Fréttablaðið - 01.06.2004, Blaðsíða 8

8 1. júní 2004 ÞRIÐJUDAGUR
PRINSAR Í SVEITINNI
Feðgarnir Karl prins og Vilhjálmur prins
gengu um bóndabýli og skoðuðu bústörf-
in meðan fjölmiðlar mynduðu þá í bak og
fyrir. Ferðin var hluti af samkomulagi við
fjölmiðla sem kveður á um að þeir láti Vil-
hjálm í friði meðan hann er við nám í
skoskum háskóla.
Miklar skemmdir á útvegg og eldhústækjum:
Keyrt á hótel Bjarg
FÁSKRÚÐSFJÖRÐUR Fjórir piltar end-
uðu ökuferð á útvegg eldhúss
hótels Bjargs á Fáskrúðsfirði um
klukkan ellefu á föstudagskvöld.
Ökumaðurinn er réttindalaus
enda einungis sextán ára gamall.
Hann var á litlum fólksbíl for-
eldra sinna og er grunaður um
ölvun. Piltarnir flúðu af vettvangi
en létu síðan lögregluna á staðn-
um vita af ferðum sínum.
Hótel Bjarg sendur við eina að-
algötu bæjarins og keyrði bíllinn
yfir steypt bílastæði og á vegginn
nálægt vatnsinntaki og eru
skemmdirnar miklar á útvegg og
tækjum eldhússins. Hótelið er
bárujárnsklætt timburhús og
gekk veggurinn inn á gólf. Enginn
var í húsinu þegar atvikið átti sér
stað. Piltarnir slösuðust ekki.
Von er á hótelgestum næstu
daga en ekki hefur verið hægt að
gera við skemmdirnar þar sem
enginn frá tryggingafélagi
hótelsins hefur komið til að meta
skemmdir. „Hér eru menn í
föstu fæði og það verður beðið
fram eftir degi en síðan verðum
við að gera ráðstafanir,“ segir
Agnar Jónsson, faðir eiganda
hótelsins og tímabundinn um-
sjónarmaður. ■
„Ummælin lýsa
óþolinmæði“
Sjálfstæðismenn segja andstöðu Framsóknar hafa komið í veg fyrir
skattalækkanir á þessu þingi. „Þurfum að kanna það svigrúm sem við
höfum,“ segir þingflokksformaður Framsóknar.
RÍKISSTJÓRN „Ég vísa þessum um-
mælum til föðurhúsanna. Mér
finnst þau lýsa mikilli óþolinmæði
hjá þingmanninum,“ segir Hjálm-
ar Árnason, þingmaður Fram-
sóknarflokksins, um fullyrðingar
Gunnars Birgissonar, þingmanns
Sjálfstæðisflokksins, að skatta-
lækkanir náðu ekki fram að ganga
á þessu þingi vegna andstöðu
Framsóknar.
Í viðtali við Morgunblaðið seg-
ir Gunnar að framsóknarmenn
séu annaðhvort búnir að gleyma
því sem þeir lofuðu, eða að „...þeir
eru að niðurlægja Sjálfstæðis-
flokkinn, og veit það ekki á gott
með samstarf flokkanna í fram-
haldinu.“ Hjálmar segir þetta al-
rangt. „Þetta er í fullu samræmi
við það sem
stendur í stjórn-
arsáttmálanum.
Breytingar í
skattakerfi taka
aldrei gildi fyrr
en um áramót
þegar nýtt skatt-
ár hefst. Það er
ábyrgara að
kanna það svigrúm sem við höfum
og leggja tillögurnar fram í
haust.“ Hann segir ennfremur að
ekki séu neinir brestir í stjórnar-
samstarfinu. „Þeir hafa sýnt þess-
ir menn sem hafa tjáð sig opinber-
lega um þetta mál að þeir fara
gjarnan eigin leiðir í skoðunum og
eru sjálfir ábyrgir sinna orða.“
Einar K. Guðfinnsson, þing-
flokksformaður Sjálfstæðis-
flokksins, segir það „augljóst
mál“ að tillögur um skattalækkan-
ir hafi strandað á andstöðu Fram-
sóknar. Það sé rétt að breytingar á
skattakerfi taki ekki gildi fyrr en
um áramót, en „við viljum hins
vegar sýna í verki vilja okkar til
að efna þau fyrirheit sem við lögð-
um af stað með. Það er mikilvægt
að þetta líti dagsins ljós sem allra
fyrst.“ Einar vildi lítið tjá sig um
fullyrðingar Gunnars um áhrif
málsins á stjórnarsamstarfið:
„Það hefur verið gott og stenst
vonandi þessa áraun.“
Guðlaugur Þór Þórðarson,
þingmaður Sjálfstæðisflokksins,
segir samstöðu vera meðal
stjórnarflokkanna um skatta-
lækkanir og það hafi verið greint
hvernig eigi að standa að þeim.
„Því fyrr sem menn koma með
yfirlýsingar og áætlanir því
betra. Við erum að lækka skatta
til að bæta kjör almennings í land-
inu og það er forgangsmál. Ef
þetta þýðir lækkun í ríkissjóð,
sem ég tel að yrði tímabundin, er
það rammi sem við verðum að
skipuleggja okkur út frá.“
Ekki náðist í Halldór Ágríms-
son, formann Framsóknarflokks-
ins, vegna málsins og Guðni
Ágústsson varaformaður vildi
ekki tjá sig um það.
bergsteinn@frettabladid.is
Ein stærsta lánveiting innanlands:
Atlanta fær á fjórða milljarð
VIÐSKIPTI Landsbankinn leiðir eina
stærstu lánveitingu sem innlendar
fjármálastofnanir hafa nokkurn
tímann staðið að. Það er Air At-
lanta sem tekur að láni þrjá og
hálfan milljarð króna til þriggja
ára, en auk Landsbankans, standa
að veitingunni Sparisjóðsbankinn
hf., Sparisjóður vélstjóra og Spari-
sjóður Hafnarfjarðar.
Hafþór Hafsteinsson, forstjóri
Air Atlanta, segir það ánægjulegt
að íslenskir bankar séu orðnir svo
stórir að þeir hafi „... burði til að
styðja við fyrirtæki í útrás og
bjóða lán á samkeppnishæfum
kjörum í samkeppni við stórar al-
þjóðlegar fjármálastofnanir“.
Lánið er veitt í tengslum við
kaup félagsins á þremur Boeing
747-fraktflutningavélum sem ráð-
gert er að verði teknar í notkun í
sumar og verða í föstum verkefn-
um fyrir Lufthansa-flugfélagið.
Samningur Air Atlanta og Luft-
hansa nær til þriggja ára og er
talinn tryggja þeim fyrrnefndu á
hálfan tólfta milljarð króna í tekj-
ur á samningstímanum. ■
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
C
E
24
84
3
0
5/
20
04

NETSMELLUR – alltaf ódýrast á netinu
Allt að 18 ferðir á dag
Sumaráætlun Icelandair
Bókaðu á www.icelandair.is
Engin þjónustugjöld þegar bókað er á netinu.
Innifalið: Flug og flugvallarskattar.
Breytingagjald 5.000 kr.
Icelandair ódýrari í 54,5% tilfella í júní og júlí
í sumar til Kaupmannahafnar og London
Úttektin var framkvæmd af IMG Deloitte fyrir Icelandair
á tímabilinu 6. - 14. maí. Miðað er við algengustu tegund
sumarleyfisferða sem er yfir helgi. Til að gæta fyllsta hlutleysis
var íslenskur samkeppnisaðili Icelandair á þessum flugleiðum
látinn vita að verðkönnun yrði gerð á fyrrgreindu tímabili.
Ódýrastir
til Evrópu
Verð á mann frá 14.490 kr.*
HRINGSNÚRUR
Hringsnúrurnar vinsælu eru komnar aftur.
Mikið úrval
SELFOSS Átta voru kærðir fyrir
ölvun við akstur af lögreglunni á
Selfossi. Flestir voru teknir innan
bæjarins. Lögreglan segir umferð-
arerilinn hafa verið mikinn þessa
helgina.
NESKAUPSSTAÐUR Fimm voru
teknir fyrir hraðakstur á laugardag
í Neskaupstað. Lögreglan fylgist
með umferðinni sem hún segir að
hafi verið erilsöm þessa helgi.
SLÖKKVILIÐ Mikill erill var um
helgina í sjúkraflutningum hjá
Slökkviliðinu í Reykjavík. Tals-
maður slökkviliðsins sagði þó
ekki hafa verið meira að gera en
aðrar helgar, algengt er að á ann-
an tug útkalla séu á næturnar.
HÓTEL BJARG
Piltarnir fjórir sem enduðu á eldhúsvegg
hótels Bjargs létu lögregluna vita. Bíllinn
skemmdist töluvert minna en timbur-
veggur hótelsins.
ÚR ELDHÚSINU
Agnar Jónsson, umsjónarmaður hótelsins,
beið enn á mánudag eftir að tryggingafé-
lag mæti skemmdir þar sem fulltrúi þess
var erlendis þegar atvikið átti sér stað.
FR
ÉT
TA
B
LA
Ð
IÐ
/P
ÉT
U
R
JÓ
H
AN
N
ES
SO
N
■ LÖGREGLUFRÉTTIR
SKRIFAÐ UNDIR
Hafþór Hafsteinsson, forstjóri Air Atlanta, og Sigurjón Þ. Árnason, bankastjóri Landsbank-
ans, undirrita lánasamning upp á þrjá og hálfan milljarð.
EINAR K. GUÐFINNSSON, ÞING-
FLOKKSFORMAÐUR SJÁLFSTÆÐIS-
FLOKKS
Segir það „augljóst mál“ að skattalækkanir
hafi strandað á andstöðu Framsóknar-
flokks.„Það er
mikilvægt að
þetta líti
dagsins ljós
sem allra
fyrst.
HJÁLMAR ÁRNASON, ÞINGFLOKKS-
FORMAÐUR FRAMSÓKNAR
Breytingar á skattakerfi taka ekki gildi fyrr
en um áramót.