Fréttablaðið - 01.07.2004, Blaðsíða 8

8 1. júlí 2004 FIMMTUDAGUR
Dreifing herafla Bandaríkjanna:
Uppstokkun væntanleg
ÞÝSKALAND, AP Bandarísk stjórn-
völd hafa tekið dreifingu herafla
síns til rækilegrar endurskoðun-
ar og munu innan skamms boða
endurskipulagningu í þeim efn-
um.
Stjórnin er að fara yfir stöðu
mála í heiminum í ljósi að-
steðjandi hættu á nýjum stöðum
eftir lok kalda stríðsins. Innan
fárra vikna verður Bandaríkja-
forseta kynnt skýrsla sem legg-
ur til breytta dreifingu herafl-
ans og nýjar áherslur. Í skýrsl-
unni verður kveðið á um hvar
bandarískt herlið verður dregið
til baka eða fært til. Að sögn
bandarískra yfirvalda hafa end-
anlegar ákvarðanir ekki verið
teknar í málinu.
Ekki liggur fyrir hverjar
helstu breytingar verða en lík-
legt þykir að þær verði í Evrópu.
Í byrjun júnímánaðar var til-
kynnt að tveim herdeildum í
Þýskalandi yrði skipt út fyrir fá-
mennara lið sem auðveldara er
að færa á milli staða. Líklegt
þykir að Tyrkland verði ný mið-
stöð fyrir herafla Bandaríkj-
anna utan heimalandsins, en
þaðan er auðvelt að flytja menn
og vopn til Miðausturlanda.
Bandarísk stjórnvöld fullyrða
að ekki eigi að draga herlið burt
úr Evrópu. ■
Þjóðarbókhlaðan
lokuð á kvöldin
Formaður Stúdentaráðs segir styttri afgreiðslutíma Þjóðarbókhlöðunn-
ar bakslag fyrir baráttu stúdenta fyrir betri aðgangi að Háskólanum.
Rektor segir þjónustu aukast og Háskólann spara þrettán milljónir.
MENNTAMÁL Afgreiðslutími Þjóðar-
bókhlöðunnar verður styttur
næsta haust vegna sparnaðarað-
gerða Háskóla Íslands. Formaður
stúdentaráðs segir skertan af-
greiðslutíma á næsta skólaári al-
gerlega óásættanlega niðurstöðu.
Páll Skúlason, rektor Háskóla Ís-
lands, segir ekki ætlunina að
skerða þjónustu við nemendur
heldur auka hana.
„Við ætlum að opna húsnæði
Háskólans fyrir nemendur og
veita þeim þar vinnuaðstöðu utan
kennslutíma miklu meira en við
höfum getað gert
til þessa,“ segir
Páll. Það hafi ver-
ið erfitt þar sem
öryggiskerfi hafi
skort en það sé nú
komið í lag. „Þetta
er miklu ódýrari
og hagkvæmari
leið fyrir okkur til
þess að veita nem-
endunum vinnu-
aðstöðu heldur en
að greiða fjórtán
milljónir til bóka-
safnsins.“ Páll
segir kostnað við
aukinn opnunar-
tíma bygginga
Háskólans kosta
rúma eina milljón
króna.
Jarþrúður Ás-
mundsdóttir, for-
maður Stúdentaráðs, segir ljóst að
Háskóla Íslands munar um þrett-
án milljónir. „Að gera þetta svona
er þvílíkt bakslag í okkar baráttu.
Það má spyrja sig að því í hvað
peningarnir eigi að fara. Ég veit
að það á eftir að klára ýmsa
skrautmuni og skrautgrindur á
Náttúrufræðihúsið og að það
muni kosta um 20 milljónir. Ég
veit að það er verið að íhuga að
setja þær upp en það er ekkert
verið að spá í það hvort stúdentar
þurfi sína lesaðstöðu á kvöldin.“
Páll segir að aðgangurinn að
öðrum byggingum Háskólans
verði ekki óheftur. „Hann verður
alla vega jafnrúmur ef ekki rýmri
en hefur verið á bókasafninu.“
Páll segist vonast til þess að geta
veitt fleiri nemendum lestrarað-
stöðu við Háskólann.
Jarþrúður segir mikla eftir-
spurn eftir lesrýmum á kvöldin og
ekki nóg pláss í byggingum Há-
skólans. Þjóðarbókhlaðan sé besta
lesaðstaða skólans og ótækt að
henni verði lokað á kvöldin.
gag@frettabladid.is
BRYNDÍS HARÐARDÓTTIR
Notar Þjóðarbókhlöðuna mikið. Hún segir
aðra aðstöðu ekki sambærilega.
Styttri afgreiðslutími:
Afturför
MENNTAMÁL „Þetta er mikil aftur-
för,“segir Bryndís Harðardóttir,
annars árs nemi í hagfræði, um
styttri afgreiðslutíma Þjóðarbók-
hlöðunnar. „Lokunin hefur rosa-
lega slæm áhrif.“
Bryndís segir að Oddi sé bygg-
ing viðskipta- og hagfræðideildar.
„Þar er ekki góð aðstaða til að lesa
og einbeita sér í ró og næði. Þetta
er eins og félagsmiðstöð.“ Bryn-
dís segir að nemendur hafi barist
fyrir því að halda byggingunni op-
inni fram á kvöld undanfarin ár.
„Nú er þetta tekið til baka.“ ■
Sjö milljarða króna halli:
Viðskiptahalli
við útlönd
HAGSTOFAN Halli var á vöruviðskipt-
um við útlönd um 3.768 milljónir
króna í maí síðastliðnum. Í apríl í
fyrra voru viðskiptin óhagstæð um
1.773 milljónir á sama gengi.
Fyrstu fimm mánuði ársins var
sjö milljarða króna halli á vöruvið-
skiptum við útlönd en í fyrra var
hann hagstæður um 2,4 milljarða.
Útflutningur jókst um 4,4 prósent
fyrstu fimm mánuðina en innflutn-
ingur um 16,8 prósent á sama gengi.
Af 13,6 milljarða króna aukningu á
innflutningi fyrstu fimm mánuði
ársins er helmingur aukinn inn-
flutningur á fjárfestingavörum og
flutningatækjum. ■
GUNNAR PÁLL BALDVINSSON
Segir menn vana skertri þjónustu í Háskól-
anum.
Styttri afgreiðslutími:
Orðinn vanur
MENNTAMÁL „Þetta er skert þjónusta
sem er hugsanlega eitthvað sem
menn eru orðnir vanir hér í skólan-
um,“ segir Gunnar Páll Baldvinsson
sem lokið hefur stjórnmála- og
sagnfræði og hefur nám í lögfræði
næsta haust.
„Húsnæðismál Háskólans hafa
verið fremur fáránleg. Háskólinn
hefur verið að byggja í öðrum til-
gangi en til að þóknast nemendum
sínum. Oddi, flaggskip Háskólans í
lesaðstöðu, er byggður til að lista-
verkin sjáist betur og Náttúru-
fræðihúsið er fremur hannað sem
andlit Vatnsmýrarinnar út á við
frekar en að þar sé verið að rýma
fyrir lesaðstöðu.“ ■
ARI TÓMASSON
Segir að aðstaðan í byggingum Háskólans
sé ekki alls staðar eins góð og í Þjóðar-
bókhlöðunni.
Styttri afgreiðslutími:
Mjög slæmt
MENNTAMÁL „Mér finnst þetta mjög
slæmt,“ segir Ari Tómasson verk-
fræðinemi um styttri afgreiðslu-
tíma Þjóðarbókhlöðunnar. Ari segir
að skólayfirvöld séu í raun að viður-
kenna að lengur þyrfti að vera opið
með því að hafa opið einn dag í viku
til tíu. „Mér finnst mjög skrítið að
það sé búið að eyða öllum þessum
peningum og árum í að reisa Þjóðar-
bókhlöðuna og síðan er ekki hægt að
nota hana sem skyldi. Mér finnst
þetta sóun á fjármagni.“ ■
SIGRÍÐUR DÖGG GUÐMUNDSDÓTTIR
Sigríður segir aðstöðu fatlaðra nemenda
miklu betri í Þjóðarbókhlöðunni en öðrum
Háskólabyggingum.
Styttri afgreiðslutími:
Gegn lögum
MENNTAMÁL Sigríður Dögg Guð-
mundsdóttir, nemi í stjórnmála-
fræði, segir ekki nógu gott að hafa
aðeins aðgang að Odda vegna styttri
afgreiðslutíma Þjóðarbókhlöðunnar.
„Þetta er engan veginn sambærileg
aðstaða. Þar er ekki sami friður.“
Sigríður segir að tilhneigingin
hjá öðrum háskólum landsins hafi
verið að opna sínar byggingar. „Á
sama tíma er verið að draga úr
þjónustu við nemendur Háskóla Ís-
lands. Það er bagalegt,“ segir Sig-
ríður. „Í 7. grein laga um Þjóðarbók-
hlöðuna segir að hún eigi að stuðla
að frumkvæði og sjálfstæði nem-
enda í námi. Þetta gengur beint
gegn því.“ ■
,,„Þetta er
miklu ódýr-
ari og hag-
kvæmari
leið fyrir
okkur til
þess að
veita nem-
endunum
vinnuað-
stöðu held-
ur en að
greiða fjórt-
án milljónir
til bóka-
safnsins.“
SVONA ERUM VIÐ
ALDURSGREIND
INTERNETSNOTKUN 2004
Aldur
Allir: 82%
16-24 ára: 98%
25-34 ára: 95%
35-44 ára: 90%
45-54 ára: 83%
55-64 ára: 64%
65-74 ára: 34%
Hlutfall þeirra sem notað hafa Internetið
síðustu 12 mánuði.
Heimild: Hagtíðindi Hagstofu
Íslands, 25. júní 2004.
Fjölmennt og Geðhjálp skora á ráðherra:
Öllum hefur
verið sagt upp
MENNTAMÁL Öllum kennurum og
starfsfólki samstarfsverkefnis Fjöl-
menntar og Geðhjálpar um menntun
og starfsendurhæfingu geðsjúkra
hefur verið sagt upp störfum, að því
er fram kemur í frétt frá Geðhjálp.
Yfir 100 einstaklingar hafa nú beðið
í óvissu um nokkurra mánaða skeið
um afdrif menntunar sinnar og
starfsendurhæfingar í haust, að því
er fram kemur. Þetta ástand hefur
skapað öryggisleysi hjá nemendum,
kennurum og aðstandendum.
Enn hefur ekki verið tryggð
fjárveiting til verkefnisins þrátt
fyrir viðurkenningu á mikilvægi
þess. Í ljósi yfirlýsts velvilja ofan-
greindra ráðherra ríkisstjórnar Ís-
lands og viðurkenningar þeirra á
þessari starfsemi hvetur stjórn
Geðhjálpar menntamálaráðherra,
félagsmálaráðherra og heilbrigðis-
og tryggingamálaráðherra til að
tryggja tafarlaust framtíð sam-
starfsverkefnis Fjölmenntar og
Geðhjálpar. ■
FRÁ ÍRAK
Horft er til Miðausturlanda við endurskipulag á dreifingu heraflans.
ÞJÓÐARBÓKHLAÐAN
Safnið verður opið á mánudögum, þriðjudögum og fimmtudögum til klukkan sjö á kvöld-
in. Til tíu eins og áður á miðvikudögum og til klukkan fimm aðra daga vikunnar. Safnið
var opið fjögur kvöld í viku til tíu á kvöldin en styttra á föstudögum og um helgar.