Fréttablaðið - 01.06.2004, Blaðsíða 2
2 1. júní 2004 ÞRIÐJUDAGUR
„Ég var ekki að spá neitt. Þetta
voru bara náttúrleg viðbrögð.“
Brynjar Björn Gunnarsson, landsliðsmaður í knatt-
spyrnu, fékk að líta rauða spjaldið í vináttulands-
leik gegn Japönum um helgina fyrir afar grófa
tæklingu á einum af japönsku leikmönnunum..
Tækling „Brilla“ var með þeim svakalegri sem sést
hafa í landsleik Íslendinga, að ekki sé minnst
á vináttuleiki.
SPURNING DAGSINS
Brynjar Björn, hvað varstu að spá?
Talin hafa orðið 11 ára
dóttur sinni að bana
Kona á fimmtugsaldri hefur verið úrskurðuð í gæsluvarðhald vegna gruns um að hafa orðið
dóttur sinni á tólfta ári að bana. Fjórtán ára bróðir stúlkunnar komst særður undan og gat látið
vita. Móðirin er talin hafa reynt að svipta sig lífi eftir verknaðinn.
MANNDRÁP Ellefu ára gömul stúlka
lést af völdum stungusára sem hún
hlaut á heimili sínu við Hagamel í
Reykjavík í fyrrinótt. Allt bendir
til að móðir stúlkunnar sé völd að
verknaðinum en hún liggur sjálf
þungt haldin á sjúkrahúsi. Talið er
að hún hafi reynt að svipta sig lífi
eftir að hafa orðið dóttur sinni að
bana. Bróðir stúlkunnar komst al-
varlega slasaður heim til vinar
síns við Kaplaskjólsveg og gerði
viðvart um atburðinn. Lá blóðug
slóð drengsins milli húsanna og
þurfti hann að gangast undir að-
gerð vegna áverka sem móðir
hans er talin hafa veitt honum.
Það var kl. 5.21 í gærmorgun
sem lögreglu barst tilkynning um
ungan pilt með stungusár. Fór lög-
regla heim til piltsins í kjölfarið
og kom að systur hans látinni og
móður þeirra með alvarlega áver-
ka. Farið var með móðurina beint
í aðgerð en hún var síðdegis í gær
úrskurðuð í gæsluvarðhald til 14.
júní. Henni var jafnframt gert að
sæta geðrannsókn. Hvorki hafði
gefist færi á því að yfirheyra
móðurina né piltinn í gærkvöldi.
Lögregla telur að móðirin hafi
lagt til barna sinna með eggvopni á
meðan þau sváfu. Hafi piltinum
tekist að forða sér en móðirin hafi
síðan reynt að svipta sig lífi og hlot-
ið við það alvarlega áverka. Stúlk-
an var hins vegar úrskurðuð látin
þegar lögregla kom á vettvang um
klukkan hálfsex í gærmorgun.
Móðirin er 43 ára gömul og bjó
ásamt börnum sínum tveimur í
kjallaraíbúð við Hagamel. Ná-
grannar sem Fréttablaðið ræddi
við urðu ekki varir við neitt óeðli-
legt fyrr en eldsnemma í morgun
þegar lögregla lokaði götunni. Að
sögn nágranna merkti lögreglan
það sem virtist vera blóðslóð yfir
götuna í norðvesturátt og voru
teknar myndir af svæðinu úr
körfubíl slökkviliðsins. Lögregla
staðfesti að þetta hefði verið slóð
eftir piltinn en hann hljóp særður
yfir til kunningjafólks í næstu
götu til að gera viðvart um atburð-
inn. Staðfesti lögregla jafnframt
að tilkynning um atburðinn hefði
komið þaðan og þegar lögregla
kom þangað greindi pilturinn lög-
reglunni frá því sem gerst hafði.
Samverustund var í Neskirkju í
gærkvöldi vegna hins hörmulega
atburðar. Örn Bárður Jónsson,
sóknarprestur í Neskirkju, sagði í
samtali við Fréttablaðið að kirkjan
væri að mæta þörf sem fólk hefði
til koma saman og biðja þegar svo
hörmulegir atburðir gerðust. „Við
finnum að fólk leitar til okkar og
þessi bænastund er hugsuð sem
farvegur fyrir fólk til leita stuðn-
ings,“ sagði Örn Bárður. Hann
sagði að jafnframt yrðu skóla-
félagar stúlkunnar heimsóttir í
dag og þeim veittur stuðningur.
borgar@frettabladid.is
Enn deilt um brotthvarf frá Gaza:
Hriktir í stjórn Ísraels
JERÚSALEM, AP Óvissan um framtíð
ríkisstjórnar Ariels Sharon for-
sætisráðherra þykir hafa aukist
um helgina ef eitthvað er. Sjö
klukkustunda löngum, spennu-
þrungnum ríkisstjórnarfundi, þar
sem rætt var um brotthvarf frá
Gaza, lauk án niðurstöðu. Halda á
umræðunni áfram næsta sunnu-
dag en það er alls endis óvíst
hvort niðurstaða fáist þá frekar
en á síðasta fundi.
Binyamin Netanyahu, fjár-
málaráðherra og fyrrum forsæt-
isráðherra, hafnar alls kostar
brotthvarfi frá Gaza en Sharon
vill hverfa á brott með allan her
Ísraels og leggja niður landnema-
byggðir. Yosef Lapid dómsmála-
ráðherra bauðst til að miðla mál-
um en því hafnaði Sharon.
„Ég rétti fram hönd mína til
Sharons, til þjóðarinnar, þings-
ins og ríkisstjórnar Ísraels,“
sagði Jasser Arafat Palestínu-
forseti þegar hann sagðist reiðu-
búinn að ræða við Sharon um
friðarmöguleika. „Ég er reiðu-
búinn að hitta Sharon. Hvers
vegna ekki? Ef friðarviljinn er
fyrir hendi yfirvinnur hann allt
annað.“
Ísraelsstjórn hefur lengi neitað
að eiga samskipti við Arafat sem
hún segir tengjast ofbeldis-
verkum gegn Ísraelum. ■
Sameinuðu þjóðirnar:
Næringar-
skortur í 35
löndum
RÓM, AP 35 lönd, þar af 24 í Afríku,
þurfa að horfast í augu við alvar-
legan matarskort vegna stríða,
vondra veðurskilyrða og sjúk-
dóma, að því er fram kemur í
skýrslu Sameinuðu þjóðanna.
Nokkur ríki í suðurhluta Afríku
þurftu aðstoð í kjölfar alvarlegra
flóða. Þá hafði eyðnisjúkdómur-
inn afar slæm áhrif á landbúnað í
heimsálfunni þar sem margir
bændur hafi annaðhvort látið lífið
eða eru of veikburða til þess að
geta unnið. ■
■ BANDARÍKIN
VIÐ LANDNEMABYGGÐ Á GAZA
Deilan um framtíð landnemabyggða
Ísraela á Gaza-svæðinu getur orðið
til þess að ísraelska stjórnin spryngi.
Fangelsi í Ríó:
Uppreisn
BRASILÍA, AP Fangar skutu vörð til
bana og tóku 21 í gíslingu er stjórn-
völd reyndu að semja um að binda
endi á tveggja daga uppreisn í
fangelsi nærri Ríó de Janeiro.
Uppreisnin hófst á laugardags-
morgun þegar nokkrir fangar
gerðu tilraun til þess að flýja.
Fangarnir brutust gegnum aðal-
hlið fangelsisins. Þegar lögregla
kom á staðinn réðust fangarnir á
lögregluþjónana, tóku af þeim
vopn þeirra og tóku 26 verði og
starfsmenn fangelsisins höndum.
Vörðurinn sem skotinn var
hafði gert tilraun til þess að flýja.
Nokkrum gíslum var sleppt á
sunnudag í skiptum fyrir aðstoð
við særða fanga. ■
KONGÓ, AP Viðskipti í úrannámum
Kongó eru í hröðum uppgangi þrátt
fyrir að forseti landsins hafi sett
bann við öllum námagreftri. Úran
úr námunum var meðal annars not-
að til þess að búa til kjarnorku-
sprengjurnar sem varpað var á
Hiroshima og Nagasaki.
Forseti Kongó, Joseph Kabila,
skipaði fyrir um lokun námanna
vegna vaxandi áhyggna af því að efni
í kjarnavopn komist í hendur hryðju-
verkasamtaka eða vanþróaðra þjóða.
Þrátt fyrir bannið vinna enn þús-
undir verkamanna í námunum sem
eru staðsettar langan veg frá höfuð-
borginni Kinshasa. Þessi ólöglegu
viðskipti varpa ljósi á það hversu
máttlaus yfirvöld landsins eru í
eftirliti og stjórn á úrannámunum.
„Þeir grafa eins hratt og þeir
geta grafið og allir eru að kaupa
þetta,“ segir John Skinner
námaverkfræðingur í nálægu
þorpi. „Vandamálið er það að
enginn veit hvert þetta fer allt
saman. Það er engin stjórn á
þessu.“ ■
GÖMUL ÚRANNÁMA
Forseti Kongó hefur látið loka öllum úrannámum í landinu. Þrátt fyrir það hefur gröfturinn
haldið áfram og engin stjórn er á því hverjir kaupa úranið.
Áhyggjur af úrannámum í Kongó:
Ólöglegur námugröftur
í fullum gangi
BÆNASTUND Í NESKIRKJU
Húsfyllir var í Neskirkju í gærkvöldi þar sem efnt var til bænastundar vegna hinna
hörmulega atburða í Vesturbænum í gær.
HARMLEIKUR VIÐ HAGAMEL
Rannsókn lögreglu hófst á vettvangi strax í gærmorgun og stóð fram eftir kvöldi.
FR
ÉT
TA
B
LA
Ð
IÐ
/R
Ó
B
ER
T
FR
ÉT
TA
B
LA
Ð
IÐ
/G
VA
MEÐ BYSSU SADDAMS Byssan
sem Saddam Hussein var vopnað-
ur þegar hann var handtekinn er
nú geymd í minjagripasal í Hvíta
húsinu og er George W. Bush
Bandaríkjaforseti sagður hafa
gaman af að sýna hana gestum
sínum að því er fram kemur í
tímaritinu Time.
HLUTABRÉF Í BRÚÐKAUPSGJÖF
Bandarísk brúðhjón hafa lengi
haft fyrir sið að setja saman lista
í gjafavöruverslunum yfir hluti
sem þau geta hugsað sér að fá í
brúðkaupsgjöf, svo sem matar-
stell og aðra muni. Nú hefur fyr-
irtæki eitt tekið upp á því að
bjóða svipaða þjónustu fyrir þá
sem vilja eignast hlutabréf.