Fréttablaðið - 23.05.2004, Blaðsíða 9
9SUNNUDAGUR 23. maí 2004
Við hvetjum lesendur til að senda okkur
línu og segja skoðun sína á fréttum
blaðsins, viðhorfum sem birtast í
blaðinu eða leggja orð í belg um málefni
líðandi stundar. Bréf skulu vera stutt og
gagnorð, 50–200 orð að lengd. Ritstjórn
áskilur sér rétt til að stytta aðsent efni.
Vinsamlega sendið efnið í tölvupósti á
netfangið greinar@frettabladid.is.
Dekk 33” (285/75-16) 95.000 kr.
Dráttarbeisli 63.000 kr.
Afturmottur 4.000 kr.
Frammottur 5.000 kr.
Langbogar svartir 51.000 kr.
PATROL
(Listaverð 5.190.000 kr.)
PATROL ELEGANCE sjálfskiptur 3.0 TDI 158 hö.
4.995.000 kr.
Ingvar Helgason ehf. býður Nissan Patrol á sérstöku
tilboðsverði nú í maí. Í ofangreindu verði er
aukahlutapakki upp á 218.000 kr.
PATROL ELEGANCE 3.0 TDI 158 hö/bs
4.810.000 kr.
(Listaverð 4.990.000 kr.)
PATROL LUXURY 3.0 TDI 158 hö/bs
4.530.000 kr.
(Listaverð 4.690.000 kr.)
PATROL LUXURY 3.0 TDI 158 hö/ss
4.717.000 kr.
(Listaverð 4.890.000 kr.)
Tilboðið gildir aðeins fyrir pantanir greiddar fyrir 17.06.2004
Sumar
tilboð
Ingvar
Helgason
Sævarhöfða 2 · sími 525 8000 · ih@ih.is · www.ih.is F
í
t
o
n
/
S
Í
A
0
0
9
5
9
0
SMÁA LETRIÐ
BJÖRN ÞÓR SIGBJÖRNSSON
pælir í pundum, dölum og krónum
Ég hef aldrei verið neitt sérstaklega sleipur
í reikningi og hef stundum átt í basli með
að leggja saman og draga frá, margfalda
og deila. Skammlaust kemst ég þó að því
að tveir plús tveir eru fjórir og fimm mínus
þrír eru tveir og ræð jafnvel við flóknari
dæmi en þarf til þess tíma. Deiling er jafn-
an vandamál og að fást við hana í hugan-
um er mér nánast ómögulegt. Blað og blý-
antur eru nauðsynleg við þá iðju ef vasa-
reiknir er ekki innan seilingar. Sama er að
segja um margföldunina. Þegar komið er
út fyrir tíu sinnum töfluna stend ég á gati.
Ég er líka þeim galla búinn að hafa ekki
meiri áhuga á gengi erlendra gjaldmiðla en
svo að ég get ómögulega lagt á minnið
hvað ég þarf margar íslenskar krónur til að
kaupa breskt sterlingspund, bandarískan
dal eða evrópska evru. Er þá gott að geta
gripið til Morgunblaðsins sem samvisku-
samlega birtir þessar upplýsingar rétt fyrir
aftan miðju.
Ég er ekki viss um að ég sé einn um að
vera slappur í hugarreikningi og ég er held-
ur ekki viss um að ég sé einn um að muna
hvert gengi gjaldmiðlanna er dag frá degi.
Þvert á móti er ég nokkuð viss um að ein-
hverjir fleiri hafi þessa ágalla þó hinir sömu
vilji kannski fara leynt með það þar sem
það þykir nú ekki beint smart að vera léleg-
ur í reikningi. Hvað þá að vita ekki hvað
dollarinn kostar, á tímum alþjóðavæðingar
og tíðra ferðalaga.
Og hvers vegna er ég að tala um þetta? Jú,
vegna þess að fjárhæðir í erlendum gjald-
miðlum eru tíundaðar í fréttum á degi
hverjum og reyndar oft á dag. Okkur er
sagt hvað stríðsrekstur Bandaríkjamanna í
Írak hefur kostað, hvað Kerry hefur safnað
miklu í kosningasjóð og hvað General
Electric hagnaðist mikið á fyrsta ársfjórð-
ungi - allt í dollurum. Okkur er líka sagt
hvað nýi leikmaðurinn í röðum Tottenham
kostaði, hvað Baugur borgaði fyrir nýjustu
fjárfestinguna sína og hvað Richard Bran-
son hefur varið miklu í loftbelgjaflug og
önnur áhugamál sín - allt í pundum.
Sama er með evruna og reyndar krónur
frændþjóða okkar á hinum Norðurlöndun-
um, reglulega fáum við að heyra af við-
skiptum, útgjöldum og verðlagi í þessum
gjaldmiðlum. Japanska jenið dúkkar líka
annað slagið upp en í svipinn minnist ég
þess ekki að hafa þurft að velta fyrir mér
gengi svissneska frankans og kanadíska
dalsins.
Lengi hefur tíðkast á fjölmiðlum að þýða
erlendar fréttir af frummálinu og yfir á ís-
lensku svo landsmenn eigi betra með að
skilja það sem málið snýst um. Hefur það
þótt sjálfsagt. Ég velti hins vegar fyrir mér
hvers vegna í ósköpunum ekki tíðkast að
sama skapi að snara erlendum fjárhæðum
yfir í íslenskar krónur. Slíkt myndi eflaust
auðvelda mörgum að fá samhengi í hlutina
og jafnvel opna gáttir. Ég veit ekki hvort rétt
sé að höfða til þjóðerniskenndar og segja
að líkt og með íslenskt mál í fjölmiðlum þá
þurfi að standa vörð um íslensku krónuna
og halda merki hennar á lofti. Það er sjálf-
sagt full mikið og nóg að biðja þá sem ann-
ast frásagnir og skrif um erlenda peninga
að líta á gengisskráninguna og margfalda
fyrir okkur hin. Það gæti kallast þjónusta.
Margföldun
óskast
FJÖLMIÐLAFRUMVARPIÐ MANNRÉTTINDI FRELSIÐ DEIGLAN.COM
Þrátt fyrir að fjölmiðlafrumvarpið
hafi tekið jákvæðum breytingum með
tilliti til hugsanlegra brota gegn
ákvæðum stjórnarskrár þá verður
ekki litið fram hjá því að lagasetning-
in er í ósamræmi við þá frelsisþróun
sem einkennt hefur íslenskt samfélag
á síðustu árum og afturför til þess
tíma þegar þegar stjórnmálamenn
höfðu bein afskipti af íslensku at-
vinnulífi. Frelsi á fjölmiðlamarkaði er
besta leiðin til að stuðla að því að
fjölbreytni á fjölmiðlamarkaði fái að
blómstra.
Mannréttindi eru hornsteinn þeirra
gilda sem vestrænt samfélag hvílir á.
Það er áhyggjuefni hversu margar til-
lögur hafa komið fram frá ólíklegasta
fólki á síðustu mánuðum um að skerða
grundvallarréttindi borgaranna. Breyt-
ingar á útlendingalögum, hugmyndir
um lífsýnatöku á vinnustöðum, tillögur
um hleranir án dómsúrskurðar og
fleira bera allar vott um skeytingarleysi
um réttindi borgaranna. Við verðum
alltaf að vera á varðbergi gagnvart slík-
um tillögum þar sem þær ganga sjaldn-
ast til baka ef þær verða að veruleika.
Nú um stundir er manni hugsað til
grundvallarlífsskoðunarinnar um frelsi
einstaklingsins til orðs og æðis. Ríkis-
stjórnir Davíðs Oddssonar hafa senni-
lega gert meira jákvætt í þessum efn-
um heldur en nokkrar fyrri ríkisstjórnir.
Það er því mjög sárt að horfa upp á
hinn undarlega viðsnúning í máli
margra sem áður létu sér annt um
frelsið. Það er orðið fremur undarlegt
þegar staðan á Alþingi í augnablikinu
er orðin sú að Sjálfstæðisflokkurinn
varar við hættunum í frjálsu markaðs-
hagkerfi en vinstri flokkarnir líta út
fyrir að standa vörð um einstaklings-
frelsið.
Ég er ánægður með frammistöðu
Deiglunnar í þeirri orrahríð sem hefur
staðið yfir síðustu misseri. Hinn breiði
hópur sem stendur að baki vefritinu
hefur staðið vaktina og verið óhræddur
við að gagnrýna þá stjórnmálamenn
sem ekki starfa í anda einstaklings-
frelsis og mannréttinda. Það er ekki
ánægjulegt verk en það er sannfæring
okkar að það sé algjört lykilatriði að
ungt fólk í Sjálfstæðisflokknum og aðr-
ir sem taka þátt í pólitík af hugsjón láti
í sér heyra þegar það er óánægt með
stefnu flokksins og telur að hann hafi
villst af leið. Það er leiðinlegt að horfa
upp á svo mörg illa grunduð mál koma
frá ríkisstjórninni á síðustu misserum
og full ástæða til þess að gagnrýna
þróunina og hvetja hana til þess að
taka aftur upp fyrri takt.
EFST Í HUGA
ANDRA ÓTTARSSONAR
héraðsdómslögmanns
Fjölmiðlar