Fréttablaðið - 18.07.2004, Blaðsíða 2
2 18. júlí 2004 SUNNUDAGUR
Lögreglan fer fram á framlengingu á gæsluvarðhaldi:
Leitað að Sri á völdum stöðum
MANNSHVARF Leitað er að Sri Rahma-
wati, 33 ára gamalli konu sem saknað
hefur í tæpar tvær vikur, á völdum
stöðum aðallega norðan og austan við
Reykjavík að sögn Sigurbjörns Víðis
Eggertssonar, aðstoðaryfirlögreglu-
þjóns í Reykjavík.
Fyrrum sambýlismaður Sri situr
enn í gæsluvarðhaldi grunaður um að
eiga aðild að hvarfi hennar. Gæslu-
varðhaldsúrskurður yfir honum renn-
ur út á miðvikudag og gerir Sigur-
björn Víðir ráð fyrir að farið verði
fram á framlengingu úrskurðarins.
Beðið er eftir niðurstöðum erfða-
efnisrannsóknar á blóði sem fannst á
heimili og í bíl mannsins. Rannsóknin
fer fram í Noregi og eru þær vænt-
anlegar í næstu viku. Nokkur töf
hefur orðið á því að niðurstöðurnar
skiluðu sér og kemur það til vegna
sumarfría að sögn Sigurbjörns Víðis.
Þá hefur lögregla rannsakað för
eftir jeppadekk, sambærileg dekkj-
um bíls mannsins, við námu eina í ná-
grenni borgarinnar. Fjöldi fólks
hefur verið yfirheyrður vegna máls-
ins og telur Sigurbjörn Víðir að því
miði í rétta átt.
Ekki hefur ennþá verið lýst eftir
Sri. „Við mátum það svo að það hefði
ekkert upp á sig,“ segir Hörður
Jóhannesson yfirlögreglustjóri. „Það
lá strax fyrir að eitthvað hefði gerst
þarna og mönnum fannst ekki líklegt
að hún væri á ferðinni.“ ■
Upplausn ríkir í
heimastjórninni
Forsætisráðherra Palestínu sagði af sér embætti en Jasser Arafat kvaðst
ekki taka mark á afsögninni. Hart er deilt um uppbyggingu öryggis-
sveita heimastjórnarinnar og undir hvern þær skuli heyra.
PALESTÍNA, AP Palestínska heima-
stjórnin er í upplausn vegna deil-
na um öryggismál og spillingu.
Ahmed Qureia, forsætisráðh-
erra í palestínsku heimastjórn-
inni, sendi Jasser Arafat Palest-
ínuforseta afsagnarbeiðni í gær-
morgun en Arafat neitaði að taka
hana gilda. Qureia sagði ráðherr-
um sínum hins vegar að hann ætl-
aði sér að standa fastur á afsögn
sinni.
Ástæðan fyrir afsögn Qureia
er að stærstum hluta óánægja
með það hvernig öryggismálum
er háttað í Palestínu. Arafat hefur
haft öll völd á því sviði í hendi
sinni og hefur það fallið í grýttan
jarðveg, hvort tveggja hjá Palest-
ínumönnum og erlendis. Skipulag
öryggissveita hefur þótt flókið og
öryggissveitirnar hafa litlum ár-
angri náð.
Fleiri ástæður eru þó fyrir af-
sögn Qureia. Honum hefur gengið
illa að berjast gegn spillingu og er
sagður afar ósáttur við að ekkert
hefur gengið að koma friðarferl-
inu af stað á nýjan leik. Ísraelar
hafa sagt að meðan Arafat sé ráð-
andi aðili í Palestínu hafi þeir eng-
an til að semja
við.
Ö r y g g i s m á l
eru í brennidepli
eftir mannrán á
Gazasvæðinu í
fyrradag. Mann-
ránin þykja hafa
sýnt fram á veik-
leika í öryggis-
málum og lýsti
heimastjórnin yfir neyðarástandi
á fundi sínum í gær.
Rúmt ár er síðan staða forsæt-
isráðherra var tekin upp í palest-
ínsku heimastjórninni. Fyrsti
maðurinn til að gegna henni var
Mahmoud Abbas sem sagði upp
eftir fjóra mánuði vegna ósættis
við Arafat. Qureia tók við af hon-
um í september í fyrra.
Arafat samþykkti í gær að
endurskipuleggja palestínskar
öryggissveitir. Á annan tug ör-
yggissveita verða nú sameinaðar
í þrjár stofnanir sem verða eftir
sem áður undir stjórn Arafats. Al
Aqsa píslarvættasveitirnar
gagnrýndu hins vegar að breyt-
ingarnar tækju ekki á spillingu
sem er mikil innan palestínsku
heimastjórnarinnar og stofnana
hennar.
Arafat skipaði í tvær stöður
sem stóðu auðar eftir afsagnir. Í
aðra þeirra valdist frændi hans,
Moussa Arafat, fyrrum yfirmað-
ur leyniþjónustunnar sem hefur
verið sakaður um spillingu. ■
Tíu ára drengur:
Bjargað úr
sjálfheldu
LÖGREGLUMÁL Tíu ára dreng var bjarg-
að úr sjálfheldu í klettum fyrir ofan
Ölfusborgir um hádegisbil í gær.
Hjálparsveit skáta í Hveragerði var
kölluð út en þegar þeir komu á stað-
inn voru tveir sumarhúsagestir
komnir til drengsins og voru að
hjálpa honum niður. Sumarhúsagest-
unum tókst að bjarga drengnum með
smávægilegri aðstoð frá björgunar-
sveitarmönnum.
Atvik sem slík eru nær árlegur
viðburður og vilja björgunarsveit-
armenn beina þeim tilmælum til
foreldra að varúðar sé gætt þegar
börn eru við leik í klettum og stór-
grýti. ■
,,Mann-
ránin þykja
hafa sýnt
fram á
veikleika í
öryggismál-
um
Þá þyrftu fleiri en Hannes Hólm-
steinn að skora á mig. Ef það yrðu
fleiri er aldrei að vita.
Ólafur Hannibalsson hefur átt í ritdeilu við Hann-
es Hólmstein Gissurarson á síðum Morgunblaðs-
ins. Hannes hefur sagt Ólaf verklatan og sagði
gott að hafa slíka menn á þingi í grein með fyrir-
sögninni „Ólaf Hannibalsson á þing“.
SPURNING DAGSINS
Ólafur, ætlarðu að taka áskoruninni?
RANNSÓKN
Lögregla hefur rannsakað íbúð manns sem
situr í gæsluvarðhaldi grunaður um að
eiga aðild að hvarfi fyrrum sambýliskonu
sinnar. Í gær höfðu borðar lögreglunnar
verið teknir niður.
Þrengslavegamót:
Þriggja bíla
árekstur
LÖGREGLUMÁL Þriggja bíla árekstur
varð við Þrengslavegamót í Svína-
hrauni rétt eftir hádegið í gær. Einn
bílanna hafnaði utan vegar og valt í
kjölfarið. Ein kona var flutt með
sjúkrabíl til Reykjavíkur en hún
var þó ekki talin alvarlega slösuð.
Tildrög slyssins voru þau að ekið
var aftan á kyrrstæða bíl auk þess
sem bíllinn sem á eftir kom lenti
einnig aftan á hinum tveimur. ■ QUREIA Á FÖRUM
Ahmed Qureia heldur á brott eftir að hafa tilkynnt ráðherrum sínum að hann hafi sent
Jasser Arafat afsagnarbeiðni sína.
VARNARLIÐIÐ „Það er mjög hvimleitt
að þurfa að standa í þessum stöð-
ugu innheimtumálum,“ segir
Kristján Gunnarsson, formaður
Verkalýðs- og sjómannafélags
Keflavíkur.
Eins og greint var frá í Frétta-
blaðinu í gær eru tugir lögsókna í
undirbúningi vegna kjarasamn-
ingsbrota varnarliðsins auk þess
sem fjórtán stefnur hafa þegar
verið sendar utanríkisráðherra
undanfarnar vikur. Íslendingar
geta ekki lögsótt varnarliðið beint
og því eru málin sótt gegn ráðh-
erra að sögn Kristjáns.
Einn dómur hefur þegar fallið
starfsmanni varnarliðsins í hag að
sögn Kristjáns. „Við héldum að við
gætum rekið það mál sem ein-
hvers konar prófmál þannig að við
gætum farið í innheimtu fyrir alla
aðra starfsmenn. Því er ekki að
dreifa heldur eru skilaboðin sú að
fara þurfi með hvern einasta
starfsmann í dómsmál til að ná
þessu inn. Það er náttúrlega skelfi-
leg staða,“ segir Kristján og bætir
við að önnur stefna sé nú í undir-
búningi fyrir sama starfsmann og
dæmt var í hag.
Friðþór Eydal, upplýsingafull-
trúi varnarliðsins, og Gunnar
Snorri Gunnarsson, ráðuneytis-
stjóri utanríkisráðuneytisins, vildu
hvorugur tjá sig um málið. ■
Kjarasamningsbrot varnarliðsins:
Ný stefna fyrir sama starfsmann
VARNARLIÐIÐ KEFLAVÍKURFLUGVELLI
Þegar hefur verið dæmt einum starfsmanni í hag vegna kjarasamningsbrota varnarliðsins.
Torfærukeppni:
Bílarnir úr
tollinum
TOLLAMÁL Allt leit út fyrir að blása
þyrfti torfærukeppni af vegna
tolla- og tryggingarmála í gær.
Mótshaldarar höfðu gefið upp alla
von þegar óvæntur liðsauki barst
og Árni Sigfússon bæjarstjóri
Reykjanesbæjar fór að vinna í
málinu. Það var síðan seint á
föstudeginum sem samþykkt var
að leysa bílana út úr tollinum með
hjálp Geirs Haarde, fjármálaráð-
herra og Sparisjóðsstjórans í
Keflavík en tollayfirvöld í
Reykjavík höfðu áður sett upp
háar tryggingafjárhæðir vegna
bílanna. Fyrri keppnisdagurinn
var við Stapafell í gær en lokaum-
ferðin verður á Hellu í dag. ■
Húsráðandi í austurbænum:
Stakk gest í
kviðinn
LÖGREGLUMÁL Kona stakk gest á
heimili sínu í austurbæ Reykja-
víkur með hnífi er lögregla var að
vísa gestum út úr íbúðinni í gær-
morgun. Hafði konan óskað eftir
aðstoð lögreglu við að koma fólki
sem gestkomandi var á heimili
hennar þaðan út en eftir að lög-
regla kom á staðinn greip hún hníf
og stakk einn gestanna í kviðinn.
Áverkar mannsins eru minni
en virtust í fyrstu en hann dvelur
ennþá á sjúkrahúsi. Konunni var
sleppt eftir yfirheyrslur í gær og
telst málið upplýst. ■
KASTAÐIST ÚT ÚR BÍL Betur fór
en á horfðist þegar ökumaður
kastaðist út úr bíl sínum nærri
Grundarfirði snemma í gær-
morgun. Ökumaðurinn missti
stjórn á bílnum með þeim afleið-
ingum að hann hafnaði utan veg-
ar og valt. Ökumaðurinn slapp lít-
ið meiddur og er grunaður um
ölvun við akstur.
KEYRÐI Á LJÓSASTAUR Ökumaður
slapp ómeiddur þegar bifreið
hans hafnaði á ljósastaur á Höfn í
Hornafirði í fyrrinótt. Bifreiðin
skemmdist lítið.
Á HRAÐFERÐ Fjöldi ökumanna
var stöðvaður fyrir of hraðan
akstur um vegi landsins í gær.
Lögreglan í Hafnarfirði stöðvaði
ungan ökumann sem ók Hafnarf-
jarðarveg á 120 kílómetra hraða.
Lögreglan á Dalvík stöðvaði fjóra
ökumenn sem óku of hratt og lög-
reglan á Egilsstöðum fimmtán.
FÓTBROTNAÐI Í HEITUM POTTI
Fótbrotin kona var flutt með
sjúkraflugi til Reykjavíkur eftir
óhapp í heitum potti í Hörgshlíð í
Mjóafirði. Konan var flutt með
sjúkrabíl á sjúkrahúsið á Ísafirði
þaðan sem hún var flutt til Reyk-
javíkur. ■
■ LÖGREGLUFRÉTTIR
■ LÖGREGLUFRÉTTIR
HANDLEGGSBROTNAÐI Á BIFHJÓLI
Ungur maður var fluttur á slysa-
deild Landspítala eftir óhapp á
mótorkrossbraut við Selfoss í gær.
Maðurinn var við æfingar á bif-
hjóli sínu er slysið varð. Maðurinn
er handleggsbrotinn.
FJÖGURRA BÍLA ÁREKSTUR Fjög-
urra bíla árekstur varð í Hvera-
dalabrekku á Hellisheiði um
klukkan hálfþrjú í gærdag. Engin
slys urðu á fólki en bílarnir
skemmdust nokkuð. ■
FR
ÉT
TA
B
LA
Ð
IÐ
/T
EI
TU
R
02-03 17.7.2004 22:14 Page 2