Fréttablaðið - 11.07.2004, Blaðsíða 2
2 11. júlí 2004 SUNNUDAGUR
LÖGREGLUMÁL Afríska stúlkan sem
handtekin var í Leifsstöð eftir að
mikið magn kókaíns fannst á henni
við leit dvelur nú á sjúkrahúsi þar
sem beðið verður þess að þau rúm-
lega 300 grömm af kókaíni sem
fannst innvortis við röntgen-
myndatöku skili sér. Mun stúlkan
verða yfirheyrð frekar í framhaldi
af því en ekkert er enn vitað um
fyrir hvern hún starfaði eða hvert
hún ætlaði sér með efnin.
Talið er líklegt að alþjóðlegir
glæpahringir standi að baki komu
tveggja afrískra kvenna hingað til
lands með mikið magn fíkniefna.
Er það í samræmi við reynslu ná-
grannaríkja Íslands og virðist
fara vaxandi að glæpasamtök noti
sárfátækt fólk frá þriðjaheims-
ríkjum til að flytja hörð fíkniefni
milli landa. Stúlkan sem hand-
tekin var í gær er frá Nígeríu en
sú sem handtekin var í júní með
fimm þúsund e-töflur reyndist
vera frá Sierra Leone. ■
Alnæmisfaraldurinn
heftir framþróun ríkja
Framtíð fjölmargra ríkja er dökk samkvæmt nýrri skýrslu ef ekki tekst
að koma í veg fyrir frekari útbreiðslu alnæmis. 50 milljónir á vinnu-
færum aldri deyja úr sjúkdómnum fyrir árið 2010.
HEILBRIGÐISMÁL Alþjóðavinnu-
málastofnunin gerir ráð fyrir að
allt að 50 milljón manns á vinnu-
færum aldri muni láta lífið úr al-
næmi á næstu fimm árum. Telur
stofnunin að slíkt eigi eftir að
hafa alvarleg efnahagsleg áhrif
víða um heim og telur mjög
brýnt að auka baráttuna gegn
þessum skæða faraldri hið
fyrsta.
Þetta kemur fram í nýrri ítar-
legri skýrslu stofnunarinnar
sem birt er í dag en þá hefst í
Bankok í Taílandi ráðstefna
fjölda alþjóðlegra stofnana um
alnæmi og þau áhrif sem sjúk-
dómurinn hefur. Í skýrslunni er
sérstaklega litið til þeirra áhrifa
sem alnæmisfaraldurinn getur
haft á atvinnulíf margra þjóða
og er niðurstaðan sú að þessi
gríðarlegi fjöldi sé ekki ein-
göngu hræðilegur harmleikur
heldur einnig að vel sé hugsan-
legt að slíkt geti heft til muna
alla þjóðfélagslega og efnahags-
lega þróun í mörgum löndum.
Tekur skýrslan til 50 landa og
sýnir að í dag eru rúmar 36
milljónir atvinnufærra manna
sýktar. Um aldurshópinn 15 til
49 ára er að ræða enda er það sá
hópur að mati Alþjóðavinnu-
málastofnunarinnar sem vinnur
hvað mest og skilar hvað mestu
til þjóðarbúsins.
Alvarlegast þykir að heilum 24
árum eftir að sjúkdómurinn fyrst
uppgötvaðist er baráttan við far-
aldurinn á fallandi fæti og ekki er
nóg að gert í rannsóknarvinnu til
að lækna eða á annan hátt sporna
við þessari þróun. Staðreyndin sé
sú að sífellt minni fjármunum sé
veitt til forvarnarstarfa um heim
allan þrátt fyrir að fjöldi
smitaðra aukist.
Alþjóðavinnumálastofnunin
segir ástandið langverst í Afríku
en þar búa langflestir þeir sem
smitaðir eru af HIV-veirunni.
Bendir stofnunin á að þegar hafi
sjúkdómurinn haft mikil efna-
hagsleg áhrif á fjölda landa í álf-
unni og geri þeim enn erfiðara
um vik að brjótast úr þeim bönd-
um fátæktar sem einkennir
mörg afrísk ríki. Sömu sögu má
segja af Asíu en tilfelli eru þó
mun færri og hafa því ekki haft
jafn eyðileggjandi áhrif og
raunin er í Afríku.
albert@frettabladid.is
Vinnuslys í Reykjavík:
Féll af
svölum
LÖGREGLUFRÉTTIR Maður hrapaði
ofan af svölum nýbyggingar við
Þorláksgeisla í Grafarholti
seinnipart gærdags. Fallið var
þrír til fimm metrar og lenti
hann á höfðinu.
Maðurinn var fluttur á slysa-
deild Landspítala - háskólasjúkra-
húss. Samkvæmt vakthafandi
lækni er maðurinn nokkuð slasaður
en líðan hans er stöðug. Hann þarf
að gangast undir aðgerð.
Lögreglan rannsakar málavexti
og starfsmaður Vinnueftirlits
ríkisins var kallað á staðinn til að
meta hvort skort hafi á öryggis-
búnað. Þeirri vinnu er ekki lokið. ■
Rannsóknir á sólvörnum:
Ekki allt
sem sýnist
HEILBRIGÐI Margar af þeim tegund-
um sólarvarna sem seldar eru á
Vesturlöndum og lofa neytandan-
um vörn gegn geislum sólarinnar
virka ekki
eins og lofað
er og veita
þannig fólki
falskt öryggi.
Þetta er niður-
staða rann-
sóknart íma-
ritsins Which!
sem er frétta-
blað bresku
neytendasam-
takanna.
Í ljós kom að í mörgum tilfellum
var ekki að marka þær upplýsingar
sem framleiðandi gaf og auglýsti
vöru sína með. Fundið var að því að
sú sólvörn sem lofuð var á umbúð-
um var oft minni en gefið var til
kynna. Því hærri sem sólvörnin er
(SPF) því betur verndar hún hör-
und fólks. Þannig reyndist sólvörn
númer 30 í raun aðeins 25 og veitti
því minni vörn en ella. Skipti litlu
máli hvort um var að ræða þekktar
eða óþekktar tegundir í þessu
tilliti. ■
■ LÖGREGLUFRÉTTIR
„Nei, þetta var falleg vippa.
Hef gert þetta áður.“
Sævar Þór Gíslason skoraði jöfnunarmark Fylkis
gegn KR í Landsbankadeildinni í gær með skoti
utan af kanti sem leit í fyrstu út fyrir að vera fyrirgjöf.
SPURNING DAGSINS
Sævar, átti þetta ekki vera sending?
Þrjú sveitarfélög
fyrir austan:
Sameining
á döfinni
SVEITARSTJÓRNARMÁL Líklegt þykir
að þrjú sveitarfélög á Fjótsdals-
héraði fyrir austan land, Austur- og
Norður-Héruð
og Fellahreppur,
verði sameinuð
innan tíðar. Var
það samþykkt á
sérstökum fundi
svei tarst jórn-
anna í fyrra-
kvöld en íbúar á
þessum svæðum
samþykktu sam-
einingu í kosningum sem fóru fram
á sama tíma og kosið var til forseta
lýðveldisins. Sameining var hins
vegar felld af íbúum Fljótsdals-
hrepps með talsverðum mun. ■
Bannað að veita tryggðarafslætti:
Síminn ósammála
Samkeppnisstofnun
BÚÐARHNUPL Í REYKJAVÍK Lög-
reglan hafði afskipti af fjórum
sem kærðir voru fyrir búðarhnupl
síðdegis í gær. Einn þeirra ágir-
ntist grillost sem kostaði 285 krón-
ur. Einn góðkunningja lögreglunn-
ar var einnig á ferð í verslun og
var nappaður með fullan poka af
dvd-myndum og geisladiskum að
verðmæti 50 þúsund krónur.
ÞRÍR ÁREKSTRAR Þrjú umferðar-
óhöpp urðu í umdæmi Selfosslög-
reglu í gær. Tveir árekstrar urðu
innanbæjar á Selfossi og einn í
Hveragerði. Enginn slasaðist og
bílarnir eru ekki mikið skemmdir.
EITT ÚTKALL SLÖKKVILIÐS Til-
kynnt var um eld í dekkjum í
Klettagörðum klukkan þrjú í gær.
Þegar slökkvilið höfuðborgarsvæð-
isins kom á staðinn var eldurinn
enginn og engin ummerki. Tals-
maður slökkviliðsins segir baga-
legt þegar útköll sem þessi berist
því komi upp eldur meðan bílar
slökkviliðsins sinni fölskum útköll-
um dragi það úr snerpu þeirra.
SAMKEPPNISMÁL Eva Magnúsdótt-
ir, upplýsingafulltrúi Símans,
segir fyrirtækið ósammála nið-
urstöðu Samkeppnisstofnunar
sem úrskurðaði til bráðabirgða
að Síminn hafi brotið samkeppn-
islög. „Með afsláttarkjörunum
hafi fyrirtækið einfaldlega verið
að mæta hliðstæðum afsláttar-
kjörum sem tíðkast hafi um
nokkurt skeið hjá helsta sam-
keppnisaðilanum, OgVodafone.“
Síminn uni þó bráðabirgða-
ákvörðuninni og bíði endanlegri
niðurstöðu samkeppnisráðs.
Eva segir Símann telja sér
heimilt að taka þátt í virkri sam-
keppni með hliðsjón af sterkri
markaðsstöðu beggja fyrirtækj-
anna. Síminn hafi 60% markaðs-
hlutdeild en OgVodafone 40% á
landsvísu. „Önnur niðurstaða
leiðir til lakari kjara fyrir neyt-
endur og fer þ.a.l. gegn markmiði
og tilgangi samkeppnislaga.“
Forsvarsmenn OgVodafone
kærðu Símann til Samkeppnis-
stofnunar 4. júní og úrskurðaði
hún til bráðabirgða á föstudag að
með auglýsingaherferðinni „Allt
saman hjá Símanum“ væri verið
að bjóða tryggðarafslætti sem
markaðsráðandi fyrirtækjum er
bannað að gera. ■
TOLLVÖRÐUR Í LEIFSSTÖÐ
Stúlkan sem handtekin var í Leifsstöð
með kókaín innanklæða:
Beðið eftir að
efnin skili sér
VARÐ FYRIR FLUGVÉL Tæplega
áttræð kona lést þegar hún varð
fyrir flugvél. Konan var að hjóla
yfir flugbraut á fáförnum flug-
velli þegar eins hreyfils flugvél
kom inn til lendingar og lenti á
henni. Flugbrautin er alla jafna
opin almennri umferð en hlið
eiga að loka sjálfkrafa fyrir
umferð þegar flugvélar eiga
leið þar um.
FARÞEGUM FJÖLGAR Stærsta
lággjaldaflugfélag Evrópu, Easy-
Jet, segir 2,24 milljónir farþega
hafa flogið með flugfélaginu í síð-
asta mánuði. Það er 28 prósentum
meira en í júní í fyrra.
■ EVRÓPA
DÁNARTÍÐNI EYÐNISMITAÐRA Á
VINNUMARKAÐINUM TIL 2010
Á ári hverju 10 milljónir manna
Á mánuði 840 þúsund manns
Á viku 210 þúsund manns
Á degi 30 þúsund manns
Á klukkustund 1.250 manns
Á mínútu 20 manns
LANGT LEIDDUR
Þrátt fyrir 20 ára baráttu við einn skæðasta sjúkdóm sem mannkynið hefur séð eykst jafnt
og þétt þeim tilfellum smitaðra sem uppgötvast. Engin lyf hafa enn komið fram
sem eru bæði áhrifarík og ódýr.
EVA MAGNÚSDÓTTIR
Upplýsingafulltrúi Símans segir fyrirtækið
ósammála niðurstöðu Samkeppnis-
stofnunar sem úrskurðaði að Síminn hefði
að öllum líkindum brotið samkeppnislög.
VARLEGA Í
SÓLINNI
Sterk sólvörn er að lík-
indum ekki eins sterk
og kaupandinn heldur
sig fá.
SAMEINING
FRAMUNDAN
Íbúar Austur-Héraðs,
Norður-Héraðs og
Fellahrepps samþykktu
sameiningu nýlega.