Fréttablaðið - 18.07.2004, Blaðsíða 25

SUNNUDAGUR 18. júlí 2004 17
Hlí›asmára 15 • Sími 535 2100
Ka
na
rí
34.742 kr.
á mann miðað við 2 fullorðna og 2 börn, 2ja-11 ára.*
47.430 kr. á mann ef 2 ferðast saman. Innifalið: Flug, gisting á Paraiso Maspalomas í 7 nætur 5. eða 12. janúar.
10.000 kr. bókunarafsláttur
í fyrstu 300 sætin. Gildir í ferðir 5. janúar - 7. apríl.

* Innifalinn 10.000 kr.
bókunarafsláttur af fyrstu
300 sætunum ef bókað er
og staðfest fyrir 10. ágúst.
Takmarkaður fjöldi sæta
í hverri ferð.
Netver› frá
Í boði eru okkar allra vinsælustu gististaðir:
Rouque Nublo, Las Orkideas og Hótel Neptuno.
Ennfremur glæsilegar nýjungar
á borð við Amazonas, Beverly Park og Paraiso
Maspalomas. Allt frábærir gistimöguleikar á
besta stað á Ensku ströndinni.
Bókaðu strax besta verðið!
Frá
bæ
r t
ilb
oð

í a
lla
n v
etu
r!
Breska leikritaskáldið Harold
Pinter hefur í nýlegu viðtali lýst
yfir harmi vegna ósamkomulags
við son sinn en feðgarnir hafa
ekki talast við í ellefu ár. Pinter
eignaðist soninn Daniel með
leikkonunni Vivien Merchant
árið 1958. Daniel, sem var hænd-
ur að föður sínum, sýndi mikla
hæfileika á skáldskaparsviðinu
strax sem unglingur. Hjónaband
foreldra hans leystist upp árið
1975 þegar Pinter kynntist
Antoniu Fraser sem var gift
þingmanni Íhaldsflokksins. Pint-
er giftist Fraser og sjö árum
seinna lést Merchant, þá orðinn
áfengissjúklingur. Daniel Pinter
fór í nám til Oxford og þótti af-
burðanámsmaður en fékk alvar-
legt taugaáfall og gerðist eftir
það einsetumaður í sveit nálægt
Cambridge.
Pinter er nú 73 ára gamall og
segist þurfa að lifa við þá erfiðu
staðreynd að sonur sinn vilji ekki
tala við sig. „Ég held að hann
kunni ekki við mig,“ segir Pinter.
Hann á sex stjúpbörn með
Antoniu Fraser og hjónaband
þeirra hefur fært honum mikla
gæfu. Fraser er kunn fyrir afar
góðar ævisögur, þar á meðal um
drottningarnar Marie Antoinette
og Maríu Stúart. Pinter er senni-
lega þekktasta núlifandi leikrita-
skáld Breta. Hann er mjög póli-
tískur og er harður andstæður
Tony Blairs sem hann kallar
stríðsglæpamann. ■
Pinter saknar
sonar síns
HAROLD PINTER
Sonur hans hefur ekki talað við hann í
ellefu ár.
Slappir Fálkar
en ferskur Nói
Breskir kvikmyndagagnrýnendur
hafa greinilega verið að dunda sér
við það í sumar að skoða íslenskar
bíómyndir og því hefur Íslendingum
gefist kostur á að kynnast því með
hvaða augum Bretar líta íslenska
kvikmyndagerð en á dögunum birti
The Sunday Times stuttar umsagnir
um Fálka Friðriks Þórs Friðriksson-
ar og Nóa albínóa eftir Dag Kára. Þá
gefur kvikmyndatímaritið Empire
einnig Fálkum gaum í nýútkomnu
ágústhefti sínu.
Fálkar virðast ekki gera mikla
lukku en Sunday Times gefur henni
eina stjörnu og segir Friðriki Þór
ekki takast að gera áhugaverða
mynd um þvæling útlendings um
Ísland að þessu sinni. Það hafi
honum tekist miklu betur að gera í
Cold Fever frá árinu 1995. Sögu-
þráður myndarinnar er síðan rakinn
í stuttu máli og það látið fylgja með
að litlu breyti þó ráða megi merk-
ingu úr myndinni sem dæmisögu því
það sem gerist á tjaldinu sé ótrú-
verðugt og nái ekki að fanga hugann.
Empire gefur Fálkum tvær stjörn-
ur en er að öðru leyti á svipuðum
nótum og Sunday Times. Þar segir að
myndina skorti þann sérkennilega
húmor sem einkenndi Cold Fever.
Fálkar taki sig allt of alvarlega og
smá sletta af kaldhæðni hefði getað
breytt miklu til hins betra. Þá þykja
leikararnir ekki sýna nein sérstök til-
þrif og Keith Carradine er sagður
sérstaklega stefnulaus. Það er því
ekki hægt að fá samúð með aðal-
persónunum og því standi áhorfand-
anum á sama hver örlög þeirra verða.
Nói albínói fær hins vegar fjór-
ar stjörnur hjá Sunday Times og
hann þykir býsna ferskur. Annars
hefur gagnrýnandi blaðsins ekki
mörg orð um Nóa og dómurinn er
í símskeytastíl:
„Hæg, sérviskuleg mynd um
sköllóttan albínóa (fábjána eða séní?)
í afskekktum firði. Á í vandræðum
með pabba sinn. Og stelpu. Gaman-
mynd, að því er virðist. Mjög íslensk.
Eftir að hafa velkst um í þeirri hálf-
velgju og loðmullu sem einkennir
kvikmyndagerð samtímans er þessi
mynd ferskur snjór framan í mann.“
■
FRIÐRIK ÞÓR FRIÐRIKSSON
Fálkarnir hans höfða ekki til breskra gagn-
rýnenda sem finnst vanta húmorinn sem
einkenndi Cold Fever í myndina.
NÓI ALBÍNÓI
Er fjögurra stjörnu ferskur snjóbolti framan
í þreyttan gagnrýnanda The Sunday Times.
16-25 (16-17) Helgin 17.7.2004 21:34 Page 3