Fréttablaðið - 18.03.2004, Blaðsíða 32

Leikarinn og kvikmyndafram-leiðandinn Tom Cruise hefur
ráðið stórlaxinn Steven Spiel-
berg til þess að leikstýra gælu-
verkefni sínu, War of the
Worlds, sem byggt verður á sam-
nefndri sögu H. G. Wells.
Cruise hefur verið að undir-
búa gerð myndarinnar í rúmt ár
og þessi fengur mun líklegast
verða til þess að greiða leið
hennar upp á hvíta tjaldið.
Sagan kom upprunalega út
árið 1898 og var fyrst kvikmynd-
uð árið 1953 undir leikstjórn
Byron Haskin. Sú mynd er tíma-
laust meistarastykki. Eins og
flestir vita fjallar sagan um það
að innrásarher frá rauðu plánet-
unni Mars ræðst á jörðina. Mars-
búarnir eru vopnaðir stærðar-
innar stríðsvélum með þrjár
lappir sem skjóta hitageislum.
Ekki er vitað hvort sögunni
verður breytt mikið eða hún
færð inn í nútímann.
Auðvitað ætlar Tom Cruise að
leika aðalhlutverkið. Ekki búast
við myndinni í bíó fyrr en í
fyrsta lagi árið 2006. ■
18. mars 2004 FIMMTUDAGUR
■ Kvikmyndir
Whale Rider
„Þema myndarinnar er fjölþátta og fjallar
um fjölskyldutengsl, leit að viðurkenn-
ingu, mátt þjóðsagna og áhrif nútímans á
gamlar hefðir. Það ríkir mystísk stemning
yfir myndinni, sem minnir mig óneitan-
lega á stílbragð eins okkar ástsælasta
leikstjóra (vísbending: hann er með yfir-
varaskegg). Whale Rider er nútímaþjóð-
saga, ævintýri án tæknibrellna, mann-
eskjuleg og uppbyggjandi.“
KD
Stuck on You
„Ljósi punkturinn í þessari ládeyðu eru
Matt Damon og Greg Kinnear, sem leika
tvíburana samvöxnu. Báðir eru þeir fanta-
góðir gamanleikarar og halda myndinni
algjörlega uppi. Sena þar sem þeir eru að
slást hvor við annan er nokkuð góð og
tókst mér að stynja upp smá hlátri.
Einnig er gamli refurinn Seymour Cassel í
hlutverki umboðsmanns á elliheimili
býsna eftirminnilegur. Farelly-bræður
verða hinsvegar að koma með eitthvað
aðeins frumlegra næst til að endurvekja
áhuga minn á gamanmyndum þeirra.“
KD
School of Rock
„School of Rock er ein af þessum sjald-
gæfu grínmyndum þar sem góð hug-
mynd er nýtt á réttan hátt og sneitt er
framhjá öllum fyrirsjáanlegum klisjum.
Fyrst þegar ég sá Jack fyrir framan hóp af
krökkum óttaðist ég að myndin yrði
vatnsþynnt og væmin, það er hún ekki
um of. School of Rock er ekki bara góð,
hún er stórkostleg. Ein fyndnasta mynd
sem ég hef séð í bíó lengi. Að lokum vil
ég, af einlægni, mæla með því að
rokkkennsla sem slík verði tekin upp í
skólum. Þetta er einfaldlega frábær hug-
mynd!
BÖS
SMS um myndirnar í bíó
LWHALE RIDER
Gagnrýnandi Fréttablaðsins heillaðist af
mystísku yfirbragði myndarinnar Whale
Rider.
32
INNRÁSIN FRÁ MARS
Margar útgáfur eru til af ævintýri H.G.
Wells. Þessi teikning er tekin af plötukápu
frábærs tónverks Jeffs Wayne eftir sögunni.
Cruise og Spielberg
berjast við marsbúa
Sjónvarps-
löggur í bíó
KVIKMYNDIR Hann er orðinn ansi
langur listinn yfir bandaríska sjón-
varpsþætti sem hafa öðlast fram-
haldslíf á hvíta tjaldinu. Á síðustu
árum hefur borið einna mest á
Mission: Impossible og Charlie´s
Angels. Leikstjórinn Brian De
Palma tók að sér að laga Mission:
Impossible þættina að kvikmynda-
forminu en hann hafði áður gert
það sama við gömlu svart/hvítu
The Untouchables þættina. Þá
hafa Star Trek, Dragnet, The Saint,
The Avengers, The Brady Bunch,
The Beverly Hillbillies og X-Files
allir fengið þessa meðferð með
misjöfnum árangri og það þarf því
svo sem engan að undra að löggu-
þættirnir um Starsky og Hutch
skuli nú fylla þennan flokk.
Þættirnir nutu gríðarlegra vin-
sælda á árunum 1975 til 1979 og
voru enn á góðri siglingu þegar
framleiðslu þeirra var hætt.
Það þótti kveða við nýjan tón í
þessum diskólögguþáttum og aðal-
persónurnar, Dave Starsky og Ken
„Hutch“ Hutchinson, fóru óhefð-
bundnar leiðir í baráttu þeirra við
glæpahyskið í Bay City. Þeir hik-
uðu til að mynda ekki við að brjóta
reglur ólíkt forverum þeirra í þátt-
unum Dragnet og Adam-12 og áttu
í vafasömu sambandi við uppljóstr-
arann Huggy Bear sem rapparinn
Snoop Dog leikur í bíómyndinni.
Starsky og Hutch voru líka með
stílinn á hreinu og voru í réttu föt-
unum, með tískuklippingu og brun-
uðu um á eldrauðum og
heittelskuðum Ford Gran Torino
bíl Starskys.
Það eru félagarnir Ben Stiller og
Owen Wilson sem taka við hlutverk-
um löggufélagana af þeim Paul
Michael Glaser og David Soul og
þykja smellpassa í hlutverkin. Still-
er stökk á tækifærið til að leika
Starsky og þykir ná forvera sínum,
Glaser, ótrúlega vel. Þá lá beinast
við að fá góðkunningja Stillers,
Owen Wilson, til að leika félagann
enda persóna Hutch sniðin að kæru-
leysislegu yfirbragði leikarans
margnefbrotna.
„Það var fullkomlega eðlilegt að
fá Owen í þetta vegna þess að við
erum vinir og vinátta er grunnurinn
að félagsskap Starskys og Hutch.
Þeir kunna vel hvor við annan og
milli þeirra ríkir gagnkvæmt
traust. Ég treysti Owen ekki í eina
sekúndu en að öðru leyti erum við
mjög líkir Starsky og Hutch. Svo er
hann líka ljóshærður. Það réði úr-
slitum,“ segir Ben Stiller. ■
Ánokkurra ára fresti komakvikmyndir sem hrista ær-
lega upp í meðalmennsku-færi-
banda-staðlinum sem virðist alls-
ráðandi í Hollywood. Þetta gerist
þegar kvikmyndagerðarmað-
ur/kona er með sterka sýn og
brennandi ástríðu fyrir sögunni
sem á að segja. Það leynist engum
að ástríða Mel Gibson fyrir Píslar-
göngu Krists er sterk og finnst
ákafi hans í hverjum ramma
myndarinnar, hverju vandar-
höggi, hverjum blóðdropa.
Leikarinn James Caviezel er
sem fæddur í hlutverk Krists og
skilar sínu af mikilli sannfæringu.
Það er hrein unun að hlusta á þann
litla díalóg sem er í myndinni;
arameíska, hebreska og latína eru
hljómfögur og ljóðræn tungumál.
Tónlistin er dálítið áberandi,
stundum jafnvel yfirþyrmandi og
á köflum stolin beint frá Peter
Gabriel. Vandamálið er að þessi
flinki leikstjóri hefur í trúarofsa
sínum gleymt gullnu reglunni að
oft er minna meira. Ofbeldið er
svo yfirkeyrt að ég dofnaði fljót-
lega upp og missti þar af leiðandi
samúð með guðssyninum og fylg-
ismönnum hans.
Pyntingarnar, blóðsúthellingin
og mannvonskan eru teikni-
myndaleg, jafnvel klámfengin á
köflum og missir myndin og frá-
sögnin öll trúverðugleika fyrir
vikið. Kærleiksboðskapurinn nær
hinsvegar að svamla upp á yfir-
borð blóðbaðsins í litlum endur-
minningasenum þar sem við sjá-
um þann Krist sem ég man eftir
sem barn. Það eru þessar senur
sem sitja eftir hjá mér og veita
smá yl. Engu að síður er þetta
ótrúlega merkileg og vel gerð
mynd sem vekur upp miklar og
stórar spurningar og eflaust mjög
persónubundið hvernig hver og
einn túlkar hana. Gibson á heiður
skilinn fyrir djörfung sína og
ástríðu og mættu fleiri leikstjórar
fá slíkan anda yfir sig.
Kristófer Dignus
UmfjöllunKvikmyndir
THE PASSION OF THE CHRIST
Leikstjóri: Mel Gibson
Aðalhlutverk: James Caviezel, Monica
Bellucci
Barnatrúnni var ég búinn að gleyma
STARSKY & HUTCH
Ben Stiller og Owen Wilson eru góðir vinir og þetta er í sjötta sinn sem þeir koma saman
í mynd en þeir hafa meðal annars leikið saman í The Cable Guy, Meet The Parents, The
Royal Tenenbaums og Zoolander.