Fréttablaðið - 29.07.2004, Blaðsíða 2

2 29. júlí 2004 FIMMTUDAGUR
Sýslumaðurinn í Reykjavík fyrirskipaði útburð úr kattahúsinu:
Kattahúsið á Kjalarnesi afhent eiganda
DÝRA Innbú fjölskyldunnar sem
vanrækti 26 ketti sína var fjarlægt
úr leiguhúsnæði hennar á Kjalar-
nesi í gær að beiðni Sýslumannsins
í Reykjavík.
Hreiðar Aðalsteinsson, annar
eigenda hússins, segir það hafa ver-
ið nauðsynlegt að óska eftir útburði
fólksins þar sem uppsögn leigu-
samningsins hafi ekki verið sinnt.
„Það er búið að leigja í þrjú ár hjá
mér og hefur staðið ágætlega í skil-
um varðandi húsaleigu en um-
gengnin hefur verið hræðileg. Það
er ekki hægt að lýsa henni,“ segir
Hreiðar. Hann segir húsið í ágætu
standi en skipta þurfi um gólfefni.
Hann búist ekki við að fá skemmd-
irnar bættar. „Ég hef ekki nokkra
trú á því að ég reyni það einu sinni.
Það er yfirleitt þannig að þegar fólk
leigir út eignir þá lendir svona yfir-
leitt á eigendunum.“
Ekkert hefur spurst til fjöl-
skyldunnar frá því hún yfirgaf hús-
ið að sögn lögreglu sem vaktaði
húsið á meðan á flutningnum stóð.
Þá eru þrettán kattanna, sem for-
ráðamenn Kattholts fengu afhenta
þann 4. júlí og var gert að skila til
eigenda, enn ófundir. Tíu þeirra eru
nú aftur í vörslu Kattholts og þrír
látnir eftir að þeir fundust lokaðir
inni í jappabifreið við húsið.
Innbú fjölskyldunnar var flutt í
búslóðageymslu. ■
Gjaldhækkun kemur
ráðherra í opna skjöldu
Ákvörðun forráðamanna Reykjavíkurhafnar um 184% hækkun vörugjalda á tiltekna flokka
neysluvara kom samgönguráðherra í opna skjöldu. Hann kveðst vonast til að forráðamenn
hafna í landinu gæti hófs í slíkum gjaldtökum.
NEYTENDAMÁL „Þetta kemur mjög
mikið á óvart,“ sagði Sturla Böðv-
arsson samgönguráðherra um þá
ákvörðun forráðamanna Reykja-
víkurhafnar að hækka vörugjöld á
ákveðnum flokkum neysluvara
frá og með 1. júlí síðastliðnum um
184%. Með breytingunni hækkar
gjaldið sem höfnin tekur úr 346
krónum á tonnið í 983 krónur.
Árni Þór Sigurðsson, formaður
Hafnarsambands sveitarfélaga,
sagði að í raun væri um leiðrétt-
ingu á umræddum gjaldflokki að
ræða. Samkvæmt nýjum hafnar-
lögum sem tóku gildi 1. júlí 2003
hefði samgönguráðherra átt að
setja ákveðna viðmiðunargjald-
skrá sem hefði átt að gilda í 12
mánuði þaðan í frá. Eftir 1. júlí á
þessu ári hefði gjaldskráin átt að
vera frjáls.
„Það sem hann gerði þegar
hann gaf út þessa bráðabirgða-
gjaldskrá var að fella niður svo-
kallaðan 4. flokk vörugjalda, sem
var á allar almennar vörur sem
voru fluttar til landsins“ sagði
Árni Þór. „Þetta þýddi gríðarlegan
tekjumissi fyrir Reykjavíkur-
höfn. Við endurvöktum þennan
gjaldflokk eftir 1. júlí síðastliðinn
og settum hann á þær vörur, sem
hann hafði verið á áður. Þar með
hækkar vörugjaldið á allar al-
mennar vörur, sem undir þennan
flokk féllu.“
Bergur Þorleifsson, hafnar-
stjóri Reykjavíkurhafnar, sagði að
samgönguráðherra hefði flutt þær
vörutegundir sem heyrt hefðu und-
ir 4. gjaldflokkinn undir 3. gjald-
flokk, sem hefði kveðið á um miklu
lægra vörugjald. Tekjumissir hafn-
arinnar frá 1. júlí 2003 til 1. júlí
2004 hefði numið 60 milljónum
króna vegna þessara aðgerða, auk
þess sem hún hefði verið rekin með
halla allt frá árinu 2000.
„Í kjölfar lagabreytingarinnar
voru hafnargjöldin hækkuð,“
sagði Sturla Böðvarsson. „Við
töldum að miðað við þær aðstæð-
ur væri eðlilegt að fella niður 4.
gjaldskrárflokk vörugjaldanna.
Það kemur því mjög á óvart að
þeir skuli gera þessa gjaldskrár-
breytingu. En hafnirnar hafa
sjálfdæmi um ákvarðanir á gjald-
tökum sínum, því ábyrgðin á
rekstrinum er þeirra. Með breyt-
ingu á lögunum erum við að gera
hafnirnar sjálfstæðari og ábyrg-
ari, en drögum jafnframt úr ríkis-
framlögum til þeirra. En þessi
ákvörðun hafnarstjórnar Reykja-
víkur er ný tíðindi fyrir mig. Ég
hélt að enginn vissi betur en þeir,
að það var ekki tilgangurinn með
því að gefa gjaldtökur frjálsar, að
þeir gengju fram með ótæpileg-
um hætti með hækkunum. Ég
vona svo sannarlega að þeir gæti
hófs.“
jss@frettabladid.is
„Já. Ég hef einfaldan smekk og vel
aðeins það besta.“
Bryndís Ásmundsdóttir, leikkona og söngkona,
sagði frá því í Fréttablaðinu að verstu kaup hennar
hefðu verið þegar hún fór í verslun Sævars Karls
skömmu eftir að hún eignaðist barn. Þar keypti
hún hitt og þetta sem hún hefur lítið notað síðan.
SPURNING DAGSINS
Bryndís, hefur þú einfaldan smekk?
LÖGREGLAN AÐ STÖRFUM
Umfangsmikið eftirlit verður með umferð á
Vesturlandi um verslunarmannahelgina.
Löggæsla um helgina:
Samvinna á
Vesturlandi
LÖGGÆSLA Lögregluumdæmin á
Vesturlandi koma til með að starfa
saman að umferðaröryggismálum
um verslunarmannahelgina. Í
fréttatilkynningu frá lögreglunni
segir að fleiri lögreglubílar en
venjulega og tvö mótorhjól verði á
ferðinni yfir helgina.
Áhersla verður lögð á sýnilega
löggæslu en einnig verða ómerkt-
ir bílar notaðir til hraðamælinga.
Áhersla verður einnig lögð á að
fylgjast með ljósabúnaði, öryggis-
búnaði og frágangi tengivagna.
Auk lögreglunnar í Borgarnesi
og á Akranesi tekur lögreglan á
Snæfellsnesi, í Dölum, Reykjavík
þátt í starfinu ásamt umferðar-
deild Ríkislögreglustjóra. ■
Frábær tvenna frá OSRAM
Tjaldlukt með
fjarstýringu
Sparpera með
birtuskynjara
BYKO, ELKO, Fjarðarkaup, Rekstrarvörur,
OSRAM perubúðir: Byggt & Búið, Árvirkinn Selfossi,
Geisli Vestmannaeyjum, Lónið Höfn, S.G Egilsstöðum,
Ljósgjafinn Akureyri, Straumur Ísafirði, Glitnir Borgarnesi,
Rafbúð R.Ó Keflavík, Rafbúðin Hafnarfirði,
Jóhann Ólafsson & Co
FR
ÉT
TA
B
LA
Ð
IÐ
/G
VA
■ ÍRAK
DRÁP Á MÚSLIMUM RÉTTLÆTT
Hljóðupptaka sem talin er kom-
in frá íraska hryðjuverkamann-
inum Abu Musab al-Zarqawi
réttlætir dráp á múslimum
þegar nærvera þeirra verndi
heiðingja auk þess sem hótað er
að sjíamúslimum verði hegnt í
hefndarskyni.
UPPÞOT Í RAMADI Tveir starfs-
menn innrásarliðsins í Írak létust
í gær eftir uppþot í borginni
Ramadi í héraðinu Anbar vestur
af Bagdad í gær. Þá neyddu
skotárásir frá óvinaherjum tvær
bandarískar herflugvélar til
neyðarlendingar skammt frá
borginni.
STÓRAUKIN GJALDTAKA
Hafnarstjórn Reykjavíkurhafnar hefur tekið upp aflagðan flokk vörugjalda á almennum
neysluvarningi, sem veldur því að gjöldin hækka um 184%. Hækkunin kom Sturlu
Böðvarssyni samgönguráðherra í opna skjöldu.
UPPGJÖR Hagnaður KB banka verð-
ur á bilinu 4,5 til 7,3 milljarðar
króna á öðrum ársfjórðungi þessa
árs, ef marka má spár greiningar-
deilda. Uppgjör bankans verður
birt í dag.
Hagnaður KB banka fyrstu þrjá
mánuði ársins var 2,6 milljarðar
króna. Landsbankinn spáir 7,3
milljarða hagnaði á tímabilinu apríl
til júní og gangi sú spá eftir verður
hagnaður bankans á fyrri helmingi
ársins tæpir tíu milljarðar króna.
KB banki keypti nýverið danska
bankann FIH fyrir 84 milljarða
króna. Við það tvöfaldast stærð
bankans. FIH bankinn er ekki hluti
af samstæðureikningi KB banka
nú. Í næsta uppgjöri í október mun
stækkunarinnar gæta í reikningum
bankans.
KB banki er eigandi breytan-
legs skuldabréfs í Bakkavör og er
gert ráð fyrir að gengishagnaður á
öðrum ársfjórðungi af því skulda-
bréfi sé á þriðja milljarð króna.
Núverandi markaðsvirði KB
banka er yfir 230 milljarðar króna
og heildareignir bankans yfir 600
milljarðar. Heildar eignir og eigið
fé mun nánast tvöfaldast þegar
danski bankinn kemur inn í reikn-
inga félagsins. ■
Spár um uppgjör KB banka:
Búist við allt að tíu milljörðum
Í ÖRUM VEXTI
Ef spá greiningardeildar Landsbankans gengur eftir, þá verður hagnaður KB banka
á fyrri hluta ársins um tíu milljarðar króna.
SPÁR GREININGARDEILDA UM HAGNAÐ
KB BANKA Á ÖÐRUM ÁRSFJÓRÐUNGI
Landsbankinn 7.348 milljónir
Íslandsbanki 4.441 milljónir
FR
ÉT
TA
B
LA
Ð
IÐ
/G
VA
LÖGRELGUVERND VIÐ HÚSIÐ
Eigandi kattahússins á Kjalarnesi fékk það afhent í gær eftir að Sýslumaðurinn í Reykjavík
hafði gefið leyfi til að húsið yrði tæmt. Fjölskyldan sem bjó í húsinu hefur ekki gist þar frá
því að kastljósið beindist að þeimvegna vanræslu á 26 heimilisköttum.
FR
ÉT
TA
B
LA
Ð
IÐ
/S
TE
FÁ
N
K
AR
LS
SO
N