Fréttablaðið - 03.07.2004, Blaðsíða 16
Tvö þúsund ókeypis
teiknimyndasögur
Á þessum degi fyrir 33 árum fannst
Jim Morrison látinn í baðkeri í París.
Morrison var þá 27 ára og hafði á
þeim tíma ákveðið að taka sér nokkra
hvíld frá hljómsveit sinni The Doors.
Dánarorsök var hjartabilun, líklega
vegna ofneyslu áfengis og eiturlyfja,
og sögusagnir fóru strax af stað um
að söngvarinn hefði verið orðinn
þreyttur á frægð sinni og því sett eig-
in dauða á svið.
Það var þegar Jim var í námi í
kvikmyndagerð við UCLA, sem hann
kynntist hljómborðsleikaranum Ray
Manzarek, sem stakk upp á því að
þeir reyndu að semja tónlist við ljóð
Jims. Saman stofnuðu þeir hljóm-
sveitina The Doors ásamt gítarleikar-
anum Robbie Krieger og trommaran-
um John Densmore. Nafnið á hljóm-
sveitinni kemur frá bók Aldous
Huxley um ofskynjunarlyfið meska-
lín, The Doors of Perception, en nafn-
ið á bókinni kemur úr ljóðlínu eftir
William Blake.
Hljómsveitin byrjaði að spila á
litlum klúbbum í Los Angeles árið
1965 en leiðin lá smátt og smátt upp á
við. Fyrsta platan, The Doors, náði
toppi vinsældalistans vestanhafs árið
1967 ásamt smáskífunni Light My
Fire og gengi næstu platna var ekki
síðra. Jim var handtekinn í Miami
vorið 1969 fyrir ósæmilega hegðun á
sviði og leiddi það til langvinnra
málaferla sem lauk með drjúgri fjár-
sekt. Tónleikahaldarar urðu í fram-
haldi tregir til að fá hljómsveitina til
að troða upp, þar sem þeir gátu aldrei
vitað á hverju þeir áttu von.
Á síðustu árum 7. áratugarins fór
Jim að gefa út ljóðabækur og fram-
leiddi stutta kvikmynd. Hann flutti
svo til Parísar árið 1971 eftir að upp-
tökum lauk á síðustu plötu The Doors,
L.A. Woman. Fáir aðrir en kona hans
og ónefndur franskur læknir sáu líf-
lausan líkama hans, sem varð upp-
spretta margra sögusagna um að
hann hefði ekki í raun látist. ■
JIM MORRISON
Sumir telja hann snilldartextahöfund, aðrir
telja að hann hafi fyrst og fremst verið
dópisti og fyllibytta.
Finnst látinn í baði
,,Í síðustu viku tók ég þátt í frum-
sýningu Fame á fimmtudeginum,
sýndi svo á föstudeginum,” segir
leikarinn Ívar Örn Sverrisson. “Á
laugardeginum fór ég á leiklist-
arhátíð í Þýskalandi með leik-
verkið Pabbastrák eftir Hávar
Sigurjónsson sem sýnt var í Þjóð-
leikhúsinu. Viðtökurnar voru
mjög góðar. Leikritið var á ís-
lensku en það var túlkur inni í
litlu hamstrabúri sem dældi text-
anum út á þýsku til þeirra sem
vildu í gegnum heyrnartól.” Ívar
fór einnig á afar sérstaka rúss-
neska leiksýningu þar sem allur
textinn var rappaður á rússnesku
í klukkutíma. “Það voru tveir
leikarar og einn DJ. Ég ákvað að
taka sýninguna frekar beint í æð
en að hlusta á túlkinn. Því miður
gat ég ekki skilið hvað þeir sögðu
en ég hitti nokkra Rússa eftir
sýninguna sem útskýrðu fyrir
mér söguþráðinn. Nú nýt ég þess
bara að vera kominn í æfinga-
leyfi frá Fame, það er búin að
vera mikil törn. Maður verður að
passa sig á því að gefa ekki það
mikið af sér á sviðinu að ekkert
verði eftir til að rækta fjölskyld-
una og einkalífið.“ ■
Frumsýning á Fame
16 3. júlí 2004 LAUGARDAGUR
■ AFMÆLI
■ JARÐARFARIR
■ ANDLÁT
TOM CRUISE
Leikarinn og hjartaknúsarinn sem kannski
er ekki stór í sentimetrum talið en samt
ein stærsta Hollywoodstjarna samtímans
er 42 ára í dag.
3. JÚLÍ
Baldur Bjarnason knattspyrnumaður er
35 ára.
Gabríela Kristín Friðriksdóttir myndlist-
arkona er 33 ára.
Marsibil Jóna Sæmundsdóttir vara-
borgarfulltrúi er 30 ára.
Jón Þór Bjarnason, Æsufelli 2, Reykja-
vík, lést miðvikudaginn 30. júní.
Jónas Þór Klemensson lést laugardag-
inn 19. júní. Útför hefur farið fram í kyrr-
þey.
Tyrfingur Sigurðsson byggingarmeistari,
Sunnubraut 6, Kópavogi, lést miðviku-
daginn 30. júní.
Vignir Norðdahl, Dalsbyggð 20, Garða-
bæ, lést þriðjudaginn 22. júní. Útför hef-
ur farið fram í kyrrþey.
13.00 Árni Eiríkur Árnason, Svíþjóð,
verður jarðsunginn frá Grindarvík-
urkirkju.
13.30 Eyjólfur Hannesson bóndi,
Núpsstað, verður jarðsunginn frá
Bænhúsinu á Núpsstað.
14.00 Jón Arngrímsson, Árgilsstöðum,
verður jarðsunginn frá Breiðabóls-
staðarkirkju í Fljótshlíð.
14.00 Sigrún Pálsdóttir, Svínafelli, Ör-
æfum, verður jarðsungin frá Hofs-
kirkju í Öræfum.
„Við ætlum að gefa tvö þúsund
myndasögublöð í dag,“ segir Pét-
ur Yngvi Yamagata í versluninni
Nexus en tilefnið er alþjóðlegi
dagurinn „Free comic book day“
eða „dagur ókeypis teiknimynda-
sagna“. Dagurinn hefur verið
haldinn hátíðlegur síðastliðin þrjú
ár og í dag ætla myndasöguversl-
anir um allan heim að gefa fólki
fleiri milljónir af nýjum teikni-
myndasögum. En þessi dagur hef-
ur það að markmiði að kynna
myndasöguflóru 21. aldarinnar
fyrir sem flestum og vinna gegn
stöðluðum hugmyndum um hvað
teiknimyndasögur eru.
Ísland tók í fyrsta sinn þátt í al-
þjóðlega teiknimyndasögudegin-
um í fyrra. „Þá heimsóttu fleiri
hundruð manns okkur hingað í
Nexus og við fengum íslenska
myndasöguteiknara til að halda
sýningu á verkum sínum í búðinni
en auk þess gáfum við fleiri þús-
undir teiknimyndasagna. Í ár höf-
um við gefið út sérstakt blað sem
nefnist Fabulous. Þar velja ís-
lenskir spekúlantar fimm bestu
teiknimyndasögur hinna og þess-
ara landa og blaðið gefur góða
mynd af menningunni sem ríkir í
þessum blöðum.“
Pétur segir teiknimyndasög-
urnar vera framúrstefnulegan
frásagnarmiðil. „Við seljum allt
frá Spider-Man til japanskra ást-
arsagna,“ segir Pétur en vin-
sælasta efnið í búðinni er einmitt
ástarsögurnar japönsku. „Það
jafnast ekkert á við japanskan
húmor en flokkurinn sem við selj-
um mest af nefnist Shounen-ai.
Þetta eru blöð eftir japanskar
konur en sögurnar fjalla um ástir
samkynhneigðra karlmanna og
eru svona Will og Grace með
japönskum húmor.“
Í þeim tvö þúsund blöðum sem
verða ókeypis í Nexus í dag kenn-
ir ýmissa grasa. „Blöðin byggjast
sum hver á kvikmyndum, sjón-
varpsþáttunum 24 og svo gefum
við blöð með japönskum ástarsög-
um og gömlu hasarmyndahetjun-
um svo eitthvað sé nefnt. Blaðið
Fabulous er líka ókeypis og því
hefur verið dreift víðs vegar um
höfuðborgina.“
Alli eru velkomnir í Nexus
klukkan tvö í dag til að kynna sér
teiknimyndasögumenninguna og
þiggja ókeypis blöð. ■
TEIKNIMYNDASÖGUR
NEXUS
■ Tvö þúsund teiknimyndasögublöð
verða gefin í Nexus í dag í tilefni af degi
ókeypis teiknimyndasagna.
VIKAN SEM VAR
ÍVAR ÖRN SVERRISSON
LEIKARI
■ Fór á leiklistarhátíð og sá verk rappað
á rússnesku.
3. JÚLÍ 1971
JIM MORRISON
■ Deyr í París.
DAGUR ÓKEYPIS MYNDASAGNA
Pétur í Nexus segir japanskar ástarsögur í anda Will og Grace-þáttanna vera vinsælustu teiknimyndasögurnar um þessar mundir.
Fyrir hönd ættingja, Þóra S Bjarnadóttir.
Útför hans fer fram frá Hrunakirkju, þriðjudaginn 6. júlí kl.14.00.
Jarðsett verður í heimagrafreit.
GUÐMUNDUR EINARSSON
Fyrrum bóndi í Reykjadal
andaðist þann 27. júní
á Heilsustofnun Suðurlands.
Útförin hefur farið fram í kyrrþey að ósk hinnar látnu.
Guðrún Bára Jónsdóttir, Magnús Einarsson, Svandís Jónsdóttir, Leif
Österby, Ástríður Helga Jónsdóttir, Sævar Snorrason og afkomendur.
Ástkær móðir okkar, tengdamóðir, amma, langamma og langalangamma
HELGA INGIBJÖRG ÁGÚSTSDÓTTIR
frá Urðarbaki V-Hún
lést 20.júní.
ÍVAR ÖRN SVERRISSON
Lék í Pabbastrák í
Þýskalandi eftir frum-
sýningu á Fame.