Fréttablaðið - 08.08.2004, Blaðsíða 16
16 8. ágúst 2004 SUNNUDAGUR
Skólasetning
Nemendur mæti í skólann mánudaginn 23. ágúst sem hér segir:
2. bekkur kl. 9:30 við aðalinnganginn í yngri deild
3. bekkur kl. 10:00 við aðalinnganginn í yngri deild
4. bekkur kl. 10:30 við aðalinnganginn í yngri deild
5. bekkur kl. 11:00 við aðalinnganginn í yngri deild
6. bekkur kl. 11:30 við aðalinnganginn í yngri deild
7. bekkur kl. 12:00 á sal eldri deildar
8. bekkur kl. 12:30 á sal eldri deildar
9. bekkur kl. 13:00 á sal eldri deildar
10. bekkur kl. 13:30 á sal eldri deildar
Skólasetning
Nemendur mæti í sal skólans mánudaginn 23. ágúst sem hér segir:
2. bekkur kl. 09:30
3. bekkur kl. 10:00
4. bekkur kl. 10:30
5. bekkur kl. 11:00
6. og 7. bekkur kl. 11:30
8. og 9. bekkur kl. 12:00
Nemendur 1. bekkja verða boðaðir bréflega til viðtals við umsjónarkennara mánudaginn 23. ágúst og
þriðjudaginn 24. ágúst.
Kennsla hefst samkvæmt stundaskrá þriðjudaginn 24. ágúst hjá nemendum í 2. – 10. bekk en miðvikudaginn
25. ágúst hjá nemendum í 1. bekk.
Starfsmenn Lágafellsskóla mæti til starfa mánudaginn 16. ágúst og hefst starfsmannafundur í sal skólans kl.
08:30.
Starfsmenn Varmárskóla mæti til starfa mánudaginn 16. ágúst í hátíðarsal yngri deildar Varmárskóla kl.0 8:30.
Skrifstofur skólanna eru opnar frá 08:00 – 16:00.
Grunnskólafulltrúi
SKÓLASKRIFSTOFA MOSFELLSBÆJAR
Ólympíuleikarnir verða settir í
Aþenu á Grikklandi síðdegis á
föstudag, 108 árum eftir að leikarn-
ir voru endurvaktir þar í borg.
Mörgum var til efs að Aþening-
um væri treystandi til að halda
heimsviðburð á borð við ólympíu-
leika og ekki síst þess vegna hafn-
aði Alþjóða ólympíunefndin um-
sókn borgarinnar um mótshaldið
árið 1996, á aldarafmæli seinni
tíma leikanna. Síðar þótti umsókn
Aþenu sannfærandi og hafa borg-
aryfirvöld og landsstjórnin kapp-
kostað að sýna og sanna fyrir um-
heiminum að Grikkjum sé vel
treystandi til að halda leikana.
Grikkland er er fámennasta landið
til að halda ólympíuleikana sem að
þessu sinni eru þeir stærstu í sög-
unni og taka 202 þjóðir þátt að
þessu sinnu. Yfir tíu þúsund þátt-
takendur eru skráðir til leiks í
meira en 300 keppnisgreinum.
Þjálfarar, fararstjórar, aðstoðar-
fólk, áhorfendur og fjölmiðlafólk
skipta sömuleiðis þúsundum. Það
segir sig því sjálft að þó að straum-
ur ferðamanna til Aþenu sé jafnan
stríður setja leikarnir allt daglegt
líf í borginni úr skorðum.
Fyrir aðeins fáum vikum var
undirbúningi leikanna lýst sem
grískum harmleik og margir efuð-
ust um að sú uppbygging borgar-
innar sem nauðsynleg var til að
leikarnir færu snurðulaust fram
yrði lokið tímanlega. Á síðustu
árum hefur Aþena tekið miklum
breytingum. Fjármagni frá Evrópu-
sambandinu hefur verið ausið til
uppbyggingar mannvirkja sem
annars hefðu aldrei verið byggð.
Gatnakerfi borgarinnar hefur
verið tekin í gegn auk byggingar
neðanjarðarlestarkerfis. Nú hefur
trú manna á Aþenu aftur vaxið og
miðasala hefur aukist til muna.
Þann fimmta ágúst var slegið met í
miðasölu á einum degi og allt útlit
er fyrir að skipuleggjendur leik-
anna verði búnir að gera borgina
reiðubúna þegar leikarnir hefjast.
Um þessar mundir er talað um að
leikarnir geti hæglega orðið þeir
bestu í sögunni og að opnunaratrið-
ið verði það rosalegasta sem
heimsbyggðin hefur séð.
Hryðjuverkaógnin
Heimurinn hefur gjörbreyst
síðan ólympíuleikar voru síðast
haldnir. Hryðjuverkamenn réðust
á Bandaríkin fyrir þremur árum og
stríðið gegn hryðjuverkum hófst af
þeim þunga sem kunnur er. Af
þeim sökum eru kröfurnar um ör-
yggisgæslu á ólympíuleikum aðrar
og meiri en áður hafa þekkst og
bættist þar við nýtt vandamál fyrir
mótshaldara. Með hjálp annarra
ríkja hefur tekist að búa svo um
hnútana að óhætt þykir að halda
leikana í Aþenu.
Kostnaður við öryggisgæslu á
leikunum er þrisvar sinnum hærri
en kostnaðurinn á ólympíuleikun-
um í Sydney fyrir fjórum árum.
Settir hafa verið upp sex eldflauga-
skotpallar sem eiga að standa vörð
um himininn fyrir ofan borgina
meðan á leikunum stendur. Alllur
Miðjarðarhafsfloti NATO mun
standa gæsluna á leikunum. 400
amerískir sérsveitarmenn verða á
svæðinu undir mekjum NATO.
Zeppelin-loftfar og þyrlur munu
vakta borgina úr lofti. Samkvæmt
skoðanakönnun í tímaritinu Time
telja um 32% Evrópubúa að al-
Kaída muni fremja hryðjuverk í
Grikklandi meðan á leikunum
stendur. Hryðjuverkaógnin er ein-
nig innlend því grísk byltingarsinn-
uð hryðjuverkasamtök hafa birt til-
kynningu í dagblaði þar sem vest-
rænum gestum á ólympíuleikunum
er hótað öllu illlu ef þeir láta sjá sig
í landinu. Hryðjuverkaógnin er ein
af ástæðunum fyrir því að miðasala
á leikana hefur verið slök hingað til
þó hún sé óðum að taka við sér.
Fyrr á árinu urðum við vitni að
hryðjuverkaárás á Spáni sem
framin var til að koma sitjandi rík-
isstjórn José Maria Aznars frá
völdum eftir að hún hafði stutt
Bandaríkin í stríðinu gegn Írak.
Bent hefur verið á spænska dæmið
sem víti til varnaðar. Í Aþenu er
miklu meira í húfi þar sem um er
að ræða stærstu íþróttauppákomu
sem haldin er og athygli heims-
byggðarinnar beinist að landinu í
þær tvær vikur sem leikarnir
standa yfir. Interpol og bandaríska
leyniþjónustan segjast hins vegar
ekki hafa komist á snoðir um að
nein hryðjuverkaárás sé í aðsigi.
Vændisumræðan
Vændi er löglegt í Grikklandi,
ákveðið mörg vændishús fá leyfi
frá yfirvöldum til að halda úti
starfsemi sinni. Hins vegar er ein-
nig mikið um ólöglegt vændi sem
er aðallega stundað af konum frá
fátækum nágrannalöndum sem
flykkjast til landsins nauðugar vilj-
ugar til að ná sér í aur eða eru gerð-
ar út af glæpasamtökum.
Athygli vakti þegar kröfur um
fjölgun atvinnuleyfa vændiskvenna
komu upp á yfirborðið á síðasta ári
og í nokkra daga snérust umræður
um ólympíuleikana einvörðungu
um vændi. Gríska ríkisstjórnin
velti því fyrir sér á liðnu ári að
fjölga löglegum vændishúsum í
borginni úr 200 í 230. Hugmynd
grísku stjórnarinnar átti að beinast
gegn ólöglegu vændi í landinu
meðan á leikunum stæði.
Ólöglegt vændi var mjög útbreitt
á ólympíuleikunum í Sydney fyrir
fjórum árum. Talið var að um 10.000
manns hafi þar selt um 150.000 við-
skiptavinum blíðu sína dag hvern.
Sjö lönd í norðanverðri álfunni
brugðust ókvæða við hugmynd
grísku ríkisstjórnarinnar, Ísland var
eitt þeirra. Íslenskir femínistar
komust í heimspressuna þegar þeir
lýstu því yfir að hugmyndin gengi
gegn anda ólympíuleikanna.
Ásamt því að gefa út þrjátíu
fleiri leyfi til löglegs vændis hefur
gríska ríkisstjórnin brugðist við
með því að gera varúðarráðstafan-
ir gegn því að erlendir aðilar gætu
komið sér inn í landið til að stunda
vændi. Gríska ríkisstjórnin hefur
hins vegar verið undir smásjánni
hjá bandarískum stjórnvöldum
upp á síðkastið fyrir að hafa ekki
staðið sig nógu vel í fyrirbyggjandi
aðgerðum gegn ólöglegu vændi. ■
Stuðst var við: bbc.com, EL País,
Guardian.com, The Economist
bjorn@frettabladid.is - ingi@frettabladid.is
Frá Aþenu til Aþenu á 108 árum:
Ólympíueldurinn kominn heim
AKRÓPÓLISHÆÐ
Frægar fornminjar eru í Aþenu sem
fyllist nú af gestum og fjölmiðlamönnum.
ENDURUPPBYGGING
Fornöld og nútíðin. Aþeningar hafa þurft að reisa mikil íþróttamannvirki á síðustu árum til að
halda leikana. Ljósmynd tekin úr loftfarinu sem mun taka þátt í öryggisgæslu meðan á
leikunum stendur.
Grikkland stendur syðst á
Balkanskaga og er umlukið sjó á
þrjá vegu. Í norðri liggja landa-
mæri þess að Albaníu, Make-
dóníu, Búlgaríu og Tyrklandi.
Íbúar eru um ellefu milljónir og
þar af búa nærri fjórar milljónir
í höfuðborginni Aþenu og ná-
grenni hennar. Landið er heldur
stærra en Ísland en auk megin-
landsins heyra til þess um tvö
þúsund eyjar sem fæstar eru í
byggð. Grikkland er fjalllent en
hæsta og þekktasta fjallið er
Ólympos sem er tæpra þrjú
≠þúsund metra hátt. Goðafræðin
hermir að þar séu heimkynni
guðanna. ■
Staðhættir Grikklands
SVISSNESKT LOFTFAR YFIR AÞENU
Loftfarið er búið þó nokkrum öryggismyndavélum til að fylgjast með borginni úr lofti.
Öryggisgæslan við þessa leika er meiri en nokkru sinni áður.