Fréttablaðið - 18.03.2004, Blaðsíða 20

20 18. mars 2004 FIMMTUDAGUR
PAKISTÖNSK SKOTASTÚKA
Fyrsti landsleikur Pakistana og Indverja í
krikket í fjórtán ár hefur vakið gríðarlega
athygli. Færri komast á völlinn en vilja og
þessir pakistönsku krikketáhugamenn hafa
komið sér fyrir á þaki byggingar í nágrenn-
inu.
Fjárveitingar til rannsóknastofnana:
700 milljónir á þremur árum
RANNSÓKNIR Rannsóknastofnanir
hafa fengið tæpar 700 milljónir
króna úr opinberum sjóðum á veg-
um umhverfisráðuneytisins, sam-
kvæmt svari umhverfisráðherra á
Alþingi.
Spurt var um fjárveitingar á
vegum umhverfisráðuneytisins til
vísinda, rannsókna og þróunar-
starfs til sex stofnana.
Náttúrufræðistofnun fékk á
tímabilinu tæplega 70% úthlutana
eða 474 milljónir króna af 695 millj-
ónum. Veðurstofan fékk 47,9 millj-
ónir eða tæp 7% og Landmælingar
fengu 30,2 milljónir eða rúm 4%.
Umhverfisráðherra upplýsti
hins vegar að ríflega 106 milljónum
hefði á árunum 2001 til 2003 verið
veitt úr Ofanflóðasjóði og Veiði-
kortasjóði en báðir sjóðir eru í
vörslu umhverfisráðuneytisins.
Ekki kemur fram hverjir fengu út-
hlutun eða í hvaða verkefni. ■
Tími framkvæmda
og uppbyggingar
Þegar eitt ár er liðið frá samningi um byggingu álvers í Reyðarfirði sést
þess stað í byggðarlaginu. Nýbyggingar og fólksfjölgun eru skýrustu
dæmin um þann kraft sem fylgir breytingunum.
FRAMKVÆMDIR Eitt ár er liðið frá
því að samningar um stærsta at-
vinnulífsverkefni Íslandssögunn-
ar voru undirritaðir við hátíðlega
athöfn í íþróttahúsinu á Reyðar-
firði. Þar undirrituðu fulltrúar
frá Fjarðabyggð, ríkisstjórn Ís-
lands, Landsvirkjun og Alcoa
samninga sín á milli um Kára-
hnjúkavirkjun og byggingu ál-
vers við Reyðarfjörð. Um 1000
manns voru viðstaddir undir-
skriftina og fögnuðu þessum
miklu tímamótum í atvinnusögu
Austurlands og landsins alls.
Frá því að samningarnir voru
undirritaðir hefur heilu hverfun-
um á Reyðarfirði verið úthlutað
undir íbúðir og eru Íslenskir aðal-
verktakar umsvifamestir með
130 lóðir fyrir 151 íbúð og eru
framkvæmdir nú að hefjast við
byggingu fyrstu húsanna. Þá
fékk Trésmíðaverkstæði Sveins
Heiðars á Akureyri úthlutað 55
lóðum á Reyðarfirði þar sem gert
er ráð fyrir að byggðar verði um
80 íbúðir. Leiguíbúðir í Fjarða-
byggð hyggjast reisa á annað
hundrað leiguíbúðir og fleiri fyr-
irtæki hyggjast byggja leiguíbúð-
ir í sveitarfélaginu. Fyrir utan
þessar stóru lóðaúthlutanir hefur
verið úthlutað um 75 lóðum til
einstaklinga og smærri bygg-
ingafyrirtækja. Með þessum
lóðaúthlutunum og þeim íbúða-
byggingum sem hafnar eru er
rofin áralöng kyrrstaða í húsa-
byggingum sem ríkt hafði í öllum
hverfum Fjarðabyggðar um ára-
bil. Þá hefur mikið fjör færst í
fasteignaviðskipti í sveitarfélag-
inu og hefur fasteignaverð hækk-
að að meðaltali um ein 65 prósent.
Samhliða þessu hefur íbúum
sveitarfélagsins fjölgað í fyrsta
sinn um árabil.
Miklar framkvæmdir hafa
verið og eru framundan hjá sveit-
arfélaginu. Þurft hefur að flýta
framkvæmdum við skóla og leik-
skóla. Fyrirhuguð er sundlaugar-
bygging á Eskifirði og stækkun
íþróttahússins á Reyðarfirði og
allt tengist væntanlegri íbúa-
fjölgun og umsvifum. Þessar
miklu framkvæmdir sveitarfé-
lagsins á ýmsum sviðum endur-
speglast í fjárhagsáætlun þess
fyrir árið 2004 en fjárfestingar í
henni hljóðuðu upp á 1.300 millj-
ónir króna og hefur slík áætlun
aldrei verið sett fram af íslensku
sveitarfélagi á stærð við Fjarða-
byggð.
Fyrstu framkvæmdir sem
tengjast álveri og álvershöfn
hefjast á sumri komandi og hefur
þegar verið skipulagt 1.500
manna starfsmannaþorp í tengsl-
um við þær.
Mörg fyrirtæki hafa hafið
starfsemi í Fjarðabyggð á þessu
eina ári og atvinnurekstur blómg-
ast mjög. Sem dæmi um ný fyrir-
tæki í sveitarfélaginu má nefna
BM-Vallá, Íslandsbanka, Norcem,
Byko og mörg fleiri. Þessi þróun
hefur vakið bjartsýni og fram-
kvæmdahug hjá íbúunum.
Fyrir í Fjarðabyggð voru mörg
öflug og sterk fyrirtæki og þjón-
usta og verslun blómleg. Sem
dæmi um annan vaxtarbrodd í at-
vinnulífinu má nefna öflugt fisk-
eldi og aukna iðnaðarstarfsemi
sem skapa munu mörg ný störf.
Heitt nýtanlegt vatn fannst í
sveitarfélaginu á síðasta ári og er
þegar hafinn undirbúningur að
gerð hitaveitu á Eskifirði. Þá er
unnið af krafti að eflingu mennt-
unar og heilbrigðisþjónustu í
sveitarfélaginu og athygli hefur
vakið að Verkmenntaskóli Aust-
urlands í Neskaupstað hefur þeg-
ar hafið kennslu á starfsbraut ál-
iðna. ■
Aldargamlir Kínverjar:
Greitt fyrir
langlífið
KÍNA, AP Hagur aldargamalla íbúa
Gansuhéraðs í Kína vænkaðist
nokkuð á dögunum þegar héraðs-
stjórnin ákvað að greiða þeim sem
náð hafa hundrað ára aldri sérstaka
uppbót á lífeyrinn sem eftirlauna-
þegar fá greiddan úr ríkissjóði.
„Þetta kom skemmtilega á óvart;
ég og fjölskylda mín erum þakklát
fyrir velvild stjórnarinnar,“ sagði
Ren Xiuhua, 102 ára kona, sem býr í
Lanzhou, höfuðstað Gansuhéraðs.
243 héraðsbúar hafa náð hundrað
ára aldri og fær hver andvirði um
tíu þúsund krónur árlega eða álíka
upphæð og meðaleftirlaunaþeginn
fær úr ríkissjóði á mánuði. ■
HEILBRIGÐISMÁL Félagsmálaráð-
herra hefur staðfest samning við
Götusmiðjuna ehf. um afnot að hús-
næði í Gunnarsholti sem fyrrum
var nýtt undir starfsemi vistheimil-
is.
Götusmiðjan mun flytja alla
starfsemi sína frá Árvöllum á Kjal-
arnesi í Gunnarsholt og mun eftir
sem áður hafa það markmið að veita
unglingum og ungu fólki sem á við
áfengis- og eða fíkniefnavandamál
að stríða félagslega aðstoð.
Húsnæði Götusmiðjunnar á Ár-
völlum er orðið of lítið og er farið
að þrengja verulega að starfsem-
inni. Húsnæðið í Gunnarsholti er
talið henta mjög vel fyrir starfsem-
ina og býður upp á það sem á vant-
aði. Einnig er Gunnarsholt í hæfi-
legri fjarlægð frá höfuðborgar-
svæðinu. ■
STOFNUN 2001 2002 2003
Landmælingar Íslands 5,8 9,4 15,0
Náttúrufræðistofnun Íslands 144,7 159,3 170,0
Náttúrurannsóknastöðin við Mývatn 7,8 8,2 6,8
Umhverfisstofnun 1,9 1,5 2,5
Veðurstofa Íslands 16,5 16,2 15,2
Stofnun Vilhjálms Stefánssonar 2,7 2,4 3,2
Götusmiðjan:
Samningur staðfestur
VALGERÐUR SVERRISDÓTTIR IÐNAÐARRÁÐHERRA
Heimafólk gladdist mikið þegar skrifað var undir samning um byggingu álvers í Reyðarfirði. Ráðherrann fór ekki varhluta af gleðinni.
SIV FRIÐLEIFSDÓTTIR
Umhverfisráðherra segir að
ráðuneytið hafi veitt sex stof-
nunum um 700 milljónir í styrki.