Fréttablaðið - 01.06.2004, Blaðsíða 27

PISTONS MEÐ GÓÐA STÖÐU
Detroit Pistons lagði Indiana
Pacers í gær á útivelli, nokkuð
örugglega. Lokatölur urðu 83-65
og er Detroit nú komið í 3-2 í ein-
víginu og getur tryggt sér sæti í
lokaúrslitunum með sigri í næsta
leik á heimavelli. Liðið hefur
ekki komist í lokaúrslitin síðan
1990 en þá hampaði liðið titlinum
eftir fimm leikja einvígi við
Portland Trailblazers.
Richard Hamilton átti stórleik
og skoraði 33 stig, Rasheed
Wallace skoraði 22 stig og tók átta
fráköst. Hjá Indiana voru Ron
Artest og Fred Jones með 13 stig
hvor.
CASSELL Á LEIÐ UNDIR HNÍFINN
Bakvörðurinn snjalli Sam Cassell
hjá Minnesota Timberwolves
gæti þurft að fara undir hnífinn
eftir tímabilið. Hann er meiddur
á baki og hefur ekkert spilað með
Minnesota í undanförnum
tveimur leikjum gegn Los
Angeles Lakers í úrslitum vestur-
strandarinnar.
SHAQ EKKI TIL AÞENU Í SUMAR
Tröllið Shaquille O’Neal hjá Los
Angeles Lakers mun ekki spila
með bandaríska landsliðinu á
Ólympíuleikunum í Aþenu í
ágúst. Hann tilkynnti for-
ráðamönnum bandaríska liðsins
þetta á dögunum en fjölmargir af
bestu leikmönnum deildarinnar
hafa hellst úr lestinni að undan-
förnu.
27ÞRIÐJUDAGUR 1. júní 2004
■ NBA-KÖRFUBOLTINN
Opið 13- 18 mánudaga til föstudaga
Síðasti dagur markaðsins er föstudaginn 4 júní
OUTLET -
MARKAÐUR
í Kjarna - Mosfellsbæ
fyrir ofan Bónus
Vorum með útsölumarkaðinn í Perlunni
Mikið úrval af skóm og fatnaði
á verðum sem eru ótrúleg
Nike - Adidas - Asics o.fl
70% afsláttur af útsöluverðum á Banjo barnafatnaði
50% afsláttur af útsöluverðum
á öllum öðrum verðum
Evrópukeppni kvennalandsliða:
Stórsigur á
Ungverjum
KNATTSPYRNA Íslendingar sigruðu
Ungverja 5-0 í undankeppni
Evrópumóts kvennalandsliða á
laugardag. Með sigrinum treysti
Íslands stöðu sína í öðru sæti rið-
ilsins en Íslendingar eiga í bar-
áttu við Frakka og Rússa um sæti
í lokakeppninni sem fram fer á
Englandi á næsta ári.
Íslenska kvennalandsliðið
mætti ákveðið til leiks og pressaði
það ungverska frá uppafi. Þetta
gaf góða raun og á tólftu mínútu
skoraði Margrét Lára Viðarsdótt-
ir fyrsta markið. Olga Færseth
skoraði annað mark Íslendinga úr
vítaspyrnu fimm mínútum fyrir
leikhlé og bætti við tveimur
mörkum á fyrsta korterinu í síð-
ari hálfleik. Margrét Lára setti
fimmta markið á 62. mínútu.
Eftir sigurinn hafa Íslendingar
þrettán stig í öðru sæti, fimm
stigum meira en Rússar og tveim
stigum minna en Frakkar en Ís-
lendingar eiga eftir að leika við
þessar þjóðir á heimavelli.
Næsti leikur verður við Frakka
á Laugardalsvelli á miðvikudag.
Franska liðið er mjög sterkt enda
í níunda sæti á styrkleikalista
FIFA sem birtur var í mars.
Frakkar áttu þrjá leikmenn í
heimsliðinu sem lék gegn heims-
meisturum Þjóðverja fyrir tíu
dögum í tilefni af 100 ára afmæli
FIFA, varnarmanninn Corinne
Diacre, miðjumanninn Stéphanie
Mugneret-Béghé og sóknarmann-
inn Marinette Pichon. Það bætir
stöðu Íslendinga nokkuð að
Pichon leikur ekki með Frökkum
á miðvikudag. ■
STAÐAN Í 3. RIÐLI
Frakkland 5 5 0 0 22:1 15
Ísland 6 4 1 1 23:6 13
Rússland 5 2 2 1 11:6 8
Ungverjaland 7 1 1 5 6:24 4
Pólland 7 0 2 5 6:31 2
LEIKIR SEM EFTIR ERU
2. júní Ísland - Frakkland
22. ágúst Ísland - Rússland
26. sept. Frakkland - Rússland
3. okt. Pólland - Frakkland
3. okt. Rússland - Ungverjaland
OLGA FÆRSETH OG ÞÓRA HELGADÓTTIR VORU Í SVIÐSLJÓSINU
Olga Færseth, sem skoraði þrennu gegn Ungverjum, faðmar hér markvörðinn Þóru
Helgadóttur en hún varði vítaspyrnu í leiknum.
Æfingalandsleikir gegn Englendingum um hvítasunnuhelgina:
Einn sigur og tvö töp
KÖRFUBOLTI Íslenska kvennalands-
liðið í körfubolta vann einn leik af
þremur gegn stöllum sínum frá
Englandi en liðin léku þrjá leiki
um hvítasunnuhelgina.
Enska liðið vann öruggan sigur
í fyrsta leiknum á föstudaginn en
allt annað íslenskt lið vann annan
leikinn með níu stigum, 85-76, á
laugardag. England vann síðan
nauman sigur, 53-58, í þriðja og
síðasta leiknum sem lauk aðeins
41 tíma eftir að sá fyrsti hófst.
Hildur Sigurðardóttir lék mjög
vel með íslenska liðinu um helg-
ina og skoraði mest eða 14,7 stig
að meðaltali í leik, auk þess að
taka 6,7 fráköst og gefa 4,3
stoðsendingar í leik.
Það munaði reyndar miklu í
síðasta leiknum að stóru stelpurn-
ar, Erla Þorsteinsdóttir og Signý
Hermannsdóttir, voru greinilega
orðnar þreyttar en þær gerðu 65
af 77 stigum sínum í fyrstu tveim
leikjunum en hittu aðeins úr
tveim af 11 skotum sínum í þeim
síðasta.
Varnarleikurinn um helgina
var nokkuð áhyggjuefni fyrir Ívar
Ásgrímsson þjálfara sem þarna
stjórnaði liðinu í fyrsta sinn og
eins var liðið oft að henda boltan-
um frá sér of oft í sókninni.
Sóknarleikurinn gekk þó ágæt-
lega fyrir utan það og sex leik-
menn skoruðu sem dæmi níu stig
eða meira í sigurleiknum.
Enska liðið kom mörgum á
óvart með skynsömum leik og
fastari varnarleik en þær
íslensku eiga að venjast.
Þessir þrír leiki hjálpa íslenska
liðinu örugglega vel í að stilla
strengina fyrir tvö sterk mót í
sumar, Pormotion Cup í Andorra í
júlí og Norðurlandamótið í
Svíþjóð í ágúst. ■
BESTAR HJÁ ÍSLANDI
Flest stig
Hildur Sigurðardóttir 44
Erla Þorsteinsdóttir 41
Signý Hermannsdóttir 36
Flest fráköst
Signý Hermannsdóttir 29
Erla Þorsteinsdóttir 23
Alda Leif Jónsdóttir 20
Hildur Sigurðardóttir 20
Flestar stoðsendingar
Alda Leif Jónsdóttir 13
Hildur Sigurðardóttir 13
Erla Reynisdóttir 9
Flestir stolnir boltar
Alda Leif Jónsdóttir 12
Hildur Sigurðardóttir 7
Flest varin skot
Erla Þorsteinsdóttir 9
Signý Hermannsdóttir 8
HILDUR GÓÐ GEGN ENGLANDI
Hildur Sigurðardóttir lék einkar vel með
íslenska liðinu um helgina og skoraði mest
allra leikmanna liðsins.