Fréttablaðið - 01.06.2004, Blaðsíða 26

26 1. júní 2004 ÞRIÐJUDAGUR
CUNEGO SIGRAÐI
Damiano Cunego sigraði í Giro d’Italia-
keppninni sem lauk í Mílanó í gær. Ítalinn
var tveimur mínútum á undan Úkraínu-
manninum Serhiy Honchar.
HJÓLREIÐAR
Íslendingar með vænlega stöðu fyrir seinni leikinn í umspili um sæti á HM:
Góður sex marka sigur á Ítölum
HANDBOLTI Íslendingar báru sigur-
orð af Ítalíu, 31–37, á laugar-
daginn í fyrri leik liðanna um
laust sæti á næstu HM í hand-
bolta. Frábær fyrri hálfleikur
liðsins lagði grunninn að sigri í
leiknum, sem fram fór í Teramo á
Ítalíu, en í hálfleik var staðan 23-
12, okkar mönnum í vil.
Guðmundur Þórður Guð-
mundsson, þjálfari landsliðsins,
var að vonum sáttur með frammi-
stöðu liðsins sem var öllu betri en
það sýndi í undirbúningsleikjun-
um. „Þetta var allt annað og miklu
betra en í leikjunum í Aþenu. Við
náðum fullt af hraðaupphlaupum
og þá sérstaklega í fyrri hálfleik
en spilamennskan þá er með því
besta sem liðið hefur sýnt lengi.
Við náðum síðan ekki alveg að
halda hraðanum í seinni hálfleik
og þeir náðu að sækja á okkur
fimm mörk. Staða okkar fyrir
seinni leikinn er því góð en það
þýðir ekkert að halda að þetta sé
komið, við verðum að halda vöku
okkar enda mikið í húfi,“ sagði
Guðmundur.
Ólafur Stefánsson (12 mörk)
og Guðjón Valur Sigurðsson (níu
mörk) sýndu virkilega hvað í
þeim býr og þá varði Guðmundur
Hrafnkelsson vel í markinu.
Seinni leikurinn fer fram í
Kaplakrika um næstu helgi. ■
Ítalinn Claudio Ranieri:
Rekinn í gær
FÓTBOLTI Þá er það komið á hreint
sem legið hefur í loftinu í ansi
langan tíma - Caludio Ranieri var
rekinn úr starfi framkvæmda-
stjóra Chelsea.
Talsmaður Chelsea sagði að
Ranieri væri búinn að vinna frá-
bært starf fyrir félagið. „Við
þökkum Ranieri samstarfið og
óskum honum velfarnaðar í fram-
tíðinni.“ Þann tíma sem Ranieri
var við stjórnvölinn hjá Chelsea
hafði hann alltaf stuðning leik-
manna og áhangenda liðsins og
þykir mörgum súrt í broti að hann
skuli vera látinn fara. Langlíkleg-
ast þykir að Jose Mourinho, stjóri
Porto, taki við hjá Chelsea. ■
LEIKIR

19.15 ÍA og KA leika á Akranesvelli
í Landsbankadeild karla í fótbolta.

19.15 Grindavík og Fram leika á
Grindavíkurvelli í Landsbankadeild
karla í fótbolta.

19.15 ÍBV og KR leika á Hásteins-
velli í Landsbankadeild karla í fót-
bolta.

19.15 Víkingur og FH leika á Vík-
ingsvelli í Landsbankadeild karla í
fótbolta.
SJÓNVARP

14.25 Trans World Sport á Stöð 2.
Íþróttir um allan heim.

17.15 Motorworld á Sýn. Kraft-
mikill þáttur um allt það nýjasta í
heimi akstursíþrótta.

18.30 Gillette-sportpakkinn á
Sýn.

18.30 Saga EM í fótbolta á RÚV.
Upphitunarþættir fyrir EM í fót-
bolta sem hefst í Portúgal 12.
júní.

19.00 Meistaradeild UEFA á Sýn.
Fréttaþáttur um meistaradeild
UEFA.

19.30 Toyota-mótaröðin í golfi á
Sýn.

20.30 Fákar á Sýn. Fjölbreyttur
þáttur þar sem fjallað verður um
allar hliðar hestamennskunnar.

21.00 Knattspyrnusagan á Sýn. Í
þættinum verður fjallað um
Brasilíumenn.

22.00 Olíssport á Sýn. Fjallað er
um helstu íþróttaviðburði heima
og erlendis.

22.20 Fótboltakvöld á RÚV. Sýnt
verður úr leikjum 4. umferðar
Landsbankadeildar karla í knatt-
spyrnu.

22.30 Manchester-mótið á Sýn.
Útsending frá leik Englendinga
og Japana á þriggja landa mótinu
í Manchester.
HVAÐ? HVENÆR? HVAR?
29 30 31 1 2 3 4
Þriðjudagur
JÚNÍ
Michael Schumacher:
Sjötti sigurinn
FORMÚLA 1 „Allt gekk okkur í hag.
Ég lagði mikið á mig til að ná sem
mestu forskoti og eftir það ók ég
bara af öryggi í mark,“ sagði
heimsmeistarinn Michael Schu-
macher sem sigraði auðveldlega í
Evrópukappakstrinum í Nürburg-
ring. Schumacher hefur sigrað í
sex af sjö keppnum á tímabilinu
og er fjórtán stigum á undan sam-
herja sínum hjá Ferrari, Rubens
Barrichello.
Jenson Button, hjá BAR-
Honda, varð þriðji í Nürburgring
en hann er jafnframt þriðji sam-
anlagt, átta stigum á eftir
Barrichello.
Raunir McLaren-liðsins héldu
áfram. Kimi Räikkönen varð að
hætta á tíunda hring vegna mótor-
bilunar og David Coulthard hætti
eftir 26 hringi. ■
ÓLAFUR STEFÁNSSON
Skoraði 12 mörk gegn Ítölum.