Fréttablaðið - 18.03.2004, Blaðsíða 4

4 18. mars 2004 FIMMTUDAGUR
Telurðu að deila Ísraela og
Palestínumanna muni leysast
á næstu árum?
Spurning dagsins í dag:
Ertu sátt(ur) við tilfærslu
fréttatíma Stöðvar 2?
Niðurstöður gærdagsins
á www.frett.is
55%
45%
Nei
Já
Kjörkassinn
Farðu inn á frett.is og segðu þína skoðun
frétt.is
Ástþór Magnússon ósáttur við skarðan hlut sinn í fjölmiðlum:
Vill eftirlit með forsetakosningunum
FORSETAKOSNINGAR „Ég læt ekki
bjóða mér aftur að framboð mitt
verði skotið niður úr launsátri,“ seg-
ir Ástþór Magnússon, forsvarsmað-
ur Friðar 2000 og forsetaframbjóð-
andi. Hann hefur sent Öryggis- og
eftirlitsstofnun Evrópu, OSCE,
formlega beiðni um að þeir fylgist
með gangi og framvindu kosning-
anna sem framundan eru.
„Fjölmiðlar hérlendis hafa gert
framboðum mínum þau skil að ég
tel ríka ástæðu til að farið verði
rækilega í saumana á því. Þar á ég
fyrst og fremst við Morgunblaðið
sem sá ekki einu sinni ástæðu til að
senda fréttamann þegar ég tilkynnti
mitt framboð en tekur fleiri síður
undir Ólaf Ragnar þegar hann til-
kynnir sitt framboð. Mér telst til að
skrif Moggans um Ólaf undanfarið
séu fimmtán sinnum umfangsmeiri
en um mig. Hins vegar setur Morg-
unblaðið engar skorður við þann
fjölda níðskrifa sem birst hefur um
framboð mitt á skoðanasíðum blaðs-
ins. Ennfremur verður áhugavert
að fylgjast með Kastljósþætti ríkis-
sjónvarpsins í kvöld og sjá hvort
Ólafur Ragnar fær þar sams konar
meðhöndlun og ég fékk.“
Ástþór hefur verið í sambandi
við menn hjá OSCE og þeir óskuðu
eftir gögnum frá honum í framhald-
inu. Ástþór efast ekki um að þar
taki menn ósk hans alvarlega. ■
VOÐASKOT Rannsókn lögreglu hef-
ur leitt í ljós að voðaskot leiddi til
láts ellefu ára drengs á Selfossi á
mánudagskvöld. Tíu ára drengur
sem var með þeim látna þegar
óhappið varð hefur verið yfir-
heyrður vegna málsins. Byssan
sem slysaskotið hljóp úr er óskráð
Ruger margskota skammbyssa
með hljóðdeyfi.
Rannsókn málsins er tvíþætt og
beinist að því að upplýsa um öll
atvik er snúa að því hvernig dreng-
urinn beið bana og hins vegar að
því hvernig hann og
félagi hans komust
yfir vopnið. Heim-
ildir blaðsins
herma að drengur-
inn, sem hefur ver-
ið í yfirheyrslum,
og annar vinur hans
hafi fjarlægt byss-
una af heimili þess
síðarnefnda og komið henni fyrir á
felustað. Þaðan tóku drengurinn
sem lést og sá sem hefur verið yf-
irheyrður byssuna kvöldið sem
þessi hörmulegi atburður átti sér
stað. Þriðji drengurinn tengist
ekki hinum voveiflega atburði.
Samkvæmt heimildum blaðsins
var þetta ekki í fyrsta sinn sem
börn höfðu skotið úr byssunni.
Drengurinn sem lést í fyrrakvöld
mun þó ekki áður hafa tekið þátt í
slíkum leik. Lögreglan vill þó ekki
staðfesta neitt í þeim efnum.
Unnið er að því með skýrslu-
tökum að tímasetja dánarstund,
en talið er að litli drengurinn hafi
látist um klukkan hálf átta á
mánudagskvöld. Lík hans hefur
verið krufið og er beðið niður-
stöðu krufningar.
Skammbyssan verður rannsök-
uð af tæknideild lögreglunnar í
Reykjavík. Vitað er hver eigandi
byssunnar er og hefur hann verið
boðaður í yfirheyrslur en hann er
og verður fjarverandi um sinn.
Hvernig byssan komst í hendur
drengjanna er rannsakað sem hugs-
anlegt brot á vopnalögum. Í vopna-
lögum frá árinu 1998 gilda mjög
strangar reglur um leyfi fyrir
skammbyssu. Í ljósi þessa atburðar
má sjá hversu mikilvægt er að far-
ið sé eftir reglum vopnalaga um
skotvopn og meðferð þeirra, ekki
síst varðveislu vopna og skotfæra.
Lögreglan á Selfossi fer þess á
leit við foreldra að fylgjast grannt
með hvort börn þeirra finni eða
hafi fundið skothylki við Gesthús
þar sem drengurinn fannst látinn.
hrs@frettabladid.is
Maður á fertugsaldri
ákærður:
Nam stúlku
á brott
DÓMSMÁL Margdæmdur afbrota-
maður á fertugsaldri hefur verið
ákærður af ríkissaksóknara fyrir
húsbrot og brot gegn frjálsræði
með því að hafa numið fjögurra
ára stúlku sofandi úr rúmi sínu og
farið með hana út. Brotin voru
framin aðfaranótt Þorláksmessu.
Faðir stúlkunnar varð var við
umgang og þegar hann fór fram
sá hann að útidyrahurðin var opin,
hann fór út í garð þar sem hann
hrifsaði dóttur sína úr höndum
mannsins, sem hvarf síðan út í
myrkrið. Faðirinn gerði lögreglu
viðvart og náðist mannræninginn
skömmu síðar. Hann var í annar-
legu ástandi og var færður í
fangageymslur.
Maðurinn er einnig ákærður
fyrir húsbrot fyrir að hafa farið í
heimildarleysi inn um ólæstar dyr
í tvö önnur íbúðarhús á Seyðis-
firði þessa sömu nótt. ■
AFTÖKUSVEITIR LAGÐAR AF Af-
tökusveitir heyra sögunni til í
Utah eftir að ríkisstjórinn undir-
ritaði lög þessa efnis. Dauða-
dæmdir fangar verða því allir
teknir af lífi með eitri hér eftir.
Tvö ríki Bandaríkjanna veita
dauðadæmdum möguleika á að
deyja frammi fyrir aftökusveit,
Idaho og Oklahoma.
LÁTINNA MINNST
Rússneskur sjóliði lagði blómsveig á rústir
hússins til minningar um þá sem létust.
Gassprenging:
Fimmtíu
létu lífið
RÚSSLAND, AP 48 lík eru fundin í
rústum fjölbýlishúss í Arkhang-
elsk sem hrundi til grunna eftir
mikla gassprengingu aðfaranótt
þriðjudags og tveir til viðbótar
létust á sjúkrahúsi. Enn er talið
að nokkur lík leynist í rústunum
en vonlaust er talið að fleiri finn-
ist á lífi. Menn greinir á um hver-
su margir kunni að vera í rústun-
um, nefndar eru tölur á bilinu frá
níu til tuttugu manns.
Björgunarstörf stóðu yfir frá
aðfaranótt þriðjudags þar til í
gær án þess að hlé yrði gert á
þeim. Tveggja manna, sem taldir
eru valdir að sprengingunni, er
leitað. ■
Selfoss:
Nafn
drengsins
sem lést
VOÐASKOT Drengurinn sem lést af
voðaskoti á Selfossi á mánudags-
kvöld hét Ásgeir Jónsteinsson og
var fæddur 21. apríl árið 1992.
Hann var til heimilis að Haga við
Selfoss. Ásgeir var nemandi í
Vallaskóla. ■
Ítölsk ástríða
með handbremsu
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
T
O
Y
24
03
2
0
3/
20
04
Áhyggjulaus og örugg bílaviðskipti - Strangt skoðunarferli, 14 daga skiptiréttur,
ókeypis skoðun eftir 1000 km, allt að 1 árs ábyrgð.
Skoðaðu úrvalið á Nýbýlavegi 4, á www.toyota.is eða hringdu í 570 5070.
Alfa Romeo 156 Selespeed
Fyrst skráður: 11.2002
Ekinn: 17.000 km
Vél: 2000cc, 5 gíra
Litur: Rauður
Verð: 2.100.000 kr.
Búnaður: Selespeed, leður,
álfelgur ofl.
Zapatero boðar herta baráttu gegn hryðjuverkamönnum:
Hryðjuverkamenn fá engan frið
MADRÍD, AP Jose Luis Rodriguez
Zapatero, verðandi forsætisráð-
herra Spánar, hét því í gær að efla
varnir gegn hryðjuverkjum til að
koma í veg fyrir að harmleikurinn
í Madríd á fimmtudag í síðustu
viku endurtæki sig.
Zapatero sagðist myndu sam-
eina yfirstjórn þeirra stofnana
sem sjá um varnir og baráttu
gegn hryðjuverkum og stórauka
samvinnu þeirra til að koma í veg
fyrir að grunaðir hryðjuverka-
menn gætu aðhafst án afskipta
lögreglunnar. Komið hefur í ljós
að spænska lögreglan vissi fyrir
að hætta kynni að stafa af þeim
sem eru grunaðir um að hafa kom-
ið sprengjunum fyrir í Madríd.
Yfirvöld í Marokkó vöruðu
spænsku lögregluna við því í júní
á síðasta ári að Jamal Zougam
væri virkur í hryðjuverkastarf-
semi en hann var ekki handtekinn
fyrr en eftir árásirnar.
Alsírskur maður sem býr á
Spáni var færður til yfirheyrslu
hjá dómara í gær til að komast að
því hvort hann hefði vitað af árás-
unum áður en þær voru gerðar.
Spánverjar njóta aðstoðar
evrópskra og bandarískra lög-
reglu- og leyniþjónustustofnana
við rannsóknina. Dómari hefur
fyrirskipað að engar upplýsingar
verði gefnar um rannsóknina. ■
ÓSKAR AÐSTOÐAR EFTIRLITSSTOFNUNAR
Ástþór hefur formlega óskað eftir að Öryggis- og eftirlitsstofnun Evrópu sendi hingað til
lands hóp eftirlitsmanna til að fylgjast með forsetakosningunum hér á landi.
■ Bandaríkin
■ Atvinnuleysi
SÓTT UM VEGABRÉF
Þrír menn frá Marokkó voru handteknir í kjölfar árásanna og þriggja til viðbótar er leitað.
Hér sjást Marokkóbúar sækja um áritun í spænskri ræðismannsskrifstofu í Tangier.
FRÁ DÁNARSTAÐ DRENGSINS
Mikilvægt er að farið sé að vopnalögum og að reglum um skotvopn sé fylgt.
■
Vitað er hver
eigandi
byssunnar er
og hefur hann
verið boðaður í
yfirheyrslur en
hann er og
verður fjarver-
andi um sinn.
FR
ÉT
TA
B
LA
Ð
IÐ
/G
VA
Vitað hver átti
skammbyssuna
Voðaskot sem varð ellefu ára dreng að bana hljóp úr skammbyssu með
hljóðdeyfi. Drengurinn sem hefur verið yfirheyrður vegna málsins og
þriðji drengurinn höfðu áður tekið byssuna af heimili þess síðarnefnda.
ALDREI MEIRA Breska hagstofan
skýrir frá því að atvinnuleysi síð-
ustu þrjá mánuði síðasta árs hafi
ekki verið minna síðan árið 1984
eða um 4,8%. Er talið víst að
þessa miklu fjölgun starfa sé að
þakka góðum vexti í efnahagslíf-
inu en stjórnvöld hafa lagt á það
höfuðáherslu um langa hríð.