þunglyndi meðal
eldri borgara sé rannsakað sérstaklega.
Spurningdagsins
Ágúst Ólafur, ertu nú þegar farinn
að kvíða ellinni?
■ Norðurlönd
Norðurál selt
fyrir tíu milljarða
Stefnt er að því að nýir eigendur eignist álver Norðuráls í Hvalfirði í
vor. Bjartsýni um áliðnaðinn réði því að tilboð barst í álverið sem erfitt
var að hafna. Heildarkaupverð álversins er um tíu milljarðar króna.
STÓRIÐJA Gengið hefur verið frá
sölu tæplega helmingshlutar í
Norðuráli til bandaríska álfyrir-
tækisins Century. Stefnt er að því
að gengið verði frá því fyrir vorið
að Century kaupi Norðurál að
fullu af fyrirtæki Kennteth Peter-
son, Columbia Ventures. Kaup-
verðið er 75 þúsund dollarar, eða
um fimm milljarðar króna. Gangi
kaupin alla leið mun Columbia
Ventures fá tíu milljarða ís-
lenskra króna fyrir álverið.
Ragnar Guðmundsson fram-
kvæmdastjóri fjármálasviðs Norð-
uráls, segir að
Peterson hafi
fengið gott tilboð
í Norðurál. Útlit-
ið á álmörkuðum
sé gott og menn
því tilbúnir að
greiða hátt verð
fyrir fyrirtækið.
Norðurál vill
auka fram-
leiðslugetu ál-
versins úr 90 þúsund tonnum í 180
þúsund tonn. „Þetta styrkir Norð-
urál til lengri tíma litið. Við getum
notið góðs af samvinnu í tæknimál-
um.“ Ragnar segir að fyrir liggi
fullur vilji nýrra eigenda til þess
að vinna áfram að fyrirhugaðri
stækkun. „Það eru ekki fyrirhugað-
ar neinar breytingar á starfsem-
inni.“ Ragnar segir líkur á stækkun
álversins fara vaxandi og stefnt að
því að vinnu við orkusamning liggi
fyrir undir lok mánaðar. Undir-
skrift orku samnings liggi fyrir
innan mánaðar frá lokum þeirrar
vinnu.
Kenneth Peterson segir sölu
Norðuráls ekki hafa áhrif á aðrar
fjárfestingar sínar hér á landi.
Columbia Ventures er kjöl-
festueigandi í Og Vodafone. „Við
munum jafnvel auka þær með ein-
um eða öðrum hætti. Mér fellur
afar vel við Ísland og ég kann
virkilega orðið að meta hagkerfið
og hina frábæru íbúa landsins,“
segir Kenneth Peterson, eigandi
Columbia Ventures. Hann segist
hafa lagt sig fram um að velja
góðan kaupanda að Norðuráli og
segist hafa trú á því að Century og
Norðurál muni eiga vel saman.
Craig A. Davis, stjórnarformað-
ur og forstjóri Century, segir álver
Norðuráls á heimsmælikvarða.
„Kaupin eru mikilvægt skref í yf-
irlýstri stefnu fyrirtækisins um að
ná aukinni hagkvæmni og að ná
meiri landfræðilegri dreifingu
fyrirtækjanna.“ Century rekur
þrjár álverksmiðjur í Bandaríkj-
unum. Hann segir efnahagsum-
hverfi Íslands ákjósanlegt og væn-
legt fyrir fjárfesta. „Þar við bæt-
ast miklir möguleikar á orkufram-
leiðslu með vatnsafli og gufuafli.“
haflidi@frettabladid.is
Lögreglan í Keflavík:
Yfirheyrslum vegna barnsláts lokið
LÖGREGLUMÁL Yfirheyrslum lög-
reglunnar í Keflavík vegna and-
láts barns eftir bráðakeisara-
skurð á Heilbrigðisstofnun Suður-
nesja er nú lokið. Er gert ráð fyr-
ir að rannsóknargögnin verði
send sýslumannsembættinu í
Keflavík í lok þessarar viku eða
byrjun næstu. Embættið sendir
málið síðan áfram til ríkissak-
sóknara telji það ekki frekari lög-
reglurannsóknar þörf.
Hlutaðeigandi starfsfólk Heil-
brigðisstofnunarinnar hefur mætt
til yfirheyrslu hjá lögreglunni, en
einnig hefur verið tekin skýrsla af
aðstandendum þess. Samkvæmt
greinargerð setts landlæknis í
málinu, Jóns Hilmars Alfreðsson-
ar, er orsök andláts barnsins talin
vers súrefnisskortur, sem verið
hafi afleiðing af áhrifum deyfi-
efnisins marcains. Telur land-
læknir líklegt, að verulegt magn
af lyfinu hafi borist í barnið, en
læknirinn sem tók á móti því hafði
deyft móðurina með deyfiefninu í
legháls í fæðingunni.
Lögmaður aðstandenda barns-
ins, Dögg Pálsdóttir, vinnur að
málinu fyrir þeirra hönd. Að
hennar sögn er verið að skoða
næstu skref í því. Þá kemur til
greina að lögmaðurinn sendi heil-
brigðisráðuneytinu bréf vegna
vinnu setts landlæknis í málinu. ■
Bensínorkan:
Gert að
standa við
stóru orðin
SAMKEPPNISMÁL Vegna erindis frá
Atlantsolíu um notkun Bens-
ínorkunnar á slagorðinu „Orkan –
alltaf ódýrust“ hefur Samkeppnis-
stofnun gert að skilyrði að félagið
standi við orð sín og bjóði ætíð
besta verðið á landinu. Telur stofn-
unin að annars sé um brot á ákvæð-
um samkeppnislaga að ræða. Segir í
umsögn að slagorðið sé mjög afger-
andi svo gera verði ríkar kröfur um
að fyrirtækið standi við slagorð sitt,
annars þurfi að koma til aðgerða
samkeppnisyfirvalda. ■
Framtíð Tetra Íslands:
Enn í óvissu
TETRA ÍSLAND Ekki er búið að ganga
frá samningum við kröfuhafa
vegna skulda Tetra Íslands. Í
bréfi frá lögmanni félagsins var
óskað eftir svari frá kröfuhöfum
um tillögu að frjálsum eftirgjafa-
samningum á hádegi í gær. Sá
frestur rann út án þess að endan-
leg lausn fyndist á málefnum
Tetra Íslands.
Björn Líndal, lögmaður Rafals,
eins kröfuhafanna, segir að um-
bjóðandi sinn hafi enn sem komið
er ekki viljað fallast á þær hug-
myndir sem Tetra Ísland hafi sett
fram um úrlausn mála. Hins veg-
ar séu viðræður enn í gangi.
Jón Pálsson, framkvæmda-
stjóri Tetra Íslands, segir að mál
séu í eðlilegum farvegi og verið sé
að fara yfir þau viðbrögð sem
félaginu hafi borist við bréfa-
skriftum síðustu daga. ■
Nýr eigandi Norðuráls:
Lítill í mikl-
um vexti
STÓRIÐJA Century Aluminium var
stofnað af svissneskum fjárfestum
árið 1995 og var skráð á hluta-
bréfamarkaði í Bandaríkjunum
árið 1996. Century starfrækir í dag
þrjú álver í Bandaríkjunum, eitt
170 þúsund tonna álver í Vestur-
Virginíu, annað 244 þúsund tonna
álver í Kentucky auk þess sem fyr-
irtækið á tæplega helmingshlut á
móti Alcoa í 222 þúsund tonna ál-
veri í Suður-Karólínu. Ársvelta fyr-
irtækisins er í dag tæplega 800
milljónir dollara og markaðsvirði
þess er um 560 milljónir dollara.
Fyrirtækið er þó töluvert minna
að vöxtum en Alcan sem rekur ál-
verið í Straumsvík og Alcoa sem
stendur að Reyðaráli. ■
DÖGG PÁLSDÓTTIR
Lögmaður aðstandenda barnsins.
Valgerður Sverrisdóttir iðnaðarráðherra:
Þakklát fyrir Peterson
STÓRIÐJA „Ég mun sakna Kenn-
eths Peterson sem ég hef átt
góðs samskipti við,“ segir Val-
gerður Sverrisdóttir, iðnaðar- og
viðskiptaráðherra um sölu Col-
umbia Ventures á Norðuráli.
Hún bætir því við að Peterson
sé þrátt fyrir þetta ekki á förum
úr íslensku viðskiptalífi. „Hann
kom hingað á örlagastundu í
okkar atvinnulífi og við erum
þakklát fyrir það að hann ákvað
að fjárfesta hér.“ Valgerður seg-
ist hafa sagt það við hátíðlegt
tækifæri hjá Norðuráli að Peter-
son hefði komið, séð og sigrað.
„Mér finnst alveg óhætt að
segja það um þennan mann.“
Valgerður segir að Peterson
hafi eytt þeim efasemdum sem
voru um hann í upphafi. „Hvað
varðar þennan nýja fjárfesti þá
þekki ég ekki mikið til hans, en
veit að hann er þekktur í þess-
um rekstri. Ég held að fjárfest-
ingin sé ákveðin viðurkenning á
því að skilyrði til fjárfestingar
hér séu góð.“ Valgerður segir
Peterson hafa komið á sig skila-
boðum í fyrrakvöld um þessi
viðskipti. Hún segir ráðuneytið
ekki munu leita sérstaklega
eftir fundi við nýja eigendur.
„Ég reikna með að hitta þá þeg-
ar þeir koma hingað í sína
fyrstu heimsókn.“ ■
GÓÐ SKILYRÐI
Valgerður Sverrisdóttir segir kaup Century
á Norðuráli viðurkenningu á því að skilyrði
hér á landi til fjárfestingar séu góð.
FR
ÉT
TA
B
LA
Ð
IÐ
/S
IG
. J
Ö
KU
LL
ROCKNES Á RÉTTAN KJÖL Hafist
var handa við að koma flakinu af
Rocknes á réttan kjöl í gær en
skipinu hvolfdi fyrir utan Björgvin
í Noregi í janúar. Kostnaður við að-
gerðirnar er áætlaður um 700
milljónir íslenskra króna. Átján
fórust þegar slysinu hvolfdi og er
talið að tvö lík séu enn í skipinu.
Þjónar Allah:
Ólík öðrum
hótunum
PARÍS, AP Sérfræðingar frönsku
leyniþjónustunnar sem hafa skoðað
bréf frá íslömskum samtökum sem
hótuðu hryðjuverkum í Frakklandi
segja það ekki líkjast dæmigerðum
skilaboðum frá íslömskum öfga-
hópum, en gefa ekki upp að hvaða
leyti það er frábrugðið þeim. Í bréfi
„Þjóna Allah hins almáttuga og
vísa“ sagði að bann franskra stjórn-
valda við að múslimar bæru slæður
í skólum hefði gert Frakkland að
óvini íslams. ■
KENNETH PETERSON
Hyggst ekki draga úr öðrum fjárfestingum
sínum hér á landi.
ÁLVER SELT
Kenneth Peterson hefur ákveðið að selja álverið í Hvalfirði fyrir tíu milljarða króna. Ef skil-
yrði kaupsamnings verða uppfyllt eignast bandaríska álfyrirtækið Century Norðurál í vor.„Þetta styrk-
ir Norðurál til
lengri tíma lit-
ið. Við getum
notið góðs af
samvinnu í
tæknimálum