Fréttablaðið - 13.07.2004, Blaðsíða 2

2 13. júlí 2004 ÞRIÐJUDAGUR
Fundað í sjávarútvegsráðuneytinu í dag um Sval-
barðadeiluna:
Kynna sér sjónarmið
útvegsmanna
FISKVEIÐIDEILA Sjávarútvegsráð-
herra mun í dag funda með for-
svarsmönnum Landssambands ís-
lenskra útvegsmanna vegna deil-
na íslenskra og norskra stjórn-
valda um fiskveiðiréttindi kring-
um Svalbarða. Tæp vika er síðan
annar slíkur fundur átti sér stað
vegna sama máls með þátttöku
fleiri ráðuneyta en ekki fæst upp-
lýst um hvað fundurinn er í þetta
sinn. Aðstoðarmenn sjávarútvegs-
ráðherra segja að um hefðbund-
inn fund sé að ræða til að kynnast
sjónarmiðum LÍÚ í málinu.
„Ég veit ekkert hvað þeir vilja
en sjónarmið okkar hafa legið
fyrir í mörg ár,“ segir Friðrik J.
Arngrímsson, framkvæmdastjóri
LÍÚ. Hann hefur verið manna
harðastur í gagnrýni á Norðmenn
vegna þessa máls enda segir hann
að um mikið hagsmunamál sé að
ræða fyrir íslensku þjóðina. Hef-
ur hann fyrir hönd síns félags
ítrekað óskað eftir því að stjórn-
völd stefni Norðmönnum fyrir al-
þjóðlega dómstóla þar sem Norð-
menn hafi engan rétt til að tak-
marka veiðar við Svalbarða eins
og þeir telja þó sjálfir. Telur
Friðrik að slík lögsókn verði til
þess að þeir bakki með kröfur sín-
ar enda séu forsendurnar sem
þeir gefa sér afar hæpnar. ■
Helmingur sáttur
ef herinn færi
Rúmlega helmingur landsmanna yrði ósáttur við að herinn færi úr landi
samkvæmt skoðanakönnun Fréttablaðsins. Formaður Vinstri grænna
segir áróður stjórnvalda um nauðsyn landvarna hafa mistekist.
VARNARLIÐIÐ Tæplega 53 prósent
þeirra sem tóku afstöðu í könnun
Fréttablaðsins sögðust verða
ósáttir ef Bandaríkjamenn færu
með herinn burt úr landi. Rúm-
lega 47 prósent sögðu að þeir yrðu
sáttir við það.
Þegar þeir sem tóku ekki af-
stöðu eru teknir í reikninginn eru
40,8 prósent ósáttir við að varnar-
liðið fari úr landi, 36,7 prósent eru
sátt en 22,6 prósent tóku ekki af-
stöðu. Könnunin var gerð föstu-
daginn 9. júlí.
Karlmenn eru áberandi sáttari
en konur við brottför hersins mið-
að við þá sem tóku afstöðu; 53,8
prósent karla sögðust sáttir við að
herinn færi en aðeins 40,9 prósent
kvenna voru sama sinnis. Þá er
merkjanlegur munur milli lands-
byggðar og höfuðborgarsvæðisins.
Á landsbyggðinni sögðust 57,4 pró-
sent vera ósátt við að herinn færi
en 42,6 prósent voru sáttir við það.
Á höfuðborgarsvæðinu voru 49,6
prósent ósáttir við brotthvarf
hersins en 50,4 prósent sáttir.
Steingrímur J. Sigfússon, for-
maður Vinstri grænna, segir þetta
vera mikil tíðindi. „Það eru veru-
lega ólík viðhorf með þjóðinni en
ráðandi öfl hafa haldið fram.
Flestir flokkar hafa haldið fram
linnulausum áróðri um nauðsyn
hersetunnar, en greinilega mis-
tekist að fá þjóðina með sér.“
Steingrímur segir sífellt fleiri sjá
engan tilgang með veru varnar-
liðsins hér. Þá telur hann utanrík-
isstefnu Bandaríkjanna líka skip-
ta máli. „Stríðsrekstur Bandaríkj-
anna og fylgifiska þeirra hafa
ekki aukið álit fólks á stefnu hern-
aðarhaukanna og ég efast ekki um
að menn sjái samhengi þarna á
milli.“
Einar K. Guðfinnsson, þing-
flokksformaður Sjálfstæðis-
flokksins, segir það jákvætt að
meirihluti þjóðarinnar hafi skiln-
ing á gildi þess að halda uppi öfl-
ugum loftvörnum, en telur að
margir segjast sáttir þó að herinn
fari sökum ergelsis í garð Banda-
ríkjamanna, fyrir að hafa sent
óskýr skilaboð fram til þessa.
Hann trúir að fylgismönnum
varnarliðsins hér á landi eigi eftir
að fjölga þegar varnarmálin hafa
verið leidd til lykta.
Í skoðanakönnun Fréttablaðs-
ins var spurt: Værir þú sátt(ur)
eða ósátt(ur) ef Bandaríkjamenn
færu með herinn úr landi? Hringt
var í 800 manns og tóku 77,4 prós-
ent afstöðu.
bergsteinn@frettabladid.is
Prestaskóli í Austurríki:
Mikið magn af
barnaklámi
VÍN, AP Mikið magn af barnaklámi
fannst í kaþólskum prestaskóla í Aust-
urríki. Skólinn er staddur skammt frá
höfuðborginni Vín. Einnig fundust
myndir af ungum prestum að hafa
kynmök.
Frammámenn í biskupsdæminu
boðuðu til neyðarfundar í gær en
margir hafa krafist þess að biskupinn
á svæðinu segi af sér. Fyrir ári síðan
fundust um 40 þúsund myndir sem
margar innihéldu barnaklám í öðrum
prestaskóla í Austurríki. Biskuparáðið
í Austurríki hefur farið fram á lög-
reglurannsókn og segir að hvorki
barnaklám né samkynhneigð eigi að
finnast í kaþólskum prestaskólum. ■
MIKIL HÆKKUN OLÍUVERÐS
Erlendis hefur bensínverð hækkað til
muna undanfarið og nú hafa tvö íslensku
olíufélaganna hækkað sín verð.
Olíuverð hækkað um tugi
prósenta erlendis:
Hækkun hjá
Olís og Esso
NEYTENDUR Esso og Olís hækkuðu í
gærdag verð á 95 oktana bensíni
um tvær krónur á lítra en aðrir
söluaðilar höfðu ekki hækkað sín
verð þegar Fréttablaðið fór í
prentun í gærkvöld. Ástæða
hækkunarinnar eru verðhækkan-
ir á olíu á heimsmarkaði.
Um tvær vikur eru síðan olíu-
verð hækkaði til muna erlendis og
hefur á þessum tíma hefur það
hækkað um tæp 20 prósent. Félög-
in bíða nú eins lengi og hægt er
með hækkanir bæði vegna auk-
innar samkeppni en einnig vegna
þess að hátt bensínverð á slíkum
háannatíma eins og raunin er nú
getur dregið úr vilja fólks til að
ferðast. ■
Banaslysið við Varmá:
Nafn
hins látna
SLYS Maðurinn sem lést þegar
hann missti stjórn á bifreið sinni
við Varmá á Vesturlandsvegi um
helgina hét Davíð Örn Þorsteins-
son, til heimilis að Fosshóli í
Miðfirði í Vestur-Húnavatnssýslu.
Davíð Örn var 21 árs gamall. ■
“Það er ekki búið að sameina en
það ríkir algjör friður þar á milli.“
Gísli Gunnarsson er sóknarprestur í Glaumbæ og
forseti sveitarstjórnar Skagafjarðar en í sögu
Skagafjarðar er að finna mörg dæmi um deilur
kirkju og veraldlegra yfirvalda.
SPURNING DAGSINS
Gísli, er þá búið að sameina hið
geistlega og veraldlega vald
í Skagafirðinum á ný?
Skip á hafsbotni:
Olían horfin
SKIPSSTRAND Aðeins 86 tonn af tæp-
lega 400 tonnum af dísel- og smurol-
íu sem voru í skipinu Guðrúnu
Gísladóttur
voru dæld
upp úr skip-
inu um
h e l g i n a .
Talið er að
um 300 tonn
hafi lekið í
sjóinn frá
s t r a n d i
hennar við
Lofoten í
Noregi fyrir tveimur árum.
Norska stórþingið hefur ákveð-
ið að skipið fái að liggja á hafs-
botni þar sem það næst ekki upp
þrátt fyrir ítrekaðar tilraunir.
Þetta kemur fram í Lofot Tidende.
Guðrún Gísladóttir sökk í júní
2002 með 365 tonn af díselolíu og
10 tonn af smurolíu. Afli skipsins
var 875 tonn af síldarflökum.
Skipið var í sinni fyrstu ferð. Það
var tryggt hjá TM sem greiddi út
um tvo milljarða í tryggingarfé
fyrir skipið. ■
Skattaskuldir Yukos:
Stjórnvöld
íhuga tilboð
MOSKVA, AP Rússnesk stjórnvöld eru
að íhuga tilboð Yukos um að greiða
568,4 milljarða króna á næstu þrem-
ur árum vegna vangoldinna skatta,
samkvæmt því sem rússneskir fjöl-
miðlar greina frá. Yfirvöld hafa
hingað til ekki sýnt nein merki þess
að ætla þekkjast tilboð sem Mikhaíl
Khodorkovskí, fyrrum fram-
kvæmdastjóri Yukos, hefur sett
fram.
Réttarhöld yfir honum héldu
áfram í dag en hann er ákærður
fyrir skattsvik og á tíu ára fangelsis-
dóm yfir höfði sér verði hann fund-
inn sekur. Greiðslufrestur Yukos
vegna vangoldinna skatta frá árinu
2000 rann út á fimmtudaginn. ■
GUÐRÚN GÍSLADÓTTIR
Þann 19. júní árið 2002
rann skipið afturábak af
strandstað og valt á hlið-
ina og sökk. Það liggur nú
á um 40 metra dýpi.
Fyrrverandi framkvæmdastjóri Tryggingasjóðs lækna:
Fangelsi og svipting réttinda
DÓMSMÁL Héraðsdómur
Reykjavíkur dæmdi í gær
Lárus Halldórsson, fyrrum
framkvæmdastjóra Trygg-
ingasjóðs lækna, til tveggja
og hálfs árs fangelsisvistar
fyrir fjárdrátt og bókhalds-
svik, auk þess sem hann var
sviptur löggildingu til endur-
skoðunarstarfa ævilangt.
Lárus dró sér alls tæplega
75,9 milljónir króna á árun-
um 1992 til 1999 og er í
ákæru sagður hafa með
skipulögðum hætti rangfært
bókhald sjóðsins og árs-
reikninga til að leyna fjár-
drættinum. Honum var gert
að greiða skilanefnd Trygginga-
sjóðs lækna rúmar 47,5 milljónir
króna, en áður hafði Lárus endur-
greitt 27,6 milljónir króna. Þá var
honum einnig gert að bera allan
sakarkostnað, þar með talin
laun skipaðs verjanda síns
upp á hálfa milljón króna.
Lárus játaði fjárdráttinn
og var samvinnufús við
rannsókn málsins, að því er
fram kemur í dómnum, en
hann kallaði sjálfur eftir
opinberri rannsókn. Brot
hans eru talin stórfelld og
brotaviljinn einbeittur.
„Með brotunum var vegið
að mikilvægum fjárhags-
legum hagsmunum sem
ákærða hafði verið trúað
fyrir sem framkvæmda-
stjóra. Ákærði olli með
brotum sínum tjóni sem
ekki hefur fengist bætt nema að
nokkru leyti,“ segir í dómnum.
Þegar mál Lárusar kom upp hafði
hann sinnt starfi sínu fyrir Trygg-
ingasjóð lækna síðan árið 1970. ■
HÉRAÐSDÓMUR REYKJAVÍKUR
Lárus Halldórsson var í gær dæmdur til
fangelsisvistar og endurgreiðslu tugmillj-
óna króna fyrir að hafa dregið sér fé í
starfi sínu sem framkvæmdastjóri
Tryggingasjóðs lækna.
VARNARLIÐIÐ Á MIÐNESHEIÐI
Greinilegur afstöðumunur er milli kynjanna í garð varnarliðsins.
ÞEIR SEM TÓKU AFSTÖÐU
Til burtfarar hersins.
EFTIR KYNJUM
Sáttir ef herinn færi.
EFTIR KYNJUM
Ósáttir ef herinn færi.
Ósáttir ef
herinn færi
Karlar
Konur
Karlar
Konur
Sáttir ef
herinn færi
52,6%
47,4% 46,2%
59,1%
53,8%
40,9%
FISKISKIP VIÐ SVALBARÐA
Framkvæmdastjóri segist ítrekað hafa ósk-
að eftir því að stjórnvöld stefni Norðmönn-
um fyrir alþjóðlega dómstóla.