Fréttablaðið - 01.06.2004, Blaðsíða 13

13ÞRIÐJUDAGUR 1. júní 2004
og Stöðvar eitt og tvö franska ríkis-
sjónvarpsins.
Rannsókn ESB á TV2 hófst í
kjölfar kvörtunar frá keppinauti
sem fólst í athugasemdum vegna
þátttöku TV2 á auglýsingamarkaði
og tekjum þess vegna afnotagjalda.
Kvörtun þessi er keimlík þeirri
sem Íslenska útvarpsfélagið sendi
ESA í september 2002 og stofnunin
hefur nú tekið til rannsóknar.
Að sögn Sigurðar G. Guðjóns-
sonar, forstjóra Norðurljósa, var
kvörtunin send í kjölfar svars
Samkeppnisstofnunar vegna
kvörtunar sem Norðurljós sendi
stofnuninni 1999. Norðurljós fóru
fram á það að Samkeppnisstofnun
legði tafarlaust mat á það hvort
tekjur RÚV af áskriftargjöldum
væru í samræmi við samkeppnis-
lög. Bent var á það að engin dæmi
væru til um nokkuð þessu líkt á
öðrum samkeppnismörkuðum á
Íslandi.
Einnig var bent á það að RÚV
tækist með hjálp tekna sinna af af-
notagjöldum að halda niðri auglýs-
ingaverði og skapaði það ósann-
gjarna samkeppnisstöðu á fjöl-
miðlamarkaði. Niðurstöður Sam-
keppnisstofnunar voru birtar í lok
árs 2001, en í þeim hélt stofnunin
því fram að hún gæti ekki skorið úr
um þetta mál, aðallega vegna þess
að lögsaga hennar næði ekki yfir
það sem málið snerist um, heldur
væri það hlutverk ESA. Kvörtun
Norðurljósa til ESA er því nú þar
til meðferðar. Að sögn Amund Utne
er ekki vitað hvenær skorið verður
úr um málið. Fer það eftir því hve
fljótt íslenskum yfirvöldum tekst
að afla þeirra upplýsinga sem beð-
ið hefur verið um og hve hratt ESA
tekst að vinna úr þeim.
Ekki er enn ljóst hvort niður-
stöður ESA verði í samræmi við
niðurstöður í sambærilegum mál-
um sem Framkvæmdastjórn Evr-
ópusambandsins hefur úrskurðað í
þar sem stofnanir í rekstri sjón-
varpsstöðva í almannaeign hafa
verið dæmdar til að endurgreiða
hluta af ríkisstyrkjum.
Amund Utne sagði þó að nýjar
viðmiðunarreglur ESA um ríkis-
styrki og almenningsútvarp, sem
teknar voru upp í lok apríl, væru í
fullu samræmi við reglur Evrópu-
sambandsins. ■
EKKI MEIRA HEIMILISOFBELDI
Hundruð kvenna komu saman í Jakarta,
höfuðborg Indónesíu, og kröfðust þess að
stjórnvöld settu lög gegn heimilisofbeldi.
Slíkt ofbeldi er algengt í Indónesíu.
Bát hvolfdi:
Fimm
drukknuðu
AUSTURRÍKI, AP Fimm manns létu
lífið þegar bát með 32 manns inn-
anborðs hvolfdi í Hunterbrühl
hellahvelfingunni í gærmorgun,
þar sem er að finna stærsta neð-
anjarðarvatn Evrópu.
Bátnum hvolfdi um 150 metra
frá munna hellisins og er talið að
þrír þeirra sem létust hafi lent
undir bátnum og ekki komist und-
an honum. Björgunarstarfsmenn
reyndu, án árangurs, að blása lífi í
þá fimm sem létust, fjórar konur
og einn karlmann.
Ferðir um tveggja metra djúpt
vatnið í hellahvelfingunni eru vin-
sælar meðal ferðamanna. ■
Árás á bæinn Khobar í Sádi-Arabíu:
Ráðist gegn útlendingum
KHOBAR, AP Árás íslamskra hryðju-
verkamanna á bæinn Khobar í
Sádi-Arabíu um helgina kostaði 22
lífið, flesta af erlendum uppruna.
Hinir látnu voru af tíu mismun-
andi þjóðernum.
Árásin hófst á laugardags-
morgun með skothríð inni í skrif-
stofum tveggja olíufyrirtækja
sem aðsetur hafa í bænum. Í
kjölfar þess færðu hryðjuverka-
mennirnir sig í hverfið Oasis,
fínt hverfi þar sem meðal annars
eru hótel og glæsivillur. Þar tóku
þeir að minnsta kosti 50 í gísl-
ingu. Öryggisverðir bundu enda
á umsátrið snemma á sunnudags-
morgun er þeir réðust inn í bygg-
inguna þar sem mönnunum var
haldið föngnum. 41 gíslanna var
frelsaður en níu lík fundust í
byggingunni.
Fjórir hryðjuverkamenn
stóðu fyrir árásinni og náðist
einn þeirra. Hann var særður og
er talinn höfuðpaurinn bak við
árásina. Hinir þrír eru á flótta.
Hryðjuverkahópur tengdur
al-Kaída lýsti ábyrgð verknaðar-
ins á hendur sér. Í yfirlýsingu frá
talsmanni al-Kaída sagði að að-
gerðirnar miðuðu að því að refsa
konungdæminu fyrir olíuvið-
skipti við Bandaríkjamenn. Auk
þess ætti að hrekja „krossfara“
frá „landi íslams“. ■
ÚR ÚTVARPSLÖGUM:
IV. kafli. Skyldur útvarpsstöðva.
7. gr. Dagskrárframboð.
- Útvarpsstöðvar skulu stuðla að al-
mennri menningarþróun og efla ís-
lenska tungu. [...]
- Sjónvarpsstöðvar skulu kosta kapps
um að meiri hluta útsendingartíma sé
varið í íslenskt dagskrárefni og annað
dagskrárefni frá Evrópu. Með útsend-
ingartíma er í þessu sambandi átt við
heildarútsendingartíma sjónvarps-
stöðva að frádregnum þeim tíma sem
varið er til frétta [og fleira].
8. gr. Tal og texti á íslensku.
- Efni á erlendu máli, sem sýnt er á
sjónvarpsstöð, skal jafnan fylgja ís-
lenskt tal eða texti á íslensku [...] Skal
lögð áhersla á að allt tal og texti sé á
lýtalausu íslensku máli.
10. gr. Dagskrárefni frá sjálfstæðum
framleiðendum.
- Sjónvarpsstöðvar skulu, eftir því sem
unnt er, sjá til þess að minnst 10% af
útsendingartíma, [...] á ári hverju eða
minnst 10% af árlegu dagskrárfé sé
varið til evrópskra verka sem fram-
leidd eru af sjálfstæðum framleiðend-
um. [...]
FYLGST MEÐ ÁTÖKUM
Sádi-Arabar liggja í leyni og fylgjast með
átökum lögreglu og gíslatökumanna.