Fréttablaðið - 29.07.2004, Qupperneq 21
Þeir sem eiga leið í Stykkishólm
ættu ekki að láta hjá líða að skoða
Norska húsið í bænum, sem á sér
langa sögu en þjónar nú sem
Byggðasafn Snæfellinga og
Hnappdæla. Byggðasafnið telst
stofnað árið 1956, þegar Ragnar
Ásgeirsson fór um Snæfellsnes-
og Hnappadalssýslu og hvatti fólk
til að gefa gamla muni til stofnun-
arsafns í sýslunni.
„Sýslunefnd Snæfellinga festi
svo kaup á Norska húsinu árið
1970 með það fyrir augum að þar
yrði aðsetur Byggðasafnsins og
jafnframt að húsið yrði fært til
þess horfs sem það var í þegar
Árni Thorlacius lét reisa það árið
1832,“ segir Aldís Sigurðardóttir,
forstöðumaður safnsins. „Í 172
ára sögu hússins hafa verið gerð-
ar á því róttækar breytingar, eftir
notkun á hverjum tíma, en nú hef-
ur hringnum verið lokað og húsið
er aftur komið í upphaflegan bún-
ing. Við höfum sett upp á miðhæð-
inni heimili heldri manns í þétt-
býli á 19. öld, en heimildir um inn-
bú og heimilishald Árna og Önnu
Thorlacius eru nokkuð góðar. Það
hefur verið reynt að endurgera
heimili þeirra eins og hægt er og
markmiðið er að gestir upplifi
sýninguna sem raunverulegt 19.
aldar heimili þar sem jafnvel er
hægt að ímynda sér að húsráð-
endur hafi brugðið sér frá en geti
birst aftur á hverri stundu.“
Í risi Norska hússins er opin
safngeymsla þar sem gestir geta
upplifað raunverulega háalofts-
stemningu og á jarðhæðinni eru á
sumrin settar upp myndlistasýning-
ar og byggðasafnstengdar sýningar.
„Þar er líka Krambúð hússins
sem selur vandað handverk, list-
muni, minjagripi, gamaldags
nammi, sultur og fleira. Í desem-
ber er svo húsið opnað og þá sett í
jólabúning og skreytt með jóla-
skrauti frá ýmsum tímabilum,“
segir Aldís.
„Nú hefur verið efnt til sam-
keppni um minjagrip sem tengist
sögu hússins og eru vegleg verð-
laun í boði. Skilafrestur er til 25.
ágúst og fólk er hvatt til að taka
þátt. Tillögum á að skila á pappír í
stærðinni A4, en ef um er að ræða
þrívíða hluti þurfa þeir að vera
25x25x25. Við förum svo í það strax
og skilafrestur rennur út að velja
bestu tillögurnar. Svo nú er bara að
drífa sig í Norska húsið í Hólminum
og fá skemmtilegar hugamyndir ,“
segir Aldís að lokum.
edda@frettabladid.is
03FIMMTUDAGUR 29. júlí 2004
!
" #
#$
%
&
'
(
)
%*+)
#!
"
,
'"- -#.
" .
/
"
.
,
/
"
" .
0$1!2
3
34
%-
5 4
+,
/6
5
65
Norska húsið í Stykkishólmi:
Samkeppni um minjagrip
Nú stendur yfir myndlistarsýning Ernu Guðmarsdóttur í Norska húsinu.
Norska húsið í Stykkishólmi hefur gegnt margvíslegu hlutverki
í gegnum tíðina.
Í Krambúðinni er hægt að kaupa sér ýmislegt frá gamalli tíð.
Náttúrufegurð er mikil á Sikiley og sagan við hvert
fótmál.
Beint flug til Sikileyjar
Heimsferðir bjóða nú beint leiguflug til Sikileyjar í
lok september. Á Sikiley er að finna áhugaverða
blöndu af öllu því sem ferðamenn helst óska sér,
einstaka náttúrufegurð, ótrúlegar fornminjar, falleg-
ar byggingar og söfn ásamt áhugaverðri matar-
menningu og blómlegu mannlífi. Hitastigið er nota-
legt í september og hentar bæði til sólbaða og fyrir
þá sem vilja verja tímanum til að skoða eyjuna.
Flogið er til Palermo þar sem dvalið er í þrjár nætur,
en þá er haldið til austurstrandarinnar og dvalið á
ferðamannastaðnum Giardino Naxos í fjórar nætur.
Til Íslands er flogið frá Catania-flugvelli á austur-
ströndinni. Áhugaverðar kynnisferðir eru i boði með
íslenskum fararstjórum. ■
Fjögur kort af
Snæfellsnesinu
Í byrjun þessa árs gaf Reynir Ingibjartsson út sér-
kort og leiðarlýsingu af Inn-Snæfellsnesi. Nú hef-
ur hann bætt um betur og gefið út þrjú önnur kort
af Snæfellsnesi. Mið-Snæfellsnes, Kringum Snæ-
fellsjökul og Snæfellsnes - leiðakort og þjónustu-
skrá. Öll eru kortin seld saman í haganlega gerðu
umslagi. Þrjú kortanna lýsa hvert um sig tiltekinni
hringleið á Snæfellsnesi en þriðja kortið er af nes-
inu í heild og inni á því eru kort af öllum þéttbýlis-
stöðum á svæðinu. Inn á öll kortin eru merktir án-
ingarstaðir með borðum og bekkjum, minnismerki
og skipsströnd, auk þjónustustaða og ógrynna af
örnefnum. Á bakhlið kortanna er auk þess greinar-
góð lesning um svæðið sem þau ná yfir. Eða eins
og Reynir orðar það. „Ég er bara að safna Snæ-
fellsnesinu saman.“ ■
Kortin sem komin eru út af Snæfellsnesinu.