Fréttablaðið - 23.05.2004, Blaðsíða 46
Nöfn eins og Svala Stefáns,Hilmar Snær og Erpur Örn
rugla kannski einhvern í ríminu
en þessi nöfn ber á góma í söng-
leiknum Á framabraut sem frum-
sýndur verður í Smáralindinni í
júní. Úlfur Eldjárn hefur veg og
vanda af þýðingu söngleiksins
sem heitir á frummálinu Fame.
„Það var í samráði við leikstjór-
ann Bjarna Hauk sem ákveðið var
að hafa nöfn sem gætu minnt á
þekkta einstaklinga. Karakterarn-
ir í verkinu byggja að sjálfsögðu
ekki á þessum einstaklingum og
svo hefur leikhópurinn og -stjór-
inn bætt og breytt þeim eftir þörf-
um,“ segir Úlfur sem vinnur á
auglýsingastofunni Fíton og er
um þessar mundir að leggja loka-
hönd á þýðinguna. „Ég sit hér
sveittur yfir nokkrum söngtext-
um og verð að segja að þetta er
aðeins meiri vinna en ég bjóst við
í upphafi. Ég hélt að þetta væri
eitthvað sem maður afgreiddi á
nokkrum tímum á góðu fylleríi, en
það er hægt að sitja í marga
klukkutíma yfir sömu setningunni
sem hljómar svo kannski á endan-
um eins og eitthvað sem þriggja
ára barn hefði getað skrifað.“
Úlfur segir talsverða vinnu
hafa farið í að staðfæra söngleik-
inn. „Upphaflega gerist hann í
New York á níunda áratugnum.
Nú gerist þetta í Reykjavík nútím-
ans í sviðslistaskóla sem heitir
Framabraut. Staðfærslan er mik-
ið til unnin í samráði við leikstjóra
og framleiðendur og ég fékk skýr
fyrirmæli um að allir aulabrand-
arar væru vel þegnir.“
„Söngleikir hafa aldrei höfðað
neitt sérstaklega til mín,“ segir
Úlfur. „En þar sem ég er mikill
áhugamaður um alþýðulist og al-
mennan plebeiisma fannst mér
verkefnið spennandi. Fólkið vill
pizzur og söngleiki. Það er smá
Famestemning í leikhópnum sem
er fullur af ungu og upprennandi
fólki, ásamt góðvinum á borð við
Jónsa og Sveppa sem eru báðir í
krefjandi rullum. Ég hlakka mikið
til að sjá frumsýninguna og held
að stykkið muni koma skemmti-
lega á óvart.“ ■
30 23. maí 2004 SUNNUDAGUR
Rokkhljómsveitin Leavesundirritaði á miðvikudaginn
nýjan samning um útgáfu á allt
að 5 breiðskífum við plötufyrir-
tækið Island Records Europe.
Samningurinn nær til Bretlands
og Evrópu en sveitin er á mála
hjá Dreamworks-útgáfunni í
Bandaríkjunum.
Áður var Leaves með samn-
ing við B:Unique í Bretlandi en
þeim samningi var sagt upp
fyrir um tveimur árum síðan.
Nýi samningurinn er öllu stærri
og ætti að gefa sveitinni aukna
vaxtarmöguleika.
Það var vefsvæðið mp3.is
sem greindi frá en þar kemur
einnig fram að sveitin hefur
hafið vinnu að sinni fyrstu plötu
undir merkjum Island. Gert er
ráð fyrir því að upptökum ljúki í
september og ætti platan að
skila sér í búðir í janúar á næsta
ári.
Liðsmenn og umboðsmaður
Leaves lýsa nýja samningnum
sem „heimilislegum“. ■
■ TÓNLIST
Fólkið vill pítsur og söngleiki
ÚLFUR ELDJÁRN
Á veg og vanda að þýðingu og stað-
færslu á sumarsöngleiknum Á frama-
braut og hefur gefið karakterunum í
sýningunni íslensk nöfn á borð við
Svölu Stefáns og Hilmar Snæ.
■ VEISTU SVARIÐ?
Svör við spurningum á bls. 6
1.
2.
3.
Björn Bjarnason, Guðni
Ágústsson og Össur Skarp-
héðinsson.
Hégómi og eftirsókn eftir
vindi í seglin.
Sigríður Rut Júlíusdóttir hér-
aðsdómslögmaður.
LEAVES
Í skýjunum yfir nýja plötusamningnum sem nær til Evrópu.
Leaves semja við
Island Records