Fréttablaðið - 03.08.2004, Side 48

28 3. ágúst 2004 ÞRIÐJUDAGUR
WHITNEY Í KÍNA
Söngkonan Whitney Houston söng af mik-
illi innlifun á tónleikum í Peking, höfuð-
borg Kína, fyrir skömmu. Tuttugu þúsund
manns hlýddu á Houston sem hefur verið
á tónleikaferð um landið upp á síðkastið.
FRÉTTIR AF FÓLKI
Halle Berry sem nú er önnum kaf-in við að kynna nýjustu mynd
sína, Catwoman, átti ekki mjög fögur
orð um lýtaaðgerðir um helgina. Þá
sagði hún að það að leggjast undir
hnífinn til að virka yngri væri bilun,
þjóðfélagið væri heltekið af fegurð
og ungleik og hún væri afar sorg-
mædd vegna þeirra kvenna sem um-
breyta andliti sínu í leit að því.
Eric Clapton hefur keypt helmings-hlut í versluninni Cordings á
Piccadilly í London.
Verslunin, sem var
stofnsett 1839, sér-
hæfir sig í útivistar-
fötum fyrir heldri
karlmenn, en
vegna breytinga á
nú einnig að fara
að snúa sér að
kvenmannsfötum.
Áhugi Claptons á
versluninni hefur staðið frá því hann
var 16 ára og heillaðist af glugga-
skreytingum verslunarinnar.
Bandaríski dansarinn og kennarinn
Dan Hogan, sem hefur meðal ann-
ars starfað með leikkonunni Jane
Fonda, er mættur hingað til lands til
að njóta Hinsegin daga á Íslandi.
Starfsmenn Baðhússins ákváðu að
nýta sér komu kappans og fá hann
til að kenna eightees dans. „Við höf-
um verið að fá til okkar ýmiss kon-
ar gestakennara til að brydda upp á
skemmtilegum nýjungum og fannst
tilvalið að fá Dan Hogan til að hrista
aðeins upp í stemningunni,“ segir
Sólrún Birgisdóttir framkvæmda-
stjóri íþróttasviðs í Baðhúsinu.
Jane Fonda sá Dan Hogan dansa
í Studio 54 er hann var að hefja fer-
il sinn og réði hann sem kennara til
sín er hún hóf að markaðssetja sín-
ar margrómuðu leikfimisæfingar
fyrir almenning. „Dan Hogan byrj-
aði í algjöru gríni að endurvekja
eighties stemninguna í leikfimisæf-
ingunum og kennir nú gömlu, góðu
sporin sem Jane Fonda var upphafs-
maður að,“ segir Sólrún en Dan
Hogan hefur það nú að hliðarstarfi
að kenna ekta flash dans víða um
heim. Hann kemur hingað til lands
frá Svíþjóð og heldur til Frakklands
að Íslandsdvölinni lokinni.
Dan mætir með eighties spólurnar
sínar í leikfimitímana sem verða í
Sporthúsinu á morgun klukkan 18.25
og í Baðhúsinu á sama tíma á fimmtu-
daginn. „Dan Hogan þykir ákaflega
skemmtilegur og að fara í tíma til
hans er nánast eins og að verða vitni
að uppistandi. Það er öllum velkomið
að taka þátt í tímunum en hann hvet-
ur alla eindregið til að mæta með
legghlífar og svitabönd á svæðið og
fara þannig alla leið í húmornum.“ ■
Íslandsvinurinn Ian Brown kom
aðdáendum sínum á óvart á
sunnudagskvöldið þegar hann
kom fram á tónleikum í
Claremont Lanscape Garden í
suðausturhluta Englands. Þar
spilaði kappinn nefnilega nánast
einungis lög eftir fyrrum hljóm-
sveit sína Stone Roses.
Ian Brown er nú við tökur á
fjórðu sólóplötu sinni sem kemur
út í lok ársins. Til þess að ná lög-
unum sem best ákvað Brown að
ráða til sín tökulagasveitina Fools
Gold, sem sérhæfir sig í því að
spila lög eftir Stone Roses á tón-
leikum.
Brown spilaði lög Stone Roses
í heilan klukkutíma og á dag-
skránni voru m.a. I Wanna Be
Adored, Fools Gold, Waterfall og
Made of Stone. Brown hefur
ekki leikið mörg laganna síðan
sveitin missti buxurnar á hæl-
ana á Reading tónleikahátíðinni
árið 1996.
Þeir aðdáendur Stone Roses
sem ekki höfðu aldur til þess að
sjá sveitina áður en hún hætti
urðu sérstaklega ánægðir með
uppátæki Brown. Sem uppklapp
tók Brown svo slagara af sóló-
ferli sínum, eins og My Star og
F.E.A.R. ■
DAN HOGAN
Hóf feril sinn með leikkonunni Jane Fonda en hún kom auga á dansarann í Studio 54.
■ DANS
STONE ROSES
Er greinilega byrjaður að líta aðeins um öxl, annað slagið.
■ TÓNLIST
Ian Brown rifjar upp Stone Roses
Jane Fonda kennari í Baðhúsinu
FR
ÉT
TA
B
LA
Ð
IÐ
/P
ÁL
L