Fréttablaðið - 13.07.2004, Blaðsíða 25

ÞRIÐJUDAGUR 13. júlí 2004
Hópur lögreglumanna á Indlandi
hefur ákveðið að safna stærðar-
innar yfirvaraskeggi í von um að
komast í hóp sérþjálfaðra lög-
reglumanna sem berjast á móti
glæpum. Lögregluþjónarnir í
Morena, í Madhya Pradesh,
safna nú skeggi og snyrta í von
um að eiga betri möguleika á að
komast í 50 manna hópinn.
Indverska dagblaðið The Indi-
an Express greindi frá því á dög-
unum að stór yfirvaraskegg
glæpamanna skjóta fórnalömb-
um þeirra skelk í bringu. Lög-
reglumennirnir vonast nú til að
áhrifin virki í báðar áttir og að
yfirvaraskegg sín skjóti glæpa-
mönnum skelk í bringu.
„Þessir menn eru vanir því að
fylgjast með vasaþjófum á mót-
orhjólum um bæinn,“ segir yfir-
maður þeirra í viðtali við dag-
blaðið. „Þeir nota líka oft sál-
fræðibrellur á glæpamenn til
þess að halda þeim í skefjum. Þó
svo að byssur og þykk yfirvara-
skegg hafi hingað til verið notuð
af glæpamönnum til þess að líta
ógnandi út, þá er ekkert sem seg-
ir að þessi stríðstækni virki ekki
líka fyrir okkur.“
Hugmyndin þykir það góð að
fleiri lögreglustöðvar hafa
áform um að prófa tæknina. Þá
fá þeir lögregluþjónar sem safna
yfirvaraskeggi sérstaka launa-
uppbót. ■
YFIRVARASKEGG
Samkvæmt indversku pressunni eru karl-
menn með stór yfirvaraskegg, meira ógn-
andi en aðrir.
Löggur safna ógnandi
yfirvaraskeggi
Hópur lögregluþjóna á Indlandi vonast
til þess að mikið yfirvaraskegg virki
ógnandi á glæpamenn.
■ SKRÝTNA FRÉTTIN
Í dag eru liðin 19 ár frá því að
Karl Bretaprins og Díana prins-
essa opnuðu Live Aid tónleikana á
Wembley Stadium í London. Live
Aid voru tónleikar, skipulagðir til
að safna peningum til aðstoðar
hungruðum í Afríku. Þeir héldu
áfram víðs vegar um heiminn,
meðal annars á JFK Stadium í
Philadelfíu og enduðu sem 16
klukkustunda risatónleikar sem
talið er að yfir milljarður áhorf-
enda í 110 ríkjum hafi fylgst með.
Live Aid var hugarfóstur Bob
Geldof, sem þá var söngvari
írskrar hljómsveitar, the
Boomtown Rats. Árið áður hafði
hann ferðast til Eþíópíu, eftir að
hafa fylgst með fréttum þaðan af
hræðilegri hungursneyð, sem þá
hafði lagt hundruð þúsunda og ótt-
ast var að milljónir manna myndu
láta lífið. Eftir að hann snéri aftur
til London, kallaði hann saman
nokkra af helstu tónlistarmönnum
Bretlands og Írlands til að taka
upp smáskífu, Do They Know It’s
Christmas?, til styrktar barátt-
unni gegn hungursneyð í Eþíópíu.
Þetta varð metsölulag í Bretlandi
og smáskífan ein safnaði rúmum
700 milljónum.
Sú smáskífa náði einnig efsta
sæti vinsældalista í Bandaríkjun-
um og varð hvatning fyrir banda-
ríska tónlistarmenn til að koma
saman og syngja We are the
World.
Þar sem hungursneyðin hélt
áfram í Eþíópíu og nágrannarík-
inu Súdan, kom Geldof með hug-
myndina um Live Aid, til að
safna peningum og vekja fólk til
umhugsunar um þá erfiðleika
sem hrjáðu Afríkubúa. Tónleik-
arnir voru skipulagðir á einung-
is tíu vikum, þar sem meira en
75 hljómsveitir og tónlistar-
menn komu fram, þar á meðal
allir helstu tónlistarmenn 9. ára-
tugarins. ■
Við vorum heimurinn
LIVE AID Í PHILADELFÍU
Um 100.000 áhorfendur fylgdust með Live Aid tónleikunum í Philadelfíu og um 70.000
mættu á Wembley.