Fréttablaðið - 01.06.2004, Blaðsíða 25

25ÞRIÐJUDAGUR 1. júní 2004
FÓTBOLTI Íslendingar biðu lægri
hlut, 2-3, gegn Japönum í
Manchester-mótinu á sunnudag.
Heiðar Helguson skoraði bæði
mörk Íslendinga, það fyrra á 5.
mínútu en það seinna á 50. Íslend-
ingar mæta Englendingum á laug-
ardag.
Mörk Japana gerðu þeir Tatsu-
hiko Kubo, á 21. og 36. mínútu, og
Alexander Santos úr vítaspyrnu á
60. mínútu. Undir lok leiksins
fékk Brynjar Björn Gunnarsson
að líta rauða spjaldið fyrir ljóta
tæklingu.
Þetta hafði Ásgeir Sigurvins-
son landsliðsþjálfari að segja um
leikinn í stuttu spjalli við Frétta-
blaðið:
„Við erum þokkalega sáttir en
þessi leikur var ákveðin tilraun
hjá okkur. Hann var opinn og
kannski frekar hægur í fyrri hálf-
leik. Það er ekkert hægt að segja
við því að tapa fyrir Japönum en
við teljum okkar hafa skapað tölu-
vert mikið af færum og sóknar-
leikurinn var í fyrirrúmi hjá okk-
ur. En það hefði verið sanngjarnt
að fá jafntefli út úr þessum leik
og þá hefðu allir getað verið sátt-
ir.“
Ásgeir var ekki alveg sáttur
við nokkrar ljótar tæklingar sinna
manna í leiknum:
„Já, það voru nokkrar ljótar
tæklingar og ég held að við verð-
um að passa okkur fyrir næsta
leik því Englendingarnir eru nátt-
úrlega að fara á EM í Portúgal og
við verðum að passa okkur svolít-
ið á því að fara ekki í svona ljót
brot. Það var ljótt brot hjá Jó-
hannesi og Brynjari líka og ekkert
hægt að segja yfir því – þetta var
bara rautt spjald. Það þarf ekkert
að spila svona í vináttulandsleikj-
um og í raun aldrei.“
En menn eru væntanlega bratt-
ir fyrir leikinn gegn Englending-
um?
„Jú, að sjálfsögðu, það var góð
æfing í morgun og síðan eru menn
hérna að dúlla sér í golfi. Við höf-
um vikuna til að undirbúa okkur.
Leikurinn gegn Englendingum er
frábær sýningargluggi og sér-
staklega fyrir þá leikmenn sem
eru með lausa samninga og mikil-
vægt að við eigum þá góðan leik
sem komi jafnvel til með að hjálpa
einhverjum leikmönnum að kom-
ast í góða klúbba,“ sagði Ásgeir
Sigurvinsson.
Byrjunarlið Íslands var skipað
eftirtöldum leikmönnum: Árni
Gautur Arason stóð í markinu, í
vörninni voru Ívar Ingimarsson,
Pétur Marteinsson, Hermann
Hreiðarsson, á miðjunni Þórður
Guðjónsson, Indriði Sigurðsson,
Brynjar Björn Gunnarsson, Arnar
Grétarsson, Jóhannes Karl Guð-
jónsson og Heiðar Helguson og
Eiður Smári Guðjohnsen voru
frammi. Marel Baldvinsson koma
inn á sem varamaður fyrir
Indriða Sigurðsson á 77. mínútu. ■
Mörk Heiðars
dugðu ekki
Ásgeir Sigurvinsson ósáttur við ljótar tæklingar
sinna manna gegn Japan.
HAFÐU ÞETTA
Brynjar Björn Gunnarsson veður hér í eina tæklingu að hætti hússins gegn Japan. Fékk að
launum að líta rauða spjaldið og kom það engum á óvart.
KB banka-mótið í Toyota-mótaröðinni á Korpuvelli:
Sigurpáll og Ragnhildur byrja best
GOLF Ragnhildur Sigurðardóttir,
GR, og Sigurpáll Geir Sveinsson,
GA, sigruðu á fyrsta stigamóti
GSÍ sem fram fór á Korpúlfsstöð-
um um helgina.
Ragnhildur lék á 71 höggi á
laugardag, og setti vallarmet, en
seinni daginn lék hún á 75 höggum
og því samanlagt 146 höggum.
Ragnhildur var ellefu höggum á
undan Tinnu Jóhannsdóttur, GK,
en Helga Rut Svanbergsdóttir,
GKJ, varð þriðja á 159 höggum.
Sigurpáll Geir Sveinsson lék
samanlagt á 145 höggum, 70 högg-
um á laugardag og 75 höggum á
seinni deginum. Þrír urður jafnir í
öðru sæti. Sigmundur Einar Más-
son, GKG, sem leiddi eftir fyrri
daginn á 68 höggum, Magnús Lár-
usson, GKJ, og Ólafur Már Sig-
urðsson, GK, léku allir á 147 högg-
um. Þeir háðu þriggja holu bráða-
bana og tryggði Sigmundur sér
annað sætið, Magnús varð þriðji
og Ólafur Már fjórði.
Næsta mót fer fram í Vest-
mannaeyjum 12. júní. ■
RAGNHILDUR SIGURÐARDÓTTIR
Besti kvenkylfingur síðasta sumars byrjar
þetta tímabil af sama krafti og hún endaði
það síðasta. Hún setti vallarmet á Korpu-
velli og vann með tólf högga mun.
Íslenska kvennalandsliðið í handknattleik lék fyrri leik sinn í undankeppni EM:
Eins marks tap gegn Tékkum
HANDBOLTI Íslenska kvennalands-
liðið í handbolta beið lægri hlut
gegn Tékklandi, 26-27, í fyrri leik
liðanna í umspili um laust sæti í
næstu Evrópukeppni. Seinni leik-
urinn verður í Tékklandi á laugar-
daginn. Jafnræði var á með liðun-
um svo til allan tímann þótt gest-
irnir væru nánast alltaf fyrri til
að skora.
Mestur varð munurinn þrjú
mörk en íslenska liðinu tókst að-
eins einu sinni að komast yfir í
leiknum – í stöðunni 6-5, en liðið
náði nokkrum sinnum að jafna.
Undir lokin var nokkur spenna en
eins marks tap var niðurstaðan,
sem eru viðunandi úrslit miðað
við spilamennsku liðsins – í raun
slapp íslenska liðið fyrir horn því
tapið hefði auðveldlega getað orð-
ið töluvert stærra en þrír leik-
menn áttu mestan þátt í að svo fór
ekki. Stærstur var þáttur Berg-
lindar Írisar Hansdóttur sem hélt
uppteknum hætti frá því í úrslita-
leikjunum gegn ÍBV um daginn
með frábærri markvörslu og þá
sérstaklega í fyrri hálfleik.
Inga Fríða Tryggvadóttir lék á
hinn bóginn frábærlega í seinni
hálfleik en þá skoraði hún sjö af
átta mörkum sínum og nýtti öll sín
skot í leiknum. Kristín Guð-
mundsdóttir var traust allan leik-
inn og barðist vel. Leikur íslenska
liðsins var langt undir væntingum
í það heila og sterkasti þáttur liðs-
ins nýttist lítið sem ekkert en það
eru hraðaupphlaupin.
Stefán Arnarsson landsliðs-
þjálfari var ekki alveg nógu sátt-
ur eftir leik:
„Ég er mjög fúll yfir þessari
niðurstöðu, við náðum alls ekki
nógu góðum leik og því fór sem
fór. Liðið var alltof lengi upp og
við ætluðum okkur að keyra hrað-
ann upp en gerðum það ekki. Það
var mjög dýrt að fara með sex
dauðafæri í fyrri hálfleik og það
má ekki gerast aftur. Liðið er
vissulega mjög gott þegar við
náum að keyra upp hraðann en
einhverra hluta vegna hrökk það
ekki í gírinn.
Tékkneska liðið er gríðarlega
sterkt og með mikla leikreynslu á
stórmótum og þekkir svona dæmi
út og inn. Hins vegar erum við
alls ekki búin að afskrifa þetta
dæmi því liðið á mjög mikið inni
og eitt mark er ekki mikið í hand-
bolta en það er hins vegar sárt að
hafa ekki gert betur hér á heima-
velli,“ sagði Stefán. ■
KRISTÍN GUÐMUNDSDÓTTIR
Lék vel gegn Tékkum.
FR
ÉT
TA
B
LA
Ð
IÐ
/R
Ó
B
ER
T